Agnestsm的個人專頁

最近多咗去荔枝角嗰邊發現孵化生活呢間餐廳🍴氛圍令人有種溫暖嘅感覺Lunch set都可以食得咁精緻✨ꕥ 前菜松露磨菇湯面頭有一層泡沫creamy濃郁 入口有滿滿菇菌香🍄‍🟫冬陰公海鮮湯 微微酸辣入面有魷魚/蝦仁/蜆 相當足料餐包亦有心思🍞竹炭黑色嘅蒜蓉包配以蕃茄為基調嘅醬汁開胃又好味ꕥ 主菜麵豉醬烤春雞🐤雞脾/雞翼/雞胸 接近半隻雞份量皮烤至微脆 肉質仍滑嫩配麵豉醬有特式而且很香而比目魚柳配辣椒蕃茄沙沙 三大件嘅滑溜魚肉🐟令人相當滿足沙沙同醬汁 加起嚟甜/酸/辣並存好有層次配菜仲有薯蓉同烤南瓜🎃ꕥ 椒鹽日本菇加點咗一份小食份量不少 share食就最好椒鹽味道好香口脆脆外層下係多汁嘅菇🍄有想追食嘅感覺…查看更多

話香江花月係全香港最美火鍋店應該冇人反對今次同朋友去打邊爐一入到餐廳已經有驚艷嘅感覺✨ꕥ 海陸雙饡套餐一個套餐有齊海鮮同牛肉唔同部位 時令海鮮鍋🦐入面有蟹/蝦/鮑魚/蜆最正就係蟹 勁爆豪 好鮮甜🦀蝦都好新鮮 夠爽彈鮑魚質地幾嫩 蜆就正常發揮啦而個湯基底係冬瓜 本身都清甜配海鮮更能突出鮮味🥢牛方面 有9種唔同部位一個大圈咁賣相超靚🐂個人較喜歡黃牛肉同牛舌仲有牛白肉同牛柏葉都好爽味道好香好濃郁而家特式飲品買二送一飲品都好啱打卡推薦流星夜果香同甜香並重🍹…查看更多

喺中環非常喜歡嘅中菜餐廳六如前身係三小漁環境典雅舒適食物亦當然高質啦🥢分別點咗午市特選一人套餐同精選套餐ꕥ 三星盤先講一人套餐嘅頭盤青麻汁慢煮鮮鮑 質地軟嫩🤤麻味慢慢滲透出嚟 烟燻糖心蛋上有油茶菇 增添一份獨特香氣百香丹霞係車厘茄配百香果調嘅醬汁🍅非常開胃ꕥ 養生菌皇燉烏雞 好足料嘅燉湯 除咗烏雞/瘦肉 仲有一大件雪梨🍐啱晒最近轉凍嘅天氣ꕥ 野生菌炆獅頭鵝掌煲上枱香噴噴 鵝掌份量都幾多 軟稔入味 下層仲有陳村粉同西蘭花吸收晒醬汁精華🥦ꕥ 鮮茨實泡翡翠 翡翠苗嫩口又清爽 茨實增加口感又有益ꕥ 海皇芝香煎飯 飯底煎香後 上面加上蝦肉等海鮮粒 再鋪上芝士燒溶 趁熱食有拉絲效果🧀ꕥ 濃湯酸菜魚片 精選套餐嘅主菜 酸菜味道啱啱好 用咗脆肉鯇 質地比較爽 濃湯送飯一流🐟ꕥ 竹炭黑磚豆腐 ꕥ 口水西瓜 精選套餐加配嘅前菜 竹炭黑磚豆腐賣相精緻 外脆內嫩 口感特別好原來西瓜配口水辣汁係咁夾 甜辣甜辣🌶️好有特式ꕥ 桃膠手工千絲豆腐ꕥ 士多啤梨芝士軟糕兩款飯後甜品 千絲豆腐必點 做得好靚又好味✨芝士軟糕質感好軟滑 士多啤梨味都夠香濃…查看更多

