noodles.club的個人專頁

日本連鎖串燒店鳥貴族自從上年登陸香港後，一直以性價比超高串燒同飲品保持高人氣：所有串燒、特色菜、飯麵及酒精飲品都只係$29.9，點餐完全唔使睇價錢咁🤩今次同老公到訪仲撞正鳥貴族40周年特別餐牌，帶來各種大阪美食，唔使飛都感受到關西熱鬧氣氛！🎌🔸章魚燒配脆蝦餅 大阪祭限定menu之一✨章魚燒內餡軟嫩，搭配彈牙章魚粒同埋濃郁醬汁，神還原大阪本地風味！仲伴以脆蝦餅，蝦味同酥脆口感同章魚燒味道好夾！🔸炸串（牛肉、豬腩肉） 另一大阪祭menu！兩款炸串炸粉好薄，香脆但唔會有油膩感；牛肉味濃帶嚼勁，而豬腩肉就滲住微微油脂香滑口感，送酒一流🔸雞腿貴族燒（秘制醬汁） 雞腿肉質柔嫩有肉汁，搭配秘制醬汁鹹甜適中，配上鮮甜京蔥，每一啖都回味無窮🤤🔸貴族雞釜飯 釜飯係生既狀態上枱，店員會教客人調理方法，等20-25分鐘就食得喇！米飯吸滿特製雞湯既雞肉鮮味，配上鮮嫩雞肉、赤板魚蛋、甘荀及牛蒡，令整個釜飯口感層次豐富，暖胃又飽肚🥰🔸明太子蛋黃醬燒雞胸肉串 雞胸肉燒得剛剛好，肉質唔怕鞋口，加上滿滿明太子蛋黃醬，鹹香鮮味為雞胸肉味道加添層次🔸鹽燒雞中翼、秘製醬汁雞肝 鹽燒雞中翼外皮香脆，鹽味恰到好處，唔會蓋過雞肉本身味道；雞肝口感滑嫩，同秘製醬汁味道完美配合，話咁快食哂成串！🔸芝士雞肉丸 雞肉丸口感柔軟，上面鋪滿濃郁芝士醬，每一啖都係滿滿鹹香…查看更多

大館每一年都會有巨型聖誕樹，想望住聖誕樹食大餐，PAZTA就係其中一個夠哂氣氛嘅選擇喇🎅🏼同朋友試咗佢哋嘅Festive Menu ，每人可以選頭盤、主菜同甜品各一，仲有加配紅白酒、甚至free flow option！🍷—— Appetizer ——🔸Zuppa al Funghi e Tartufo頭盤揀咗黑松露磨菇湯🍄‍🟫蘑菇湯呈稀身，保留蘑菇顆粒令口感更豐富；入口帶黑松露香氣，亦更提升磨菇既天然鮮味🔸Tartare di Tonno 另一道頭盤吞拿魚他他用上新鮮吞拿魚粒，搭配青瓜同薄荷令味道更清新。最特別係加入百香果肉，係一般比較少見嘅配搭；酸甜味道搶眼，鍾意百香果必點—— Main ——🔸Tagliatelle al Tartufo nella Ruota di Parmigiana以白松露醬為基底，再將麵條加入巴馬臣芝士輪中攪拌，每一條麵條都沾滿濃郁醬汁！上枱時店員會喺客人面前現刨新鮮黑松露，充滿儀式感🥳🔸Filetto & Porcini牛柳煎至medium rare，肉質柔軟多汁，搭配以牛肝菌製成嘅濃稠醬汁，每一塊都沾滿菇菌香氣！不過醬汁較多，怕膩的話最好同朋友一齊share—— Dessert ——🔸Golden Tiramisu 聖誕就係要奢華感！✨ 甜品Tiramisu 上面灑滿一塊塊金箔，外觀奢華典雅，打卡啱晒！口感柔軟綿密，咖啡香氣平衡甜度🔸Lava Cake & Vanilla Ice Cream朱古力心太軟外層烤得微脆，內餡保持濃稠柔軟；同雲呢拿雪糕嘅冷熱對比，正好為大餐作結…查看更多

