Lalazi的個人專頁

第一次到訪ICC 101/f晚餐。天氣好，環境也真的很美❤️Odyssée Experience 6 courses $980pp這次選擇的是 6道菜套餐，菜式搭配富有層次，從開胃小點到主菜再到甜點。 · French Onion Song：法式洋蔥湯的變奏，搭配芝士和火腿，濃郁香醇，口感豐富。 · Brittany Blue Lobster（另加HKD 129）：龍蝦鮮甜彈牙，搭配芹菜與檸檬泡沫，清新中帶有層次，值得加配。 · Threadin：蜆肉與西蘭花，海鮮鮮美，湯汁濃郁。 · US Prime Tenderloin（另加HKD 180）：美國prime級牛柳肉質柔嫩。 · Soufflé：草莓口感輕盈，酸甜平衡，為晚餐畫上完美句點。· Petits Fours：搭配咖啡或茶的精緻小點…查看更多

牛排香氣撲鼻，雖然選擇了七分熟，但肉質依然保持軟嫩。牛肉油脂分布均勻，搭配簡單的鹽和黑胡椒調味，更能突顯牛肉的原汁原味。雞翼外皮酥脆，內裡肉質多汁，辣度適中，非常開胃。白酒煮青口（500g） 青口份量足，新鮮度佳，以白酒、蒜香和香草烹煮，湯汁清爽不膩。青口肉質飽滿，吸附了白酒的香氣，搭配麵包蘸湯汁食用更是一絕。鮮橙蘇打清新爽口，橙子的天然甜味與氣泡感完美結合，適合解膩。雜莓奶昔口感綿密，莓果酸甜平衡。…查看更多

✨ 一千元食到二人鐵板燒盛宴 😍同區罕見$518/位食足海陸全餐！冇諗過喺九龍城食到咁抵食嘅鐵板燒！附近容易泊車，一大班人嚟食都方便！必試廣島蠔，原粒鐵板香煎，超級好食！食咗幾隻都覺得唔夠喉，自己喺屋企又整唔到咁香脆。🥹美國頂級牛柳、配上炸蒜片，嫩中帶脆惹味。 黃金老虎大蝦亦係非常出色，蝦頭嘅蟹膏都冇浪費，整埋醬汁同蝦肉一齊食，完美。綠茶雪糕完美作結。同朋友一齊飲清酒，慢慢坐傾吓偈幾開心，環境好舒服。…查看更多

Espresso alchemy 原來搬咗嚟一樓！舊舖係我經常到訪既cafe，有時去食吓嘢，喺尖沙咀行街，行到攰又會去坐低飲杯咖啡。原來都咁多年🥹今次叫返我一直以來最鍾意飲嘅iced mint chocolate仍然係咁好飲～～薄荷味同朱古力味平衡得啱啱好。蟹肉炒蛋沙律多士流心蛋配多士係一流！佢哋嘅cold brew coffee亦係非常高質！$66有一支慢慢飲，唔算貴Banana bread都幾好食，做下午茶配咖啡啱晒…查看更多

今次試咗太子呢間樓上火鍋店，兩個人叫咗個【招牌靈芝四季椰子雞】$208湯底，真係成個養生局！湯底落足料有靈芝粉同半隻清遠雞，滾起陣陣椰子香，飲落喉嚨即刻暖笠笠～🐓【安格斯牛小排】$328雪花紋夠靚，涮20秒入口即溶嘅牛肉香配上椰子湯清甜，正！配埋【野生竹笙】吸晒湯汁，咬落索索聲超治癒～🎋炸脆油條隱藏食法！將金黃脆條浸落椰子雞湯三秒，索滿靈芝精華嘅油條外軟內脆，一啖咬落去爆出熱辣辣湯汁，仲帶住淡淡椰香～超驚喜嘅邪惡食法！飲品叫咗青島啤酒同無糖可樂解膩，醬料有齊沙茶醬+辣椒仔+炸蒜，自己調味夠彈性。埋單人均$450，食材質素同湯底真材實料，最啱秋冬進補，下次想試佢個花膠湯底！…查看更多

