Thechillchillday的個人專頁

公司樓下開左一間新餐廳，見佢門面幾光猛，同工廠大廈好唔同，所以就入去試下!呢間餐廳叫「秘坊」，主打社企理念， 聘請傷健人士作為員工，每位店員態度好親切有禮，到門口仲特意為客人開門，感受到一份真誠服務。今次點咗一碗 蟲草花雞湯米線，份量好大碗，雞脾炆得軟熟、肉質滑嫩，食落好香口。不過湯底味道真係比較淡，比較清淡。午餐時段人流都幾多，可見人氣唔錯。整體感覺係一間用心推廣健康飲食、又保持食材質素嘅社企小店。期待下次再試佢哋嘅健康餐系列～…查看更多

大員位於荔枝角青山道 538 號半島大廈地下，店面不大但帶有簡約台式風格。 一入店就感受到一種親切、樸實的氛圍：燈光柔和、牆上掛著幾幅風景畫，桌椅整齊但不擁擠。我點咗他們的十三香牛肉麵，可選刀削麵或幼麵。 湯頭濃郁、帶有牛香與中藥香氣，但不過於厚重，喝落暖胃而不膩。牛肉塊有三塊左右，每件極大塊，燉得軟嫩但仍保留咬感，肉質入味。 麵條彈牙，能吸湯又保持筋道。整體份量適中。配料簡單不誇張，重點落在湯與牛肉本身。在這樣的小店裡，能喝到一碗專心製作的牛肉麵，就已經令人心滿意足!…查看更多

第一次嚟武田燒肉，一入門就聞到淡淡炭香，環境以木系設計為主，日式簡約但唔侷促。枱距適中，抽風系統做得好，燒肉時冇油煙味，坐得舒服。肉質方面真係出色。🐮 牛肉新鮮度高，油花分布平均，輕輕一燒就滲出香氣。無論係厚切牛舌、牛肩脊定上等牛肋眼，每啖都嫩滑多汁、肉味濃郁。海鹽、燒汁同檸檬汁三款配搭各有風味，我自己最鍾意簡單灑鹽，最能食出肉嘅原香。🍤 海鮮部分同樣新鮮，蝦肉爽甜、帶微焦香。甜品區同飲品選擇都幾齊全，最驚喜係有雪糕同水果自助吧。服務員態度親切，上菜快，換網勤快。整體感覺係一間「認真對待食材」嘅店，誠意感十足。外面的自助吧有好多好味的甜品，有雪糕、唔同款式甜品，因為臨近中秋仲有中秋月餅，真係好應節!…查看更多

意廊嘅歐陸風裝潢一入門就好有格調，紅白格枱布加上柔和燈光，好有意大利小館感覺。環境乾淨寬敞，坐得舒服，氣氛悠閒，無論情侶晚餐定家庭聚會都啱。呢度叫主菜可以送半自助餐，超豐富! 半自助餐選擇都唔少，前菜沙律新鮮、湯品濃郁，甜品區有芝士蛋糕、朱古力撻同新鮮水果，補得好快。餐廳服務員主動而細心，會不時添水同收碟。今次叫左主菜牛扒同羊鞍，外層香脆帶焦香，內裡粉嫩多汁，肉香濃郁、油花分布平均，切開時肉汁滲出，香氣撲鼻!配上店家特製牛汁，鹹香中帶微甜，提升咗整體層次。蘆筍同車厘茄配得恰到好處，清爽解膩。食完主菜，再出去食埋生果同甜品，大滿足!整體體驗好滿意，食物質素、環境同服務都超出預期，屬於「會想再回頭」嘅那種餐廳。…查看更多

呢碗牛根魚蛋米真係出乎意料咁好食！湯底濃郁帶甜，魚骨香滲得好入味，飲落暖胃又唔會太油，一啖湯已經覺得滿足。米粉軟滑唔糊口，吸晒湯嘅精華，每啖都充滿層次。🐮 牛根炆得入味、啖啖膠質、口感煙韌，魚蛋彈牙又爽口，每粒都吸滿湯汁。再加少少蔥花同辣椒油，香氣更突出。環境乾淨簡單，出餐快又穩定，快食一流!但今次牛根魚蛋米真係好好食，整體味道一流，之前試過佢嘅崩沙腩都好出色，無論早餐定午餐時間，經過都值得一試！…查看更多

