JeffTCN的個人專頁

之前係社交平台見好多人介紹Daap，今日決定同朋友試試呢間。Daap採用open kitchen，基本上得一個主廚對十個客人，但上菜速度都算快。餐廳set lunch價錢範圍由$188至$240，從餐牌睇得出主廚無窮無盡既創意，例如辣菜脯日本蠔仔肉鬆意大利飯，主廚將香港特色食材融入係西式菜式，從而結合出層次豐富既口感👍🏻- 冰菜皮蛋鹹檸檬甜酸汁冰菜非常爽脆，配上creamy既皮蛋加上鹹檸檬甜酸汁，整體味道酸甜清爽，非常開胃。- 烤栗子湯配香煎羊肚菌栗子湯質感非常滑溜，味道濃郁，遠處都聞到栗子既堅果香味。羊肚菌煎過所以外皮有少少香口，after taste帶少少回甘可以中和到栗子湯。- 脆皮三黃雞卷配芝麻人參汁一共有四件雞卷，份量足夠。外皮非常香脆，雞肉超級嫩滑多汁，雞件下面嘅蔬菜都稍為煎過，配上芝麻汁非常惹味。正式宣佈雞肉同芝麻醬係最完美配搭🙌🏻- 慢煮黑毛豬黑松露印度長米焗飯用印度長米作為飯底別有一番風味，飯粒乾身煙韌，肉質軟稔既黑毛豬上面放上燶邊太陽蛋，半熟旣蛋黃同黑毛豬完美融合，創造出獨特既風味。 菜式賣相令我諗起食神嘅黯然叉燒飯。食材普通，但味道超出色，每款食材都好夾👍🏻平民價錢都可以食到咁高質嘅西餐，真係無咩挑剔😍…查看更多

韓國餐廳喺尖沙咀特別多，近排有一間新嘅韓國餐廳，餐廳有一個2人套餐叫姨媽套餐，包括1個湯品、3個主食、12個配菜同白飯，非常豐富。主食選擇有20款咁多，湯品都有8款👏🏻上菜時侯非常誇張，餐廳將所有食物放係大木板上面，然後職員迅速將木板放係餐枱上面，枱面好似韓劇入面既韓式宮廷宴，食客可以一次過品嚐到不同韓式料理😋12道配菜包括紫菜、泡菜、大豆芽、炒粉絲、豆腐、菠菜、茄子等等，配菜日日都唔同配搭。- 海鮮嫩豆腐鍋味道微辣，湯頭充滿各種海鮮既鮮甜精華，海鮮包括青囗、蜆同蝦。另外豆腐真係好滑嫩。- 泡菜餅泡菜餅煎到外脆內軟，口感酥脆，粉漿同配料的比例啱啱好，每啖都食到外脆內軟既煎餅同埋惹味爽口既海鮮！- 黃油烤魷魚魷魚用左牛油烘烤，香味濃郁，肉質非常彈牙，味道鮮美👍🏻- 烤豬肩肉份量幾多，加左芝麻作點綴，賣相更靚。肉質軟稔，肥瘦適中。- 烤牛小扒牛小扒係我今晚最喜歡既菜式，肉質鮮嫩香甜，牛味豐富。值得一讚係牛小排用鐵板上菜，保持到牛小排溫度😍餐廳由韓國人主理，所以所有食物無論主菜同小食都好地道。…查看更多

