bonbon1102的個人專頁

爸媽之前吃過兩三次，今天帶我們來吃，頭盤、沙律、湯、主菜同飲品全部都好味。點了三個午餐有牛肝菌雞肉意大利飯，蜆肉扁意粉，同埋溫泉蛋卡邦尼意粉。因為媽咪話上次晚餐牛扒好食，所以就點了晚飯的牛扒餐。頭盤試咗個豬腩肉湯係甘筍湯好香滑 仲送多一碗俾我哋飲沙律菜好新鮮主菜很足料全部都好味😋加了個薯格，香脆原本諗住牛扒有小朋友食想煮熟啲，應該是老闆兼主廚出來說他們的牛扒是靚牛扒，不怕五成熟，果然煮出來裏面很粉嫩非常好味！唔係好覺佢有甜品食，如果有埋美味甜品就一流啦！住户仲有九折。抵吃。…查看更多

一行三人，兩點半開始排隊，排左差不多廿分鐘，不斷俾後面二人入座，問我們會否考慮迫d坐二人枱，我心諗點食嘢呀，入到後面無晒人（即係人哋一到已有位）。我們卻等了足足25分鐘，投訴後，才拼張枱給我們。店長唔投訴都唔理我們，無表情。麵我喜歡有咬口的，但它的麵比較硬，牛五花很一般，就是普通肥牛，牛筋和牛鍵還ok, 但不夠入味，配汁味道唔夾。清湯還ok, 麻辣湯很淡。如果只吃牛五花，很搵笨。咁都做到過江龍。。。試一次夠…查看更多

一上枱覺得個豚肉分量好少，擺得好求其，整個餐味道也一般。餐飲成杯都係冰，小朋友點飲，撈起d冰無左三分一杯，大冬天駛唔駛放咁多。天婦羅後上，阿女話好食。枱與枱之間好密，先預訂卡位會舒服好多。…查看更多

之前吃過一次外賣燒鵝飯和堂食常餐，都好好味，鵝好香，常餐炒蛋很滑，但堂食就坐得有d 迫。今日外賣雙拼，燒鵝同埋燒腩肉，飯轉左米粉。打開嗰個細細個外賣盒，極度失望，燒腩仔全部係肥嘅，為咗掩飾份量少，佢係切到一條條，唔係一塊塊的，燒鵝全部俾晒背一啲肉都冇得食，等如成個餐我都冇肉食！外賣係平d, 但俾啲咁嘅質素人哋，完全唔值囉！我諗我有排唔敢再去幫襯。就算再幫襯都一定堂食，見到有咩唔對路即刻出聲。想放上次燒鵝飯張相但唔知點解上載唔到。…查看更多

星期六下午未夠三點已排長龍等入座，待應聲音很大，不是沒禮貌，但沒有高級餐廳的感覺。安排入座，帶我們到的枱，客人還未離開的，要我們站著給他們壓力離開？過了一會他們離開了，個我們都不想坐他們熱辣辣的櫈。餐廳室內室外都比較迫，唔想咁熱所以坐室內，但係通往室外的門是長開的，熱風吹入來一樣咁熱，如果唔想熱要坐距離門口遠一點的位置。等了三十分鐘tea set 仲未到，又餓又熱，音樂又嘈，都無心機跟朋友傾計。另加了炸魷魚鬚，應該四十分鐘，經待應追了才出現。我們懷疑根本漏了我們枱的單。最有趣係，我們追個魷魚鬚，侍應主動提出幫我們取消，但我們並沒有這樣的意思。食物一般，龍蝦包碎到吃唔到係食緊乜，三文魚子卷實在太細件，八珍甜醋梨覺得唔係好夾，甜品更失望，感覺係拿出來解凍了，全部都淋支支，味道也不突出。魷魚鬚即炸，好味。可能侍應聽到我們談論，她說要我們等咁耐唔好意思，請兩件cake 給我們吃。很大方請了兩件正常size 的cake, 兩件的味道和口感都比我們tea set 的好好多！之前都有食評寫要看清楚單據，我們的tea set 已在klook 付款，果然錢仍照收，侍應搞完一輪回來係手改了張單的銀碼，會否求其左少少。…查看更多