chow928的個人專頁

今日約左朋友專程黎呢到有D新嘗試，食下平時好少會食嘅黎巴嫩餐廳，食落果然有驚喜🥰食物方面，佢哋將傳統黎巴嫩菜式同現代演繹融合得幾好，味道清新又有層次👍🏻裝修充滿異國色彩，好有中東風情，坐低已經有種去咗旅行嘅感覺😎FATTOUSCH($158)：呢個黎巴嫩經典沙律用咗生菜、原種蕃茄、薄荷葉、青瓜，再加上石榴糖蜜，口感新鮮爽脆，酸酸甜甜好開胃😄GRILLED SQUID($188)：燒魷魚火候控制得好好，外層微焦，肉質仲保持嫩滑，食落有少少炭烤香味，配埋檸檬香芹汁，清新解膩，簡單得黎好有層次😉BLUE MUSSELS ($268)：用澳洲藍青口，配上檸檬蒜蓉汁，湯汁鮮香，青口肉厚鮮甜，鮮味十足，食完仲忍唔住用麵包蘸埋啲汁，真係好滋味😋KUNAFA($128)：黎巴嫩甜品代表作，酥脆絲狀酥皮包住開心果同忌廉，淋上玫瑰花糖漿，香甜中帶花香，口感脆同滑交錯，食完好有異國風情，好有特色😍FLUFFY MEZZE($68)：以Yakult做基底嘅，加上橙汁、芒果同士多啤梨，酸酸甜甜，清爽又特別嘅MOCKTAIL😉THYME FLIES($88)：用百里香浸Gin，配菠蘿同柑橘，再加梳打水，飲落去有草本香氣，清新又帶少少異國感嘅COCKTAIL😄呢到嘅環境充滿氣氛，食物用料新鮮，味道酸香清爽，黎巴嫩特色好突出，啱晒想試下異國風味、搵個地方CHILL下嘅朋友😎補MENU…查看更多

呢到係一間好有街坊feel嘅茶餐廳，裝修唔花巧，但勝在夠地道、夠實在。今次同朋友黎簡單食餐飯，水準都唔錯，啱晒一班friend或者屋企人一齊聚餐，食得開心又唔傷荷包😉店鋪空間都幾大，乾淨企理👍🏻金銀蛋浸時蔬($78)：呢個金銀蛋浸白菜仔真係穩陣之選，白菜仔爽口嫩滑，吸晒鹹蛋同皮蛋嘅精華，湯底清甜唔會太鹹，食落去好舒服又唔膩，啱晒開胃😉鳳梨咕嚕肉($85)：咕嚕肉係港式經典，呢度做得幾出色，炸得外脆內嫩，唔會太厚粉，鳳梨甜甜地，酸酸甜甜好開胃，醬汁掛得勻，送飯一流😁椒鹽鮮魷($98)：鮮魷炸得香脆，外層有椒鹽香氣，內裡仲保持彈牙，唔會炸到乾晒，香口惹味，食到停唔到口，配啤酒簡直係絕配🤤啫啫豬潤雞煲($88)：呢個啫啫煲上枱嗰陣香味四溢，豬潤夠滑冇腥味，雞件入味，煲底仲有啲洋蔥蔥粒爆香，食落去暖笠笠，好有鑊氣👍🏻豉椒炒蜆($88)：蜆夠新鮮，冇沙，豉椒炒得夠香，辣度啱啱好，唔會搶味。汁料掛得好勻，啖啖都係鹹香刺激，送白飯真係冇得輸😎大合照😍藍妹啤酒($36)：食咁多重口味餸，梗係要配返支冰凍藍妹！清爽易入口，啱晒配椒鹽鮮魷同炒蜆，飲完即刻解膩，氣氛都升溫🤩呢到叫小食都會送白飯＋老火靚湯，同埋+$8仲有餐飲，白飯粒粒分明，唔會濕笠笠，啱晒撈汁。是日例湯湯色清澈，味道幾晒甜凍檸茶(+$8)：茶底夠濃，檸檬切得厚，酸味突出，唔會死甜，係港式茶餐廳嘅靈魂飲品😄常聚小廚真係做到港式茶餐廳嘅精髓，餸菜夠鑊氣、味道夠地道，價錢合理，份量唔欺場。無論你係想食返啲懷舊味道，定係同朋友聚餐吹水，呢度都係一個好選擇。食完真係會想講句：「下次再聚啦！又可以chill chill 佢～啤啤佢～～」🥰補MENU…查看更多