一開始聽餐廳名以為只有二十道菜，原來真正指食物二十項元素，首先五味（醬油、鹽、酒、味醂同醋）、然後五色（白、茶、赤、藍、黑），跟住五法（刺身、煮物、燒物、炸物、漬物），最後五度（溫度、熱度、濃度、態度、深度）。20度，二十道就可以創造出無窮無盡嘅美味菜式。餐廳用左吧台式設計，客人可以近距離觀看部份料理過程，令人彷如置身福岡屋台。前菜叫左海帶尖同芥茉螺肉，芥苿螺肉幾爽脆，滲透芥茉辣味好過癮。海帶尖一樣好爽脆，非常開胃。- 燒牛舌老闆話燒牛舌係餐廳best seller，外皮燒到微焦，肉質顏色粉嫩，入口香甜，而且煙韌多汁，非常出色！牛舌下面舖左洋蔥，洋蔥辛辣味好少，生食都好味，而且可以解膩。- 魷魚一夜干雪酒拉麵拉麵既配料同一般拉麵好唔同，餐廳換上青瓜黃瓜，有一種煥然一新既感覺。主角魷魚好大份，燒得恰到好處，肉質仍然煙韌而唔鞋口，鹹香味十足。我加左$30就有飲品同赤蝦剌身😍，赤蝦好大隻，肉質彈牙，味道鮮甜無比。湯底都非常特別，充滿蜆肉鮮味，而且加咗酒粕，令湯底散發淡淡酒香。- 牛舌拉麵餐廳推出左一項萬聖節限定菜式，6:30pm後限定供應，就係原條牛舌拉麵。湯底一樣係雪酒湯底。老闆切成一片片之前仲俾我哋玩一玩😂，一條軟條牛舌可以切成十幾片，肉質非常軟稔😍 。整體而言，每道菜式都好出色，拉麵有驚喜呀，性價比高。今晚食咗好多牛舌，無論牛舌拉麵定牛舌心都好出色，職員服務質素都好好👍🏻…查看更多

觀塘工業區既西餐廳真係多不勝數，以下介紹既餐廳係我認為觀塘top 3西餐廳，面積好大，環境舒適令人坐得好舒服。- 美國1855安格斯肉眼餐廳將肉眼放係蠟蠋上面一直保持溫度，非常細心😍。肉眼扒外皮稍悄焦香，肉質粉嫩，牛味十分香濃，伴隨淡淡既炭燒香味，可謂色香味俱全。- 蒜香蟹肉意粉意粉軟硬適中，蟹肉份量多，一絲絲既形態令我食每啖意粉都嚐到蟹肉鮮甜。整體味道帶徵辣。- 巴斯克芝士蛋糕跟餐加$48就可以有甜品，外層焦香，內部濕潤帶點流心感，而且帶有少少焦糖香味。飲品方面我地叫左green gin同榛子咖啡碎冰，兩款都好飲！整體來講食物高水準，擺盤都好靚，完全對得起價錢。…查看更多

西九文化區𠥔集博物館，藝術表演、綠色空間同餐飲於一身，絕對係拍拖嘅勝地。不過週末餐廳經常大排長龍，我同女友多數會去返圓方食飯，而Luigi’s 係我哋間唔中會幫襯嘅意大利餐廳👍🏻。Luigi‘s係演薈廣場頂樓，一共兩層，有室外同室內座位。- Buffalo Wings 雞翼炸到金黃色，肉質嫩滑juicy，水牛城醬汁味道濃郁，有一定辣度但唔係令你舌頭發麻出曬汗嗰種辣，反而令你一件接一件停唔到口。水牛城雞翼正常做法係將雞翼均勻沾上醬汁。但餐廳亦可以將醬汁分開上，味道仍然咁濃郁，另外餐廳仲有提供酸辣醬👍🏻- Mac & Cheese餐廳所有pasta有兩個size，分別係personal同sharing，sharing起碼要三個人食先食得晒，如果唔係就好似我同女朋友咁樣食完完全行唔到路，個肚頂住頂住。不過Mac & Cheese真心好味，芝士味超級無敵濃郁，入口非常creamy。- Brownie睇相片都知道非常邪惡，size差唔多有一個足球平面面積咁大。表面焦脆，入面非常軟糯，仲有流心朱古力，整體口感偏濕潤，作為螞蟻人完全愛不釋手😍飲品都冇乜好挑剔，我哋分別叫咗Lychee Mint Soda 同Ice Latte ，非常大杯，味道都唔錯，不過Latte好似奶多過咖啡。…查看更多

