healingbobo的個人專頁

想嚟紅伶飯店朝聖好耐，成日都排長龍，今次終於提前訂咗檯，未夠6點已經人山人海，環境係好地道嘅打冷舖，好有feel，服務仲好有人情味。滷水鵝 $139個人比較鍾意連骨食嘅鵝肉，好似比鵝片啖啖肉更加香，肉質唔會乾柴，滷水鹹香夠味。底層墊咗好多豆腐同咸酸菜，吸晒滷水汁精華，豆腐軟滑，酸菜解膩，配埋鵝肉一齊食好夾。冰鎮芥辣墨魚片 $119一上檯已經好開心🤩墨魚片份量好多，仲有墨魚鬚，冰鎮過好爽口，蘸少少芥辣，鮮味十足，好清涼好爽甜。煎蠔餅 $89份量好大，蠔仔夠新鮮，餅身煎得金黃香脆，裡面軟糯，粉漿唔多，蠔味夠濃，蘸魚露食好正。椒鹽九肚魚 $119外皮炸得好脆，條條都好肥美，最鍾意佢原條炸，唔會一開二變薄晒影響口感，皮脆肉嫩，椒鹽味調得剛剛好，唔會太咸，骨都好脆，可以直接食。蠔仔肉碎粥 (小) $42小嘅size都夠一人兩大碗，蠔仔同肉碎分量唔少，仲有方魚，鮮味夠，熱辣辣食落肚好暖胃。 下次要帶埋屋企人嚟試多啲餸！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺紅伶飯店油麻地砵蘭街10-16號宜發大廈地下D及E號舖📍油麻地港鐵站C出口1分鐘路程#healingbobo #foodie #hkfoodie #foodiehk #香港 #美食 #YauMaTei #油麻地 #打冷 #潮州菜 #紅伶飯店…查看更多

菊月町喺觀塘已經有好耐歷史，未搬舖前已經幫襯過鐵板燒，而家搬咗舖環境更加靚，通風又做得好好，分開鐵板燒同omakase座位，但又可以同時欣賞到 師傅嘅廚藝，真係賞心悅目。我哋叫咗兩個鐵板燒套餐，分別揀咗美國安格斯薄燒 $438，加拿大羊架 $538。套餐包括前菜，茶碗蒸，銀鱈魚，廣島蠔，原隻虎蝦，時令鐵板配菜，炒飯，炒雜菜，湯及甜品。茶碗蒸配有松茸，非常特別，蛋香嫩滑。銀鱈魚外脆內嫩，感覺驚艷👍廣島蠔燒得焦香，肥美飽滿；虎蝦非常大隻，配埋蝦膏醬汁，鮮上加鮮。安格斯嫩滑富牛油香，捲著蔬菜中和油膩感；羊架厚肉，伴碟的蔬果中和羊羶味。炒飯粒粒分明，盡顯師傅功架。最後以豆腐雪糕作結，清新味蕾，為依個晚餐劃上完美句號。評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺菊月町觀塘鴻圖道23號利登中心地下1號舖📍牛頭角港鐵站B6出口4分鐘路程#healingbobo #foodie #hkfoodie #foodiehk #香港 #美食 #日本菜 #teppanyaki #鐵板燒 #KwunTong #觀塘 #NgauTauKok #牛頭角 #菊月町…查看更多

