小豬jo的個人專頁

個人幾鍾意去九龍灣mega box 搵食鍾意佢靜靜地 唔使同人迫適逢大閘蟹季節今次同媽媽黎翡翠江南先試吓啲前奏
由於想試多幾款招牌菜
所以我同朋友決定散叫唔要套餐
可以自由揀選心水美食四喜烤麩
作為前菜相當開胃
烤麩吸收晒醬汁精華
口感軟腍得嚟帶少少咬口
伴隨嘅冬菇、木耳、荀絲、枝豆口感更加豐富蟹粉生煎包（3隻）
真心推薦！一咬開湯汁爆出
要小心燙口
蟹粉味道濃郁得嚟唔會腥
包底煎得金黃香脆
比起小籠包 我更鍾意香脆口感嘅生煎包紅燒肉百頁結
紅燒肉肥瘦適中，入口即化
百頁結索盡肉汁
食落好惹味
送飯一流蟹粉豆腐煲
蟹粉份量十足
每啖豆腐都沾滿金黃蟹粉
滑溜豆腐同濃郁蟹粉形成完美對比
味道豐富又唔會太膩黃金蟹粉撈飯
真正邪惡之選 將蟹粉同飯撈勻
每粒米都沾滿金黃蟹粉
香氣撲鼻
雖然罪惡感爆燈
但咁樣包住食真係好滿足呀蒜香萵筍絲
食咗咁多濃味菜式
呢個清淡嘅萵筍絲正好平衡一下
蒜香十足，萵筍爽脆
簡簡單單就好好味薑茶湯丸
作為完美結尾
薑茶夠晒辣，暖胃又舒服
湯丸皮薄餡靚 已經好耐冇食過手搓既湯圓皮
芝麻餡流心效果滿分翡翠江南無論環境、服務同食物質素都令人滿意。有翡翠集團嘅加持 ， 信心保證。下次想食高質中菜，一定會再嚟！…查看更多

日本放題食得多韓國嘅放題 終於香港有啦仲要係尖沙咀旺區 當然要試下 餐廳空間大食物種類多 重點美食 醬油海鮮區醬油蟹、醬油魷魚、醬油蝦 、熟蝦 刺身/ 壽司/ 卷物 區 三文魚 、魷魚絲 、真鯛、鱸魚 、石斑魚 、鯛魚 吞拿魚、醬蝦、海螺、魷魚、泡菜鰈魚等當然唔少得 韓式紫菜卷 、蝦紫菜包飯 、韓式烤肉紫菜卷 、吞拿魚紫菜卷 、芝士蝦卷 、牛肉卷 、芝士吞拿魚卷 沙律區 煙三文魚沙律、雞胸沙律、蟹柳沙律、南瓜沙律、泡菜、辣味蟹 飯/ 湯物魷魚、 生牛肉 韓式拌飯 、鱔魚飯 、韓式海鮮飯、鮑魚粥、人蔘雞湯、嫩豆腐湯、海帶湯、韓式炒粉絲、炸醬麵街頭小食區辣炒年糕、魚糕串、炸魷魚、炸紫菜卷、章魚燒、炸紅薯、炸芝士、吉列豬扒、薄餅燒烤與肉類區：烤五花肉、韓式烤牛肉、傳統韓國豬手、甜辣炸雞，炒白血腸蛋捲 、牛仔骨甜品區：donut 、牛角包窩夫、韓式雪條、Gelato雪糕、軟雪糕、朱古力火鍋、雪花冰 、蛋糕、水果 飲品區 汽水、果汁、花茶、咖啡每晚七點仲有醬油醬供應每人一隻 蟹蓋仲有糙米飯雖然唔算大隻 但好好肉 食落仲好鮮甜 蟹膏甘香 煮韓國麵既機都有 但真係飽到食唔到了咁多野食 岩晒貪心既我每樣都試少少 個人認為必食既係醬油蟹 、即燒五花肉、豬手、炸物、炸醬麵每樣真係試少少都已經飽晒了 鍾意食韓國野既唔可以錯過 …查看更多

