martinchoy32的個人專頁

同太太走進荃灣楚撚記，本來只係想食平民小菜，點知都好驚喜！環境像舊式大排檔感覺，又夠熱鬧，坐低已經聞到陣陣小菜香味～【西楚霸王雞-半隻】一上枱已經被那「厚厚一層」炸蒜蓉同蔥花震驚！金黃雞皮超脆，咬落去「咔嚓咔嚓」，蒜香同蔥香完全滲入雞肉，肉質嫩滑又juicy，完全唔柴！太太話呢隻係佢食過最正的霸王雞。【粟米魚塊】魚塊大到誇張！一塊已經有我半隻手掌咁大，炸得金黃外皮超脆，入面係雪白雪白的新鮮魚塊，零腥味！粟米蓉甜甜地，熱辣辣撈飯超正。【金銀蛋浸菠菜】菠菜青翠又爽口，金銀蛋切得均勻，鹹香夠味，湯底清澈得黎又帶住世紀蛋同鹹蛋的香氣，一啲都唔油膩，正好中和之前兩道重口味菜式，食到呢度已經好滿足。最後仲送一碗熱辣辣的蕃薯糖水！蕃薯軟淋入味，糖水清甜又有姜味，暖笠笠落胃，完美ending～…查看更多

最近同太太去到銅鑼灣行街，行到倦既時候見到間甜品舖好似不錯，又有中式又有西式甜品，室內環境都幾舒服不會太嘈。之後店員仲同我講黎緊12月1號元朗千色匯會開新分店添。【開心果巴斯克芝士蛋糕】外層微微焦香，入口即化，芝士濃郁卻不膩，帶有開心果的獨特香氣，再加蛋糕旁的堅果碎粒增添口感層次。蛋糕質地輕盈，甜度剛剛好。太太讚不絕口！【招牌蛋白杏仁茶】熱辣辣杏仁茶，散發濃濃的杏仁香。口感順滑，蛋白增添輕盈口感，甜度適中，飲落非常暖胃又滿足。尤其適合開紿秋天天氣，感覺像被一碗溫暖的甜湯擁抱。【芒果河粉-凍】芒果汁是用上大量芒果打成，再加上芒果粒，甜而不膩，河粉是用上椰奶制成，食落帶點爽滑Q彈，涼爽中帶點奶香，完美平衡。若再多幾粒會更滿足。這個值得推介!…查看更多

上週末同家人慶祝生日，特意到尖沙咀一間知名酒樓品嚐大閘蟹宴，體驗一場秋季限定盛宴。這間酒樓環境典雅，服務周到，氛圍溫馨，完美襯托生日聚會的喜悅。【大閘蟹】每隻蟹既重量都有四両至四両半左右一隻，蟹黃濃郁飽滿，肉質鮮甜嫩滑。簡單清蒸更突顯其原汁原味，再沾了薑甜醋，入口即化，令人回味無窮。【陳皮欖角蒸龍蠆】這道菜將龍蠆的鮮美與陳皮的清香完美結合，欖角的微酸微鹹為味蕾增添層次，令人驚艷。【鮮茄菌皇浸菜苗】則是清新之選，菜苗爽脆，菌皇與番茄的酸甜汁液滲入其中，簡單卻不失風味，平衡了蟹宴的濃重口感。【古桐芝麻雞】令人印象深刻。雞皮金黃香脆，肉質嫩滑，芝麻香氣撲鼻，搭配特製醬汁，濃而不膩，堪稱整晚亮點。【薑茶小湯丸】更是溫暖人心的是，小巧的湯丸皮薄餡香，內裡流著滿滿的黑芝麻餡料。再配上薑茶湯底帶有微辣暖意，為秋意增添一絲溫馨。整體而言，這場大閘蟹宴菜式精緻，味道與賣相兼備，份量適中，讓人吃得滿足又不覺過膩。價格合理真是物有所值，又適合節日慶祝。期待下次再訪，細味更多時令佳餚！…查看更多

