oliviachow12的個人專頁

最近同幾個朋友慶祝生日，喺觀塘APM搵到呢間日本餐廳幾唔錯～我哋叫咗個《特選四人前料理》，另外仲叫左細細支清酒《善の水》，飲落幾清甜，同呢一餐好match豚肉沙律豚肉切得夠薄，沙律菜好新鮮，醬汁同佢地好夾，大大碟開胃又飽肚刺身四品呢碟刺身好豐富，有油甘魚、赤蝦、三文魚、磯煮鮑魚。油甘魚同三文魚食落幾滑溜，赤蝦好鮮甜，我最中意係磯煮鮑魚，口感幾煙靭海の幸 海膽卷 呢碟海膽卷有超多件，賣相仲幾靚添。海膽又滑又鮮甜，配埋中間紫菜一齊食好滿足。串燒 - 牛舌鹽燒、免治雞肉兩款串燒都燒得啱啱好，好有鹽香味，雞肉串仲有啲軟骨，咬落好爽脆鯛魚野菜石鍋湯 呢個湯好足料，有娃娃菜、菇類、豆腐、蘿蔔，湯底有好濃魚香味而且幾清甜，飲完覺得好暖胃。鐵板 A4和牛薄燒 和牛切得夠薄，捲埋蔥再薄燒左之後超香，入口即溶，正！鐵板蟹肉炒飯 炒飯好大碟，鐵板炒完熱辣辣而且好香，蟹肉份量都多，四個人都差啲食唔曬甘味 - 芒果奶凍呢個芒果奶凍有驚喜，唔會太甜，奶味好濃郁，食完完全唔覺得膩…查看更多

喺銅鑼灣行完街想食碗米線， search到呢間除咗米線之外雞翼好似唔錯，於是就去試吓~招牌秘製珍寶雞翼米線個雞翼味道調得幾唔錯，外皮炸得啱啱好，脆得黎又唔會太鹹。雖然好邪惡，但我一個人都食晒三隻雞翼碗米線有好多配料，包括肉碎、芽菜、菇、韭菜、豆卜。湯底我揀左招牌野菌雞湯，個湯底清清地，完全食到米線同配料嘅鮮甜。我另外仲加咗日式醬油叉燒，有三大塊，啖啖肉，唔錯唔錯。我仲加左罐無糖可樂，食完咁多野飲返罐真係好爽！…查看更多

之前聽過朋友講呢間西餐幾唔錯，上個weekend終於有時間去嗰度食個lunch～自家製青醬帶子意大利飯呢個risotto幾正宗，入味得黎有少少硬硬地。帶子煎得好香，而且唔會太韌，個青醬幾Creamy，但食落唔會太膩，我一個人都食到晒一大碟鳳梨可樂達芭菲杯呢個芭菲杯賣相好吸引，而且好豐富，杯上面有拿破崙酥、鳳梨粒、蘋果片仲有custard同椰子cream，而杯入面除左生果之外仲有啫喱、蛋糕同埋雲呢拿雪糕大大杯，兩個人share都食得曬白桃手搖冰茶估佢唔到，呢杯冰茶真係超有驚喜！一飲落去覺得個茶底濃得來唔會太澀，白桃唔係齋得個甜字，而係淡淡咁滲出嚟…查看更多

早排去APM 食lunch 想食拉麵，search到呢間打算試下，不過覺得位置都幾難搵，搵左一陣先搵到。睇餐牌見到佢地沾麵店都好似幾吸引，不過諗諗下都係想食返普通拉麵。我揀左個白神山叉燒拉麵，等左唔係好耐就已經有得食啦叉燒有兩塊，切得好薄，刀功唔錯，不過覺得如果俾多一兩塊會好啲碗麵湯底幾濃郁，拉麵算係彈牙，不過真係少左啲… 另外佢仲有溏心蛋、少少荀同蔥，配料正正常常。整體黎講味道唔錯，不過份量真係偏少。加一之後$94，如果碗麵大碗啲會合理啲…查看更多

