我傷身你傷心的個人專頁

今日試吓呢間台灣菜，佢出名50斤牛骨湯底，絕無味精。下午茶我同朋友兩個人叫咗一個滷肉飯同埋一個牛肉麵share食，牛肉麵相當出色，牛肉軟腍，湯底濃濃嘅牛湯味，藥材。滷肉飯係老蔡自家手切滷肉，除非一般叫預製貨色，溏心蛋非常糖心，寫明係用日本蘭王蛋，鹽酥雞炸得脆口入味，熱辣辣香口。跟住講飲品，嗰杯鴨屎香檸檬茶都非常好飲，另外杯黑糖珍珠就甜咗少少，不過珍珠非常好食，同埋黑糖都好濃郁，鮮奶亦都不錯下午茶三四點仍然有好多人喺度飲嘢，食麵，係非常一個好舒服嘅地方，當日天氣又舒服…查看更多

今日晏晝無野做,渣左架車去鹿頸游車河,落返黎有 點肚餓,見呢間泰國菜有得泊車,門口裝修又幾靚, 就入去試下。泊低架車,緊係坐室外啦,涼涼地,雖然有太陽但係 餐廳有陽蓬遮住點解要寫食評因為食左三樣野我都覺得好夠味,好似 泰國一樣,師傅係廚房行出來我都見到係泰仔,果然 係真泰國菜。叫左個香草辣肉碎炒飯,好入味,食唔停口,加埋隻 流心蛋,100分跟住黎個菠蘿炒飯,好豐富,好大份,炒得好有鑊 氣,坐出面都聽到廚房入面既炒爐聲,勁連碟菜都 炒得好香,埋尾整個椰青坐左個半鐘,出面仲可以食 煙,呢間真係力推…查看更多

今日下午冇乜嘢做，朋友介紹大美督有間越南菜好食，今日就去咗呢間越南菜餐廳試吓個湯粉，門口有得泊車， 10分方便。我哋要咗個豬頸肉湯粉，豬頸肉刀工切得好好，燒到肉質嫩滑，又好夠香茅味，係唔錯。另一個火車頭，材料好豐富，有牛丸牛肉牛筋牛肚牛肉，湯底非常濃厚，成碗粉都好夠味。法式牛油雞翼，好香口牛油味，炸得好脆仲有一個越南順化濃蝦湯海鮮粉全部都好好味，呢個係用好多蝦頭煲香，有扎肉，有豬肉，有蝦，有蜆，都好足料，埋單位位$100，抵食👍🏻…查看更多