zcbdkdj's Profile

平時冇乜機會嚟西營盤，呢區都多低調高質食店，今日跟住附近嘅朋友嚟延南洞食韓國嘢，成個體驗非常唔錯Prok Belly BBQ，腩肉爽口彈牙，配新鮮疏菜、醬汁、醃菜等嘅經典食法，味道唔錯，擺盤精美Seafood Pancake，啖啖都食到海鮮，配有大量香蔥，口感豐富，醬汁調味一流Spicy Stir-Fried Chicken with Cheese，雞肉好嫩滑，大量芝士夠晒香口，仲有煙韌嘅年糕Tiramisu份量十足，咖啡同白酒香味恰到好處環境典雅得嚟感覺都幾輕鬆，佈置幾有格調，服務非常好，食物賣相好吸引，值得一試…Read More

完咗個大project，同同事揀人生有限杯一齊嚟食串燒relax返晚，性價比幾高，傾足一晚幾開心九肚魚好酥脆，菠蘿鵝肝多士口感味道都好豐富，雞油炒豆苗入晒味，仲有脆卜卜同煙韌嘅雞皮，誠意之作蟶子好爽口，調味辣辣地幾惹味，牛舌花、牛小排同豬腩肉都處理得幾好，口感軟腍，簡單調味已經好好食墨魚滑紫菜大蝦好出色，脆卜卜嘅紫菜，爽口彈牙嘅墨魚滑同蝦肉，口感一流雞腿肉好出色，濕潤嫩滑，豚肉牛油果卷幾特別，口感唔錯雪糕三文治有創意又好食，多士香甜酥脆，賣相又吸引，百香果梳打用手作檸檬茶夠晒清新解渴環境乾淨闊落，款式選擇多，性價比幾高，一定會再嚟…Read More

鐵花村一向係我最鍾意嘅台式小店之一，次次嚟親北角附近都會想過嚟新品告檸檬大雞扒，既特別又好食嘅菜式，外皮酥脆，雞扒嫩滑，調味好開胃，檸檬味好清新，幾特別同樣係新品嘅火雞麵蛋餅，絕對係創意之選，香口嘅蛋餅夾住火雞麵，出奇地夾香煎排骨口感軟腍，麻醬肉燥乾拌麵香濃可口，麵條蛋香十足，又掛滿麻醬，味道口感都一流紅茶豆漿口感順滑，豆腐味道突出，芝士奶蓋紅茶鹹鹹甜甜，味道豐富，甜品燒仙草亦係新品，係新鮮仙草，口感黏糯，配上煙韌芋圓、珍珠、紅豆同脆卜卜嘅花生，口感好豐富裝修同佈置都充滿台灣小店嘅感覺同特色，小店好有人情味，選擇又多又吸引，有創意又有心思，性價比高，絕對值得支持…Read More

今晚終於都試到一直都好想試嘅金西南米線，絕對驚喜酸辣湯底香濃惹味，滷水豬大腸同豬紅入晒味，一個好貼心嘅位係可以點多芽菜、酸菜、蔥、花生等等熱拌米線食落更香濃，金獎腩肉真心高質，調味濃而不膩，口感軟腍，星星形嘅日本鱈魚豆腐又得意又彈牙，雲耳夠晒爽口小食椒鹽魚蛋同燒賣都好彈牙，手撕雞幾清新，生菜同菜心同樣新鮮嫩綠最有驚喜係鴛鴦炸饅頭，炸得啱啱好，口感酥脆，煉奶同朱古力嘅配搭好夾，份量又足，賣相又吸引；食濃味嘅米線，飲豆漿同烏龍茶一樣咁適合金西南好乾淨幾好坐，店員好有禮貌，店舖好大間好闊落，餐牌嘅選舉好足夠，用QR Code落單又方便，整體性價比好高…Read More

灣仔越南餐廳老字號小店，今晚同朋友嚟食勻經典招牌款式至尊牛寶湯河，香濃嘅牛丸同牛肉，清甜嘅湯底，大旺青蔥同洋蔥，大滿足之選黑炭慢煮燒牛肉法包，竹炭包香氣撲鼻，脆卜卜好香口，牛濃軟腍嘅慢煮燒牛肉，滿滿嘅蘿蔔絲、青瓜同配菜，簡單調味清爽得嚟口感豐富鮮蝦燒肉米紙卷又彈牙又厚實，香蒜牛油雞翼酥香肉嫩香茅青檸水同青檸特飲都好開胃好解渴，清新之選枱面有齊晒唔同嘅調味料，好貼心環境同佈置好靚，好有越南特色，好多擺設都係老闆喺越南搵返嚟，整體光猛乾淨，餐牌提供嘅選擇都好吸引，期待下次再嚟…Read More