早排lunch time去咗APM食茶木，出到嚟見到後面有呢間More Yogurt，諗起我朋友之前係咁話好味，就決定買返杯嚟試吓。舖頭唔算多人，所以我order咗之後等咗唔係好耐就已經有得飲。我叫咗杯水蜜桃乳酪奶昔，大杯，冇叫到少甜。一飲落去覺得口感幾滑溜，有好多一粒粒好細嘅水蜜桃喺入面，啲水蜜桃算係幾新鮮，感覺真材實料。唯一係覺得有啲太甜，下次我可能會叫返少甜。38蚊，唔算太貴但又唔算太平，總括嚟講味道都OK，下次我可能都會再買嘅…查看更多

Lunch time 去左APM，想食d輕食粉麵，見到錦麗都算多人，就入去食下～佢地都係QR code落單，等野食等得唔算耐。我揀左個越式蟹肉餅番茄湯檬粉，個湯底幾濃，有唔少蕃茄但唔會太酸，配有扎肉、蟹肉餅、洋蔥。個蟹肉餅算足料，蟹肉比例幾多，不過檬粉偏少。其實我想轉河粉，但佢呢個唔俾轉其他粉麵…如果多d 選擇會更好。餐飲我加左$5叫左凍檸檬水（少甜少冰），大大杯，正正常常。我呢個餐咁就91蚊了，其實都幾貴。不過整體味道算係唔錯另外朋友仲叫左個生牛肉河同椰汁三色冰，佢話味道唔錯。…查看更多

最近又好想食鐵板燒，上網見呢間開咗好多分店，尖沙咀係其中一間新店，於是就同朋友一齊試吓。一入到去覺得地方好新淨，由於吧枱已經俾人book晒，我哋只可以坐普通枱，不過我哋張枱對住窗出面個景都幾唔錯。我哋叫咗鵝肝龍蝦1++韓牛(十四品)餐，去到主菜時，鐵板燒師傅仲會負責上埋菜同埋介紹每道菜用咗啲咩材料，真係好有心Sake：大吟釀雪中貯藏 飲落好清澈，有淡淡嘅米香，味道細膩得黎層次分明，配埋刺身簡直係perfect match前菜：醬油漬三文魚頭軟骨海草昆布、熟成挪威三文魚牛油果他他、醋漬日本三色蔥 三款前菜各有特色，最特別係三文魚同牛油果估唔到好夾，食落好清新；而三色蔥亦好有創意，酸酸地幾開胃煙燻挪威三文魚有機沙律菜卷 三文魚煙燻味好濃，配埋沙律菜好爽口兼清新蛋白菠蘿Mousse鵝肝多士 鵝肝好大塊而且香滑，蛋白菠蘿Mousse甜甜地好refreshing，多士亦都好脆，唔錯唔錯。最高級韓國1++韓牛薄燒 牛肉薄燒得啱啱好，唔會過熟，入口嫩滑，好高質。時令極品刺身兩品（鯛魚、海膽） 兩味刺身都好新鮮，鯛魚鮮甜而且切得好薄。海膽入口即溶，正！白松露魚子醬蘭王溫泉蛋 溫泉蛋好滑溜，配埋松露同魚子醬好香，感覺好奢華。鐵板海鮮兩品（慢煮鮑魚、虎蝦；日本元貝、白鰻） 火候控制得好好，鮑魚仲keep到好爽口，虎蝦超彈牙，白鰻外皮脆脆地好香，而最特別係元貝有黃瓜喺下面，一齊食更加突出元貝嘅鮮甜鐵板黑松露海鮮炒飯 個炒飯幾大碗，上面鋪滿好多蟹籽同魚子，仲有海膽同蝦喺上面，超豐富！黑松露香滲入炒飯入面，啖啖都覺得鹹鹹地好惹味甜品係海膽雪葩，唔會太甜，食完覺得好滿足…查看更多