同男友拍拖周年紀念日 男友好識做咁訂咗呢間喺ICC 101樓嘅法國餐 慶祝 揀左六道菜嘅餐首先嚟咗Amuse Bouche一口芝士小麵包 仲有牛牛造型嘅牛肉他他 芝士酥 紅莓蛋白餅 前菜係Burrata cheese配無花果、榛子同果醬 淡淡既芝士香味 唔會膩配埋麵包一齊食 好開胃 之後店員拎左個壺黎加熱 原來係洋蔥湯 加熱後 即場倒在已煮腍既洋蔥上好有噱頭 洋蔥湯味道十分濃郁 配埋有Parma ham 既三文治 味蕾好有衝擊另一道菜係法國藍龍蝦龍蝦好香炭燒味 爽甜彈牙 醬汁酸酸地好清新 西芹增加口感底下仲有包左龍蝦肉既意大利雲吞食香味俱全海鮮湯煮馬友肉質非常嫩滑 鮮甜配上微辣既醬汁 幾惹味美國牛柳 預設半成熟 牛肉味好濃 仲有法國經典菜 蔬菜燉牛肉湯汁清澈 味道濃郁海鮮意大利飯八爪魚跟蜆既鮮味滲透落米飯到再配合creamy 既醬汁 一口接一口甜品係士多啤梨疏乎厘配雪葩冷熱交融 兩者配合得剛剛好 我呢個港女對男朋友既安排好滿意呀…查看更多

又到左思鄉既時候 係灣仔想食拉麵 搵左間隱世既雞白湯拉麵試試睇下餐牌比一般拉麵店多選擇仲有期間限定 老顧客唔使怕悶三味鳥雞白湯拉麵奶白色係長時間慢火烹調濃郁滑溜既雞湯 除左雞胸 還附有炸蓮藕、蘆筍、紫菜、糖心蛋、紫洋蔥、香蔥、荀等配菜 湯底真係好濃郁 有creamy嘅感覺炸蓮藕脆卜卜蘆筍夠鮮嫩主角慢煮雞胸肉質細嫩多汁 入口綿滑值得一試麵條可以揀直麵(爽口）/ 捲麵 （煙韌）魚介白湯拉麵湯湯與鰹魚湯融合湯底顏色明顯比雞白湯深湯頭味道也更加強烈同樣地有慢煮雞胸、炸蓮藕、蘆筍、香蔥等配菜今次揀咗直麵 湯頭十分掛汁叫拉麵仲有優惠 追加小食同飲品只係$28 有興趣既唔好錯過呀…查看更多

個人好鐘意食小鍋米線 差唔多次次都係‘雲’ 系列 見旺角開左呢間金西南米線 終於唔係姓‘雲’ 😬要試試 除左米線 仲有大碗飯 大隻仔有多個選擇招牌酸辣小鍋米線餐 中辣 招牌腩肉 豬大腸 芫荽魚蛋 藤椒魚皮腩肉夠厚 豬大腸醃得夠入味 仲有新品芫荽魚蛋 出面比較少有 藤椒魚皮好爽口 又辣又過癮豬骨湯紅薯粉 竹笙吸晒湯頭 牛肝菌少少辣好入味 皮蛋豆卜 夾住食 口感好得意豆漿少少建議 如果飲品唔只係罐套飲品會更好 呢到仲有好多小食 叫左d 試下炸雞軟骨 $28即叫即炸熱辣辣 好香脆 麻辣手撕雞$38 少辣 雞絲都幾滑 其實仲好想叫埋佢既出名炸饅頭 不過已經好飽 下次一定要再黎食…查看更多