出到黎深水埗，就會見到好多唔同風味嘅特色小店可以揀，最後同朋友決定黎呢到食下平時冇乜食開嘅印尼菜，叫左印尼海鮮炒米粉($79)、招牌椰漿飯($79)、沙嗲雞肉三串($59)、馬拉棧通菜($59)、牛骨牛丸湯($69)、凍咖啡($18)、牛油果沙冰($39)內裡環境簡約，都幾光鮮企理😄印尼海鮮炒米粉：一上枱已經聞到香料炒香嘅味道，米粉唔會太濕亦唔乾巴巴，配料有蝦、魷魚、煎蛋、蔬菜、蝦片等，啖啖都食到料。炒得夠鑊氣，仲有微微辣勁幾惹味😋招牌椰漿飯：呢個絕對係招牌之選！椰漿飯以尖塔造型呈現，賣相已經夠吸引😍香濃椰漿飯配埋青瓜、蛋同辣醬、椰漿雞肉、牛肉、豆腐、豆角蘿蔔等，仲有大大件炸雞髀，份量十足相當抵食🤤辣醬可以話係靈魂之一，帶少少甜辣，搽落飯度一齊食真係邪惡到冇得輸沙嗲雞肉三串：雞肉燒到啱啱好，外焦內嫩，配埋花生沙嗲醬好香濃，仲有陣微辣，濃味得嚟又唔會蓋過雞肉本身嘅肉味😉馬拉棧通菜：通菜炒得好爽口，棧醬鹹香重口味，每條菜都掛住醬汁，送飯一流😎牛骨牛丸湯：叫之前仲以為係肉丸湯，點知原來仲有麵底喺裡面，湯底清香中帶少少胡椒味，骨棒大大件，原來係以牛肉漿包圍整成，幾特別，牛丸彈牙帶肉汁😁大合照🥰 凍咖啡：咖啡香濃滑口，飲完即刻醒晒！平時鍾意食辣嘢但唔夠涼飲，呢杯可以幫你 balance 番個味😄牛油果沙冰：牛油果沙冰好足料，飲落去夠滑夠濃，仲有啲煉奶同朱古力醬甜味，食完咸嘢嚟杯呢個真係 perfect ending😉呢到仲要免加一，價錢經濟抵食，份量足、味道香濃，D野食仲要做得夠地道，味道好有印尼街邊店嘅 feel。下次想食啲唔同style，就一定要黎幫襯下👍🏻補MENU…查看更多

牛氣呢間日式火鍋放題餐廳食極都唔厭，因為佢有唔同價位套餐選擇之外，仲KEEP住不定期會有D唔同主題，充滿新鮮感👍🏻今次我地揀左食LV4澳洲穀飼黑安格斯牛 + SRF美國極黑牛 + 海鮮放題，$338/位就可以120分鐘任飲任食，今期做緊泰HAPPI主題，有多款泰式美食自助放題任你拎，食完火鍋再嚟啲泰式小食，真係又辣又爽又開心😎最中意呢到空間感十足，舒適簡約設計，食得開心😁自助區醬料區飲品區甜品區火鍋湯底：今次叫左泰HAPPI期間限定嘅泰式船麵湯底，酸酸辣辣，香料味濃郁，涮肉涮海鮮都好夾😄陸續送上食物，大合照🥰一開頭會先送上海鮮拼盤，唔夠食嘅仲可以自己落單追加，全部都新鮮，唔係求其貨色😉大海蝦、爽脆水魷：爽口彈牙，煮完唔會點縮水墨魚滑：手打質感，煮完滑溜唔散日本帆立貝、青口：鮮味十足花膠：幾有口感，補身又吸湯底精華肉類：叫得LV4呢個餐主打肉類當然係食澳洲穀飼黑安格斯牛同SRF美國極黑牛，兩款都係高質牛肉🤤安格斯牛油脂分佈靚，涮一涮就食得； 極黑牛肉味濃郁，入口即化；牛舌、雞腿肉、特選豚肉：全部切得靚，唔會太薄太厚，煮完口感啱啱好😋火鍋配料：選擇眾多，有自助區拎或者手機落單2部分，自助區整體D蔬菜類都幾爽脆😉牛骨髓：入口嫩滑；手工白菜豬肉餃：皮薄餡靚；竹笙蝦滑：清新爽口，吸湯力強海鮮：除咗開場拼盤之外，仲追加左其他海鮮蝦滑：大大粒兼且彈牙爽口韓國生蠔、脆鯛魚片：鮮甜嫩滑手打黃金蝦丸：新鮮彈牙之餘內裡嘅鹹蛋黃味道惹味，再食都唔厭😝刺身：三文魚刺身切得厚薄適中，油脂香味夠；泰式生蝦刺身就係重口味之選，酸辣醒胃，食完即刻醒神小食：山椒拌魚皮：微辣爽口；冬陰功魷魚翼：好有泰國街頭風味，酸辣夠味；涼拌秋葵：清新解膩甜品：食到尾聲，少不了甜品環節D24榴槤雪米糍：榴槤控必試，香濃惹味🥰開心果牛奶雪糕：香滑唔膩，果仁味突出；朱古力甜筒：經典之選，大人小朋友都鍾意牛氣呢個火鍋放題真係做到牛、海鮮、泰式三線齊發，120分鐘任食任飲，唔止食得飽，仲食得開心。環境舒服，食材新鮮，啱晒一班朋友聚餐😉題外話，社交平台留言仲有小禮品送😍補MENU…查看更多

