pudding317的個人專頁

今日去咗康城呢間新開嘅甜品舖，係康城地鐵站一上就見到，超近超方便！試咗佢兩個招牌甜品🍨霸氣甜柚甘露 有白雪冰、西柚、 芒果、西米同糯香小丸子，小丸子勁煙靭，好有咬口！而且西米份量好多，芒果好甜，仲有啖啖西柚，多重嘅口感，滿足咗我鍾意食芒果又想食煙韌既願望！甜幸大滿貫 有仙草凍、芋圓、蜜饅紅豆、糯香小丸子、芒果、桃膠！ 最啱選擇困難症嘅我，全部願望都可以食到！芋圓好煙靭，好有芋頭味道，食到原材料既味道！紅豆好軟糯，甜到啱啱好，撈埋一齊食好滿足！…查看更多

今晚試左大角咀呢間隱世cafe,座位唔算多，大概坐到4 pair人左右，另外牆邊有吧枱可以坐! 叫咗佢哋二人套餐，分別有$288同$398選擇。我同朋友就選咗$288呢個，包括是日餐湯兩碗(因為太肚餓所以冇影到），我嗰日飲嘅係甘筍湯，味道唔錯好濃甘筍味，texture杰身，但係份量就比較少。主菜揀咗西班牙海鮮飯，同西班牙豬鞍扒，菜式都係即叫即整幾有誠意，味道都唔錯，豬鞍扒肉質嫩滑，幾juicy，西班牙海鮮飯口感煙靭，但係就略嫌份量比較少。另外套餐仲包兩杯飲品，有花茶水果茶可以選擇。另外仲有甜品可以揀兩款，印象中免費嘅有蘋果金寶，特濃朱古力蛋糕，同法式焦糖燉蛋。個人最滿意係朱古力蛋糕，味道略苦，加上雪糕，可以中和苦味，而家雪糕好大球，好滿足。另外，法式焦糖燉蛋就略嫌有少少overcook，唔夠嫩滑，但係表面有焦糖脆皮啱啱燒好所以好脆身，誠意係有嘅！Overall呢個價錢嚟講，味道冇得挑剔，仲要包飲品包甜品性價比都唔錯，淨係略嫌份量有啲細，可能胃口大啲就未必夠飽啦！…查看更多

份量大，而且好抵食 食咗佢個雞扒滷肉飯 雖然係叫外賣 但係包裝得好好 而且個賣相都好靚 雞扒好大塊 加嘢飲都只係加幾蚊雞 滷肉飯肥瘦均勻 鹹度啱啱好 溏心蛋，可以做到流心嘅效果 整體嚟講好滿意 之前試過食堂食都好好食 推介…查看更多

前兩日經過油麻地見到好多人排隊，本來想食隔離嘅sukiya，但因為sukiya太多人排唔到😅所以試咗呢間澳門過江龍！上網見佢標榜係$68起嘅火鍋，但其實$68嘅選擇唔多，只係有牛五花同兒童餐揀，素食火鍋就$78！因為我擔心牛五花太油，所以我就叫其他選擇，其他嘅選擇由$118起250g！套餐包括一個野菜盛盒，白飯可以自己揀份量（大中細size），湯底，肉類，前菜（青豆同子薑），份量打卡一流！我揀咗壽喜燒湯底要加$15，壽喜燒湯味道幾濃，甜味好夠，我個人嚟講係幾鍾意！點埋生蛋食其實都好滿足！我嗰日係平日晚上7點左右排隊，大約等咗半個鐘頭左右，人流都去得幾快。最後連加一兩個人埋單係$300，人均$150…查看更多

前兩日去食牛大人發現好多之前冇見過嘅小食，食完先知原來好多都係期間限定去到12月2號咋！食咗佢嘅蝦多士好有驚喜，食落去好脆口，麵包好薄，蝦肉嘅份量好多，點埋沙律醬，好脆好好食！ 烏金墨汁手作腸，食落去好彈牙，墨魚味重，推介！日本和牛橘梨拌豆腐(無影到)食落去酸酸甜甜，幾fresh，和牛牛肉味唔重，可以一試！蜜桃愛玉冰都好fresh，甜甜酸酸，愛玉口感好滑，食完好解滯，打完邊爐食啱晒！另外仲俾我見到牛大人出嘅黑芝麻雪糕，黑芝麻好濃，味道唔算好甜，有幾有驚喜喎！唔覺意食咗兩杯!…查看更多

