monkey0504的個人專頁

呢間曾經係餃子關注組紅極一時依家開左openrice可以留食評地點唔近地鐵站，位於民生區係惠康對面小店真係得2個人做但等候時間倘可以接受有位年長啲嘅應該係媽媽，我估係家庭式經營最估唔到係客源，有街坊，有大專生，有office OL，當日到訪仲有幾位越南客，估佢唔到*叫左雙拼粟米同孜然牛肉餃 $50/10隻價錢好OK餃子算大隻，味道正常粟米餃略嫌少左啲粟米，肉較多不過用紙碗同木筷子，但係匙羹就俾返鐵/膠匙唔係俾紙匙我覺得算係咁紙匙係唔會兜到隻餃素湯反而好出色好清好好飲，好多粟米粒紅蘿蔔粒白蘿蔔粒但係又好夠味我最鍾意係個湯枱面都有辣菜鋪，不過碎左啲，無咩咬口，但都幾好食叫餐有跟紙包飲品因為冷氣唔夠涼，所以盒紙包係神來之筆*鋪頭唔大，得4-5張台繁忙時間要等，或者食客自己自動自覺食完走人*煎餃要另外加錢要湯，但個素湯真心好飲另外仲有個拌麵、寬粉餐都多人叫整體係唔錯牛頭角無其他餃店，希望做得住…查看更多

過左去旺角，唔想行去太子係旺角附近搵餃子食餃子正常湯反而幾好，南瓜蟲草花湯幾好飲，清哂比餃子好食經過，唔駛排就可以試唔駛專登黎午市其他人都多數午餐，似乎抵食啲座位好逼，冷氣都唔夠食到一半要自己拎風扇仔吹但價錢算平…查看更多

相隔幾個月又黎食餃湯餃大粒過煎餃湯餃今次食蒜蓉菠菜餃同椰菜雲耳餃$46/6隻 $52/8隻菠菜餃都幾濃味，蒜蓉味唔太搶，唔會搞到口臭椰菜雲耳正常個湯今日有啲差左，湯渣有青紅白蘿蔔同粟米，但係個湯唔係好有味，會隱約飲到粟米味只要唔係味精味，淡啲都OK嘅朋友叫黑松露煎餃，黑松露味唔明顯，呢個有啲失望，比起上次3月黎食差左但煎餃係煎得夠香脆，皮有咬口希望下次有進步依家夏天黎，個冷氣都仲係唔夠，食完成頭汗，要叫凍飲先得。*最近幾個食評都話服務差，呢啲小店我本身都唔預有咩服務，都係QR code 落單，因為都無服務…查看更多

Bookmark 左好耐嘅雪糕店，因為之前好紅我無睇到食評就去，估唔到咁多人已經試伏整體未算中伏，你當普通雪糕食都ok但係普通雪糕，我不如去返便利店買？講返正題標榜西西里開心果去整雪糕，單球$40（其他味就$35單球）係抱有期待去食第一啖，有少少開心果味嘅，但好薄要咬一大啖先會食到開心果味但同個cone 一齊食，就會唔見左開心果味個cone係黑色，無講過係咩味，亦食唔出同普通cone 嘅分別雪糕易溶，所以佢先有個粉紅色圈圈係到如果行過好熱好想食雪糕，可以選擇，但唔好抱期望，亦唔駛專登去食$40 黎講都算大球但只係好普通好普通嘅雪糕…查看更多

Menu 有好多選擇，餃子款式有十幾項雙拼同煎餃唔駛加錢十隻 最平$46 最貴都只係$48叫左帶子韮黃同鮮蝦韮黃煎餃有少量冰花皮味道中規中矩餃子雖然大但唔飽滿豆漿/其他飲品可半價加購飲岩豆漿先覺得岩岩好台上無菜脯另外有麵食套餐5隻餃+麵+飲品麵都有好多款，湯麵 拌麵 麵有得揀呢個組合都係$50+呢個選擇都唔貴，同叫十隻+飲品差不多價錢男士建議食麵餐先至夠飽整體質素正常位置有啲隔涉，位於停車場出入口，近利基大廈…查看更多