同燒肉友試咗K11呢間新開日式燒肉店，兩個人叫咗個「牛舌盛宴」！重點推介【花切長牛舌】$138，將成條牛舌切到咁薄，燒到微焦邊脆卜卜，咬落仲有彈牙感，點少少檸檬汁已經好正～【雪花牛小排】$138揀咗無醬汁版本，反而更食到牛嘅油脂香！建議燒到五成熟，入口即溶嘅油花配埋白飯$18真係無得輸。【夢見鳥雞胸軟骨】$78加辛辣味噌好惹味，軟骨脆口得嚟唔會啃親，送酒一流！海鮮控要試【牛油燒廣島蠔】$68，蠔身飽滿加牛油香，燒到啱啱熟爆汁超鮮甜！配菜【翠肉瓜】$38清甜多汁正好解膩。前菜【泡菜】$28同【塩味枝豆】$32都醃得夠入味，等燒肉時食兩舊😎…查看更多

𝐋 𝐀 𝐋 𝐀 🇫🇷 𝐈𝐭’𝐬 𝐦𝐲 𝐯𝐢𝐛𝐞.在香港找到巴黎街頭氣息隨性也不失優雅 Cheers🥂由米芝蓮星級主廚 Franckelie Laloum 與餐飲界創意先驅 Michael Larkin 合作，讓香港人輕鬆享受一場道地的法式盛宴。Set lunch menu價錢貼地，以$400價錢就可以享用法國餐。頭盤Hamachi，相比起日式刺身來得更激烈調味過的Hamachi讓你在享用Main dish前醒一醒神。Dish of the day是焗魚功夫菜，在家不會花時間煮的就在外面吃！👍🏻精緻甜點，讓每一位賓客都能以一場法式甜蜜收尾。…查看更多

西沙隱世高質Cafe居酒屋強烈推介立鱗燒！！$158有2件之前食Omakase 食過最鍾意嘅料理呢度竟然可以食到大大件太幸福了！魚鱗燒到卜卜脆真係好好食🤤另一樣最鍾意嘅係鹽焗奄仔蟹冇諗過日式居酒屋可以食到奄仔蟹，蟹膏仲有少少流心，焗得啱啱好👍🏻好滿足😌壽司同刺身都非常高質素！炸蝦卷新鮮炸起，脆卜卜🤤清酒煮蜆蜆大大隻又無沙，正！👏🏻家庭式經營小店，價錢合理，食物高質一定要黎試吓！🫶🏻…查看更多

上星期去大埔呢間「龍亭」試吓日式鐵板燒$1088嘅【極品十道菜廚師發辦套餐】有驚喜！刺身環節係原隻生蠔，上面仲鋪滿金黃海膽做點綴，蠔肉creamy得嚟帶海水鮮味，配埋海膽嘅甘甜真係豪華享受！🤩鐵板海鮮係燒南非鮑魚同北海道帶子，師傅將鮑魚燒到啱啱好唔會過韌，仲加咗海膽提升香味。帶子就保持到外脆內嫩。肉類部分係薄切牛肉片包住蔥花同爆香蒜蓉，呢個做法好岩送飯😆！蒜香滲入肉汁又唔會蓋過牛味，比起一般厚切和牛更多咗份惹味口感。成個set食落豐富得嚟唔會滯～…查看更多

位於觀塘巧明街嘅 Cobber Noodle and Mochi,係一間融合唔同特色嘅西式cafe。雖然環境簡單,但佢哋嘅菜式都幾有特色,一定能夠滿足唔同食客嘅口味。必試嘅有佢哋嘅「忌廉辣肉腸醬意大利雲吞」,肉醬濃郁但唔會太油膩,配埋彈牙嘅雲吞,味道層次好豐富。另外,「辣椒蒜香白酒沙巴大蜆意粉」都幾好食,大蜆鮮甜帶少少辣。店度仲有4款唔同風味嘅自由斟無限暢飲特飲,都幾有特色,一定能滿足唔同飲品愛好者。除咗主菜同飲品之外,佢哋嘅小食例如「鹹蛋黃黃金炸雞」同「抹茶雪糕麻糬」都幾出色,炸雞酥脆可口,加埋好creamy嘅雪糕,邪惡😈菜式同飲品味道唔錯，價錢都幾實惠。…查看更多