朋友知我鍾意食泰菜，特登介紹我嚟灣仔Mum Mum Thai，果然好特別好好食炸五花腩呢個食法喺其他地方好似冇見過，有種獨特嘅臘腸肉香，脆卜卜熱辣辣，又香口又彈牙牛肉沙律BB魷魚都好開胃，調味濃而不膩，BB魷魚口感好特別，喺其他地方未試過炒河真係好好食，煙韌煙韌，鑊氣十足夠晒香口，胡椒調味好惹味，雞肉又嫩又滑泰式奶茶香濃順滑，特別係綠奶茶，茉莉香味突出，仲有陣好香嘅甘澀味，甜品好高質，橙皮朱古力雪糕，啖啖堅果脆餅，口感豐富Mum Mum Thai播住泰文歌，環境好chill，佈置帶點玩味，整體好乾淨，服務又殷勤，菜式選擇豐富獨特，性價比幾高，期待下次再嚟…Read More

有咩開心得過辛苦完一日食餐好味嘅泰菜，今晚就嚟到九龍灣德福嘅泰房廚子，價格親民份量十足，質素又唔錯香茅鹽燒烏頭，嚟到嘅時候好貼心已起好皮，焗到入晒味，保留到少少濕潤，口感嫩滑，用心之作沙嗲串燒，口感嫩滑一練絲，夠晒火候，時間控制得好好，沙嗲汁又夠晒濃稠，甜甜地又開胃泰式海南雞飯，黃薑味香口突出，口感粒粒分明，海南雞夠晒嫩滑，誠意之作手打蝦餅，熱辣辣脆卜卜，爽口彈牙，醬汁香甜泰式甜品拼盤好出色，既煙韌又有咬口，椰汁味香濃，西米糕特別出色，口感突出青檸梳打清甜解渴，泰式奶茶香口溢出，口感順滑泰廚房子位置夠晒方便，晚市都幾旺，餐牌選擇夠晒多，性價比高，服務晚有效率又殷勤，值得推介…Read More

放工同同事過嚟癡膠雞快食，好有特色，價格親民分別點咗沙薑雞濃湯米線同貴妃雞搶擔麵，貴妃雞鹹香突出，肉質嫩滑，沙薑雞夠晒惹味，好有咬口濃湯米線好清甜，外加腐皮好抵食，擔擔麵啖啖肉碎花生，口感豐富，湯底濃郁，麵條又掛湯又有咬口明太子雞翼釀咗滿滿嘅明太子，啖啖肉都食到明太子，田園蔬菜湯底好有住家湯嘅感覺同味道，白菜新鮮嫩綠桂花烏龍冷泡茶同蜜桃烏龍冷泡茶幽香解渴，絕對係健康養生之選食物選擇好豐富，下次想試有爐熱住嘅款式，整體性價比好高…Read More

唔係跟朋友嚟都唔知謝斐道有呢間低調嘅謙記火鍋，食材新鮮，環境舒適，服務質素亦高打邊爐一定唔少得牛，牛頸脊牛味香濃突出，肥瘦適中，口感一流，豬潤處理得好乾淨，食落好爽口墨魚滑新鮮彈牙，加埋蟹籽口感更豐富，手打魚蛋同樣彈牙，鮮腐竹同冰菜都好新鮮，稻庭烏冬口感綿密，蝦餃同水餃同樣餡料滿滿湯底揀咗芫荽皮蛋，前菜螺肉彈牙酸梅湯清熱解渴，健康之選甜品仲有紅豆糕，椰香滿溢環境乾淨闊落舒適，服務好殷勤，醬料齊備食物種類同款式豐富，期待下之嚟試其他嘢…Read More

食過咁多串燒店，人生有限杯比較高質，賣相吸引，調味豐富，選擇又多墨魚滑大蝦彈牙得嚟脆卜卜，雞皮口感煙韌，菠蘿又鮮甜又有焦香咖哩牛舌手抓餅好高質，咖哩香氣溢出，手抓餅酥脆，牛吞一絲絲，翠玉瓜保持濕潤，蒜蓉燒蠔入晒味又肥美雞腿好嫩滑，雞翼亦燒到皮脆肉嫩，鵝肝多士大大份好香口，配埋菠蘿味道更豐富免治雞肉棒，經典口味，月免汁加強口感味道，九肚魚酥脆香口蟹粉豆苗啖啖食到蟹粉，調味濃而不膩，五花腩豚香十足，爽口彈牙百香果檸檬茶、桔仔薄荷鴨屎茶，果香十足，清甜解渴，飲落同平時喺果茶飲品店買到嘅一樣環境寬敞，有日本居酒屋/串燒店嘅氣氛，好好坐好relax，食物選擇多，性價比又高，放工嚟Happy Hour同同事/朋友傾偈啱晒…Read More