🍽️ 自助山 The Grand Buffet｜視覺與味覺的盛宴呢次係為咗慶祝老公生日，喺 KKday 買票嚟食自助山。由電梯升上去嗰一刻，已經感覺到氣派十足——玻璃幕牆外嘅城市夜景閃爍，餐廳內燈光柔和，金銅色吊燈同鏡面裝飾映照出高級感，好似走入咗一場味覺盛典。餐廳有兩層設計，空間感十足。第一層以長長嘅食物台為主，行幾步就見到唔同區域：凍海鮮區擺滿冰鎮長腳蟹、青口同蝦；第二層就分成唔同主題房間——中式、泰式、燒烤、甜品房，一路行一路有驚喜，每樣食物仲要擺得好靚!🍣 🍴 環境特色餐廳有兩層，最特別係 360° 旋轉設計，坐低慢慢望住香港夜景，食住嘢心情特別好。今次仲幸運坐到窗口位，真係 bonus！不過燈光一開始有啲昏暗，好似太 chill，差啲想瞓着 😆。🦀 冷盤海鮮選擇唔算誇張，但麵包蟹膏超多，鮮味十足，其他海鮮都保持到水準。🍣 壽司 / 刺身壽司米用日本米，煙韌有咬口。平時自助餐我淨係食刺身，今次連壽司都覺得好食，忍唔住食咗幾件。🥣 中式湯品蟲草花淮山湯今次偏鹹，唔算最好味，但至少暖笠笠。🥩 熱盤推介羊鞍真係 surprise，好軟熟，冇一絲羶味，值得試。🍰 甜品重頭戲•各式甜品放喺玻璃櫃，好精緻有格調。•焦糖海鹽脆脆蛋糕：口感鬆軟，甜而不膩。•火焰雪山：20:15 出場，全場氣氛升到爆，半間餐廳嘅人一齊走去睇火焰燃燒雪山，真係有 party feel。外層軟腍偏甜，但中間雲呢拿雪糕冷熱交融，係 perfect ending。🙆‍♀️ 服務店員有禮貌，換碟速度快，整體服務俾人感覺專業又舒服。⭐️ 推介指數：⭐️⭐️⭐️⭐️⭐️🍷 Chill 指數：⭐️⭐️⭐️⭐️⭐️總括嚟講，自助山真係幾啱慶生或特別日子，夜景＋旋轉餐廳＋甜品表演，氣氛一流。雖然部分食物質素有浮動，但大致上都值得一試！…查看更多

🍰【享樂烘焙食評｜肉桂卷篇】一打開個袋，淡淡的肉桂香就撲鼻而來，食前再焗一焗，溫暖又療癒。咬下去那一刻，外層微微焦香、內裏鬆軟綿密，質地濕潤不乾。肉桂的香氣與柔滑糖霜完美融合，甜得剛好，不會膩口，反而帶出一種「幸福的甜味」!每一口都有層次，越吃越香。麵包體的發酵香氣天然純粹，配合微微焦糖化的邊緣，讓人忍不住一口接一口。☕ 如果配上一杯拿鐵或黑咖啡，香氣更加突出，是下午茶的完美組合。 推介指數：⭐⭐⭐⭐⭐…查看更多

🍲【銀杏館食評】銀杏館係一間充滿人情味嘅社企餐廳，由長者擔任主要服務人員，致力推動「長者再就業」同「樂齡共融」理念。餐廳主打家常中菜，菜式以健康少油為主，環境樸實溫馨，食得出一份「人情味」。👩‍🍳 菜式方面：梅花扣肉：鹹香入味、肥瘦均勻，配梅菜一齊炆得夠腍，送飯一流。蟲草花蒸雞：雞肉滑嫩、味道清香，配黑木耳與薑絲提味，健康又足料。燒賣（$18／2粒）：大粒飽滿，肉質實在，蝦肉鮮甜，係必試點心之一。🍠 半自助餐推介：蕃薯香甜軟糯、腐竹蛋糖水滑溜香濃、水果新鮮清爽。不過自助餐區略為混亂，座位亦偏窄，取餐時要稍微等一等。💬 整體感覺：長者員工服務親切有耐性，令人感受到被照顧嘅溫度。菜式有「屋企飯味」，價錢合理，適合一家大小或朋友聚餐。⭐️ 推介指數：⭐⭐⭐⭐⭐😌 Chill指數：⭐⭐⭐（半自助餐區比較混亂、座位較窄）✅ 總結：銀杏館不止係一間餐廳，更係一個讓長者展現價值與溫情的地方。食得飽、食得暖，仲食得出一份尊重與愛。…查看更多