諗住滿心歡喜試新推出嘅雞白湯扭扭粉，喺apps上面落單然後15分鐘之後就話可以取單，落到去先同我講話已經賣晒，點解唔直接喺apps同我講，等我唔使落去戇居居。本身樓下KFC啲食物質素已經好參差，今次真係失望…查看更多

Yum Yum 一間餐廳有齊港式、泰式、越式美食，就算有選擇恐懼症都唔使驚，一定揀到你想食嘅菜式。- 炸雞髀配泰式冬陰功金邊粉平時淨係食炒金邊粉，原來金邊粉湯都幾好食。金邊粉好彈牙，而且幾掛湯。冬陰功湯酸酸辣辣，辣度溫和但唔嗆喉。至於雞髀外皮非常酥脆，肉質好嫩滑，肉汁豐富。- 越式香茅蔥油豬扒煎蛋飯豬扒好大塊，而且已經切開一件件，肉質非常軟腍，配上蔥油好惹味。白飯加上流心蛋真係簡單粗暴好味。- 泰式炭燒豬肉串豬肉串味道非常香甜，伴隨炭香風味，沙嗲醬係精粹，味道香濃，充滿花生香味😋餐廳提供嘅飲品好大杯，我哋叫咗青檸檬梳打同泰式奶茶，兩杯都好好飲🥰整體而言，價錢喺中環唔算貴，份量好大，每一道菜都Yum Yum👍🏻…查看更多

之前返大陸試過Richkat貓員外，原來已經係香港開到第四間，餐廳位於大廈頂樓，室外面積好大，坐吧枱既客人可以遠眺銅鑼灣美麗夜景，不過今次我坐喺梳化，坐得都好舒服。餐廳既draft beer最出名，而我係餐單上面見到幾款「中西合璧」既菜式。比起draft beer，我更期待香辣油封鴨肉意粉、雲貴川臘腸薄餅😻- 爆炸薯仔炸薯仔粒外脆內軟，灑上辣椒粉同花生粒更多惹味。旁邊臘肉腸令整體味道口感更豐富，送酒一流。- 香辣油封鴨肉意粉溫馨提示意粉超級辣，而且越食越辣。鴨肉分量好大，味道鹹香十足。- 雲貴川臘腸薄餅薄餅底外脆內煙韌，上面舖滿臘腸同青椒、味道完全係四川風味，辣得過癮🥵飲品方面，餐廳提供多款craft beer，仲有tasting set可以試曬六款味道。我地試左兩款，味道都啱我地口味🥰，下次再試唔同款式！…查看更多

女友公司附近開左一間食雞白湯既拉麵店，餐單只有三款拉麵，亦有提供餃子。入面掛咗好多貓貓嘅相😍，整體環境乾淨，座位唔算多，大約10個左右。客人可以選擇黃麵或白麵。前者口感更煙韌彈牙，波浪型既賣相令麵條更有口感。後者比較爽口，各有特色。- 瑪瑙瑙麵雞白湯用左11小時熬製而成，見到師傅用攪拌器打發雞白湯，拉麵湯底額外有一層泡沫，質感更加厚身，湯底非常出色，叉燒肥瘦適中幾惹味。慢煮雞胸肉質仲嫩滑過叉燒，非常juicy完全唔柴👍🏻- 黑蒜雞白湯拉麵雞白湯加咗黑蒜之後香氣撲鼻，但唔會蓋過雞白湯既味道，相輔相成👍🏻。對我地嚟講，溏心蛋係拉麵最佳拍檔😍，餐廳既溏心蛋煮得恰到好處，呈半熟狀態，味道偏甜，蛋黃味亦好濃郁。相信之後一個月都會光顧一至兩次，雞白湯實在太出色😍…查看更多