火鍋放題就好常見，但呢到居然係做緊火鍋+點心無限時放題($215/位)，唔使趕時間慢慢食，仲有啲驚喜位，真係抵到笑😎好經典嘅中式茶樓裝修除左點心紙落單之外，出面仲有自助區可以拎火鍋配料，蔬菜等熟食小食區醬料區飲品區：飲品方面選擇夠晒多，有罐裝茶或汽水、玻璃樽懷舊汽水、維他奶、啤酒等任你拎雪糕櫃雙冬羊腩煲：火鍋湯底有多款選擇，最驚喜就係有得免費升級做雙冬羊腩煲，呢個真係誠意爆棚🤩羊腩炆得夠腍，冇羶味，冬菇冬筍吸晒湯汁，啖啖精華。湯底濃郁又暖胃，食完先正式開波打邊爐，感覺好似先嚟個前菜咁，超有儀式感😉呢到嘅點心款式選擇唔算少，質素仲要都幾好👍🏻常滿蝦餃皇：皮薄餡靚，蝦肉爽口，唔會太粉鮮蝦燒賣皇：蝦味濃郁，豬肉比例啱啱好蠔皇叉燒包：包身鬆軟，叉燒餡甜中帶鹹，唔會太膩招牌小籠包：一咬爆汁，唔燙口但夠味鮮竹牛肉球：牛肉夠彈牙，鮮竹香氣加分薑蔥牛柏葉：爽口冇腥味，薑蔥味夠突出酸甜炸雲吞：外脆內香，酸甜醬汁好開胃豉汁蒸鳳爪：炆得入味，骨膠原滿滿，啖啖黏口火鍋配料，牛肉海鮮樣樣齊😄牛展拼牛脷、精選肥牛、本地滑牛：牛味濃郁，口感各有特色，涮一涮就食得😋海生蝦、脆肉鯇魚：海鮮新鮮，蝦爽魚滑，冇腥味豚肉片：油脂分佈唔錯，唔會太肥鯪魚球、墨魚丸：手打丸彈牙，咬落去有料鬼馬釀百花：炸豆腐釀蝦膠，外脆內滑，落湯煮一煮更正唔想成晚淨係打邊爐，可以去自助區拎啲熟食雞翼、雞軟骨、豬皮蘿蔔魚蛋：全部都係港式街頭小食 feel，味道唔錯，啱晒邊爐中場休息😄片皮鴨：重點嚟啦！每晚大約8點，就會有職員同人講自助區有片皮鴨可以拎，真係好似打邊爐BONUS ROUND，記得要去拎🥰鴨皮脆口，鴨肉嫩滑，配埋甜麵醬同薄餅皮，自己包住食，儀式感十足🤤甜品：食完咁多嘢，嚟杯雪糕收尾先至完整。出面有多款口味可以揀，今次就食益力多味，酸酸甜甜，清新解膩，唔會太甜，啱晒做最後一擊😋常滿百家菜呢個 火鍋 + 點心不限時放題 真係抵食又好玩，仲有啲驚喜位(例如片皮鴨、羊腩煲)，食足一晚都唔會悶。無論你係打邊爐控、點心控、定係純粹想搵個地方慢慢食、慢慢傾，呢度都啱晒你👍🏻補MENU…查看更多

龍亭呢間日式鐵板燒餐廳就好似佢門面咁，平實簡約，但有種靜靜地奢華嘅感覺，每一道菜都做得好有心思，呢餐廚師發辦套餐，由頭到尾都係一場味覺旅程😉店內空間唔算太大，有得揀嘅話一定坐吧枱最開心，可以睇住師傅表演😁煙三文魚沙律菜中華沙律配魚子醬：開場就已經唔簡單，煙三文魚油香十足，配埋爽口沙律菜同中華沙律，再加啲魚子醬點綴，鹹香層次即刻拉高，食落清新又唔失氣派😋馬糞海膽配玉子豆腐：呢個組合真係邪惡，馬糞海膽鮮甜濃郁，配埋滑溜溜嘅玉子豆腐，入口即化，海膽味滲晒入豆腐入面，超正🤤法國生蠔配馬糞海膽：生蠔夠大隻，配上海膽同三文魚籽，鮮味爆棚，伴碟有檸檬片、芥辣、魚子醬可以選擇調味，食法自由度高，酸辣鹹香自己揀，啖啖都係海洋嘅鮮味😍呢道鐵板燒菜式都幾精彩海膽香煎鮑魚： 鮑魚煎到外脆內嫩，海膽香濃唔膩，鮮味DOUBLE UP👍🏻北海道帶子配海膽：帶子厚身而又咬落JUICY，香煎過後帶出鮮甜，同海膽一齊食味道好有層次🥰黑松露蘑菇：香氣撲鼻，簡單得黎做出一種高級演繹😄 和牛薄燒卷：全晚焦點之一，睇住師傅烹調時產生出嘅熊熊大火，好有氣氛🤩和牛我地揀左五成熟，牛肉嫩滑，捲住大量蔥蒜粒，一咬落去爆香，配埋蘆筍清新解膩😋配菜方面，海膽鵪鶉蛋蘑菇係邪惡組合，燒粟米仔同脆玉瓜就清新解膩，整體配搭好BALANCE😉花膠藥膳燉湯：湯底清甜，花膠滑溜，藥膳味唔會太濃，飲落去暖胃又滋補😄蟹籽三文魚籽海鮮炒飯配香煎蘭王蛋：炒飯粒粒分明，蟹籽三文魚籽爆口，海鮮味濃郁，配埋煎到微焦嘅蘭王蛋，蛋香同飯香互相提升，幾有滿足感😋檸檬柚子菠蘿雪葩：甜品方面，呢個雪葩酸酸甜甜，柚子清香、菠蘿果味突出，食完即刻REFRESH晒，完美收尾🥰日本清酒：清酒香氣柔和，唔會太烈，飲落去順喉，啱晒配海鮮同鐵板燒，提升整體味道😁龍亭呢個廚師發辦套餐真係由頭到尾都冇冷場，食材高質，火候準，味道有層次，擺盤精緻，係一場高級但唔浮誇嘅鐵板燒體驗👍🏻想同另一半或者朋友嘆返餐靚嘢，呢度絕對值得幫襯😎…查看更多