有個外國朋友回港，相約我們去西貢食飯，之後同佢入去西貢行下街先，夜晚再去食海鮮。【椒鹽焗鮑魚】椒鹽焗鮑魚真是一個驚喜！外層香脆，肉質又夠彈牙，椒鹽味夠惹味，彈牙得黎又夠juicy，又非常大隻，絕對係開胃之選。【低溫米水煮元貝】這個真是第一次食，元貝用上低溫米水煮過，嫩滑得來仲保留鮮甜味，飲一啖好似品嚐大海嘅精華，我朋友非常欣賞。【風沙雞】風沙雞皮脆肉嫩，調味濃而不膩，雞肉又夠多汁入味，啖啖都係滿足感，配啤酒一流。【清蒸沙巴龍躉】清蒸沙巴龍躉真材實料，蒸得剛剛好，魚肉鮮嫩嫩滑，保留到鮮甜味，簡單醬油已經夠滋味，食得出新鮮，推介。【豉皇龍蝦炒球】豉皇龍蝦炒球鑊氣十足，龍蝦肉爽口彈牙，豉油皇香濃得來又唔搶味，龍蝦球吸晒精華，夠晒惹味，這個是必點菜式。…查看更多

相約好友闖進荃灣海之戀！發現一間新開的壽司店，新鮮壽司刺身超誘人，環境Chill爆，服務暖心。見餐牌都有不同set選擇，到最後我們兩個選了這個，11貫壽司+細盛海膽三文魚子碎拖羅飯set。我地都叫左一杯飲品，我叫荔枝梳打，清新氣泡配濃郁荔枝香，甜而不膩，完美解暑，令人回味！初初會來五種壽司:左至右真鯛：魚肉白嫩得似雪花，入口軟滑，帶住淡淡嘅海洋鮮甜，咬落去真係好似同大海來咗個擁抱！活北寄貝: 就更加刺激，貝肉爽脆有彈性，每一啖都好似喺海邊即刻撈上嚟咁新鮮！中拖：壽司份量適中，魚生新鮮，切得厚薄適中，入口即化，味道平衡得恰到好處。大拖：油脂香氣濃郁，肥美卻不膩，令人難忘。深海池魚: 油脂感十足，入口即化，微鹹嘅味道好開胃，簡直係經典嘅代名詞！之後就會五個火炙壽司:右至左【金目鯛】入口有陣炭燒香氣，魚肉外層微焦，內裡依然嫩滑，甜味同煙燻味完美平衡。【左口魚裙】裙邊嘅油脂經火一炙，香氣四溢，咬落去又香又脆。【松葉蟹腳】濃濃嘅蟹香，蟹肉軟嫩中帶點咬口，火炙後嘅焦香加倍提升咗層次感。【大拖】油脂豐富嘅拖羅經過火炙，表面微微焦脆，入口即化嘅感覺真係無得頂。【牡丹蝦】鮮甜真係不得了！蝦肉晶瑩剔透，入口好似融化咁，仲帶點甜甜嘅海洋味，食完一啖即刻覺得人生圓滿！【海膽】橙黃色嘅海膽好似奶油咁creamy，入口即化，濃郁嘅海味喺舌尖上爆開，簡直係幸福感爆棚！【盛海膽三文魚子碎拖羅飯】上面鋪滿金光閃閃嘅三文魚子，粒粒晶瑩剔透，啖啖都係爆汁的快感！海膽同碎拖羅嘅組合更加係天衣無縫，海膽嘅濃郁同拖羅嘅油香互相輝映，飯粒仲吸咗所有精華，每一啖都係極致嘅享受！…查看更多