對上一次食滾得囍已經係六、七年前，當時覺得宮廷裝潢風格好靚，連餐具都好有中國元素，整體食材新鮮不過唔算好抵，最近從朋友口中得知滾得囍下午有一人火鍋，價錢親民得多。餐廳一共有三款一人火鍋，包括瓏、御、鼎。- 御御係最貴既一人火鍋，主菜係A5黑毛和牛，色澤均勻，入口即化。其他配料包括手打黑松露惹菌鮮蝦丸、紫皇蟹粉豚肉餃、日式廣島蠔、豆腐、唐生菜同烏冬。廣島蠔好肥美飽滿，鮮蝦丸黑松露味好香🥰- 鼎主菜由牛肉變左伊比利亞橡果豬肉，今次配料有手打紫薯留心豬肉丸同芋泥豬肉餃，材料一樣新鮮。湯底可以五選一，我試左康𤋮花膠雞湯鍋，湯底好濃，花膠同雞件有一定分量。朋友就試左順治特式卜卜蜆鍋，入面好多蜆肉，湯底完全吸收曬海鮮精華，味道非常鮮甜👍🏻餐廳仲有麻雀枱，相信係全港唯一可以打麻雀既餐廳🤩…查看更多

講起銅鑼灣西班牙菜，Casamigos絕對佔一席位。菜式種類非常多，甚至有好多中西合璧嘅配搭。室內座位唔算多，但氣氛幾好👍🏻- 北海道帶子刺身帶子新鮮肥美，同柚子醋既配搭好完美，不過麻油味道好搶，個人認為有少少蓋過帶子鮮子鮮味。但無可否認擺盤同配搭係💯- 炭燒西班牙伊比利亞無骨黑毛豬肋條配香脆薯餅黑毛豬炭燒味道香濃，油脂咇晒出黎，下面既薯餅好乾身食落唔油膩，外脆內鬆😋- 川式麻辣忌廉鮮蜆手工闊條麵手工闊條麵真係好Al Dante，彈牙之外有嚼勁，醬汁非常creamy，食落麻辣味就會滲透出嚟，越難越過癮😍。蜆好飽滿大粒，肉質鮮甜。- 燒白鱔西班牙海鮮飯海鮮飯焦香粒粒分明，味道有帶少少鹹香，燒白鱔好香口，油脂滲透落飯焦到，非常惹味，份量亦啱啱好。- 紅絲絨西班牙油條配士多啤梨朱古力醬油條好脆身，上面灑滿砂糖，加埋朱古力醬真係好邪惡😍- Red Sangria 食西班牙菜我一定要叫Red Sangria，入面水果種類幾多，味道豐富，飲落清新，剛中帶柔😋所有菜式非常唔錯，下次叫多啲人一齊食，咁就可以試更多菜式🔥…查看更多

今日放工同女友去左啟德零售館打保齡球，然後去左附近鐵牛食晚飯。上一次食鐵牛已經係四年前，以前只賣牛肉麵、原來依家鐵牛連涮涮鍋都有，仲有經典台式小食，應有盡有🤩裝潢方面，啟德分店幾大間，燈光非常充足，粉紅色主調令餐廳變得打卡able🥰- 鐵牛手沖涮涮牛肉麵牛肉級數明顯高一個層次，油脂分布好靚，肉質非常稔身。湯頭好重牛肉味，仲有一陣好香嘅藥材味，麵條煙煙韌韌，非常吸湯😋- 鐵牛臭臭鍋話就話一人火鍋，食材非常豐富，包括安格斯牛肉、臭豆腐、鴨血、大腸、芋頭貢丸、蜂巢豆腐、響鈴、蔬菜等等。湯底好濃郁，滲透陣陣「臭味」，食材吸曬臭臭鍋精華，微辣相當惹味。白飯上面舖滿大量紫菜，非常滿足🥰- 木魚炸豆腐炸豆腐超級好食，豆腐外表炸得金黃香脆，入面仍然濕潤，口感同臭豆腐差唔多，加埋木魚同甜酸醬直頭💯- 鹽酥雞拼夜市小香腸前者外脆內嫩，調味啱啱好。後者非常juicy，味道香甜，夾埋生蒜片仲有少少辛辣味。餐廳仲有提供台式飲品，選擇頗多，我地叫鴨屎香狂打檸檬茶同珍珠奶茶，味道同比出面飲品店有過之而無不及👍🏻雖然鐵牛以牛肉麵出名，但以上其他菜式都好好味，證明鐵牛已經從一間牛肉麵專門店轉型到全面台式餐廳👍🏻…查看更多