觀塘係一個好地方想食咩都會搵到今日做完gym要補充優質蛋白所以去食好多人認為觀塘最好味嘅雞由於唔係觀塘返工而且佢收八點所以要趁早先嚟到餐牌有套餐有單點套餐除咗雞仲有主食仲有配菜不過我同朋友想食多啲雞就單點秋意去骨豉油雞 半隻 秋意建議 「食雞唔食皮 不如唔好食 」雞皮出奇地清爽 唔會膩 豉油雞醬醃得唔咸喎 略帶少甜雞肉一望就知係超級滑個隻而且肉質清透果然又滑又爽 去埋骨啖啖肉 原件花膠肉碎擔擔麵 只係$66 就食到花膠 會唔會太抵 擔擔麵濃稠度適中 偏辣 怕辣既要注意 但我食得好爽用左准山麵 又滑又掛汁 瑤柱去骨貴妃雞 半隻 咁多瑤柱只係俾多$5 將原型食物做到極致 一樣咁滑 但清得黎又好有雞味 朋友減緊脂 配個准山麵就搞掂一餐了飲品方便 成個雪櫃麵係自家製飲品叫左羅漢果菊花茶 清熱又唔甜所以話觀塘就係健身人既天堂 …查看更多

放假識食梗係食平日中午放題慢慢嘆 又可以慢慢消化旺角開分店之後終於冇咁多人平日298 +1 一入到去當然睇吓自助撈海鮮區今日有花蟹 三點蟹 鮑魚 花螺 草蝦 大頭蝦 基圍蝦 沙白 大蜆 沙蜆好新鮮 揀啱咗可以俾店員幫手沖洗 店員仲會不停補貨無限量任撈任煮仲會好貼心張貼海鮮烹調時間自己揀既海鮮特別新鮮 就咁煮已經好清甜 湯底有好多選擇 個人鐘意清清地既 椰子雞湯底 煮海鮮更原汁原味 但佢既湯頭好足料 雞件好大件 飲品區汽水 茶 奶茶 咖啡 啤酒 清酒 梅酒 涼茶 熱飲都有 熱食區魚皮 腐竹 點心 荔枝蝦 焗榴槤 蟹粥 Qr code 落單 仲有 乳鴿 羊架 牛舌 炸物 燒蠔比目魚等 火鍋配料區 丸類 菜類 唔在講 生蠔無限量供應 仲有田雞 牛柏葉 鵝腸等 Qr code 落單仲有和牛 、羊肉、豚肉食飽飽仲有成個甜品區同水果區俾你揀 前菜 自助糖水 水果 H 牌雪糕任食 真係好大方Qr code 落單仲有椰汁燉木瓜 呢個價錢真心抵食 鄧食得舒服仲慳左北上既時間繼續支持香港飲食業…查看更多

去完整手機 行前幾步 見到新開嘅茶餐廳 光猛企理 見到門口牛腩賣相唔錯 決定入去試一試牛三寶幼麵 牛腩 牛肚 牛筋 賣相都好唔錯牛味濃郁 甘香 仲附送左油菜同埋小食(中華沙律）鍾意食辣既唔可以錯過佢既辣椒油 好堅 夠香又夠辣落既時候要小心我有選擇困難症 唔知食咩 請店員推介佢介紹左土魷肉餅煎蛋飯 一黎到已經好吸睛煎雙蛋係流心 但又做到濃邊 肉餅既外圍煎到脆一脆 厚度適中 仲有肉汁 佢個豉油甜甜地 流心蛋 、肉餅、豉油同飯一啖食超級滿足厚厚嘅西多士 一嚟到即刻要食咗先外邊切落香脆外脆內軟 裏面有大量花生餡雖然好邪惡 但真係好好味伴碟仲有啲沙律菜 清新下添凍檸茶 茶餐廳必點 紅豆冰 熱辣辣就係要飲紅豆冰配西多士一流咸甜咸甜咁 當甜品都得…查看更多

