Moureen Tam的個人專頁

今早去家附近的cafe食早餐，見佢有拉花咖啡，嘗試問下可以要求我超級鍾意的鯊魚貓拉花，店員爽快答有，我試過有食肆話唔可以要求揀花款，亦有另一食肆我要求拉龍貓，介紹朋友去又唔可以，所以這間有得自選真係太好啦，今天我叫咗個早餐+一杯咖啡，拉花效果我超級喜歡，由於早餐太大份我還食剩，可惜這間鋪地點唔太方便，人流不太多，希望喜歡拉花的朋友多多幫襯，等我可以繼續去試唔同的拉花。…查看更多

😡🤬😡🤬本人上星期六親自到酒樓訂這星期四的雀局，指明要房和電動麻雀，親眼看見店員寫在大紅簿上，昨天我們一行4人比預訂時間早到大約10分鐘，怎知去到房間已被人佔用打麻雀中，其他店員才開始安排在大堂上佈置圍板和電動麻雀枱，對於這間酒樓的安排非常氣憤，似乎係有熟客臨時要房就可以忽視其他客人的安排，我們對於這酒樓的做生意手法非常不滿，所以昨天沒有留低雀局，敬請各飲食界同業，留住熟客的同時，亦要有做生意的品德，試問熟客都係由生客開始，我們之前就係試過一次好滿意的雀局餐才再打算嚟第二次，但這次不愉快的經歷，以後都唔會再幫襯。…查看更多

從未寫過食評，第一次寫就是彈，早上十時許一人去飲早茶，填好落單紙叫人下單，只有兩位服務員，一個坐收銀處，一個企近出食物處玩手機，舉手示意，完全冇反應，開始大聲叫，連續叫了幾次都冇反應，最後放棄，等了一段時間見有食客幫我叫人才過來，已令我非常反感，臨走前打算叫個點心給家人，叫了服務員，佢在遠處應我問我什麼事，完全冇打算行過來，我們二人大聲對話下單，又話叫我大聲點，最後忍不住駡她叫她行過來下單，她才叫另一人過來，這次的感受，令我不會再來，食物又不是特別標青，奉勸各位有心做好食肆負責人，食物質量和服務同樣重要…查看更多