Couch CLUB 呢間店真係有種「坐低唔想走」嘅魔力🤣呢到有得自選便當，價錢由$128起，就可以主食x1＋肉類x2＋蔬菜x2＋飲品x1 任你配，仲可以加錢升級其他項目，啱晒鍾意自由配搭嘅朋友，今次同朋友分別都叫左自選便當($128)*2、宇治抹茶牛角窩夫($88)、鯛魚燒芭菲($78)裝修走日系簡約文青風，環境舒服，提供梳化座位，啱晒慢慢歎餐靚飯😁自選便當1：木魚湯烏冬 + 手打雞肉餅配牛油香蒜日式菇汁 + 烤牛肩胛(+$18)+ 秋葵醬油漬 + 山葵山藥漬 + 洋甘菊香柚綠茶呢個配搭走清新路線，木魚湯烏冬湯底清甜，烏冬煙韌唔糊口，食落好舒服。手打雞肉餅係亮點之一，肉質扎實，配埋牛油香蒜菇汁，香氣十足，好有日式居酒屋 feel😉烤牛肩胛加錢都值得，肉味濃郁，燒得啱啱好，唔會太乾😋秋葵醬油漬爽口解膩，山葵山藥漬微辣微嗆，口感滑溜，幾有驚喜👍🏻自選便當2：日本珍珠米 + 生薑五花腩片 + 唐揚炸雞配自家製他他醬 + 桂花糖漬蕃茄(+$8)+ 椒鹽玉子豆腐 + 洋甘菊香柚綠茶呢個就係邪惡版便當，珍珠米粒粒分明，口感煙韌，配咩都夾。生薑五花腩片肥瘦分明，薑香滲入肉中，食落去唔會膩。唐揚炸雞外脆內嫩，自家製他他醬酸酸甜甜，好開胃🤤桂花糖漬蕃茄係季節限定，酸甜中帶花香，幾特別🥰椒鹽玉子豆腐外層微脆，內裡滑溜，鹹香味啱啱好😄大合照🤩飲品方面，我地揀左洋甘菊香柚綠茶，清香解膩，飲完成個人都好舒服😎宇治抹茶牛角窩夫：牛角窩夫外脆內鬆，抹茶味濃郁但唔苦，配埋紅豆麻糬，甜度啱啱好，食完有種幸福感🥰鯛魚燒芭菲：賣相吸引，打卡一流😍鯛魚燒外皮香脆，入面係吉士餡，甜度啱啱好😋下面係芭菲層層疊，有雪糕、粟米片、有啲脆脆、果凍等，層次豐富，食落去有啲似甜品版嘅日式早餐，幾有趣😎Couch CLUB唔止係一間打卡餐廳，食物真係有質素，便當配搭夠自由，甜品又有創意，價錢合理，環境舒服，啱晒想慢慢食、慢慢傾嘅你👍🏻下次想hea住食好嘢，最啱一班朋友慢慢歎住傾偈，真係 couch 咗都唔想走😝補MENU…查看更多