朋友介紹呢間開到凌晨既串燒店 川北炒米粉幼身既米粉 加蛋 韭菜 香腸唔係太多既調味已經好香 岩岩炒好 熱辣辣 好快清晒 雞全翼燒得夠乾身 咬落香脆 雞皮面仲加左薄薄一層蜜蜂咸甜咸甜 好好味 五花腩肉串 有三串 腩肉燒完特別香口半肥瘦既燒肉特別正 大墨魚咀外焦內嫩 嚼勁十足唔係到到有得食 韭菜 虎皮青椒呢兩樣都係我食串燒必食既好彩呢到兩樣都做得幾好唔會燒得乾左原條蒜蓉茄子海量蒜蓉 夾埋茄子一齊食 蒜頭粉絲食得好爽錫紙燒雜菇有金菇，冬菇，雞髀菇 有錫紙燒唔會乾再加埋佢嘅醬汁 辣得好過癮 開到凌晨3點 想幾時黎食宵夜都得呀…查看更多

難得係旺角放早 即刻去呢間長期排隊既泰菜望一望好好彩今日大雨唔洗排隊泰式手打蝦餅每次食泰國野都會叫蝦餅一開二 外層酥脆 蝦肉鮮嫩 泰式Yum 粟米蝦沙律（辣）自家調校既醬汁 又酸又甜又辣加埋一齊 好開胃 覺得辣既又可以食粟米中和番蝦有四大隻 鮮甜爽口 我發覺食其他嘢沾呢個醬汁都好夾傳統汁燒豬頸肉師傅燒肉既技巧 加上厚切 豬頸肉完全唔乾 肉嫩多汁 好有驚喜咖喱蟹肉飯係我最鍾意加左蛋既咖哩 濃稠度適中 唔算辣 裡面既彩椒同洋蔥 食落仲有甜味 蟹肉拆晒肉 面仲輕輕燒一燒過 配白飯一流 泰式奶茶估唔到呢個泰式奶茶唔會好甜但茶味夠濃一問之下 原來特登為香港人調教如果你係螞蟻人即管要求店員加糖水/ 煉奶 綠茶青檸梳打青檸梳打好清新 綠茶味唔算好重解膩一流…查看更多

諗唔到食咩既時候又係食放題既時候 爸爸指定話要去極尚大瀛喜 因為食開午市放題 長者有88折 網上訂座都好方便 有自取區同點餐區 自取區既野唔算大 但好多野拎飲品區 熱飲 凍飲 清酒 啤酒 甜品區 主打係H 任食 當然仲有其他牌子熟食區 蟲草湯 椰汁雪燕奶 小龍蝦 燒賣 清酒蜆 椒鹽瀨尿蝦 冷盤區 前菜 凍蝦 青口 刺身 壽司 手卷 炸物 天婦羅 串燒 燒物 料理 煮物 等就手機下單首先食既係刺身 全部都新鮮 比較特別既長腳蟹 磯煮鮑魚 花海蜇 藍鰭吞拿魚都有我自己特別鐘意赤蝦 好大隻 火炙壽司質素好唔錯 細細件 好精緻串燒 燒物 即叫即燒 焗蠔 扇貝 羊架 芝麻雞翼 特別推薦焗蠔 又大又新鮮料理 花膠 牛腩 炒蜆 黃金蝦都有爸爸都讚高質最後 試埋當然唔少得期間限定既榴連放題 鐘意食榴連既真係唔可以錯過 要大推 …查看更多

薔紅嘅燒雞最近好似被推到出晒名喺佐敦逸東酒店早前見佢圍左板今日再過去終於開啦大部份人都係食佢嘅金牌脆皮燒雞呢度嘅主菜全部都係單點飲品另加錢 本身想叫慢煮雞胸沙律但已經售罄我就叫咗銷魂炒蛋叉燒飯用左日本蛋 係幾香 如果可以做滑蛋應該更加正叉燒係半肥瘦 肉質多汁 唔會乾伴碟仲有啲涼拌青瓜 榨菜等朋友叫左炸雞俾咗啲我食 啱啱炸起係唔錯 熱辣辣 雞皮都做到脆口食落雞肉都幾嫩 留意番要主食嘅話另外加錢下次下午茶黎食埋佢嘅西多士先…查看更多