今日又黎食餃係媽媽主動話要再黎食嘅餐廳星期六11點幾到都已經半滿今日食二人餐 $132兩碗自選餃6隻免費加麵/菜底再包兩個豆漿/可樂*自選可以揀貴價蝦餃無再額外加錢 抵！1個黑松露+帆立貝煎餃1個准山野菌+椰菜煎餃黑松露唔算好重味，裡而好多雞髀菇，仲有蝦帆立貝有1-2粒細，麵有蝦，個底係椰菜餡呢兩款都非常好食准山野菌都好食，粒粒准山好粉椰菜木耳都唔錯整體四個口味都好食不過今日啲餃質素一般，煎到爛皮，個餡好鬆散無上一次食咁好同埋煎餃要花多啲時間由落單到上台等左20分鐘菜脯/醋/豆瓣醬都要叫先會有其實可以一早問定個客/一早放低我估大部分客都需要菜底 麵底係分開上有搭返一兩舊蘿蔔/粟米黑豆漿成枝上白豆漿有無糖如果兩個人，叫套餐就相等於送飲品抵食！…查看更多

餃子比預期大粒三角形摺法同價位雙拼/煎餃無額外加錢要有蝦嘅餃最低 $56/6粒其他菜肉款$46/6粒 or $50/6粒*叫左芫茜馬蹄餃拼西洋菜餃 $50/6粒芫茜好多，連芫茜莖都保留爽脆馬蹄爽口西洋菜餃個調味同外面有啲唔同唔係好食到西洋菜嘅清甜+$10 有上海麵松茸鮮蝦豬肉餃 $56/6粒外皮煎得脆口，蝦彈牙，但食唔到松茸味豬骨湯非常普通，飲唔到係老火湯底無配搭送菜鋪餐單係有一樽樽菜鋪賣*服務係無嘅無加一QR code 落單4點幾到，啲員工都開始食飯，但廚房仲有人出餐…查看更多

星期六3:30到，家後都要等位其實店內係有位只係佢無安排到大家人逼人咁坐流轉都算快，所以係外面唔算等好耐*原本我係叫左雲耳椰菜餃+菠菜餃 雙拼湯餃 $42等左20分鐘，呀姐係廚房走出黎同我講煮錯左椰菜做白菜，同我講唔好意思白菜我都食嘅，同埋等到好肚餓，我只係想快啲有得食我同呀姐講唔緊要，我照要白菜都得但可惜係廚房連菠菜都煮錯左做韭菜食到係韭菜味已經心知不妙可能都係綠色呀姐就搞亂左韭菜唔係我想食嘅味，但我唔想再等佢煮多20分鐘俾返4隻岩味嘅餃我我最終由雲耳椰菜菠菜餃變左白菜韭菜餃佢所有餃同價，所有餃我都會食同覺得好食只係今日嘅個味道組合唔係我最想食*個湯係粉葛赤小豆湯個湯依舊好飲不過呢間野唔可以肚餓黎食，真係要等好久…查看更多

千層焦糖蛋撻 $10花花形，加上千層酥升起，睇到一層層脆皮效果口感好好，咁薯片更脆不過會易界口千層非常酥脆，有牛油味，表面有焦糖，唔會太甜，蛋味就唔算濃，但有一定厚度$10一件呢個價同效果，性價比高列入個人蛋撻排行榜頭3咁岩去到有人排緊隊，等左唔駛5分鐘有新鮮出爐，係感受到剛剛出爐嘅熱氣同溫度唔知有冇固定出爐時間，我咁岩4:30到等一陣就出爐鋪頭門面只係一個大玻璃櫃 賣其他麵包 $10幾蚊一個但算大個今日無鹽可頌 下次再試…查看更多

年廿九去深水埗有好多小店都已經收爐原本想食個間食左閉門羹行過見到蕃茄師兄有開呢間一直都想試直入有位未諗到食咩餸但先揀左湯底同麵底最後要豚豚圓圓蕃茄湯烏冬 $62有三片豬腩肉同4-5片豬頸肉算大塊 有煎香過 好食！蕃茄湯先係靈魂精粹佢係蕃茄濃湯，係見到有好多蕃茄蓉係到，個湯唔係水，係杰身好似開罐頭湯個種飲落去蕃茄味夠，夠酸帶點甜，好開胃，又有茄蓉呢個口感同味道，可以單叫個湯烏冬係偏身稻庭烏冬成個麵得3樣野，餸+濃湯+麵鍾意飲西式濃湯，呢個會係值得推介黎食最出色係個湯，其他野係你預期到嘅味道最後我飲哂成個湯到見底，唔會太咸，隔左陣都唔會好口渴唔係QR code 落單 又無加一可以encore *題外話有好多ivy so 同edan 應援物…查看更多