朋友想食泰國菜，搵到銅鑼灣依間環境好舒服嘅餐廳，估唔到樓上舖喺平日嘅晚上都咁旺，服務仲好好，菜式正宗得嚟有帶點fusion嘅感覺，好有驚喜～🍶泰式燒生蠔4隻+1合清酒 $180冇諗過泰國菜都有清酒飲，經理話燒蠔配清酒味道好夾，又真係幾夾喎，而且性價比好高！生蠔新鮮肥美，漲卜卜好大隻，燒得香口，淋上泰式醬汁，配埋清酒好解膩。🦐Siam 28泰蝦餅系列 $128賣相好靚好大粒，切開仲有驚喜，有三款口味，每款都有蝦肉，彈牙十足！流心芝士咬開會爆漿；櫻花蝦明太子帶少少鹹香，好惹味；榴槤味好濃但唔膩，鍾意榴槤嘅朋友唔好錯過。🐮👅🥬泰式牛舌生菜包 $108牛舌薄切，燒得香口嫩滑，配上洋蔥、生菜同特製醬汁，清爽又惹味，完全唔油膩。🐷乾炒香辣香葉河粉配豬肉 $102河粉好彈牙，質感好得意唔似平時嘅河粉，醬汁好均勻，香辣味夠晒，仲有香葉嘅獨特香味。🍯蜂蜜香茅茶 $38有蜜糖可以自己加好貼心，香茅味好清新，甜度可以自己調，解辣又解渴，飲完好舒服。評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺Siam 28銅鑼灣軒尼詩道525號澳門逸園中心28樓 📍銅鑼灣港鐵站D2出口1分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #泰國菜 #Siam28…查看更多

大圍依間馬來西亞餐廳以肉骨茶閩南話Bak Kut Teh來命名，又易記又搞笑，吸引咗唔少後生仔女幫襯，餐廳仲有閣仔，坐得好舒服。細滲 $88嚟到一定要叫招牌肉骨茶，我哋叫咗個細嘅都好足料，包括豬手，豬肚，雞腳，三層肉，豆卜金菇等，湯底有淡淡中藥香，唔會嗆喉，夠入味，而且肉骨茶仲可以任添，果晚天氣凍咗飲返兩碗熱辣辣嘅肉骨茶真係好溫暖🔥🐔椰漿飯配生炸全雞髀 $92雞髀外脆內嫩有肉汁，椰漿飯香噴噴，好有斑蘭味，好正。🧈🍞鮮牛油咖央多士 $38依個係馬來西亞菜必食🤩，多士香脆，咖央醬甜滑唔膩，牛油香突出，完美組合。🥬水魷蕹菜 $58爽脆新鮮，帶啲辣，口感清爽解膩。魚仔XO醬蜆仔 $62味道中規中矩，都幾辣，啱晒鍾意食辣嘅人。馬拉沙嗲半打 $108我哋揀咗兩牛兩豬兩雞，肉質嫩，幾香口，配埋佢嘅花生醬汁更惹味。🧋特色拉茶 $22茶味香濃，我哋揀咗走冰，嚟到約七成滿。美祿恐龍 $30夠濃郁，甜度啱啱好，飲完好滿足。評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@bakkutteh_hk佰古嗲大圍積存街14號地舖📍港鐵大圍站A出口6分鐘路程#healingbobo #foodie #hkfoodie #foodiehk #香港 #美食 #香港美食 #香港必食 #香港探店 #香港打卡 #香港旅遊 #香港好去處 #香港推薦食品 #馬來西亞菜 #肉骨茶 #香港食評 #美食打卡 #BakKutTeh #佰古嗲…查看更多