與外國朋友回港，選了一間日式餐廳共進晚餐，一來又近地鐵站，二來又近K11或k11 musea。這間餐廳菜式精緻，味道令人回味。最近餐廳原來做緊65折優惠，一來又有優惠，二來又可以食到咁優質食品。【前菜-近江鴨胸】鴨胸切片薄嫩，內裡搭配菠菜、甘筍和娃娃菜，層次豐富。沾點微辛的醬汁，辛香與鴨肉的油脂完美平衡，開胃一流。【螢光魷魚茶碗蒸】這道茶碗蒸質地滑嫩，入口即化，帶有淡淡的柚子清香，令人感到一絲清新。螢光魷魚的鮮味滲入蛋羹，簡單卻不失細膩。【深海池魚】池魚肉質鮮甜，搭配蔥酸汁食用，清爽的酸味中和了魚的油脂，入口清新，令人欲罷不能。之後再沾wasabi 豉油，令魚鮮味再濃味啲。【池魚他他】這道他他以新鮮池魚為主角，拌入茗荷、大蔥和薑末，香氣撲鼻。包上紫菜食用，口感更豐富，紫菜的酥脆與魚肉的細膩形成有趣對比。【赤貝，身加左柚子皮、蘇蘇配醋漬】赤貝新鮮肥美，配上柚子皮和蘇蘇，增添一抹清香。醋漬的酸味恰到好處，凸顯赤貝的鮮甜，令人回味。【莆燒名古屋鰻魚】鰻魚燒得外脆內軟，入口濃郁，內裡加入芝麻和青瓜絲，增添口感層次。包上紫菜食用，香氣更為突出，令人一口接一口。【北海道車海老多士】這道多士令人驚喜，車海老肉質彈牙，蝦頭膏的濃郁鮮味令人陶醉。搭配沙律醬，豐富而不膩，是一道創意十足的小吃。【蔥拖羅蓉卷】拖羅蓉細膩濃郁，搭配大蔥碎、黃蘿蔔和天婦羅碎，口感豐富多變。每一口都帶有不同的層次，令人滿足。【煎馬友魚飯】馬友魚煎得香脆，魚肉鮮嫩，搭配乾紫菜碎和米飯，簡單卻充滿風味。紫菜的鹹香與米飯的清甜完美融合，是完美的收尾。【甜品：黑糖嶡餅】入口冰涼又軟軟糯糯的口感，沾上豆香四溢的黃豆粉和黑糖醬，再配上黑糖讓蕨餅帶有更濃郁的香氣。…查看更多

今日有朋友係外國返來香港，同佢可以坐底慢慢食吹下水，帶左佢去一間係上環既日式料理餐廳，裡面環境舒服，服務細心，朋友都覺得不錯。【前菜-九州黃粟米配凍湯(左)、螢光魷魚(中)、靜岡蕃茄(右)】九州黃粟米配凍湯：粟米的甜美濃郁，搭配冰涼的凍湯，入口如絲，清爽中帶有細膩的甘甜，為味蕾輕輕暖場。螢光魷魚(Seasonal)：螢光魷魚的鮮嫩彈牙，加了蛋黃醋的濃郁酸香，層次豐富，令人驚嘆季節食材的鮮活。靜岡蕃茄：蕃茄的果香與梅子醋的微酸交織，簡單卻直擊人心，彷彿喚醒了夏日的記憶。【日本愛媛蜜柑鯛】鯛魚的肉質細膩，帶有淡淡的柑橘清香，入口即化，彷彿在舌尖上綻放。【墨烏賊】軟糯中帶有微微的嚼勁，鮮味純粹，簡單的處理讓食材本味脫穎而出。【北海道新鮮北寄貝】北海道新鮮北寄貝：北寄貝的爽脆口感，點綴少許柑橘汁，酸甜中和了海鮮的腥氣，令人驚喜。【平貝】平貝的細膩口感，搭配青檸汁的清新，宛如海風輕拂，簡單卻令人滿足。【北海道牡丹蝦】蝦肉鮮甜無比，表面點綴的燒蝦膏帶來一絲煙燻風味，層次豐富，令人難忘。【大拖羅】入口即化的油脂香氣，肥美卻不膩，堪稱整場發辦的高光時刻。【高知縣池魚仔】新鮮美味，魚味濃郁，再表面加了薑蓉令魚調和恰到好處，令人回味無窮！【長崎縣鯖魚】鯖魚的濃郁風味與醋醃蘿蔔的酸爽完美平衡，微妙的搭配讓人感受到主廚的用心。【馬糞海膽】最後以海膽收尾，濃郁的海洋氣息在舌尖爆發，甜美而純粹。甜品，甜品有抹茶奶凍，香濃抺茶味加上香濃又不太甜的牛奶布甸，食完劃上完美的句號。…查看更多