喺尖沙嘴行完龍豐，發現隔離有呢間泡芙店。我第一次見有四方形泡芙，睇價錢牌先知原來係拿破崙泡芙，覺得好特別，於是就決定買啲泡芙做下午茶啦～我買左一個《原味杏仁泡芙》、一個《開心果拿破崙泡芙》同埋一個《開心果堅果泡芙》。原味杏仁泡芙同平時啲泡芙差唔多，皮唔會太厚，餡幾creamy 不過唔膩；開心果堅果泡芙嘅餡亦唔會太甜；最最最有驚喜係開心果拿破崙泡芙！佢個皮真係做到有好多層，食落覺得好似食緊拿破崙蛋糕咁，開心果醬份量啱啱好，而最頂仲有開心果碎，好有層次感。…查看更多

喺尖沙嘴做完facial 想食個下午茶，見到呢間環境幾唔錯，麵包似係幾新鮮焗，睇相覺得d 野幾吸引，就決定試下～我試左佢個夏日限定芒果系列，係期間限定架～法式芒果酸種麵包佢都幾大條而且熱辣辣，好有新鮮出爐嘅感覺～食落裡面有好多一粒粒芒果，啖啖果肉而且好新鮮，唔洗淨係得麵包咁悶，唔錯唔錯芒果斑斕提拉米蘇蜜瓜包呢個蜜瓜包真係超有驚喜，外皮好脆、類似菠蘿包咁。佢入面夾住斑斕提拉米蘇，質地好似慕斯，我第一次食咁嘅配搭，估唔到味道好match。重點係：唔會覺得太甜，真係值得一試！芒果益多杯平時飲益力多都會覺得太甜，點知呢杯完全無呢個感覺，我甚至想買多一杯！佢入面有粒粒芒果，食落好新鮮而且唔會太酸，好解渴…查看更多

上星期出左去旺角先發現黑雨，好彩都仲有餐廳開緊。我好多個月前食過呢間覺得啲生煎包唔錯，於是今次再試埋佢其他野～招牌炸豬扒拌麵豬扒炸得好酥脆，皮唔會太厚，份量亦都好多。個拌麵原來係蔥油拌麵，啲蔥切到一絲絲再炸好惹味，啲蔥同蔥油撈落麵度超香招牌生煎包今次依然覺得係生煎包最好味，一食落去又係爆汁，我好中意佢皮夠厚但餡同汁都仲係好多，一件都已經好飽肚蟹黃生煎包呢個蟹黃生煎包淨係聞落去都已經覺得好香蟹黃味佢都超多汁，一食落去覺得似蟹粉小籠包個餡，不過餡份量再多啲…查看更多

最近天氣熱辣辣無咩胃口，lunch 淨係想食碗米線就算。上次食過呢間米線嘅尖沙嘴分店，覺得都幾唔錯，今次去旺角行完街，經過附近，就走去試埋旺角呢間～蟲草花椰子雞米線 成碗米線超足料，有埋蟲草花、木耳絲、紅棗，雞有好多件，口感好滑溜。個湯底椰香味好出，食落覺得好養生同清甜秘製雞翼 食落有啲似瑞士雞翼，甜中帶少少鹹，雞翼好嫩滑而且醃得夠入味。 凍檸茶檸檬有好多片，啖啖茶香透心涼，食完咁多野飲完成個人都醒神晒。 …查看更多

早排去中環剪頭髮，之後好口渴想搵杯野飲，上網search到見呢間距離地鐵站唔係好遠，就走去試下～間舖個位有少少隱蔽，不過都唔係搵左好耐就搵到。見佢地似乎主打棉芝奶蓋，我就決定試下奶蓋我揀左杯棉芝白桃烏龍（少甜少冰），order左唔係好耐就有得飲啦～一飲落去感覺覺得好清爽，而且真係控制到甜度啱啱好，白桃味淡淡地好清香，烏龍茶底唔錯。最正係個棉芝奶蓋，淡淡地芝士味又唔會太膩，撈埋白桃烏龍茶一齊好match 真係值得一試…查看更多