黎到芝加哥串燒酒場，最啱同朋友CHILL住食串燒飲杯嘢，MENU方面都有好多選擇😎今次我地叫左紙鷂雞皮($19)、豚肉串燒SET($98)、招牌茄子燒($42)、忌廉蟹肉薯餅($26)、招牌珍寶生蠔串($68)、燒肉鬆小貝吐司($19)、蔥燒半殼扇貝($55)、蜜汁燒黑豚肉($42)、汁煮牛舌($22)、炸饅頭($23)、蜜糖雞翼($22)、炭燒左口魚珍珠飯($128)、燒宮崎雞腿扒珍珠飯($88)、Peach Mojito($128)、Pina Colada($128)裝修型格得嚟又唔失親切感，幾有氣氛😉食物陸續送到，非常豐富🤩汁煮牛舌：牛舌煮得夠腍，汁料入晒味，食落去有啲似日式燉牛舌，唔係燒嘅但一樣好食😋燒肉鬆小貝吐司：小貝吐司燒到微脆，面頭鋪滿肉鬆，鹹甜交錯，食落去有啲似 fusion 版嘅港式早餐😄蔥燒半殼扇貝：扇貝新鮮，蔥香味濃，燒得啱啱好，唔會過熟，食落去 juicy 又有鮮味😋蜜汁燒黑豚肉：蜜汁燒得好均勻，黑豚肉油脂分佈靚，食落去甜中帶鹹，肉質嫩滑😋豚肉串燒SET：呢個 combo 有極品即燒乳豬、荔枝豚肉卷、椒鹽日本黑豚、炭燒豬頸肉，真係抵食又精彩！乳豬皮脆肉嫩，荔枝豚肉卷香氣十足，黑豚肉鹹香夠味，豬頸肉就啖啖肉汁，燒得啱啱好，四款口感層次豐富，各具特色😍蜜糖雞翼：雞翼燒得香口，蜜糖味唔會太膩，皮脆肉嫩😋招牌珍寶生蠔串：生蠔夠大隻，燒完之後仲保留到鮮味，配埋特製醬汁，鹹香中帶少少辣😉炸饅頭：外脆內鬆，炸得唔油，配埋煉奶一齊食，甜甜地好有童年回憶😄忌廉蟹肉薯餅：薯餅入面有蟹肉同忌廉，味道creamy得嚟唔膩，啖啖都食到蟹香👍🏻紙鷂雞皮：呢款真係薄得嚟脆得癲，入口即化，鹹香味勁突出，好似食緊炸紙咁，唔油膩，一啖接一啖，幾有驚喜😎招牌茄子燒：茄子燒得好入味，外皮微焦，內裡軟熟，配合埋微辣嘅蔥蒜香味，係素食之選都唔失禮😋炭燒左口魚珍珠飯：左口魚燒得油香好香，魚肉滑溜，配埋珍珠飯一齊食，飯粒煙韌，仲有少少醬汁拌飯😄燒宮崎雞腿扒珍珠飯：雞腿扒厚身 juicy，燒得香口，珍珠飯吸晒雞汁，食落去好滿足🤤Peach Mojito：呢杯cocktail清新得嚟有啲果香，桃味唔會太甜，薄荷味好醒神，飲完即刻 refresh，配串燒一流😎Pina Colada：椰香同菠蘿味好平衡，creamy 得嚟唔膩，飲落去有種度假 feel，係串燒場飲到呢杯真係 bonus😍食左一堆串燒同小食，款款都好有心思，味道唔止夠惹味，價錢合理，環境又舒服，下次再嚟一定要食埋佢其他特色串燒先得🔥🍢補MENU…查看更多

今日約左港島區返工嘅朋友食LUNCH，呢到嘅午市套餐會跟配麵豉湯及沙律，我地揀左究極丼($208)、壽司定食配烏冬($168)、明太子芝士玉子燒($78)、帶子他他炸串($38)店鋪座位唔算太多，基本上都座無空席，所以想食嘅話記得預早少少黎拎飛等位😉午市套餐配麵豉湯及沙律：基本配置已經唔馬虎，沙律清爽開胃，生菜脆口，加埋少少和風醬汁幾開胃。麵豉湯飲落唔錯，先暖下個胃😄 究極丼：呢個丼真係賣相同內容都好霸氣！有赤蝦、三文魚、吞拿魚蓉、海膽、三文魚籽、帆立貝、油甘魚，再加埋海苔天婦羅，一碗丼飯有齊咁多刺身果然究極🤩食之前將海苔蛋黃醬淋落去丼飯，鹹香creamy感爆表，好有層次👍🏻海鮮全部都新鮮到不得了，帆立貝、赤蝦鮮甜彈牙，三文魚、油甘魚幾肥美，海膽冇腥味夠甘香。底下壽司飯酸度適中，唔會搶味，成個丼飯可以慢慢享受🤤 壽司定食配烏冬：壽司有6件時令壽司同2件軍艦壽司，今次食到嘅包括三文魚、拖羅、油甘魚、赤蝦、帆立貝、右口魚邊醬油漬，仲有三文魚籽軍艦同蟹肉軍艦。每件壽司都手握得好靚，壽司飯唔會過大粒，魚生新鮮冇得彈，右口魚邊醬油漬入口即溶兼且夠惹味，好正😍軍艦壽司爆滿，三文魚籽爆口，蟹肉甜美😋至於烏冬，湯底清甜，烏冬煙韌唔糊口，食完好暖胃，加分位👍🏻大合照😎明太子芝士玉子燒：玉子燒整得好有水準，內裡半流心狀態夠滑溜，芝士溶到啱啱好，明太子嘅鹹香滲晒入蛋中，食落口感超豐富，好邪惡但好幸福😍 帶子他他炸串：睇落賣相簡單，但味道幾出色，外層炸到酥脆，入面係帶子他他，口感滑溜又鮮味十足，表層加左D醬同魚籽提味，唔止係炸物咁簡單，有驚喜👍🏻午市套餐選擇多、用料夠晒新鮮，而且款款都好有心思，難怪座無空席，人氣高企😉補MENU…查看更多

