hwonghwong的個人專頁

長沙灣寶樹堂涼茶嘅格仔餅真係超級好食！本來係夜晚經過口痕想食格仔餅，見佢$18蚊而且咁夜都有生意就買咗底嚟食，之後就係咁忍唔住返轉頭買嚟食。每次水準都咁好，唔寫返篇食評真係對唔住自己。佢嘅格仔餅係即叫即做，新鮮熱辣，攞上手好有份量，而且啲色好靚。食落外脆內軟（真係有聲嗰種脆，而家真係唔多鋪頭做到），會食完一啖又一啖，食晒成底都唔會膩。嗰啲醬好濃好好味，甜而不膩，仲可以叫老闆免費多醬/少醬，或者脆啲冧啲都得。…查看更多

格仔餅好難食，餅底好淋而且一陣發粉味，醬係好多油同少少花生醬，一攞上手個袋係咁滴油。食落就係發粉包住一啖好淡花生味嘅油好努力食咗半底但都頂唔順掉咗。收錢兩個阿姐極度混亂，收完錢唔記得自己接咗咩單，問多次之後又想收多次錢。亂咁比啲order其他客，前後有幾個人分別買個仔餅/雞蛋仔，前面有個客人要格仔餅走牛油多醬，阿姐整完遞咗個餅比另一個嗌雞蛋仔嘅人，發現認錯人之後就係咁遞比我，要我提醒佢係前面另一個人order....之後又問多我一次係咪嗌咗格仔餅，然後先再整過....永遠唔會再食…查看更多