星期六下午茶時段已見長長嘅等候人龍一開始好驚等好耐闆左店員格仔餅等十幾分鐘咁都安心啲雞蛋仔同格仔餅分開兩位店員做所以完成時間唔係順單number 叫號碼叫左朱古力格仔餅$29格仔餅厚度等於外面兩底嘅厚度個口要開到最大先咬得到新鮮熱辣 外皮脆 中間軟因為叫左朱古力味 蛋香味就淡左 朱古力味都係淡淡的但每一口都有醬 呢個係值得讚唔會中間好多邊位無 或者 頭幾啖無食到最尾成口醬佢做到啖啖都有醬我已經當lunch 咁食但因為厚度十足食到最尾好飽 少少濟呢個價錢 呢個厚度同味道性價比高最緊要係老細對學生嘅獎勵學生成績有進步可以叫老細請食格仔餅 雞蛋仔雖然格仔餅 雞蛋仔 唔值咩錢但呢個係對現今學生辛苦讀書嘅一點甜希望老闆生意可以長做長有…查看更多

平日未夠12點都已經坐滿人每枱都總會有一碟咖哩豬扒飯咖哩唔算辣，對食辣嘅人應該覺得唔辣咖哩汁係港式快餐碟頭飯嘅顏色汁所以可以轉黑椒汁 茄汁 豉油汁唔算濃味，只有小小咖哩味有幾舊薯仔粒豬扒夠淋，彈牙，無咩蘇味，有輕輕炸過快餐碟頭飯之選$48，唔好要求多多加凍飲 $210分鐘就可以食完經濟快餐，味道OK，無投訴餐廳細，所以午飯時段好逼一張4人枱，卡位邊都要坐3個學生妹結果變左5人枱…查看更多

九龍灣專食餃嘅店唔多小店可以話得一兩間呢間小店標榜自家製作+自家湯定價同區外差不多8隻$48起10隻$60起不輪8隻定10隻都係平均$6/隻一般外區 10隻會定價平啲餃子選擇都有5-6款大路口味：白菜/椰菜/韮菜/粟米特別啲就有芫荽，同餐牌無嘅紫菜全豬，無雞/牛/羊揀湯就有自家湯/清湯/辣湯*揀左芫荽粟米雙拼自家湯係老黃瓜紅蘿蔔湯，味道偏淡有俾湯渣餃子size 中等，兩啖食完嘅大小正常餃子皮厚度肉菜比例OK粟米5粒有2粒散左，味道偏淡我唔算芫荽控，覺得芫荽餃味夠香，唔會好濃食到芫荽嘅爽芫荽餃幾好，粟米正常辣菜圃要問店員先會俾好簡單菜圃同辣椒，夠辣，爽口*店舖好細，台與台好近呢間入唔到本人嘅餃子榜但經過，想食餃，都叫做可以止下癮價錢上比起紅色商場裡面個間平…查看更多

Nuttea 奶蓋系列飲過一次係會返唔到轉頭好香堅果味仲有少少果仁粒平時飲開四季春堅果奶蓋茶今次飲招牌伯爵茶朱古力奶蓋 $48朱古力奶蓋超香濃，厚身，表面再加上朱古力粉但係缺少咗啲果仁粒少少鹹又帶有好濃朱古力味每次都會先飲晒啲奶蓋奶蓋先係精粹伯爵茶夠味但個人覺得茶同朱古力奶蓋要分開飲，夾埋一齊飲反而變咗普通奶茶下一次我都會揀返普通堅果奶蓋，咁先食得到最香濃堅果味萬迪店做到10月13號租約期滿超級唔捨得😭😭😭…查看更多

第一次幫襯迷客夏就係因為佢有米麻糬$32 米麻糬仙草連3款topping 椰奶分開一盒食先加，我覺得好好，仲搵膠紙痴住個蓋所以一定要加$1 膠袋兩盒野無膠袋都唔知點拎*米麻糬份量適中，比較似日式好chewy 個種所以用碗裝筆黎食比較好偏甜，小小米味，小小痴牙，黏身仙草凍好Q彈配料要紅豆 芋圓 綠茶凍 三隻都好好食足料，每一啖都有齊3隻配料食左半碗都已經好飽建議share / 一個人當一餐咁食右邊白色就係米麻糬，就咁睇相好似豆花😂…查看更多