黑木亭居酒屋好耐以前係散叫嘅居酒屋，不過最近得知轉型做高質日式放題，一於約埋朋友黎食下先得，而家做緊嘅壽喜燒鍋拖羅放題真係抵食又有驚喜，120分鐘任飲任食，平日7點前離座只需$361/位，選擇多到你唔知由邊樣開始😜裝修幾有格調，座位空間唔算闊落，不過都還可以😃自助區壽喜燒配料區飲品區甜品區食物陸續送到🤩刺身選擇超級豪華，有極品大赤蝦、三文魚、油甘魚、池魚王、北寄貝、榮螺、希靈魚、馬刀貝、泰式生蝦、松葉蟹腳、日本直送鮮吞拿魚、北海道鮮帶子，全部新鮮厚切，入口即化😋壽司方面，我個人推介要食A5宮崎和牛火焰壽司、火灸左口魚邊卷同時令海膽軍艦，炙燒香氣撲鼻，海膽鮮甜唔腥，真係高級感滿滿🥰熟食方面創意十足，充滿FUSION風味，有鵝肝牛肉薄脆TACO、A5宮崎和牛海膽牛角包、士多啤梨南蠻醬配吉列炸蝦杯、吞拿魚粒牛油果脆魚片、厚切鵝肝多士，每款味道有驚喜，邪惡得嚟又有層次😍海鮮熟食如帶子蟹中寶、秘製磯煮大根鮑魚、薑蔥炒蠔、蜜汁焗鱔、玉子燒汁鰻魚、鮑汁花膠海參都做得出色，調味夠惹味，食材新鮮，唔會有腥味😎串燒方面有牛舌芯、雞軟骨、免治雞肉棒、蜜糖燒雞翼等，燒得香口唔乾柴，啱晒配杯啤酒慢慢嘆😁2人枱因為空間有限，原本打算食完刺身熟食等再食埋個壽喜燒鍋，不過開始有D飽，所以就冇叫到，但睇佢落單嘅食材都幾有水準😉遲D有機會一定留肚食下雪糕方面有杯裝雪糕同Haagen Dazs雪糕任食，口味有4款可以選擇😋特別一提就呢到係仲有脆炸貓山王同D24榴槤可以嗌，榴槤迷必試，味道香濃，食完滿足感爆燈🤩黑木亭居酒屋唔止係一間放題餐廳，係一場高質日式盛宴。食材新鮮、款式多元、味道有層次，無論你係刺身控、肉食獸、甜品迷定榴槤癡，都可以搵到屬於你嘅快樂，下次想食得豪啲又唔想太傷荷包，呢度絕對係心水之選👍🏻補MENU…查看更多

星海薈係一間行高質中菜嘅餐廳，裝修華麗得嚟唔浮誇，啱晒做婚宴場地，仲曾經登上TVB Weekly星級婚宴推介，另外仲有獨立包廂，都幾適合做公司週年聚餐或者家庭聚會😉招牌白胡椒蟹焗飯($368)：呢個係星海薈嘅皇牌之選，白胡椒蟹焗飯真係香到癲！蟹肉鮮甜，白胡椒香氣滲晒入飯粒，微辣唔搶味，焗到飯面微焦，啖啖都係精華，食落去層次感好豐富，真係一試難忘🤩脆皮燒雞(半隻)($198)：燒雞皮脆肉嫩，火喉控制得好好，外皮香脆唔油膩，雞肉多汁唔乾柴，醃料入味，簡單但好食😋勝瓜魚腐浸花甲($168)：呢個係清新派代表，勝瓜爽口、魚腐滑溜，花甲鮮味十足，湯底清甜，成道菜好有家庭味，啱晒一家大細一齊share😄泰式安格斯牛肉生菜包($148)：安格斯牛肉香口，連埋蔬菜粒粒，包住生菜一齊食，清爽又惹味。係成餐之中最有異國風情嘅一味，幾有驚喜😎晚茶芥($18)*2：茶方面我地揀左菊花，甘香清甜，啱晒食完重口味餸嘆返杯茶解膩一下🥰餐前小食($20)：蕎頭醃得夠香，爽口開胃，係嗰啲一坐低就會忍唔住夾幾粒嚟食嘅小食，簡單但有誠意😄Yara Rosso Molise 意大利紅酒($128)：呢支紅酒真係抵飲，深紅寶石色澤，果香濃郁，入口有紅果同果醬味，酒體圓潤細緻，配招牌白胡椒蟹、紅燒皇子乳鴿、陳皮燒鵝都好夾，唔會搶味，反而提升咗整體層次，真係超值😍另外見佢做緊中秋節套餐早鳥優惠，最多仲可以減$1200，或者仲有中秋盆菜外送/自取，啱晒一家大細唔想出街都可以歎返餐好嘢😎補MENU…查看更多