2025。09。19由細到大都對小白鷺有種情意結，雖然依度已經改左名，但環境仍然係咁舒服，多謝你帶我嚟依度飲茶，雖然落住毛毛雨，但無損我哋嘅興致，服務員由我打開門果刻已經好殷勤講得出我係邊個booking，當然啦，冇人好似我哋咁成2點先嚟飲茶😆 我哋揀左窗口位，可以對住個湖，好靚靚😍鮮蝦紅米腸 $78總共有六件，有人好快食咗一件，所以 影相得五件😂 賣相好靚，粉紅色腸粉皮，上面仲有肉鬆點綴，裡面好酥脆，蝦嘅份量多，算係物有所值。流心鵪鶉蛋燒賣 $78我係為咗依個而嚟，鵪鶉蛋燒賣好多酒樓都有，通常都係擺喺燒賣上面，但依度嘅鵪鶉蛋係釀入燒賣入面，喺我認知，我食過Mott 32嘅都係相同做法，咬落流心，真係好靚，仲好嫩，忍唔住要影張相，配埋蟹子，除左打卡靚，食落都係好鮮味。竹炭叉燒餐包 $62黑麻麻嘅叉燒餐包，都係一種gimmick😂，再加埋上面嘅白色好似落雪咁，好靚🥰 食落有水準，足料餡多。雙色馬拉糕 $58原籠上嘅馬拉糕，分別有原味同黑糖味各3件，梅花間竹咁有啲似太極圖案，個人覺得黑糖味香口啲又甜蜜啲🥰由於趕住去下場，所以逗留左1個鐘多少少就走了，希望下次可以再嚟飲茶或食晚飯啦😍依度仲有泊車優惠，唔駛錢泊車感覺好抵🤭免泊優惠: 消費滿$300可免費2小時消費滿$500可免費3小時評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺金鷺湖大埔紅林路2號白鷺湖互動中心地下A號舖#healingbobo #foodie #hkfoodie #foodiehk #香港 #美食 #白鷺湖 #LakeHouse #TaiPo #大埔 #LeVOW #金鷺湖…查看更多

早兩晚日同朋友約埋去圍方上陽樓食中菜，環境舒服雅緻，好啱食住慢慢傾偈。我哋點咗三道菜分享，整體味道幾好～薑蔥粉絲蝦球煲 $248鍋氣好夠！蝦球大隻彈牙，咬落鮮甜，粉絲吸晒薑蔥同蝦嘅鮮味，索到好入味。紅燒妙齡鴿 $108依度嘅廚師推薦，性價比高，皮脆肉嫩唔會韌，點少少淮鹽更吊出肉香味，撕開時仲有少少肉汁，果然係招牌菜。蟹粉炆伊麵 $228好大堆頭嘅蟹粉舖滿伊麵，蟹粉香氣濃郁，伊麵沾滿蟹粉汁，加埋草菇，每啖都好香，而且勁大碟，4個人都未必食得晒。三道菜價錢抵食，餐廳做緊85折優惠，而且份量超多，下次再試下佢其他招牌菜式先👍評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺上陽樓大圍車公廟路18號圍方3樓329號舖📍港鐵大圍站B出口5分鐘路程#healingbobo #foodie #hkfoodie #foodiehk #香港 #美食 #香港美食 #香港必食 #香港探店 #香港打卡 #香港旅遊 #香港好去處 #香港推薦食品 #中菜 #粵菜 #香港食評 #美食打卡 #ShangYangRestaurant #上陽樓…查看更多

喺屋企附近散步，經過依間外賣甜品舖，之前已經喺將軍澳堂食過，今次忍唔住再買咗嚟食，雖然餐廳只做外賣但裝修都好可愛好有特色😍 超煙韌榴槤奶蓋 $80未開蓋都聞到D24榴槤香！打開見勁多榴槤肉，椰奶香滑，小丸子同珍珠仲係煙韌口感，豆乳布丁軟嫩，三色芋圓好足料。加埋榴槤奶蓋，每啖都有榴槤香味，好正，榴槤控必試！ Oreo奶蓋珍珠布丁 $52可可豆乳濃而不膩，豆乳布丁入口即化。珍珠冇黐埋一舊，仲有芝士奶蓋同Oreo碎，另外有一塊Oreo餅乾分開裝，可以自己加上去，好有儀式感，鹹甜夾埋好正！ 慢煮豬軟骨玉子粢飯 $50本來只叫甜嘢，見到有粢飯又好想食就追加！豬軟骨軟淋，加埋玉子，青瓜解膩、肉鬆夠多，油炸鬼好脆，仲要係新鮮即包，好滿足！ 評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺 SOYmart by 豆乳狂人沙田大涌橋路20-30號河畔花園地下28號舖📍港鐵沙田圍站C出口10分鐘路程#healingbobo #foodie #hkfoodie #foodiehk #香港 #美食 #香港美食 #沙田美食 #沙田 #Shatin #吃貨日記 #打卡美食 #甜品 #dessert #SOYmart #豆乳狂人 #SOYmartby豆乳狂人…查看更多