放假喺尖沙嘴行完街，想買d下午茶先返屋企，見到呢間咁多麵包同撻就即刻去排隊買啦伯爵忌廉芝士Bagel 呢個bagel上面有啲燕麥粒，幾特別又健康。伯爵茶香淡淡地幾香，忌廉芝士好滑而且唔會太膩，唔錯唔錯咖啡Bagel 呢個Bagel 上面有杏仁粒，咖啡味好濃但絕對唔澀，適合鍾意飲咖啡嘅人。 抹茶紅豆Bagel 個bagel食落都幾煙靭，抹茶味好濃郁，加埋紅豆餡甜甜地幾好味白桃蜂蜜撻 撻皮好酥脆，白桃蜂蜜餡甜甜地，令到個撻完全唔膩，估佢唔到，超正…查看更多

放假同朋友去左沙田新城市行街，見呢間裝修好有日本feel而且pancake好似幾靚，就入左去～芝麻雞翼伴沙律 雞翼大大隻炸得好脆，上面灑左少少芝麻，肉質幾滑，配埋沙律好清爽唐揚魷魚鬚 魷魚鬚份量好多，而且炸得好酥脆，鹹鹹地幾惹味，咬落去覺得幾彈牙。拿破崙汁大蝦意粉 大蝦超大隻而且好新鮮，意粉質地幾彈牙，拿破崙汁有好濃茄汁奶香味，而且仲有好多粒蕃茄，感覺好真材實料濃蝦湯烏冬 湯底有超濃蝦味，但又感覺唔會膩，烏冬好彈牙之餘吸晒湯汁精華，食完覺得超滿足紫薯芋泥麻糬Pancake 一碟pancake有3塊，兩個女仔share都覺得好多Pancake好鬆軟，而上面亦有一大塊麻糬，咬落去好煙靭。成碟pancake 上面都有好多紫薯粉同埋好多一粒粒細麻糬，令成件事口感好豐富。朱古力布朗尼Pancake 呢碟好適合朱古力愛好者，佢有好多朱古力醬同brownie碎，甜得黎唔算太over凍黃皮鳳凰單叢 茶底唔錯，黃皮嘅果香酸酸地幾醒神，飲落感覺好清新日式抹茶鮮奶 抹茶同鮮奶比例啱啱好，抹茶香濃得黎唔會太澀，同鮮奶溝埋好match又唔會太膩…查看更多

有日經過尖東站見到呢間舖超多人，賣嘅小食都幾特別，於是就買左啲做下午茶～藍莓麻糬波波 呢種麻糬波波其實比較似麵包加入面有麻糬，不過感覺都唔錯。麵包幾軟熟，麻糬餡煙煙韌韌咁，藍莓味道又有d酸酸地，味道好有層次麻薯Q布丁(朱古力、焦糖燉蛋、藍莓、咖啡味) 呢盒布丁賣相好靚，請人食都好得體。麻薯Q布丁咬落好彈牙，感覺好煙韌。呢四隻口味都好出色：朱古力味好濃郁，而焦糖燉蛋甜甜地好滿足，藍莓酸酸地幾開胃，而咖啡亦都香濃得黎唔會太甜。我個人最中意係咖啡味開心果脆脆糯米糍 我超級推介佢地嘅糯米糍，食完會上癮！佢個皮雖然厚但餡都超多，有好多開心果碎，食落脆脆地，有滿滿開心果味但又唔會太甜夏威夷果仁脆脆糯米糍 呢款糯米糍外皮都係好煙韌，咬落去好多夏威夷果仁碎，口感豐富，都真係幾唔錯…查看更多