今次同朋友黎呢間扒房開餐，見門面已經有好GRAND嘅感覺😉我哋叫咗兩款SET：$398 嘅 Set Dinner，揀左凱撒沙律(雞)、牛肝菌野菌忌廉湯 配 OX牛骨髓牛油包、香煎澳洲PR級草飼肉眼(8 OZ)、凍檸檬茶，同埋 $598 嘅 Tasting Menu，揀左煙三文魚沙律配蜜糖芥末醬、牛肝菌野菌忌廉湯 配 OX牛骨髓牛油包、黑松露鵝肝威靈頓牛柳、特濃開心果麻糬杯、凍檸檬茶內裡裝修環境同樣以藍色同金色做主題，好有格調感覺幾高級😍煙三文魚沙律配蜜糖芥末醬：煙三文魚捲以花朵造型，幾有心思，鹹香味啱啱好，配埋蜜糖芥末醬甜甜地又唔搶味，沙律菜新鮮爽脆，開胃一流😄凱撒沙律(雞)：雞肉煎得香口唔乾身，配埋爽脆生菜、巴馬芝士同香脆麵包粒，醬汁唔會太膩幾開胃😃牛肝菌野菌忌廉湯 配 OX牛骨髓牛油包：牛肝菌味濃郁，忌廉打得滑溜唔膩，飲落去好有層次，幾出色😉麵包搽上牛骨髓牛油，香到不得了，點埋湯一齊食簡直係靈魂配搭😍主菜到齊🤩黑松露鵝肝威靈頓牛柳：呢道菜真係高級感爆棚，外層酥皮焗到金黃酥脆，切開入面係粉嫩牛柳同香滑鵝肝，仲滲住黑松露香氣，三重享受一次過滿足晒。每一啖都係奢華嘅味道🤩香煎澳洲PR級草飼肉眼：肉眼扒煎到外焦內嫩，肉味濃郁，草飼牛嘅香氣好突出，本身唔使點醬都好夠味，點埋醬就另一番風味😋熟度控制得好準，切開仲見到靚靚粉紅色，啖啖肉汁，滿足感爆燈🤤特濃開心果麻糬杯：甜品方面都唔馬虎，開心果味超濃郁，麻糬煙韌得嚟唔黏牙，面頭仲有D開心果碎，層次感豐富，收尾收得好靚👍🏻凍檸檬茶：簡單但解膩，甜漿分開上可以按口味黎加落去😁晚市時段而家仲有88折優惠，總結嚟講，呢到無論係食材、火候、擺盤定服務都做得好出色，係一間你會想再返嚟嘅餐廳，約會、慶祝、或者純粹想獎勵自己都啱晒🥰 補MENU …查看更多

今次黎到粗菜館食地道熱炒同家常小菜，我地叫左老火例湯($108)、小炒皇($118)、蔡瀾鹹魚醬茄子煲($88)、惠州梅菜扣肉($98)、山楂醬排骨($95)、香煎蓮藕餅($108)、豬油撈飯($20)、絲苗白飯($10)傳統中式餐館裝修風格老火例湯 ：今日係青紅蘿蔔粟米豬骨湯，簡直係住家嘅味道。湯色金黃清澈，飲落清甜順喉，青紅蘿蔔煲到腍晒又入味，粟米香甜，豬骨夠晒淋，真係啖啖滋潤😄小炒皇：鑊氣十足，魷魚鬚彈牙、蝦乾鹹香、腰果香脆，韮菜爽口，炒得惹味之餘又唔會太油膩。一上枱就香氣四溢，撈飯一流👍🏻蔡瀾鹹魚醬茄子煲：鹹魚醬香氣撲鼻，茄子吸哂精華，煮得夠晒腍身入味。底層啲汁撈白飯真係邪惡惠州梅菜扣肉：扣肉肥瘦分明，梅菜甜中帶咸，濃味但唔死鹹。肉炆到腍腍地，咬落即散，配埋啲梅菜吸咗肉汁，鹹香兼備，配碗豬油撈飯一齊食簡直絕配🤤山楂醬排骨：呢味玩味幾特別，排骨炸香先再煮，外層微脆，山楂醬酸酸甜甜，好開胃。唔會太甜膩，仲有啲果香平衡咗油膩感，好啱夏天食😋香煎蓮藕餅：蓮藕餅手工感好重，每塊都厚厚實實，表面煎得金黃，咬落有啲蓮藕粒粒口感，內餡鬆軟又有肉香，夠晒惹味，仲帶少少香芹提升層次😉豬油撈飯：香氣撲鼻，豉油鹹香同豬油嘅滑溜感完美融合，邪惡到不行😍大合照🤩總結嚟講，粗菜館係一間專注將懷舊味道煮得精緻又實在嘅地方，冇咩多餘裝飾，但每一味都食得出心機。想搵返啲舊香港味道，呢度絕對值得一試！補MENU…查看更多