同太太好耐沒有去天后行街，在天后偶遇一家火鍋店，聽朋友講過話這家店的服務貼心、食材新鮮，見環境又好似不錯，可以坐底試下。【味菜胡椒豬肚湯底】踏入這家火鍋店，就被那濃郁醇厚的香氣勾住了腳步。這次品嘗的是味菜胡椒豬肚湯底，奶白色的湯汁咕嚕咕嚕翻滾著，濃郁的胡椒香氣撲鼻而來，豬肚脆嫩爽口，味菜吸滿了湯汁的精華，每一口都帶著微微的辣味和豬肚的鮮香。​【手切牛頸脊】堪稱一絕，厚薄均勻的肉片紋理分明，放入鍋中稍涮幾秒，變色即撈。入口鮮嫩多汁，牛肉本身的香氣在湯底的襯托下愈發濃郁，口感軟淋。​【鮮雞件】十分新鮮，雞肉煮後依然嫩滑，雞皮又夠彈牙，在味菜胡椒豬肚湯底的浸潤下，增添了別樣的風味，每一口都滿是雞肉的鮮甜。【西洋菜】清爽解膩，翠綠的葉片在鍋中舒展，吸收了湯底的醇厚，吃起來脆嫩多汁，為這場火鍋盛宴帶來一抹清新。​【炸蝦餅(甜酸醬)】最後不得不提炸蝦餅，外酥里嫩，蝦肉的鮮美被牢牢鎖住。搭配甜酸醬，酸甜的味道巧妙中和了炸物的油膩，咬上一口，蝦肉的彈牙與酸甜的醬料在口中碰撞，口感豐富，令人回味無窮。…查看更多

呢排難得可以同家人出去食餐飯，係旺角近油麻地附近有間新開既潮州菜，發現內裡都光猛新淨，坐位闊落，同一班親友或朋友黎食飯都不錯之選。【潮式鵝片】這個潮式滷水以多種香料藥材製作，味道香醇，絕對係一道功夫菜，味道濃郁而不過鹹，皮脆肉嫩，滷汁香氣十足。【潮式蠔烙】熱辣辣的蠔烙，香口無比，又不會太油膩感，蠔仔又夠大隻，夾起一起食，回味無窮。【黑松露蝦球炒蛋】一上菜黑松露味好香，非常足料，嫩滑炒蛋配合埋韭黃同埋香蔥，再加埋大大隻蝦球，口感豐富，每啖食落去都好滿足。【蒜蓉炒菜心】新鮮翠綠菜心，獲氣十足，又夠鮮嫩爽脆。【豉汁蒸白鱔飯】豉汁白鱔飯用上籠仔荷葉一齊蒸，再配埋炒飯底一齊食，非常有新意，白鱔肉又夠厚身，沾上了豉汁又夠惹味，又不會腥。…查看更多

有朋友係外國回港，同佢食一間天后私房菜，聽太太講說，這間算是新開的，主要食潮州私房菜，同一定要一早訂枱的，坐位只可以坐到三圍大枱左右。【滷水鵝片拼鵝腸腎】滷水味十足，鵝肉身厚而且軟腍，皮有咬口但沒有過多肥膏，味道鮮香又濃郁，又不算過鹹。鵝腸非常爽脆，鵝腎有鵝油香味。【潮式芋茸酥炸生蠔】芋茸加了生蠔一起炸，炸得非常鬆化，層次豐富，做到酥香效果，又不會油膩。【潮州紅燒花膠魚翅】花膠翅的口感是非常濃稠，鮮味濃郁，內裡勁多都是花膠魚翅。【家鄉京葱羊腩煲】湯底熬得十分濃厚，羊腩肉質鮮嫩又夠肉汁，再配上腐乳醬汁，令羊腩煲提升。【羊汁自煮唐生菜】叫了羊腩煲附送新鮮唐生菜，在食到差不多時候可以加唐生菜去一齊煮，每顆菜吸收哂香濃羊腩煲的湯汁。【臘味芋頭潮州焗飯】焗飯內裡有爆香了的蝦米、臘味、芋頭、冬菇粒等等，飯粒口感較為乾身，撈埋一起食，添加了的惹味。…查看更多

