eatfirstla的個人專頁

嚟依度食飯最特別係有得聽live music, 一邊食野一邊同朋友傾下計，仲有得聽歌，感覺幾chill🎵鐵盤上嘅香料八爪魚伴薯茸熱辣辣，天氣凍凍地自然想食返啲熱辣辣嘅野，墊底嘅薯茸非常幼滑 ，感覺比豆腐仲滑， 而八爪魚粒有驚喜，口感係意外地軟腍，就算同薯蓉一齊食都唔會覺得會特別難咬，調味亦都唔錯🐙西班牙香蒜辣椒欖油煮海虎蝦同樣係熱辣辣嘅，蝦肉爽口彈牙，橄欖油充滿晒蒜片同辣椒嘅精華，微辣好惹味，而酸種多士烘得非常香脆，可以用嚟蘸汁🦐香煎手作蟹餅配芒果莎莎有三件，每件都算幾大舊而且高身，表面係金黃色，切落去有鬆化嘅感覺，切開見到絲絲分明嘅蟹肉，相信真係手作嘅蟹餅，芒果莎莎同蟹餅好夾，芒果嘅天然甜味令蟹肉嘅味道更突出，亦可以中和返煎炸嘢嘅熱氣🦀法國 Rougie鵝油封鵪鶉腿雖然細細隻但做得好精緻，塊皮煎到脆脆地，鵪鶉腿肉完全唔會柴，伴碟仲有幾隻鵪鶉蛋🥚…查看更多

極品海膽和牛龍蝦十道菜鐵板燒以海膽為主題，基本上每一道菜都會加啲海膽，真係可以食到好多海膽👌墨西哥海膽玉子豆腐嘅海膽味估唔到咁突出！魚子醬煙燻三文魚有機沙律菜卷🥗塔斯曼尼亞海膽配法國生蠔🦪白松露海膽蘭王溫泉蛋嘅食法係要將所有食材撈埋一齊食🥚海鮮方面有秘製海膽醬燒澳洲龍蝦、北海道海膽燒半熟帶子同埋紫海膽燒溏心鮑魚，海鮮上都加咗龍蝦醬，味道夠晒濃郁，龍蝦同鮑魚嘅肉質都唔錯，點埋旁邊嘅蝦汁就再多啲海鮮味添🦞花膠味噌湯有啲中日fusion嘅感覺🥣平時嘅和牛薄燒會捲住啲蔥蒜，今次嘅松本A5和牛再加多啲海膽喺中間，口感上更為豐富，中間有啲融化嘅感覺，旁邊好似粒卡通蘑菇咁嘅原來係櫻桃蘿蔔，超得意🍄加拿大海膽和牛脂炒飯粒粒分明，落咗黑松露所以特別香，面頭仲有大量蟹籽同三文魚籽去增添鮮味🍚連雪葩都有海膽喺上面呼應返個主題…查看更多

今晚同朋友去簡聚食飯，侍應介紹咗兩款生蠔銀堡壘同埋日之雪花，兩款都好大隻而且好有海水味，相比之下日之雪花再肥厚飽滿一啲🦪主菜叫咗香煎星班柳併老虎大蝦，魚柳煎得啱啱好，蝦好大隻，配菜嘅焗蒜頭都好食🧄另一個主菜係西班牙乳豬配肉桂蘋果茸，乳豬有連住幾多肉唔係淨塊皮，啲肉好juicy完全唔會嚡，個肉桂蘋果茸酸酸甜甜正好解膩🍎dinner set包餐湯或者沙律跟餐包，加錢轉咗兩個特飲，蜜桃紅茶同熱情果tonic都唔錯，另外因為係訂咗枱慶祝生日，所以餐廳會送一份甜品，係歌劇院蛋糕🍰…查看更多

莆田依期賣緊活鰻同埋梭子蟹，有唔同嘅煮法，今次試咗山泉水煮活鰻魚，餐牌介紹因為係用活鰻所以敢用清水煮，可以先飲湯再食鰻魚，鰻魚嘅肉質的確唔錯，彈牙而肥美，而且都幾厚肉，想惹味啲可以加埋辣椒豉油同潮汕泡菜🌶金絲麥片蝦嘅6隻蝦都大大隻，蝦肉爽口，麥片碎增添咗豐富嘅口感而且甜甜地，會想就咁𢳂啲碎碎嚟食🥄 燕皮扁肉湯係經常會叫嘅菜式，扁肉皮薄得嚟有少少煙韌，一人份量做個開胃前菜都唔錯👌包菜飯有冬菇、蠔豉、元貝、豬肉等配料，味道鹹鮮而惹味，椰菜嘅爽脆令個飯整體清新一啲🍚 甜品叫咗桂花陳皮燉雪梨 ，感覺好滋潤，有桂花嘅香氣埋陳皮絲嘅甘醇，最重要係唔會好甜…查看更多