牛氣一直都係高人氣嘅水準火鍋放題餐廳，有唔同等級嘅放題套餐可以揀，豐儉由人，今次我地揀左LV4澳洲穀飼黑安格斯牛、SRF美國極黑牛同海鮮套餐($338/人)，120分鐘任飲任食，肉類海鮮齊備，簡直係夢幻級放題😍內裡空間超大，唔會坐到好逼，乾淨企理，食得幾舒服👍🏻自助區：多款火鍋配料、本地水耕菜、今期期間限定主題韓風祭小食等，勁多野可以拎😍關東煮醬料區甜品區：有糕點、大福、雪糕、棉花糖等飲品區：選擇都唔少，有茶類或汽水類飲品，我幾中意罐韓國橙汁😉食物陸續到齊，大合照🤩湯底：今次我地揀左味噌海老鹽湯，鹹香適中，帶有濃郁蝦味，入面仲有味噌提升湯底層次，無論涮肉定煮海鮮都好啱口味😁肉類：今次揀左LV4套餐，當然主打澳洲穀飼黑安格斯牛😎油花分佈靚，肉質嫩滑，食落牛味香濃，真係極品🤤SRF美國極黑牛一樣高質，極黑牛肉質細緻，入口即溶，令人食過翻尋味😍至於PRIME美國肩胛肉眼食落都幾香牛味，質素唔錯😄牛舌爽口彈牙，口感幾好海鮮：LV4或以上嘅套餐就包埋海鮮放題，選擇都唔少，有花膠、青口、大海蝦、墨魚滑、爽脆水魷、脆鯛魚片、竹笙蝦滑、小刺參、海鮮蝦滑😉全部都係新鮮彈牙。墨魚滑、蝦滑口感細滑，花膠超級補身，煮完吸晒湯底精華，鮮甜惹味😋火鍋配料：必食手打黃金蝦丸，蝦丸彈牙鮮味十足，咬開裡面就有鹹蛋黃，邪惡惹味，每一啖都係幸福😎牛骨髓放入鍋裡滾一陣，味道變得更濃厚，口感唔錯👍🏻小食：有三文魚刺身可以ORDER過下刺身癮，肥美鮮甜，入口滑溜😄山椒拌魚皮食落爽口又帶少少辛香，醒胃又開胃😋醬油熟蝦蝦肉彈牙，鹹香適中，充滿韓式風味甜品：除左自助甜品區外，我地點左鮮柚楊枝甘露，清新解膩，柚子味同楊枝甘露融合得好完美👍🏻十勝紅豆豆乳冰豆花，紅豆香甜，豆花滑溜，係完美收尾🤩牛氣真係一間高CP值火鍋放題，啲肉質鮮靚，海鮮夠高質，職員都好有效率，夠主動提供紙巾同幫手加湯，食得舒服盡興，值得一再ENCORE🥰題外話：喺FB/IG留言仲有御守送，都幾精美用心👍🏻補MENU…查看更多

被同樣係雞翼控嘅朋友約埋一齊過黎瘋狂食雞翼，夠晒盡興🥰呢到有散叫拼盤或者放題選擇，今次我地揀左10款口味雞翼放題(平日$188/人)，任食90分鐘，真係畀你極限挑戰食量同埋味蕾。每款雞翼都各有特色，想試盡世界各地風味，一定要嚟呢度！店鋪空間唔算太大，座位唔會太多，所以想食嘅話就訂定枱穩陣D😉本身包埋任飲汽水，或者可以加$10升級任飲凍檸檬茶，夠晒冰凍解渴，食咁多雞翼落肚都冇咁熱氣感覺😆首輪田園風味：口味走清新路線，帶有酸忌廉淡淡香味，唔會太過濃味，食完覺得好自然舒服😄泰式甜酸醬：酸酸甜甜，帶少少微辣，同雞翼非常搭配！泰式醬汁入晒味，雞翼咬落去仲有啲黏口嘅效果，非常惹味，私心推薦🤤咖啡燒烤醬：帶有淡淡咖啡燒烤香，食落去有少少焦糖化嘅甜味，然後帶微微嘅苦韻，係一個意想不到嘅新鮮口味😄紐奧良香粉：充滿南部風情，紐奧良香粉帶有少少辛香料味道，口感厚實，雞翼外皮炸到微脆，咬落去香氣四溢😉加州風情：撒上左芝士粉，蒜香、芝士咸香同雞翼味道好夾😋黑椒檸檬：檸檬嘅清新加埋黑椒嘅微辣，配埋香脆嘅炸雞翼，呢款味道平衡得好好，食落去冇咁油膩，係一個比較清爽嘅選擇😋第二輪同第三輪水牛城醬：絕對係最經典嘅美式雞翼口味！酸酸辣辣，加埋微微嘅牛油香，食落去勁惹味，完全重現正宗美國酒吧雞翼嘅感覺😍死神醬：真係死神級挑戰！辣度極高，食完真係會逼你狂飲野！如果你係嗜辣人士，呢款絕對係必試，不過要有心理準備，真係會有啲上頭🔥中式海鮮醬：充滿地道中式風味，海鮮醬濃郁，帶有鹹鮮味，雞翼吸收晒醬汁，好有層次，食完仲有少少回甘👍🏻蒙古燒烤：蒙古風味帶有濃厚嘅燒烤香，醬汁微甜，仲有少少孜然嘅感覺，好適合鍾意燒烤味道嘅人😎WINGMAN嘅雞翼放題真係激正，10款唔同風味畀你慢慢試，每種口味都有自己嘅特色，絕對唔會悶！鍾意雞翼嘅朋友一定要試吓，睇下90分鐘之內可以挑戰到幾多款口味！絕對值得推薦🥰補MENU…查看更多