同親戚都好耐無見，終於可以約到出來食飯，約左係西貢地方食海鮮，近西貢碼頭，環境又幾舒服，去到間飯店，門口雖然不算好大，但上樓都有幾張大枱，同親朋好友可以一聚。【黃金脆豆腐】色澤金黃，味道比普通炸豆腐更上一個層次，鹹蛋黃鹹香令豆腐增添風味，加上酥脆嘅口感，外脆內嫩。【椒鹽焗鮑魚】椒鹽鮑魚不是好多地方食到。表面有炸過，口感彈牙又不油膩，配上椒鹽，非常香口，又大隻。【天婦羅桶蠔生菜包】炸得非常外酥內嫩，再包住生菜一起吃，減少油膩感，內裡鮮味十足。【欖角蜜糖骨】欖角味突出，再加了蜜糖一起炒，令金少骨入哂味，表面又少許脆脆地，又啖啖肉。【豉椒炒蟶子煎米粉】第一次食的滿滿的豉椒炒蟶子煎米粉，獲氣十足，炒香豉椒和鮮甜爽滑蟶子，再配上煎米粉，味道匹配得剛剛好。【米湯浸菜心】米湯味道濃，菜心爽脆鮮甜。【豉油王炒麵】推介，麵質又有彈性，炒得又夠乾身，最重要是沒有油膩感。…查看更多

同同事食生日飯，約左去灣仔食一間私房菜，這間之前食過，是不錯之選，直接推介同事去這間店舖一齊食生日飯。【椒鹽豆腐】 薄薄的一層脆皮為豆腐帶來酥香口感，內層仍然非常軟滑。【順德生拆魚肉羹】第一次食的魚肉羹，非常鮮味，因為湯頭會呈奶白色，慢慢起膠及帶黏性，又滑又香。【青芥冰燒雞】燒雞更為惹味，手撕雞包括有雞絲、芋頭絲、青瓜絲、海蜇等，有少少芥辣香味，在香港不是好多地方食到，這個值得推介。【順德臘香蠔豉鬆】用上蠔豉和臘味切粒炒出香氣，配上爽脆生菜，令整體甘香美味。【鬼馬咕嚕肉】咕嚕肉炸到外脆內軟，真是唔簡單，再配埋油炸鬼一起炒，酸酸甜甜開胃無比，必試一度菜式【黃金肉蟹粉絲煲】一來到鮮味十足，調味恰到好處，肉蟹同粉絲炒得非常乾身，又不.會太多醬汁。【京蔥爆牛仔柳】味道香濃，好有獲氣，最重要牛肉軟淋適中，不會過硬，炒了京蔥仲帶點辛香，【生炒臘味糯米飯】食咁多間這間糯米飯是最出色，米粒亦不會太過黏實，容易炒鬆，粒粒分明，也帶黏糯口感。【紫米露】飯後甜品紫米露，紫米是一種有補血同抗衰老功效，味道方面甜度適中，喜歡不太甜的朋友，這個是不錯的。…查看更多

這間居酒屋原來開了係銅鑼灣，同朋友上到去發覺，室內環境用上木系為主，坐位寛闊感覺舒服。可以同朋友慢慢食同吹下水。【巨峰乳酸梳打】乳酸味道明顯，提子味道不會太甜或像藥水，甜度適中。【明太子雞翼】以香滑去骨雞翼包住明太子，表面皮脆肉嫩又多汁，味道帶點微辣。之後叫了這幾個海苔杯，賣相不錯。他們又想食，到最後每個叫了一款。【柚子風手切本鮪魚腩蓉-中】甘香肥美鮪魚腩蓉，油香豐富，表面加了少許柚子，令壽司帶點柚子香。【火炙厚切鮟鱇魚肝-左】鮟鱇魚肝切得非常厚身，火炙後油香香濃，不會有腥味。【黑松露煙燻帆立貝-右】色香味俱全，焦香的帆立貝，帶點黑松露味道，再表面加了三文魚籽，口感層次提升。【蒲燒山椒鰻魚丼-定食】鰻魚外皮微微焦香，肉質肥美，口感層次豐富。定食再配埋蒸蛋、沙律、麵豉湯。…查看更多