原來有間正宗麻辣燙一直係我公司附近，餐廳位於Eastmark，面積唔大，但裝潢設計充滿七八十年代香港懷舊氣息。餐廳採用自助模式，客人用一個大竹籃夾曬自己想食既食材。雪櫃放滿唔同種類既材料，包括肉類、魚蛋、海鮮、粉麵、蔬菜，一共有九十款。價錢由重量決定，如果客人估中價錢就會免單，我估左$75，結果係$77🥲，答案同最終價錢相差正負$1都會全碗免費。餐廳有四款招牌湯底，包括牛骨、藤椒、蕃茄同菇菇湯底。我地今次試左牛骨（少辣）同菌菇湯底。牛骨湯底好好飲，牛味香濃好鐘意🥰- 爆打港男檸檬茶過程中見到職員好用力咁爆打檸檬茶，檸檬既精華完完全全榨乾，鴨屎香茶底味道濃郁👍🏻整體而言，價錢唔算貴，食材都幾新鮮，估價錢既部份最印象深刻😂…查看更多

自己一直係吃茶三千嘅fans，每個星期至少飲一杯🥰，因為佢哋個茶底真係好好飲，吃茶三千喺香港唯一有現萃茶的機器。最近吃茶三千喺啟德開咗分店，雖然由我公司行去啟德分店需要二十分鐘，但無阻我要飲到吃茶三千嘅決心。吃茶三千近排推出金鑽鳳梨系列，總共有三杯。我試咗鳳來厚奶。估唔到奶茶同鳳梨味道幾夾，本身皇家厚奶己經奶味濃厚，加埋慕斯令層次更豐富，然後就食到啖啖鳳梨果肉，絕對係一加一大過二😋我朋友叫咗寶島經典水果茶，茶底飲落好清爽，甜度適中，入面有好多生果包括百香果同蘋果等等，難怪係吃茶三千其中一款signature嘅飲品👍🏻吃茶三千嘅外賣杯設計好靚，以復活節為主題😍適逢五一黃金周，吃茶三千3/5-17/5有多項活動。職員同我講follow 左社交平台既顧客可享全單8折優惠，但每店每日只限40人。另外係活動期間點讚、留言及分享並標記吃茶三千貼文到個人社交平台，都有$10現金券！…查看更多

聽餐廳名就知道係中菜廳，一入門口見到酒吧，酒吧counter係一個聚寶盆造型，非常吸睛。餐廳面積非常大，今日係平日但差唔多座無虛席。- 豔影帶子厚多士比起蝦多士，我更喜歡帶子多士，多士香口脆身，帶子煎得恰到好處，- 公子牛肋排估唔到有咁西式既菜式，牛肋排超級大份，肉質軟嫩多汁，牛味突出。醬汁偏甜，食極都唔覺得膩。餐廳幫客人切開一件件，非常貼心。- 豔影蝦球炸蝦球差唔多有我拳頭咁大，入面蝦球好大粒，肉質鮮甜，配上酸酸甜甜既香芒醬非常惹味，開胃但唔油膩。- 鮮腐竹蕃茄浸菜苗呢道菜完美中和以上三道菜式，味道清清淡淡。腐竹索曬湯汁好好味，番茄同菜苗好香甜。雖然張公子係中菜廳，但佢哋都有唔少西式菜式，西式菜式味道同中菜一樣咁好味👍🏻…查看更多