炸魚薯條係最出名嘅英國菜之一，香港好多地方都食到，但可以揀魚種類嘅少之又少，Fish & Chick就係其中一間🥳 初次到訪Fish & Chick上環分店，以黃藍為主調嘅明亮室內裝潢營造輕鬆舒適氛圍；點左精選二人套餐，已經有齊沙律、前菜、兩道主菜同飲品，選擇豐富性價比高！🔸秘製炸蟹球配沙律炸蟹球炸至金黃酥脆，一切開就見到內餡以滿滿蟹肉造成，蟹肉鹹香味道加上外脆內軟口感好惹味！可以搭配清爽沙律菜，或者帶微微嗆辣感wasabi沙律醬，一樣咁開胃🔸白酒汁煮鮮蜆蜆肉新鮮肥美，份量多而且肉質彈牙；白酒汁唔單止提升蜆肉鮮味，仲帶有微辣刺激感，令整碟蜆肉味道層次更豐富☺️🔸原味烤雞半隻配甜粟米烤雞皮薄香脆，食落口完全唔覺得油膩；肉質柔嫩保留肉汁，半隻兩個人share剛剛好！揀咗甜粟米做配菜，自然甜味比較清新，冇咁飽滯🔸傳統英式炸魚配薯條最鍾意呢度可以揀不同產地同種類嘅魚做成fish and chips，今次揀咗本地新鮮鯛魚，坊間比較少見🥰感覺鯛魚肉通常偏厚實，但炸完之後仍然保持柔軟口感🤤外層炸粉薄而酥脆唔怕油膩，可以配他他醬一齊食，亦可加枱面嘅麥芽醋減輕膩感，加埋一杯冰涼大生啤更加爽！…查看更多

第一次到訪Aedes Wine & Pasta Bar完全被佢地既手工意粉俘虜，今次專程帶老公再黎朝聖！🥰店內主打pasta dish，自家製pasta及dry pasta款式繁多，再配上唔同既醬汁及配菜，造出多種style既意粉菜式🍝整家店充滿casual chic 氛圍，店員首先會介紹當日serve既意粉形狀，詳細解釋每款菜式，夠哂細心！🔸Homemade Tagliolini (japanese tuna, cherry tomato, rocket leaf)用上新鮮吞拿魚塊，簡單清新醬汁已經能夠提升刺身鮮味🥰加上車厘茄微酸同火箭菜青草香互相配合令整碟意粉更顯輕盈但充滿風味，必點！🔸Homemade Malloreddus Melanzana (eggplant, burrata cheese, roma tomato sauce)羅馬蕃茄醬濃郁厚實，酸甜平衡感剛剛好；茄子柔軟口感同burrata cheese 奶香相互融合，包裹住以馬鈴薯粉製成、口感彈牙帶嚼勁既malloreddus意粉，每一啖味道層次都好豐富🔸Homemade scialatielli (italian sausage, pecorino cheese)以pecorino cheese為基底打造充滿濃郁奶香嘅醬汁，搭配鹹香意大利香腸，再配埋同樣以馬鈴薯粉造成嘅scialatielli意粉，口感層次分明，尤其芝士味道更加明顯，好惹味☺️…查看更多

來自日本東京嘅燒肉專門店燒肉 LIKE係返工食快lunch嘅熱門選擇，佢哋將一人燒肉文化由日本帶到香港，一個人無論幾時都享受到高質燒肉！🥩最近試咗南非和牛腩後胸肉三重套餐，仲有幾款期間限定食品，燒肉體驗level up🥳🔸南非和牛腩後胸肉三重套餐套餐內有M8/9等級嘅南非和牛腩後胸肉，配上肉味濃郁嘅牛板腱、以及爽口多汁嘅牛舌，一份集齊三款唔同口感嘅牛肉部位🤤 其中主打南非和牛腩後胸肉肉質結實有嚼勁，油花均勻，肉汁豐富，燒烤後口感軟嫩😌🔸豬頸肉肉質爽口，油香四溢，燒至邊緣微焦更加香口，而且$22就可以追加，性價比高🔸丹麥多士配牛油蜜糖燒肉經典組合 🏅多士每邊慢火烘至金黃香脆，然後等餘溫慢慢將牛油融化，再淋上香甜蜜糖，秋冬必食🍯…查看更多