朋友帶我嚟依間由開張我已經想食嘅美式扒房🤩 餐廳環境好靚，好有格調，有種舊年代嘅氛圍😍 侍應首先擺低洋蔥酸種麵包，麵包好香好好食🍞🦀New Orleans Style Crab Cake $268新奧爾良蟹餅唔知點解好鍾意食蟹餅，好似係必叫嘅頭盤咁樣😅 蟹餅煎得夠乾身，珍寶蟹肉配埋他他汁，切開見到一梳梳嘅蟹肉，又香口又滿足😋🥩8oz Kagoshima A5 $828A5鹿兒島西冷和牛 8安士 呢個係餐牌冇嘅廚師推介，嚟到嘅時候已經好細心咁樣切開一件件，五成熟生熟度剛剛好，肉色好靚，邊位微燶，唔知點解感覺有少少似食緊叉燒咁香口😂，有好濃郁嘅牛肉香👍🍕Homemade 10" Pizza 2 gusti 50/50 $298話說Prohibition已經同亞洲第一薄餅餐廳CIAK聯手，以後如果想食CIAK嘅薄餅就要嚟依度先有得食🫠我哋揀左Prosciutto & Formaggi + Norcina雙併Pizza, 24個月風乾火腿加三款芝士🧀Gorgonzola, Taleggio, Mozzarella，咸香十足；Norcina配料有Homemade sausage, Mushroom, Mozzarella，好足料好味，中和返另一半嘅咸香。🔥🏔Flamed Alaska $248火焰雪山甜品係一定要有嘅，雖然依個甜品份量比較大，但為咗儀式感，一定要叫依個😂 睇住侍應點火再淋酒，藍色嘅火好靚，燒過嘅火焰雪山外面有啲焦脆，入面有朱古力，士多啤梨+雲呢拿雪糕，海綿蛋糕，干邑橙酒，超好味，之後再食伴碟嘅紅桑子可以清新味蕾。過咗好開心嘅一個晚上，另外餐廳有代客泊車，所以都算方便就腳，下次有機會再嚟食下其他嘢🥰評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺Prohibition 扒房．酒吧黃竹坑道180號海洋公園香港海洋公園萬豪酒店C區地舖📍港鐵海洋公園站B出口2分鐘路程#healingbobo #foodie #hkfoodie #foodiehk #香港 #美食 #香港美食 #OceanPark #Marriott #萬豪酒店 #海洋公園 #扒房 #酒吧 #Prohibition…查看更多