屯門時代廣場有新野！來試試屯門店限定騸牯牛系列。堂灼騸牯鮮肥牛牛丸湯麵紅燒牛肉湯底，湯底比一般紅燒牛肉湯清甜更突顯鮮牛肉鮮味！肉質嫩，好好食👍🏻套餐加配冬瓜茶$10 抵飲！另外試咗沙嗲騸牯牛林肉煎蛋湯麵呢個係重口味之選！騸牯牛林肉比起平時茶餐廳沙嗲牛肉麵好味好多呀🙌🏻食完正餐食甜品黑糖仙草愛玉刨冰巨無霸芋圓2號，配熱紅豆湯紅豆湯微甜，好味😋非常建議揀呢個湯底！！旺角、大角咀、尖沙咀、上水都有分店！…查看更多

今晚同朋友係新城市廣場食呢間韓式小店，一試即刻想下次同一大班friend黎！ 🌶香辣牛油香蒜炸粟米粒 - 咬落"索索聲"脆到癲！牛油味香濃，粟米炸到金黃脆口，辣辣地好惹味，一路飲酒一路食 食到唔肯停口～ 🍖牛肋骨雪濃湯配白飯 - 奶白色湯底超濃牛骨香，牛肋骨煮到好淋，撈埋飯食好正！ 🔥牛五花釜飯 - 揭蓋嗰陣飯焦香衝出黎！肥瘦相間嘅牛五花鋪滿面，啲肉汁滲落飯度，撈埋流心蛋，食到最底仲有層飯焦，滿足😌 🍺韓國啤酒 - 有種喺首爾大排檔"嘅feel～ …查看更多

同朋友一齊放假，去完葵廣掃街，再去新都會食晚餐。呢度環境好靚，有室外景觀，好可惜今日落雨🥲點咗一份Beef Sirloin，Parma Ham & Melon Salad & Mozzarella Gravy Chips牛扒肉味好濃郁，份量好夠，好食😋配菜全部都好新鮮, mushroom cream呢個醬汁好好食，一定要試吓！亦都配埋薯條🍟Mozzarella Gravy Chips 簡直係外國讀書嘅回憶好耐冇食過呢種味道好邪惡，但好好食😂最後叫多一份沙律解解油膩～Parma Ham同蜜瓜嘅份量都幾多。雖然我哋冇嗌飯或者意粉，因為有兩份薯條所以都好飽。…查看更多

好耐冇平日夜晚見過一間餐廳可以墟冚到咁，一定要book枱！！餐廳環境好熱鬧，好適合一大班人嚟食飯慶祝我哋兩個人，講嘢就要好大聲對面先聽到😂叫咗姨媽二人套餐可以加$200叫我想食好耐嘅醬油蟹（兩隻）另外叫咗海鮮嫩豆腐鍋、烤牛小排、辣炒章魚12碟小菜係餐廳招牌點完餐之後等候時間要耐少少，因為佢哋係一次過準備好晒上菜。好激烈🤤🤤餐廳主打屋企味道，少鹽少油，所以食到嘅泡菜小菜味道都比平時咁鹹，更加健康。醬油蟹撈飯一流，好想食多兩隻醬油唔會太鹹，好耐冇食過🥹好好食呀！烤牛小排都好高質，肉質好淋又有肉味👍🏻飲杯啤酒送牛肉好惹味。…查看更多

銅鑼灣黑膠概念店Mercury Recalls係Lost Stats姊妹店大家都以音樂作為主題，不過一間係主要做live show，一間係黑膠主題一入到去就播緊梅艷芳，有種回到90年代嘅感覺。2:00嚟到有afternoon tea special於是叫咗一鹹一甜。紅蝦沙律牛角包非常開胃再食甜品Crème brûlée，下午茶嚟講已經非常滿足。朋友叫咗珍珠帶子墨汁意粉配柚子味噌醬意想不到的清新口感👍🏻意粉都好好食。…查看更多