主食可以單點或者加$30轉做定食，有關東煮、味噌湯同飯，關東煮有竹輪、年糕福袋同埋蘿蔔，味噌湯入面仲有兩隻蜆，各樣食物加加埋埋成個餐即刻變到豐富得多！再加$10可以將白飯轉做貓飯、茶漬飯或者烏冬，貓飯即係加多咗柴魚片、紫菜、牛油同醬油去撈飯，是但一樣去撈飯已經會好食，加晒四樣就更加邪惡🍚主食嘅西京燒比目魚幾大塊，比目魚好滑，醃料好入味，旁邊仲有椰菜絲、玉子燒同埋漬物，食到中途可以食依啲解下膩🥗另外叫咗串燒鰻魚，可以揀白燒或者汁燒，白燒更能食到原來嘅油香…查看更多

青雪商店喺網上嘅討論度頗高，講起拉麵店嘅時候都會見人提起佢，所以一直都好想嚟試一試，店內有大約20個座位，座位之間距離足夠，以拉麵店嚟講坐得舒服👌雞白湯拉麵可以話係近來比較受歡迎嘅拉麵款式，好多拉麵店都有推出雞白湯，除此之外依度仲有蠔白湯、熟成醬油清湯等選擇，仲要可以免費加拉麵🍜今次試咗雞白湯拉麵，面頭打咗泡沫，湯底口感濃稠帶點漿口，湯色偏黃色，本身包一隻蛋同埋三款肉，有豬叉燒、雞胸、雞卷，食到少少煙燻味，至於麵條保留咗啲麥粒，口感彈牙！除咗拉麵，亦試咗醬油漬鮑魚同埋蠔，鮑魚係用咗六頭鮮鮑，所以幾大隻，肉質彈牙，蠔都好creamy🦪…查看更多

便當嘅選擇超多，有啲係豬肉、魚或者雞，有啲配刺身、卷物或者蛋糕，真係多到要慢慢比較一下！鹿屋便當有鹽燒鯖花魚、棒棒雞同三款刺身，鯖魚原條上，刺身有三文魚、帶子、有頭甜蝦，非常豐富🍱便當入面嘅咖哩飯比想像中好，揀咗少飯同埋汁另上，無諗過個咖哩入面竟然有好多蘿蔔粒薯仔粒，而唔係就咁得啲汁🍛套餐亦可以優惠價加配小食飲品，貫徹餐廳選擇豐富嘅作風，三文魚味噌湯係另外加嘅蟹棒蟹籽栗米沙律份量十足🥗7吋珍寶赤海蝦刺身幾大隻🦐依晚一路食一路見到有外賣員嚟攞外賣，所以應該頗受附近街坊嘅支持，係外賣平台上嘅好選擇～…查看更多

餐廳嘅舖面唔太大，只有大概12個位，每次廚師煮意粉嘅時候都會傳來陣陣香味，睇住餐牌都已經流曬口水，間中都會有人入嚟買外賣，所以喺街坊嘅口碑應該都唔錯👍牛油蒜蓉番茜煙肉意粉真係香到不得了，忌廉汁中有好多番茜同埋洋蔥粒， 煙肉嘅份量都足夠🍝醉雞翼有4隻，肉質比較實不過夠入味甜品似乎係依度嘅主打之一，見到餐牌介紹可以訂製蛋糕，今次就試左蘋果批，蘋果批嘅批皮好薄，充滿肉桂香嘅蘋果一片片咁鋪喺面，加錢可以配雪糕🍨晚市仲有幾款廚師精選套餐，包餐湯、沙律、主菜、甜品、飲品，望落都幾抵食～…查看更多

套餐D有3個漢堡，原味、三重芝士汁同埋微辛蕃茄汁各一，個漢堡係用北海道十勝和牛去整，加咗少量洋蔥、香草同其他調味料，味道唔錯，望住廚師喺席前一路燒，真係會食指大動🔥三款入面最鍾意蕃茄汁，蕃茄嘅酸味同輕微嘅辣度減輕咗漢堡嘅油膩感，至於芝士汁都落得好足，廚師仲會即場刨啲芝士喺面，味道相當濃郁，仲做到拉絲效果🧀套餐仲包括泡菜、日本生蛋、麵豉湯同埋白飯，麵豉湯入面有海帶同菇，唔夠飯可以添加🍚除咗漢堡套餐，仲有啲小食叫，今次叫咗炒野菜同埋明太子雞翼～…查看更多

牛肉壽喜燒好抵食，大大鍋都只係$100，牛肉有差唔多10塊，豆腐、冬菇、洋蔥、菜等等都好多，足夠兩個人食🍲餐廳有部份食物做緊Facebook優惠，有壽司、炸物、燒物等等，大頭蝦同鮑魚都係有減，每隻大概$20！我地仲叫咗幾款燒海鮮，雖然無做優惠但係價錢都好相宜，蠔同埋扇貝都可以自己揀味道，生蠔好大隻，辣蒜蓉超級惹味，另外燒三文魚水撥同埋三文魚頭都幾好食🌶脆脆鰻魚串係有意外驚喜，雖然本身以為係蒲燒鰻魚，但係原來係依款咁厚肉肥美嘅鰻魚，而魚皮都的確燒得脆脆，相當唔錯🔥甲羅燒伴燒鱈魚干都值得一試，鱈魚干燒到好似薯片咁脆，配埋有蟹柳蟹膏嘅甲羅燒就更加有海鮮味🌊…查看更多