好朋友生日，見到網上好評如潮嘅八瀧，一於安排喺依度食Omakase同佢慶祝🥳咁啱隔離食客都係同朋友慶生，佢仲係歌星嚟🤭一入到餐廳已經覺得好靚，依度係全港唯一擁有櫻花雪景嘅主題餐廳，我哋坐喺吧枱前面可以近距離欣賞Tony師傅嘅製作過程，佢同團隊仲會詳細介紹每樣食材嘅來源，感覺好有溫度同專業～💫，我哋揀咗夕之御品書 $1388/位🥰🍴菜式重點：先付二點海膽豆腐＆柚子醋水母刺身海膽豆腐好清新，水母刺身好彈牙有咬口，啱晒打開味蕾😍量子料理四品兵庫縣室津夢追星生蠔，依個產地嘅生蠔肥美結實，層次豐富，放入口充滿海洋嘅鮮味，配埋蘋果啫喱同三文魚子，充分帶出生蠔嘅鮮甜香濃😋魚子醬，富山灣白蝦，牡丹蝦，炸蝦頭，依道創意料理結合咗，配埋超濃郁蝦油蝦膏，超濃郁🦐赤鯥，大拖羅，加上洋蔥漬，油份好重，正🥰青森縣鮟鱇魚肝，叫做海中鵝肝真係冇講錯，好creamy棉密。天婦羅海膽拿破崙最出名嘅signature dish終於登場，上面舖滿海膽，中間拖羅蓉，加上天婦羅，廚師灑上淡雪鹽，好夢幻好浪漫🥰 一放入口超濃郁海膽味，天婦羅好脆口，充滿層次🤩蒸物松葉蟹茶碗蒸握壽司十貫北海道帶子深海池魚銀鱈魚甜蝦中拖羅厚岸真蠔星鰻赤海膽左口魚邊玉子燒加左忌廉十貫握壽司款款有誠意，北海道帶子超鮮甜；深海池魚油脂香夠曬突出，魚味濃；中拖羅油花分布勻稱；厚岸真蠔帶海水鮮甜；赤海膽夠creamy；左口魚邊經過火炙，充滿魚油香；玉子燒加咗忌廉，好有蛋香好綿密～ 味噌湯甘物士多啤梨+芝麻雪糕🍓士多啤梨清甜多汁，加埋香濃嘅芝麻雪糕，食落去清新解膩，為呢餐盛宴畫上完美句號🥰～$1388 就食到 20 道菜，呢度嘅 Omakase 真係性價比超高，物超所值🤩師傅花盡心思創作絕不傳統新派創意日本料理，無論視覺定味覺都係享受，客人仲可根據個人要求訂制菜單，師傅會提供意見。除咗吧檯，餐廳仲有全新沉浸式場景加演唱會音響卡拉OK服務，令餐酒區耳目一新，仲有清酒，紅白酒，威士忌提供，將吃喝玩樂真正發揮到淋漓盡致，而且8-10位就可以包場，擁有完全私人嘅空間。～無論係生日慶祝或者係美食打卡都非常適合！記得提前預訂，晚市好快就爆滿～✨評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺八瀧尖沙咀白蘭軒道2號富峰行3樓📍尖沙咀/尖東港鐵站N1出口1分鐘路程#healingbobo #foodie #hkfoodie #foodiehk #香港 #美食 #香港好去處 #香港打卡 #香港探店 #日本菜 #TsimShaTsui #TST #seafood #海鮮 #sushi #壽司 #sashimi #刺身 #Omakase推薦 #日本菜精選 #香港食評 #美食打卡 #Omakase #omakasehongkong #omakasehk #廚師發辦 #日本料理 #高級料理 #創意料理 #人氣 #高質 #尖沙咀 #尖沙咀美食 #香港美食 #八瀧…查看更多

跑馬地新開嘅居酒屋，唔似其他居酒屋淨係做串燒，依度仲有飛機貨，可整燒魚同刺身，選擇多咗唔少。前菜送嘅自家醃蘿蔔、淮山同筍，爽脆開胃入味。House Beer $58德國返嚟嘅啤酒，用雪凍杯裝住，入口冰爽，食串燒配佢好解膩。串燒類大蔥雞腿肉 $42嫩身有蔥香免治雞肉軟骨棒 $68肉碎夠腍滑，咬到軟骨時有卜卜脆口感，撈埋蛋黃食好香口。雞皮串 $38燒得脆，唔會油淋淋藤椒豬肉腸 $33最正，咬落會爆汁，辣度夠惹味蘆筍豚肉卷 $45 豚肉嫩，夾住蘆筍嘅爽脆，口感幾平衡。雞翼串 $46、五花腩 $42 同燒火雞腎 $38 都有水準，冇失手。3點刺身拼盤 $268有吞拿魚、三文魚同帆立貝，新鮮度夠，切得厚身食落滿足。拖羅蓉辣卷 $188 拖羅香濃，辣度啱啱好。枝豆 $48份量大，啱晒一路食一路傾計。 價錢算中等，環境有居酒屋feel，仲有啲向街好chill嘅座位，想食串燒又想試刺身，依度值得過嚟。 評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺子の日跑馬地黃泥涌道33號地舖…查看更多