要食正宗韓國野就諗起韓國街 見到呢間主打正宗韓國菜就想試吓 雖然位置唔算十分方便但七點前爆滿以香港既情況都幾厲害 呢度主要都係食姨母套餐二人到六人不等 除咗招牌嘅12碟韓國小菜 仲有鍋物 同埋自選韓國主菜 店員好貼心介紹一下呢度嘅食物都唔落味精同埋少油少鹽味道可能會淡少少但係就健康好多 成個套餐嚟咗啦 呢度好特別 佢真係成個餐連張枱一齊上店員唔使搬嚟搬去 好聰明見到十二個小菜已經好興奮因為自己好鍾意食呢啲韓國配菜而且佢嘅配菜絕對唔hea 連魚子都有 一定要提嘅係泡菜 一食落去就知道係自家製唔係醃咗好耐好濃郁嘅味道好新鮮 好爽脆湯物係海鮮豆腐湯雖然我哋冇加錢 但個豆腐湯都真係好足料酸酸辣辣 仲好鮮甜 主菜方面我哋叫咗燒鰻魚 韓國嘅鰻魚同日本嘅煮法唔同韓國做法原汁原味燒完沾少少Wasabi/ 鹽就已經夠燒完外皮略脆 肉質肥美我自己就鍾意包紫菜同泡菜一齊食我覺得嚟呢度一定要食清燉豬肋肉豬肋肉燉到好腍 一咬散開 而且好入味仲有南瓜栗子嘅配菜湯底味道好清甜 朋友仲飲咗好多添 辣炒雞爪韓國嘅雞爪好處係已經去晒骨 用咗韓國最正宗嘅辣炒方法辣得來好惹味 會一路追住食嘅感覺 我哋仲叫咗煎韭菜餅大大份 超多韭菜 粉漿唔會厚重點係煎到脆卜卜 好惹味食晒咁多嘢都唔覺得有淡嘅感覺而且真係唔鹹好健康 反而食到食物嘅原汁原味而且難得食到正宗韓國家的味道一定會再嚟食呀…查看更多

朋友又帶我食好西 介紹呢到有晚市任飲 Free flow 只係$98/ 位 食物都好唔錯 所以又帶左我去 火焰新派老虎蝦 店員係我地面前燃點火焰 有四隻老虎蝦 隻隻都好大隻 食落都爽口 因為略略燒過 仲多左份香烤味 多左層次醬汁方面 偏甜 近似馬莎文咖哩建議叫埋薄餅黎沾 唔好晒左個醬汁 清邁香酥酸辣魚係原條炸魚 好有份量魚肉起左骨 啖啖肉 魚皮同邊位都脆卜卜 係上面淋少少醬汁已經好惹味 生菜包 味道幾特別 肉味比一般淡少少 但香料味好重 加埋生菜食特別清爽泰式香燒雞即叫即燒 而且燒得有水準 外皮好香脆 雞肉食落都好嫩 唔會鞋口 Pina Colada菠蘿基底 配上椰汁m奶既mocktail 甜甜地好易入口 女仔都會鐘意 芒果沙冰店員好貼心 夏天熱特登等食物到左先再上 泰國菜標配 酸酸甜甜…查看更多

牛頭角呢間拉麵小店都出名左一段時間終於抽到時間去試下了 七點前黎到 好彩唔洗排好耐黑蒜雞白湯拉麵 黎到湯底仲有泡泡 熱辣辣 用左十一個小時熬煮既雞白湯 一飲之下 十分濃郁 拉麵正常都會偏咸 呢個雞白湯湯底濃得黎竟然唔咸好有驚喜 麵底可揀白麵/拉麵 我揀左白麵 食落爽口跟配料筍 洋蔥 京蔥 青蔥 一齊食 先試慢煮雞胸 食落軟熟又多汁食唔多太多既調味 清清地已經好好味 建議先食慢煮雞再食雞义燒 雞义燒 燒得好香 而且會更惹味朋友叫左辣味噌 重口味應該會鍾意 比黑蒜咸d 惹味d 都好唔錯餃子 每次食拉麵必備嘅小食 呢度即叫即煎 夠晒新鮮 呢到主廚拉麵同餃子都係一人處理 確保質素 值得欣賞…查看更多