之前來食過都不錯的日式居酒屋餐廳，今次原來推出了幾個套餐是無限時任食和牛、刺身、炸物等等，由最基本是《觀星》$488、《嘗月》$688、《夜空》$1088等三個套餐，嘗月同夜空都可以任食靚和牛，《夜空》就多了海鮮，到最後我同朋友揀左中間果款套款，淨食和牛追加多幾次已經抵哂。聽店員講十月份逢星期四五六有halloween音樂祭，可以一邊聽歌一邊食燒肉。【炸物、前菜】炸物方面，有南瓜、冬菇、秋葵、吉列蝦等等，炸物不會油膩又脆身。【刺身】刺身又五款選擇，有三文魚、甜蝦、帶子、三文魚腩、北寄貝等，每款刺身都非常新鮮又鮮甜。【京都黑毛姬牛】姬牛一來到非常吸引，精美的大理石紋，其口感如絲般融化【宮崎和牛五款】宮崎牛是一種口感緊緻滑順，霜降均勻散佈在其間，因此儘管脂肪豐富，口感卻清爽不油膩肉眼：咁多之中，肉眼是最肉質柔嫩，牛味濃郁，雪花脂分佈平均。牛腹腩：這部分的肉脂肪含量較高，肉質鮮嫩多汁，所以比較油膩。牛小排：油花適中，放上網燒散發出濃郁的牛香味。內側後腿肉：油花平均，肉味突出，是我最愛之一。西冷：是和牛後腰脊肉，近臀部的部分，肉味最濃，油花分佈均勻，入口即溶。【黑豚腩肉、梅頭】黑豚腩肉：油脂分佈較多，口感細嫩，燒完帶點濃濃的香甜味。黑豚梅頭：油花分佈均勻，帶來爽口幼滑的雙重口感，非常鮮嫩美味。到最後假如是三五知己，又可以沒有限時的話，食完又可以吹水飲野，是不錯之選。…查看更多

好耐沒有同一班朋友出去食過飯喇，朋友好耐沒有食北京菜、中菜，搵到間位於銅鑼灣老北京菜既地方，雖然地方不算好大，但都好有私人空間。坐底之後，都係要睇下有咩想食，發現都好多好想食既野，之後點幾道菜先，唔夠先再叫。【蒜泥白肉】喜歡有點蒜嗆味的感覺，蒜香比較突出，在底部仲有粗薯粉墊底，可和蒜泥白肉撈埋一起吃的香味。【老山東燻手斯雞(半隻)】手斯雞燻香肉嫩滑，再有甘筍絲、芫茜、青瓜絲等，加了秘製醬汁，帶點麻辣味道，非常惹味，估不到這道菜比想像中出色，仲要份量唔算細。【賽螃蟹】雖然食材裡沒有螃蟹，但卻吃上來比蟹肉更美味，利用了海鮮及蛋白炒到蟹肉質感，再加了蛋黃在中間，賣相已經吸引，之後再撈埋一起食，再加上鎮江醋，非常開胃。【東華門羊肉串(6串)】串燒烤得軟硬適中有肉汁，不算好乾，再加上獨特香料，聞的香味就覺得很美味。【老北京炒餅】這個炒餅我地真係未食過，炒餅是用餅皮切條切絲再加配菜一起炒，食落口感帶點煙煙韌韌。值得推介【拔絲鴛鴦(香蕉/蘋果)】到最後我地叫左甜品，表面有層脆脆糖漿，內裡軟淋，外觀又非常漂亮。…查看更多