唎酒師朋友介紹上環有間清酒放題嘅居酒屋，我哋揀咗bar檯位坐，仲同隔離新相識嘅朋友傾得好投契，一齊把酒言歡，過咗個好開心嘅晚上！而且食物同酒都好唔錯，性價比超高😍Sake放題 $138/位想飲幾多就飲幾多，而且唎酒師朋友認證依度嘅清酒係比較高價，所以依個放題真係抵到爛！我哋飲咗好多款清酒，最鍾意一定係榮光富士 Crimson Glory 純米大吟釀無濾過原酒，開瓶就聞到士多啤梨香氣，酸酸甜甜好易入口，赤色酵母嘅獨特酸爽感充滿成個口腔，甘酸平衡得好正，淡淡粉紅色好靚，Pink Sapphire依個名好貼切，一定係女仔至愛🥰薯仔沙律 $48薯仔夠淋身，加埋炸蒜片，開胃又唔膩，作為前菜夠晒香口。牛肉膾 $98牛肉他他切得幼細，夠新鮮無腥味，調味好清淡，突出肉本身嘅鮮甜，配埋旺旺一齊食好新奇，同清酒真係絕配。雞軟骨 $58炸得外脆內軟，咬落卜卜聲好過癮，鹹香調味唔重手，送酒最岩，越食越想飲。熟成牛舌 $158牛舌熟成後香味好濃，入口彈牙好有咬口，好有肉香。玫瑰露雞翼 $48玫瑰露酒香好突出，但又唔會蓋過雞翼味，乾身唔油，肉質唔柴，鍾意酒香嘅朋友必點。金蠔 $48/隻蠔身夠大隻，好肥美，咬落juicy爆汁，調味鹹鮮適中。南乳炸雞 $58南乳味好香，外皮脆卜卜，入面雞肉好嫩，唔會好油膩，鹹淡啱啱好，推介！依度真係啱晒放工想chill下嘅朋友，bar檯位容易識到志同道合嘅朋友，餐廳仲有房間座位，適合情侶約會傾密計，下次一定要嚟試下其他菜式同清酒，再同朋友傾偈暢飲超爽🤩評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺@nami.yoshoku浪上環皇后大道中338號338 Apartment UG樓1號舖📍上環港鐵站A2出口5分鐘路程#healingbobo #foodie #hkfoodie #foodiehk #香港 #美食 #香港美食 #上環 #SheungWan #上環推介 #上環美食 #日本菜 #高質 #清酒 #Sake #居酒屋 #NamiYoshoku #浪…查看更多

依間曲奇店一直好出名，點知到佢開埋cafe我先嚟食😅 除咗叫曲奇同甜品，仲叫咗啲鹹食，室內坐滿晒人，我哋坐室外吹住風扇都唔會太熱，感覺仲特別chill🙂 Creamy Kimchi Pasta $98雖然冇肉，但材料好豐富，有磨菇，巴馬臣芝士，加埋泡菜，食落幾鹹香夠特別！Kimchi嘅酸辣同creamy醬汁好夾，味道夠晒多元化，唔會覺得怪，亦唔會膩。French Toast $70海鹽焦糖加蘋果金寶🍎，不愧係依間餐廳嘅招牌菜，西多外層香脆，切開勁多餡，咬落軟熟得嚟仲有大量蘋果粒，口感好豐富，好好食，唔理佢有幾邪惡啦😈。Buttermilk Blueberry Pancakes $68Pancakes鬆軟有蛋香，係幾有水準，自己落糖漿，加埋新鮮藍莓嘅酸甜，食完超滿足，記得趁熱食！Egg Tart $30依個蛋撻超大個，店員仲好好會幫你加熱，蛋撻皮好酥脆，蛋漿滑溜，鍾意食甜嘢嘅啱晒😅Double Chocolate Cookie $42朱古力味好濃郁，口感扎實，朱古力控同勁鍾意甜嘅人必試。White Chocolate Macadamia Cookie $42白朱古力帶奶香，加埋夏威夷果仁嘅脆口，味道好清新。Chocolate Chip Cookie $42經典款唔會輸！曲奇鬆脆，朱古力粒夠多，咬落好香。Strawberry Cheesecake Latte $55依款飲品超驚喜！有士多啤梨嘅清甜，咖啡底順滑，飲落好有層次。Strawberry Matcha $55抹茶清香，加埋士多啤梨嘅甜味，味道好平衡，都幾夾。 悠悠閒咁就坐到黃昏，其他客人都走晒😂 下次要再食其他曲奇😋評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@cookie.dptCookie DPT (Soho)中環閣麟街48號地舖 (近蘭芳園附近)📍港鐵香港站C出口7分鐘路程#healingbobo #foodie #hkfoodie #foodiehk #香港 #美食 #香港美食 #Central #中環 #中環打卡 #中環好去處 #cafehk #中環美食 #講玩講食 #美國菜 ＃西餐 #食好西餐 #soho #cookiedpthk #cookiedpt…查看更多