位於中環既日本東京過江龍Gyoza AnD 係同朋友經常回訪嘅餃子店，1979年創立嘅老字號，提供性價比高嘅正宗日式餃子🥰最近再訪咁啱有沖繩縣menu，將沖繩食桌帶到黎香港，唔使飛都食到地道口味🇯🇵🔸沖縄水雲沖繩名物水雲係一種海藻，有豐富營養價值；呢一道水雲菜式加入秋葵、蕃茄及紫蘇葉，獨特黏滑口感配酸甜調味好開胃🔸沖繩茉莉花茶沙瓦Jasmine tea sour喺日本近年好盛行嘅酒品之一，茉莉花香氣突出，茶味清爽，少飲開酒既朋友都會鍾意飲🔸沖繩蛇酒沙瓦蛇酒係傳統沖繩烈酒，喺沖繩好易搵到，但香港真係第一次飲！蛇酒味道較濃烈，調成sour之後比較容易入口，香味獨特🔸自家製燒餃子正宗日本風味！軟薄餃子皮內包住由豚肉、白菜及韭菜造成既餡料，一面先至香脆可口，餡料柔軟帶嚼勁🥰 如果想令味道層次更加豐富，可以參考黃金比例汁調法，以3:1:1比例混合醋、豉油及辣油，酸辣味道更開胃🤤🔸紫蘇燒餃子店內牆上會寫住當日餃子款式及其他推介，紫蘇燒餃子就係其中一款！睇落去冇乜分別，但咬落去紫蘇香氣非常明顯，但同餡料味道保持平衡，係一個好開胃嘅變奏版🥰🔸担担撈麵担担撈麵辣勁唔會太強，辣椒油香氣十足；濃郁花生香同自家製芝麻醬令味道層次好豐富，配合彈牙麵條越食越上癮！！🔸博多雞飯飯團以雞炊飯做成飯團，雞肉令飯粒帶微微油香，配上紫蘇葉及紫菜令香氣大為增加…查看更多

一直好少食日式放題，驚唔夠新鮮質素參差… 不過今次初訪中環ODDS，完全顛覆對放題既印象😌ODDS位於中環渣打銀行大廈，高級地段配合典雅格調bar area，踏入門口已經好驚艷😍穿過暗門黎到用餐區，享受逢星期六日及公眾假期供應既Dinner Feast，包括每人一款主菜以及2.5小時無限量小食，仲可以加錢無限暢飲！Free flow小食餐單已經包括沙律、刺身、卷物、串燒、鐵板燒及甜品等等，加上超高質素主菜，成為中環必去性價比高日式料理🇯🇵🔸沙律先點沙律，每一款細細兜但已經有齊牛油果、魚生等配料，味道平衡好開胃🔸刺身油甘魚、真鯛魚、八爪魚等等刺身都好新鮮，而且有唔同醬汁配搭令味道更多元化！最鍾意海膽魷魚，煙靭口感配海膽鮮味食唔停口🤤🔸卷物卷物一件件排列整齊，小小一件但精緻又足料💪🏻鹹香芝士火炙三文魚卷、脆脆口感天扶良蝦卷、肉味濃郁汁燒牛肉肉青瓜卷，bite size唔怕頂肚又好味🔸串燒 鐵板燒 炸物餐牌仲有好多唔同串燒揀，好似免治雞肉棒、雞軟骨、雞腎、魷魚等，火候剛剛好而且汁燒調味到位。唐揚魷魚金黃香脆，鐵板牛油太子貝口感彈牙香氣十足，想食多啲暖胃小食仲可以點日式茶碗蒸同味噌湯，味道同樣出色！🔸A4黑毛和牛3食白飯上面鋪滿黑毛和牛片，油花分布均勻，入口柔滑充滿脂香🤤先品嘗牛肉原味，再加入醬汁山葵或蒜片，最後做成茶漬飯 ，三種食法各有特色，係一個好豐富嘅體驗🥰🔸特選火炙壽司8款壽司一啲都唔馬虎，8件鮮味及口感各有不同，火炙後逼出油份入口香氣更濃郁！🔸甜品日式蛋糕同和菓子都係任點，為豐富一餐作結😌…查看更多