難得過到嚟天后，一定要試下青雪商店呢間小店，質素果然唔錯，有種置身日本嘅感覺龍蝦牛骨湯拉麵係每週限定款式，湯頭帶有濃郁嘅海鮮香味，拉麵口感同喺日本食到嘅一模一樣，鮮蝦爽口彈牙，仲好貼心咁去埋殼，叉燒好特別，有種好似煙熏過嘅香氣熟成醬油清雞湯拉麵，用日本手工木桶醬油同新鮮雞熬製嘅湯底，誠意十足，有齊豚肩、雞腿同雞胸，款款都試到醬油鮑魚同醬油漬蠔都入晒味，鮮嫩爽口，賣相吸引食拉麵配信州蘋果梳打同烏龍茶都好夾，解膩解渴小店佈置走日式風格，環境乾淨，服務具效率，整體唔錯，值得推介…Read More

Lunch嚟得多，Dinner都好似真係第一次，水準真係高，fusion菜式有創意又好食，依然有驚喜照燒三文魚嘅配搭幾特別，出奇地夾，煎到好香脆，三文魚籽荷蘭汁濃厚，拌碟蕃茄、西苗花同粟米都好有誠意好好相，擺盤又靚Teriyaki Chicken，餅底好出色，烘到黃金色夠晒香口，啖啖都係到雞肉、蘑菇、紫菜同沙律醬炸蟹肉球拼薯餅配蜜糖芥末醬及茄乾醬，醬汁尤為出色，有層次味道豐富，蟹肉球係滿滿嘅蟹肉，口感一絲絲，薯餅好綿密Wonderland係濃厚同creamy嘅抹茶加椰子水，創新嘅配搭，好似食緊甜品咁，Tropical Sunrise混合咗Cold Brew Coffee、熱情果、橙汁同蜜糖，好有特色，打卡一流自家製開心果巴斯克芝士蛋糕配咖啡忌廉，口感順滑，香濃開心果味好突出，同咖啡忌廉好夾，係高質嘅甜品裝修同佈置走日系簡約風格，木色為主，文青感滿滿，環境乾舒服，餐廳選擇又多又創新，絕對值得一試…Read More

抽唔到時間去韓國旅行，又心思思想食韓或炸雞，嚟旺角Yadllie Plate就啱晒，賣相吸引，份量十足，服務又好半半炸雞，真正做到皮脆肉嫩，可以揀兩種口味，我揀咗黃金蒜香同蜜味乳酪粉，拌碟仲有蕃薯條同蝦片，勁滿足鮮蝦沙律爽口彈牙，沙律菜新鮮嫩綠，配上柚子醋、洋蔥、堅果、蘋果同雞蛋，口感豐富，感覺健康芝士蟹子蛋捲啖啖都食到芝士同蟹子，口感滑溜，八爪魚煎餅有滿滿嘅八爪魚，煎餅又香又脆炒牛小排口感軟腍，拌碟嘅雜菜都份晒味，水冷麵酸酸地好開胃，配上芥末味道更豐富，感覺好清爽飲品甜品同樣吸睛，唔單止打卡一流，質素仲好高，雪冰口感綿密，啖啖奶香，配上新鮮士多啤梨、果醬同雪糕，成件事好圓滿…Read More

有次經過試過Burger Joys幾驚喜，估唔到酒吧feel但漢堡幾出色，今晚又經過，一於encore今次食魚柳漢堡同雞肉漢堡，魚柳口感實淨一絲絲，雞皮脆皮厚實，加埋滿滿嘅醬汁、洋蔥、蕃茄同生菜，烘過嘅包，味道豐富，好有層次熱溶芝士薯條，心機誠意之作，每一層都有邪惡嘅芝士，條條都帶濃濃嘅芝士香，蒜香雞翼生炸火候控制得好好，皮脆肉嫩，加埋泰式雞醬同炸蒜，調味一流，非常惹味Cookies & Cream奶昔，濃厚oreo香味，口感順滑，仲有oreo碎，夠晒滿足環境乾淨，感覺幾chill，最重要係食物質素高，好滿足…Read More

The Grill Room質素一向都唔錯，性價比幾高，近期仲出咗個澳洲和牛任食套餐，今晚都同咗朋友嚟試和牛有三款，分別係和牛脊肉、燒和牛肉同和牛冧扒，任食嚟講幾款質素都好唔錯，和牛脊肉配鹽同黑椒好好食，個人最鍾龍燒和牛肉嘅口應，和牛冧扒油脂香相對較重套餐仲包咗其他主食，今晚有意大利雲吞，雲吞皮掛滿汁，薯條炸得好好，其餘餐湯、沙律同餐包都唔錯除咗任食和牛套餐，單點嘅選擇都唔好，見好多其他客人都有點海鮮拼盤，下次再嚟要試下，環境好舒服，啱晒同朋感覺談心，仲有駐場歌手live show，氣氛一流…Read More