位於城市小巷的 61E Cafe，有一種令人放慢腳步的氣氛。柔和的音樂、簡約的木系裝潢綠化植物，再加上晨光從窗邊灑進來，是個令人想靜靜坐一陣的地方。今次試咗佢哋嘅 三文魚酸種多士同玫瑰Lattez，多士外層微脆、內裏柔軟，酸種麵包帶出淡淡麥香。三文魚煙香十足，配上忌廉芝士嘅滑順同微酸，而面包經過烘煎，味道層次豐富又唔膩口。三文魚份量足夠，一份已經夠飽肚。玫瑰Latte令人驚喜，粉紅的顏色令人感到幸福，咖啡香氣清新但唔會過濃，奶泡細緻滑順，甜度恰到好處!朋友叫左的Flat White，附有超精緻的擠花，望到已經心情大好~整體感覺，食物質素穩定、擺盤用心，服務親切。環境寧靜乾淨，無論係一個人食早餐、抑或同朋友閒聊，都係個好選擇。推介指數 ：⭐️⭐️⭐️⭐️⭐️Chill指數：⭐️⭐️⭐️⭐️⭐️…查看更多

今日心心念念一間湯份，所以即使30幾度高溫都要行去買🤣🤣 今日的午餐係「迎麵」嘅 招牌瑤柱金湯米線。🍜 招牌瑤柱金湯湯底色澤金黃，入口帶瑤柱鮮香同濃厚骨湯味，飲落幾順喉。外賣返到屋企都仲有熱度，油份唔算太重，唔會覺得膩。🍲 配料我加左4蚊食魚肉春卷、豬耳同牛肚❤️豬耳同牛肚都係炆到好淋，係我鐘意的口感😆😆🍜 米粉米粉份量足，質地爽滑，拌埋金湯一齊食，鹹鮮味啱啱好。🧃飲品我加左$7加佢既檸檬茶，係好好飲！見到有人用$20淨係買黎飲，就知幾有質素😍🌟 推介指數：★★★★☆🍃 Chill 指數：★★★★☆…查看更多

知道第二日有颱風假，夜晚決定唔煮，食完仲要去做gym～見到 Supersandwich 出左新嘢（太耐冇食🙈），價錢合理又有位，就坐低試試。🥔 三文魚沙律焗薯薯仔好大隻，焗到超軟甜，入口好滿足～配上酸酸地嘅三文魚沙律，清爽解膩，好食！🍚 希臘式檸檬薑黃燒雞低碳米炒飯今次最大驚喜！薑黃飯粒粒分明又軟淋淋，係我最鐘意嘅口感 😍雞扒偏薄，但好軟熟，唔會乾柴，只係食唔到太多檸檬酸味～🥗 雞扒沙律份量十足，菜底新鮮，仲有兩隻溏心蛋＋雞扒，蛋白質滿滿，絕對夠哂飽。老公一個人KO晒成碗。💡 總結：整體感覺清新健康，份量足夠，價錢合理，對想食得清淡又飽肚嘅人幾啱～⭐️ 推介指數：4.5粒星🛋 Chill指數：4粒星…查看更多