Pizzeria Italia係我同老公經常幫襯既餐廳，味道口感正宗得黎性價比高今次回訪摩羅廟街分店，雖然係半山但可以經由扶手梯直達，地點方便；餐廳面積唔大但坐得舒服，紅白枱布配合木系bar area令整體氣氛更加homey🇮🇹 揀左2人套餐，有齊前菜拼盤、兩款主菜同甜品，飽肚又抵食！🔸Antipasti Platter前菜選擇好多，呢個拼盤就可以一次過試到不同款式🙆🏻‍♀️ 炸新鮮魷魚彈牙香口，烤麵包配自製番茄莎莎醬鮮甜開胃，煙三文魚配酸豆檸檬及特級橄欖充滿刁草香氣，仲有自製雞肉炸丸子炸得金黃香脆，不同口感味道組成一個豐富既拼盤🔸Parma Gorgonzola e Cipolle店家批底新鮮手製，批底柔軟但批邊保持煙韌；呢一款11” pizza配料包括巴馬臣火腿、哥根蘇拿芝士同洋葱，表面塗滿蕃茄醬，酸度正好平衡哥根蘇拿芝士既濃郁藍芝士鹹香🔸Linguine with Mix Seafood in White Wine Sauce第二款主菜揀左雜錦海鮮意粉，可以揀白酒汁或茄汁作基底。海鮮配料相當足料，有蝦、蜆肉、八爪魚仔、三文魚等等，令整碟意粉口感好豐富，白酒汁更能提升鮮味🔸Tiramisu口感軟滑而且味道唔怕太甜膩，散發濃郁咖啡香氣，而且份量夠大最適合分享…查看更多

係中環lunch成日都驚又貴又多人，不過自從係IFC搵到Pata Negra House，放飯就多個高質又輕便嘅選擇🤤 Pata Negra House專門經營伊比利亞黑毛豬火腿同西班牙美食，店舖面積細細已經有齊三文治、湯品、沙律等食品；加上雪櫃入面大量西班牙火腿及芝士零售選擇，無論係想享受美食定係購入高質西班牙產品，一間店已經可以做齊晒😌🔸 開心果腸佛卡夏意式包 Iberico Mortadella Focaccia呢度可以揀唔同配料同麵包砌出自己鍾意嘅三文治，我就揀咗mortadella配focaccia！focaccia外酥內軟而且唔怕油膩，中間夾住超·級·多開心果腸，每一啖咬落去都食到滿滿肉香！！再配合青醬同開心果粒，橄欖油香氣、堅果味道以及開心果腸柔和鹹香互相平衡，無論味道定口感都100分🥰 除咗單點仲可以跟套餐，有埋沙律或湯品等等，更加滿足！🔸32Months Iberico Ham買lunch之餘順便幫屋企入貨，店員亦好用心介紹每一種火腿種類同部位嘅分別，揀得更有信心💪🏻呢一款黑毛豬火腿經過至少32個月乾燥熟成，肉質細膩帶淡淡堅果香，適量油份亦令火腿更香更柔滑！🔸Iberico Lomito 呢一款豬脊肉就經過至少12個月乾燥熟成，由栗子和橡果飼養既黑毛豬帶更重堅果香氣，肉質結實味道濃郁，口感層次更加豐富！…查看更多

之前介紹過米芝蓮推薦泰菜Restoran Saya，今次去左位於荃灣既姊妹店Kopitiam By Saya同樣冇令人失望🥰 餐廳設計有心思而且位置寬敞，窗邊位置仲可以望到大海景；餐牌選擇繁多而且性價比高，晚上8點後入座仲會有海鮮七折優惠，更加抵食！🔸爆蒜炒蟹肉滑蛋飯 必點！！一上枱就見到碟內鋪上大量炸蒜同蟹肉，加上煎至半熟嘅滑蛋，令整道菜更加吸睛😍滑蛋口感柔嫩，同富存在感嘅炸蒜成強烈對比，但入口之後不同食材平衡得宜，亦令蟹肉鮮味更為提升，口感豐富而且層次分明，食唔停口🤤🔸辣椒膏炒花甲 花甲肉質鮮甜爽口，以辣椒膏炒過後辣勁同鮮味互相融合，加埋燈籠椒、蕃茄燈配菜更加惹味🌶️🔸紅咖喱檸檬葉燒封門柳 封門柳肉質鮮嫩多汁，煎至半熟後不但保留牛肉香氣，微辣之餘帶檸檬葉清香，味道層次非常豐富，係一道高質肉類主菜☺️🔸蝦多士 蝦多士外皮酥脆但完全唔怕油膩，最驚喜係內餡超級飽滿，咬開會見到滿滿蝦肉放喺薄脆多士上面，鮮味十足，配上甜辣醬更加惹味🤩🔸生蝦刺身 又係泰國菜必食😍一碟4隻生蝦刺身新鮮肥美，口感彈牙，配上以香草調配嘅醬汁，提升鮮味同時唔會蓋過生蝦味道，推薦！🔸芒果糯米飯 點少得泰國最經典甜品🥭芒果熟度剛剛好，大大隻而且甜美多汁；糯米飯口感軟糯香甜帶斑斕香，搭配椰漿味道更加濃郁🔸Found in Bangkok/ Lady Boy兩款以泰國為主題嘅雞尾酒，同樣以Gin酒作為基底但帶有不同花果香氣，清爽唔怕甜膩！…查看更多