落完單大完等左10分鐘左右 餐點新鮮整 食左lunch set 性價比唔錯 手撕豬啖啖肉 burger新鮮整好 薯條脆卜卜 momo餃有幾香香料味 皮薄 無咩汁 但肉味幾鮮 另外奶昔都係加$10左右 好大杯 …查看更多

今日去金鐘，試咗呢間台式外賣麵店，湯汁全部都係獨立包裝，唔使擔心個麵會腍晒，麵食加埋飲品一個套餐大約$60左右！滷水豬手好入味好腍，份量啱啱好！排骨藥膳湯麵食完之後暖笠笠，排骨大約有三嚿，排骨好入味，冬天食啱晒！麻醬撈麵有齊紅蘿蔔同芝麻，有分開醬汁，隨自己喜好加入醬汁，啱晒鍾意少醬嘅我 ！…查看更多

話說見openrice咁多推介食一本食堂，今日去開牛頭角，一於試吓佢個花膠雞湯！一入到去已經少伏，全部肉同魚類都好唔新鮮，擺咗喺雪櫃好耐嘅感覺🥲唔緊要啦，希望佢個花膠雞湯好味…點知呢飲落去都幾淡，完全冇講網上講咁嘅香濃雞肉已經跟足店員教，燙一滾即刻撈起雞肉，雞肉都好嚡口花膠有4舊，都爽口彈牙既套餐A有一次性嘅刺身拼盤，海鮮拼盤同牛肉拼盤牛肉拼盤份量好少，肉質普通，出面任食嘅牛肉不值一提🤡值得一讚嘅係刺身幾鮮甜，帶子同三文魚都味道唔錯最嬲係佢個雪櫃全部都係雪藏味，連蜜瓜同糖水都有雪藏味🤢食到勁嬲，兩個人埋單$660🥹$298+10%呢個價錢有更多好既選擇🤡完全係比網民呃咗嘅感覺…查看更多

店舖omakase分咗唔同價錢，最平$298就就有得食，我今次食呢個係$398一位，嗰份量超級驚人，沙律，刺身拼盤，壽司，安格斯牛扒，鰻魚玉子飯，和牛壽司，仲有天婦羅炸蝦同甜品！份量多到懷疑人生，仲要佢個刺身係非常之肥美! 食落口超滿足🥹好似從來都冇見過咁厚嘅三文魚腩同鰻魚！海膽鮮甜，好少見無腥味嘅海膽！朋友見到都想一齊嚟食，已經決定下次再黎幫襯！…查看更多

豬柳蛋格仔餅 $4440幾蚊嘅一個格仔餅其實都少少貴，有脆皮同軟皮可選擇，店主建議豬柳蛋就配軟皮，即叫即請等咗10分鐘左右，食落去完全係mcgridle味道，但豬柳個size就比較細，咬咗兩三啖都唔係好見有，個皮好軟熟，蛋香味唔算濃，整體嚟講覺得性價比唔高…查看更多

壽司taco $56 價錢有少少進擊，實物比想像中細件，但係刺身嘅份量好多，見到帶子有少少出水，本來有少少擔心，好彩食落去味道都幾鮮甜，加埋沙律醬同青瓜仲有壽司飯，口感好豐富，紫菜外皮脆卜卜，味道好夾，但呢個價錢抵唔抵食就見仁見智啦…查看更多

開心果gelato+ 肉桂味churros呢間對我嚟講係最有驚喜嘅小店，佢個開心果gelato開心果味幾濃，食到粒粒開心果係面，我將churros點落開心果gelato一齊食，個味道好夾，而且churros好鬆化，肉桂味都好重，令我不自覺咁樣一啖接一啖咁食，好滿足！下次會再食…查看更多

已經幫襯過無數次嘅三文治，個人最鍾意食就係佢嘅黑松露滑蛋蘑菇三文治，食落去佢個黑松露沙律醬超香，而且啖啖蘑菇好足料！另外松露安格斯牛肉鐵板三文治，牛肉都好Juicy最緊要係份量好多，食晒成份係絕對夠飽！同埋超級滿足！建議大家可以去之前先打電話預訂，去到就唔使等啦…查看更多

個人最推介黑松露pizza 加埋特別嘅酸忌廉醬汁 成件事好夾 黑松露味好出 另外夏威夷pizza都幾足料 酸重pizza皮冇普通pizza咁硬 donut柚子味酸酸甜甜好開胃…查看更多

早餐抵食 新鮮製作 麵包脆卜卜 炒蛋都幾滑 雞扒嫩口 餐廳個份量都幾大 早餐價錢加埋一 大概50幾蚊左右 價錢嚟講早餐比較貴 但係份量足夠 味道都唔錯 所以性價比OK 係經常會食嘅餐廳…查看更多