三號風球果日喺銅鑼灣行完街，意猶未盡想去飲嘢，結果俾我發現咗個好正嘅組合🍻🍟！原來香港城中比利時之味Stella Artois同Frites聯乘，推出 Frites Artois 酒食組合：將啤酒🍺同薯條🍟擺埋一齊，仲附上三款香港地道配料，真係夠晒創意！平時食薯條都係點茄汁，點知依度配咗個招牌沙嗲汁勁驚喜，汁身杰杰哋，花生味香濃，配埋Stella Artois嘅清爽麥香同氣泡，一濃一淡互相襯托，層次感好豐富！🤩仲有個麻辣🌶蕃茄🍅味粉都好正，好似茶餐廳番茄湯滲咗少少四川麻辣，刺激得嚟又唔會過火。飲返啖Stella Artois，酒身輕盈，泡沫仲可以中和少少辣，個蕃茄甜味即時突出晒，夠晒Refreshing！🤗最後個孜然味粉好有驚喜，啱晒鍾意BBQ嘅人，聞落似足炭爐串燒果種香味，撈埋薯條食，再飲啖啤酒，Stella Artois嘅淡淡甘香將孜然個種惹火味拉長咗，食完仲想舔手指！估唔到孜然粉係同薯條咁夾嘅😅唔好等啦，而家即刻去任何一間Frites，試下呢個Frites Artois組合，感受下比利時美酒同香港地道風味嘅完美碰撞啦！😍評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺@stellaartoishk@friteshk FRITES Belgium on Tap銅鑼灣禮頓道8號香港銅鑼灣皇冠假日酒店地舖📍銅鑼灣港鐵站A出口5分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #比利時菜 #薯條 #啤酒 #beer #酒吧美食 #銅鑼灣美食 #fritesartois #stellaartois #A_Taste_Worth_More #frites…查看更多

一講起沖繩菜，一定會諗起歷史悠久嘅樂宴，好多年前已經食過，今次再去見到個吧檯位，所有回憶即刻返番嚟😍 佢哋仲有卡座、榻榻米同個室，私隱度夠晒，約朋友傾計好舒服。六點幾已經坐滿客人，氣氛好熱鬧，仲有日本人幫襯，加上各類日本新鮮食材，真係好有日本居酒屋feel🤩輕燒日本產和牛 $320🐮燒得啱啱好，顏色粉嫩，肉汁豐富好有牛味！白身魚四點刺身拼盤 $380賣相好靚，有4格，白身魚分別包住海膽、蟹肉、牡丹蝦同拖羅蓉，非常新鮮～炸沖繩苦瓜片 $98外脆內嫩，充滿咸香，唔會好苦亦唔熱氣，好解膩，餸酒一流😋鹽燒深海池魚頭及魚鮫 $228平時鹽燒三文魚或吞拿魚就食得多，鹽燒池魚就比較少餐廳有，份量好大，炭燒香味夠曬，魚肉嫩滑🐟廣島產蠔松前燒 $138蠔肉飽滿，燒完鮮甜多汁，正🤩最抵係每晚10點後深宵割引，10款菜式同5款酒精飲品一律半價，例如炸豬肉芋蓉餅先$34，古酒同富乃寶山芋燒酎都係$30，抵到笑！星期一至六開到凌晨2點，地點又就腳，喺時代廣場同崇光百貨附近，行完街嚟宵夜或飲返杯最正～出示呢篇文仲有優惠，每枱送2杯無酒精飲品！🍹🧉評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺樂宴銅鑼灣登龍街28號永光中心12樓📍銅鑼灣港鐵站B出口5分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #日本菜 #日本料理 #沖繩 #Okinawa #居酒屋 #沖繩料理 #居酒屋美食 #深夜食堂 #銅鑼灣美食 #沖繩居酒屋 #Rakuen #樂宴…查看更多