茶大椰係一間以椰子為主題既連鎖茶飲店，以椰子為基底創作出不同茶飲及甜品，最適合好似我咁有乳糖不耐症既人🙆🏻‍♀️尤其係用上鮮椰乳及原茶葉做出既創新搭配人氣好高，已經榮升為我近期最愛既茶飲店🥰🔸抹茶生椰乳店內其中一款熱門item✨抹茶濃郁香氣與椰奶既清新融合得好和諧，回甘茶香同時帶住椰奶清甜味道🍵將飲品拌勻後口感醇厚但唔會過於甜膩，係茶大椰必試茶飲！ 🔸焙茶鮮椰乳除左抹茶亦有焙茶版本，焙茶本身味道帶微微焦香，同椰奶既清新甜度相輔相成！入口口感細膩柔滑，焙茶特有既烘焙香氣比較突出，同抹茶生椰乳相比又有另一番風味🔸原味大椰凍本來想試既焦糖大椰凍剛好賣哂，但原味原來已經好夠味🤤一整個椰子裡面裝住以椰奶製成既椰凍，口感順滑帶有彈性，而且每一啖都有天然椰子香氣同甜味，好清新！記得刮埋椰殼內側既椰子肉一齊食，口感更加豐富🥥…查看更多

韓奶奶拌飯位於元朗出晒名嘅食街，主打不同口味韓式拌飯，今次專登同老公去試試🇰🇷餐牌見到好多唔同款式口味嘅拌飯選擇，而且小食性價比好高，好多detail位都睇得出小店有落心機🙆🏻‍♀️釜飯以韓國高壓鍋加速煮成，每窩飯獨立即叫即煮，每一份都熱辣辣🔥🔸燒芝士韓式辣炒魷魚拌飯店家新出品！拌飯用上濃郁韓式醬汁，帶特有甜辣味道；魷魚鮮嫩有彈性，再將兩種芝士鋪滿表面，加上粟米同牛油，烤過後散發奶香，同辣炒魷魚係絕配！店員建議將全部配料拌勻食，每一啖都有豐富口感😍每個拌飯附上泡菜、前菜及海帶湯，order一個拌飯已經有齊整頓豐富晚餐🔸特級牛頸脊拌飯餐廳招牌之一！牛頸脊肉質軟嫩保留肉汁，份量一啲都唔吝嗇🥰表面仲放上一隻生蛋黃，亦有香蔥、粟米、牛油及芝麻等配料；店員介紹可隨喜好加入另上嘅特製醬汁，然後全部拌勻，蛋黃幼滑口感更能提升肉香🔸自家製韓式炸雞 配蒜蓉芝士醬炸雞外皮酥脆但唔怕油膩，裡面既雞肉嫩滑多汁，好惹味。最欣賞嘅係蒜蓉芝士醬由店家自家調製，蒜香濃郁芝士醬滑順濃厚，完全成為整個小食嘅亮點！🔸香煎韓式韭菜餅配特製醬汁** $28已經食到韭菜餅，性價比超高🤩 韭菜餅煎至微脆，韭菜、蘿蔔等蔬菜同麵糊比例恰到好處，唔會有膩感😌特製醬汁鹹香帶有淡淡酸味，幾開胃🔸凍頂烏龍茶 / 雨前龍井茶兩款罐裝茶都冇添加糖；回甘香氣正好配搭味道濃郁嘅拌飯…查看更多