依排期間限定嘅湯底有木瓜椰皇嫩雞鍋，入面有好多木瓜同埋椰子肉令到個湯好清甜，依兩樣湯料就咁食都得，如果係常設湯底下次嚟都可以再食，另一邊係雪白御鮮豆腐鍋，個湯滾起後自己落三文魚同豆腐🍲牛大人食過幾次質素有保證，野食嚟得快，而且唔同分店嘅環境衛生望落都唔錯，今次都係揀咗日本黑毛和牛A4套餐，和牛同伊比利亞黑毛豬梅肉都同之前一樣咁好食，和牛油脂豐富，豬肉嫩滑有肉味🥩有幾款小食係新加嘅，酒糟嫩牛舌最好食，牛舌厚身而且好易咬，酒味都好突出，黃金椰絲蝦丸真係見到有蝦肉喺入面，口感彈牙，鮑魚有幾款口味，口感柔軟，依幾款都唔錯🥢…查看更多

燒烤堂嘅串燒種類好豐富，既有常見嘅食材，又有啲自家創作嘅串燒，單係燒鳥就差不多可以食勻晒全隻雞，由燒雞冠去到雞心、雞肝、雞腿肉、雞腳根都有，當中鹽燒原塊雞皮可以講係必食，成塊雞皮燒到脆卜卜，非常香口又唔油膩，送啤酒一流，三黃雞氣管都串得好靚，口感爽！海鮮類食咗燒生蠔、紅蔥油蒜蓉粉絲元貝同埋燒日本北寄貝，生蠔同埋元貝都好大隻，肉質亦都唔錯，配埋蒜蓉相當惹味🧄蟹肉芝士最中餅嘅中間係滿滿嘅蟹肉，非常足料，而和牛棒係會配一口飯，侍應會即場刨超多芝士喺面，食嘅時候將飯拌埋蛋黃同埋松露醬汁，真係又香又惹味😋其他串燒包括牛舌拖羅、牛舌芯、鴨舌同埋明太子飯團都ok🍙生啤做緊買一送一，$48兩杯幾抵🍻…查看更多

同朋友諗住快快地食個飯，揀咗依間餃掂快線，之前食過其他餃掂分店係有人serve嘅，依間快線就係自助形式自己攞餐，店內全部都係高枱高凳，枱上依然必備酸蘿蔔、菜脯、辣椒油等等🌶我地叫咗3款餃子，松茸豬肉餃煎得好香，底同面都有煎得香脆，湯餃叫咗雙拼嘅粟米豬肉同埋芫茜豬肉餃，依幾款餃子都係皮薄餡靚，芫茜足料非常香，粟米就清新爽口一啲，豬肉亦唔會好肥，感覺相對健康，會配埋狀元九鼎湯🥣除咗餃子，我地上湯時蔬同埋龍鳳蛋，溏心蛋配黑白松露醬好夠香🥚飲品要咗杯山楂雪梨水同埋蜜檸薏米水，兩杯飲落都唔會好甜，薏米水仲真係有好多薏米喺底，夠晒足料🥤…查看更多

主菜叫咗法式寶雲蘇焗羊架羊架揀咗七成熟，羊架厚肉多汁，塗上芥末再沾上麵包糠去焗，所以食落有少許芥末嘅辛辣，配菜有焗薯仔、翠肉瓜、番茄同埋茄子🍴晚餐本身會包熱檸茶或者柚子茶，今次轉咗飲桂花鮮奶咖啡，咖啡面頭灑上桂花作點綴，雖然咖啡味依然係主導，但係飲落都會有桂花嘅陣陣清香，而且仲有桂花喺入面，幾特別，值得一試☕️餐湯同埋沙律菜係要另外加錢嘅，今日餐湯係番茄湯，味道非常濃郁，真係𢳂到有番茄蓉，而且跟湯嘅餐包都意外地好好食，外層微脆而裡面非常鬆軟～自家製嘅日本芝士餅做緊優惠🧀…查看更多

鳥海山鐵板燒餐最為吸引嘅就係活龍蝦，兩人埋單計埋加一大概$1300，以鐵板燒嚟講算係幾抵，因為好多時鐵板燒餐廳嘅晚市係人均$1000，依個餐包括兩隻鮑魚同埋原隻龍蝦，食材嘅陣容都好華麗，整體而言係好滿足嘅🥢一開始係沙律同埋刺身，刺身有4款，平目調製咗個酸汁，而油甘魚上面有柚子胡椒，質素唔錯跟住就係牛油鮑魚，一嚟就聞到牛油味香噴噴，鮑魚肉質彈牙，至於龍蝦都真係幾大隻，啖啖肉，肉質仲要幾鮮甜，醬汁更加係超級惹味，龍蝦頭可以起到啲肉出嚟，兩樣海鮮都好好🦞之後有鵝肝多士同埋牛肉薄燒，鵝肝同埋多士都煎得好脆好香👌再之後就係炒椰菜同埋櫻花蝦炒飯，仲有麵豉湯同埋雪米糍🥣…查看更多