今次嚟尖沙咀肉屋慶祝生日🎂，呢間店真係超受歡迎，必須提前book，walk in 好大機會要等位。🥩 壽喜燒特色肉屋用嘅係 關西風壽喜燒做法：先將白砂糖放喺鍋中間慢慢熔化，炒到出焦糖香，再放牛肉落去煎。跟住啲砂糖慢慢溶化，真係好療癒！每片肉片都有專人煎，火候啱啱好，令牛肉外香內嫩，仲帶有焦糖香味❤️佢呢度特別之處，係有兩種唔同種類嘅蛋，食嘅時候點一點蛋汁，成塊肉即刻滑溜到不得了；再加埋香噴噴白飯一齊撈，濃郁滿足。蔬菜、豆腐、蒟蒻絲等就放喺邊邊慢慢吸收醬汁，味道愈煮愈香。🍚 必試推介1️⃣極上牛肩肉押飯配蘭王蛋黃：牛肉吸滿壽喜燒醬汁，撈飯一流。2️⃣厚切牛舌：有咬口又唔韌，肉汁鎖得好緊，入口香滑。3️⃣日本和牛菲力壽喜燒（特選部位）：油花分布靚，肉質嫩得嚟入口即化，完全係亮點。🍨 甜品柚子雪芭清爽解膩，不過就⋯甜咗少少。⭐️ 推介指數：⭐️⭐️⭐️⭐️⭐️🍷 Chill指數：⭐️⭐️⭐️（可能因為人多，上菜節奏偏快）…查看更多

咁熱嘅天氣，真係要食返枝凍冰冰雪糕先至舒服呀！🍦未行到門口，已經聞到陣陣香味。點咗黑芝麻軟雪糕，一咬落去，第一個感覺就係——超級夠凍！！🥶 香濃嘅芝麻味即刻喺口腔爆開，就算我平時唔算特別愛芝麻，都覺得好順口又好食。雪糕筒仲好脆，咬落去有「咔嚓」聲，令口感更加滿足～ 唯一美中不足係雪糕真係融得快，要快快手食完。下次一定要試埋佢嘅菲林卷，見到已經心郁郁，好期待呀！😍🍦 Chill 指數：⭐⭐⭐⭐⭐👍 推介指數：⭐⭐⭐⭐…查看更多

小店 $48 就有 10 隻湯餃，真心抵食！每隻都大粒結實，咬落去啖啖餡，配埋鮮紅蕃茄薯仔豬骨湯，酸甜暖胃，鐘意屋企味的必試～今次揀左兩隻味，每款5隻❤️🥟 粟米豬肉餃飽滿多汁，粟米粒甜甜地，加埋豬肉餡好夾。🥟 芫荽豬肉餃芫荽味好香濃，入口清新，對芫荽控嚟講必試！再加少少辣椒菜甫同陳醋，味道層次更加豐富～食完勁飽肚，真係一餐頂兩餐！⭐️ 推介指數：⭐️⭐️⭐️⭐️⭐️🛋 Chill指數：⭐️⭐️⭐️…查看更多

呢晚嚟到太子嘅悄悄食堂，今次係朋友介紹，係太子站行10分鐘左右，呢個天氣係有啲熱既不過一到門口，就覺得冇黎錯啦！呢度環境好有格調，木架吊住一排排酒樽，配合暖黃燈光同工業風天花，氛圍好 chill，坐低就已經有放鬆感。職員好細心介紹酒類同有禮貌，整體體驗一流。🍸 玉包荔枝 Sour Cocktail因為我平時少飲酒，所以揀左隻果味濃的酒~呢杯入口酸甜平衡得啱啱好，荔枝香味清爽，配上玉包嘅柔滑口感，清新又易入口。大冰球慢慢融化，飲到尾味道依然保持濃郁。除左呢個，佢地仲有超多款酒，出名自制梅酒，朋友飲左兩round，特別酒list一定滿足到想放工小酌兩杯的朋友😁🍣 三文魚他他多士三文魚粒切得大方，加上厚身芝士，油脂香滑，配搭脆卜卜多士，一啖咬落去好有層次感，清爽開胃。推介👍👍🍲 野菜豆乳嫩雞煱呢個係我地主食😛湯底用豆乳打底，飲落順滑帶淡淡豆香，我地一開始就已經飲左幾碗😂配料有冬菇、金菇、豆腐、蔬菜等，簡單清甜。雞件係泰安雞，大大嚿，口感嫩滑，煲耐少少更加入味，成個湯底轉左風格😋😋適合秋冬慢慢享受。🥩 自釀醬油麴燒厚切牛舌芯厚切牛舌芯係朋友的推介，外層微焦，咬落爽彈又多汁，火候掌握得好。個鹽都好出色，好味！🌟 推介指數：★★★★★🍃 Chill 指數：★★★★★…查看更多