再訪大阪過江龍🥰 弁慶 御好燒 鐵板燒由日本人主理，由主廚、侍應到客人都以日本人居多，氣氛輕鬆熱鬧但唔會嘈吵，身處中環都感受到日本地道氛圍🥳最鍾意坐counter座位望住師傅席前調理食材，一步步煮出高質菜式😌今次到訪餐廳仲做緊沖繩縣祭期間限定menu，即刻同老公試咗幾款！🔸琉球韭菜燒賣腐皮包 沖繩縣祭menu限定菜式之一！用腐皮包住以韭菜及豬肉製成既內餡，似餃子嘅味道但多咗腐皮微甜煙靭口感💁🏻‍♀️ 每一個腐皮包都係滿滿內餡，味道層次好豐富🔸脆炸粟米 另一款沖繩縣祭菜式，粟米加入少量粉漿後煎成一個個小圓餅，炸至金黃酥脆同時保留粟米鮮甜味，係大推既小食之一！！🔸沖繩香檸Sour 沖繩縣祭限定cocktail，帶有香檸獨有酸度及香氣，酒精味道唔會太強，清爽解膩🔸熱熔芝士大阪燒 用椰菜及以高湯調味既粉漿作為基底，搭配自家製醬汁、沙律醬同豬肉片，做成傳統關西風大阪燒🇯🇵 每一塊既椰菜/粉漿比例剛剛好，口感紮實，最後再覆蓋上大量熱熔芝士，令整道菜式更加吸睛，芝士濃郁奶香更能夠提升配料風味！🔸明太日本玉子卷 師傅將蛋漿煎至半熟，令玉子卷保持柔軟口感；包住鹹香味濃明太子非常惹味，忍唔住一啖接一啖🔸關東煮 湯頭清澈鮮甜，食材吸收湯底精華，尤其白蘿蔔同炸豆腐非常入味，入口溫暖又滿足…查看更多

位於中環街市既MYLKLAB.CO係一間豆乳飲品專門店，主打100%有機黃豆製作既豆乳產品，對於好似我呢D有乳糖不耐症既朋友簡直係天堂！✨店內所有飲品均為純素、無奶，而且種類選擇非常多，由手調飲品、枝裝豆乳、到雪糕同布甸等甜品都有得揀，過口癮都可以揀得天然健康💪🏻🔸有機紅菜頭豆乳一到手已經被搶眼粉紅色吸引💕紅菜頭獨特草青香帶自然甜味，同有機豆乳融合健康又有創意，味道清新。坊間比較少見呢個配搭，鍾意嘗新一定要試！🔸豆乳奶蓋 抹茶紅豆拿鐵抹茶清香同紅豆甜美完美結合，再加上濃郁既豆乳奶蓋，甜度及茶澀味互相平衡🍵濃密口感加上粒粒紅豆，口感層次豐富，又消暑又有滿足感試！🔸雪燕桃膠豆乳 除左即時沖調既飲品之外，仲有枝裝飲品易於攜帶😌呢一款豆乳加入雪燕同桃膠，係順滑口感上再增強口感，亦更具養生美顏效果🔸黑芝麻有機豆奶 黑芝麻味道濃郁但不失清新aftertaste，亦唔怕蓋過豆奶既天然黃豆香，口感濃厚而且營養豐富！…查看更多

品曲奇終於係旺角西洋菜街開設新分店！之前係中環買過已經成為忠粉，今次新開分店更加充滿香港特色，門口行過已經好吸睛😍旺角分店整個空間都充滿香港特色情懷，每個角落都設有大量打卡位，無論係外觀設計定產品陳列都超級靚🥰 客人可以係店內試食不同產品，店員亦會俾心機介紹，可以慢慢揀自己鍾意既味道🤤 品牌產品包裝一樣好有特色，有香港主題曲奇禮盒，亦有舊信箱造型小盒裝等等，送禮自用都有滿滿幸福感💛今次揀咗兩盒同屋企人share，兩款都好滿意！🔸朱古力果仁脆脆結合蛋卷酥脆同曲奇口感，濃郁朱古力味配夏威夷果仁nutty香氣好惹味，食多幾塊都唔覺膩，口感幾清爽！🔸快樂果醬曲奇禮盒排放精緻既禮盒，包括牛油曲奇、果醬牛油曲奇、 果醬朱古力曲奇同 菠蘿醬荔枝曲奇四款，口感酥脆充滿牛油香氣！盒內仲包括一塊香港特色糖牌，有得睇又有得食，充滿玩味🇭🇰…查看更多