nekoreikyou的個人專頁

（6月14有收到店家從外賣平台回覆，會獲得賠償）經外賣平台 自取叫咗4杯飲品，2杯馬黛奶茶；2杯馬黛椰青馬黛奶茶好難飲馬黛椰青2杯唔同色，深色果杯嘅味道係燶味，好難飲；淺色果杯就得椰青味比例有待改善店員友善，而且新開張，打算俾多次機會如果味道正常，價錢就合理。但佢難飲嘅幾杯真係飲咗幾啖就飲唔落，所以相對地價錢唔平…查看更多

平時少機會去將軍澳，今次見有PC狗聯乘cafe，特登同朋友走去食，諗住食完順便行街。大概1430到餐廳，要排隊都好合理。排隊期間見到好多枱似係食到尾聲但瀨死唔走嘅感覺。不過舖頭大，我哋都好快入座，點知就係伏嘅開始…因為唔俾用截埋時間嘅相，所以只能敘述。根據收據，落單時間係1451，我同朋友各叫咗1個正餐/1個甜品/1杯飲品，甜品後上。當中一個甜品同飲品都係PC狗相關。朋友杯飲品好快就到，但PC狗嘅香蕉熱牛奶要1519先到，嚟到嘅時候仲要係凍嘅。唔明點解要用咁多時間先上到枱。雖然係凍但香蕉味好濃，等到1522，正餐都到齊，可以開餐。烏冬煮得好食，有咬口。個人建議如果叫青檸梅子湯烏冬，記得拎起啲青檸，後續會食到青檸皮嘅苦。食咗15分鐘左右，叫上得甜品。知道佢甜品要30分鐘，所以我哋耐心等到1605先催單，侍應話甜品要耐少少。於是我哋等多10分鐘，再叫侍應，個侍應竟然話你哋甜品後上，唔叫係唔會上。當然果刻出聲同佢反映我哋半個鐘前已經叫咗可以上。個侍應先話我幫你哋轉加快。結果PC狗甜品嚟到係1637，朋友嘅都係未到。我諗唔係朋友叫取消，佢係唔打算上俾你。甜品其實係幾好食但係當下心情係想快啲食完走人。到俾錢已經17點，我從來冇諗過食cafe會食2個鐘多。店內係有打卡位，但佢打卡位置前面都有客人，加上店舖係寵物友善餐廳。影相怕影響到其他客人，又要唔知狗仔會唔會咬人嘅情況下，打卡都唔能夠盡興。整體嚟講效率太慢，導致有排隊以及客人食完唔走嘅假象。下次再有聯乘都唔會再去。…查看更多