早幾晚同朋友喺中環食飯，食完飯想去飲嘢，發現依間 C108 即刻衝入去 chill！原來依度朝早係 cafe 夜晚變 bar，成個環境超 cozy，門口半露天座位望住大館飲嘢真係好 relax～ 今次試咗幾款 menu 上嘅 cocktail同大家分享一下！🍰 NEW YORK CHEESECAKE $128依杯 cocktail 真係神還原芝士蛋糕味！酒杯上面有一塊脆餅，先咬一口再同杯酒一齊飲，一入口即刻有濃郁嘅忌廉芝士香味，帶少少餅碎嘅鹹香，加埋Martell VSOP，Eng Breakfast Tea, Lillet, Citrus, 成杯飲落似食緊流心芝士蛋糕咁邪惡🤤，當埋甜品真係啱啱好！MOJO $128依杯係一杯好神奇既酒，未飲已經聞到好重既 garlic 味，入口第一下透出 garlic 嘅味道，加埋Havana 3 Rum, herbs mix, Olive Oil, Mango Salsa, Orange, 好有墨西哥風味，層次感豐富，鍾意刺激嘅一定要試！🍑 PRINCESS PEACH $128依杯係杯水果味嘅酒，酒精度相對嚟講比較低，因為只有Lillet有酒精，其它配料都係水果味，飲落清甜帶蜜桃茶香，有少少perrier氣泡水嘅清爽，尾段有梨香同 citrus 酸咪咪收尾，超級好飲！🍍 LATIDO DE PIÑA $128呢杯用咗自家炒香嘅咖啡豆做 topping，拎起就聞到濃郁咖啡香配菠蘿甜🍍！rum base 加上菠蘿汁，Vanilla, 朱古力，飲落順滑得黎帶少少顆粒感，咖啡粉同椰香超夾，成杯充滿熱帶風情，推介比鐘意果香 cocktail 嘅人，亦有咖啡嘅甘醇中和甜味👍飲酒當然要有小食，我哋叫咗薯條🍟，店員話係手切薯條，加咗辣椒粉，鹽，食落好惹味，餸酒一流😍依度嘅調酒師超有想法，每杯都將香料、茶飲、特色食材夾埋烈酒玩出新花樣，仲會細心講解背後靈感，飲酒變成聽故事，打卡靚相之餘，仲學到調酒創意～ 另外同老板傾開，原來menu入面仲有2杯隱藏版cocktail，需要估中menu入面嘅圖中含意，就可以解鎖隱藏版cocktail，大家都去玩下啦🤩評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺C108中環奧卑利街15號地舖(大館對面) 📍港鐵香港站C出口9分鐘路程#healingbobo #foodie #hkfoodie #foodiehk #香港 #美食 #香港美食 #Central #中環 #cocktail #雞尾酒 #cocktailhk #HappyHour #HKBar #中環酒吧 #中環打卡 #中環好去處 #調酒 #隱世酒吧 #香港酒吧 #CraftedCocktails #HKNightlife #香港夜生活 #微醺時刻 #酒吧探店 #夜生活 #中環隱世調酒館 #C108 #C108bar #C108cafe…查看更多