見人慶祝生日喺度打卡喺鐵板上面寫字幾特別👨🏻‍🍳我又約朋友嚟試下先餐廳喺天文臺道 即係諾士佛台隔離地點都幾方便✨[秋田鐵板燒套餐]ꕥ 季節沙律水雲沙律酸酸涼涼超開胃 入面仲有兩片鮑魚片 為嚟緊嘅海鮮開咗個靚頭🥗ꕥ 魚籽鵝肝蒸蛋超滑溜🥚加咗鵝肝增加口感之餘 亦添加咗啲鹹香ꕥ 鮮活時令龍蝦用返本身嘅龍蝦膏嚟調配醬汁 鮮上加鮮 龍蝦肉帶點彈牙口感🦞底下有塊多士索晒龍蝦膏精華 勁正 記得要食埋ꕥ 原隻鮮活南非鮑魚鮑魚好嫩💕配忌廉汁原來都好夾 亦都好新穎 有啲昆布喺旁邊點個汁都好好味ꕥ 季節時令海鮮當日時令係象拔蚌 開心✨鮮嫩得嚟 入口又好爽 好鐘意呢度嘅海鮮唔會用好濃嘅調味 每樣都食到本身嘅鮮ꕥ 香煎頂級鵝肝超厚超大件 師傅煮嘅時候已經好期待🤤簡單點少少醋汁 再加埋標配多士 滿足至極 最後食埋片輕燒過嘅菠蘿可以幫助解膩🍍ꕥ 鹿兒島霜降和牛我哋揀咗7成熟 薄燒卷係包住蔥蒜一齊燒 比較惹味🐂而厚燒就好似骰仔咁 更能食到和牛原味 而且非常軟嫩 旁邊有岩鹽/芥末醬等 可以自己作出調味ꕥ 秋田炒飯望住由濕濕地炒到乾身 過程好療癒🥰配料有櫻花蝦/煙肉等 微微鹹香又唔會漏ꕥ 龍蝦清湯由燒過嘅龍蝦頭煮出嚟嘅味噌湯🥣留意龍蝦頭仲有啲肉架 好甜 一定要食埋最後就係炒野菜 有椰菜/蘿蔔/菇菌等等🥬而甜品就係銅鑼燒加雪糕 雪糕有抹茶味同香芋味揀原來鐵板寫字係用蛋汁做出嚟 師傅企嘅位仲要調轉寫 不得不為呢個功架拍手👏🏻…查看更多

不知不覺肉肉大米已經有3間分店最新一間開喺葵芳新都會沿用經典bar枱座位可以望到職員新鮮熱辣整漢堡扒🥢我同朋友都點咗3件漢堡排套餐ꕥ 原味ꕥ 芝士ꕥ 青咖喱每款口味各一件🐂原味就係最好機會試佢哋唔同嘅醬汁有燒肉醬/洋蔥醬/黃芥末等等有隻蒜香辣椒醬都好惹味🧄芝士除咗面頭一層芝士片職員仲會即席磨大量芝士碎濃香得嚟更有層次感🧀而青咖喱係最近嘅新口味微微帶辣 香噴噴🍛係最有特色嘅一款呢度嘅日本米飯同湯都可以無限任添㗎🍚期間職員都無間斷refill西蘭花俾客人呢🥦…查看更多

又發掘到好味椰子雞🐔旺角鳳園雞煲火鍋裝修典雅有格調用嘅食材仲好新鮮🥥ꕥ 竹笙椰子雞湯底好清甜 竹笙索晒湯正到爆 兩個人食點咗半隻雞 用嘅係文昌雞 肉質好嫩 味道亦好鮮甜 點埋醬汁又係另一種感覺 會令甜味更加突出🔝題外話呢度嘅醬料區好乾淨企理 最特式係有油潑辣子添🌶️ꕥ 安格斯雪花肥牛雪花好靚 肥瘦均勻 入口嫩得嚟有彈性 牛味都幾濃㗎🐂ꕥ 潮汕肉餅未試過所以又試下 肉餅係豬肉做嘅🐖非常彈牙 入口一啲肥膩感都無 反而啖啖肉香ꕥ 潮汕牛筋丸如果北上食火鍋 牛筋丸係每次必點😋夠晒爽彈 濃味得嚟仲有少少爆汁菜我哋就揀咗比較索湯汁嘅娃娃菜🥬今次得兩個人 所以煮食就揀咗公仔麵 見佢有煲仔飯好似好正 下次一定要叫多幾個朋友嚟再食過🥢…查看更多

難得有人約我食泰菜仲比我揀就揀咗尖沙咀Milu Thai🇹🇭呢間分店開咗之後都係第一次嚟ꕥ 生蝦刺身生蝦配辣椒蒜頭 加上個汁調配得好好 辣辣地好惹味 最緊要夠凍 食起嚟好爽🦐ꕥ 火焰燒雞好有儀式感 一上枱就點火比客人打卡先 之後再幫手拆雞🔥唔知係咪因為燒過嘅程序 個皮食起嚟勁脆勁香 而啲肉都係好嫩 不過我最鍾意依然係雞髀同雞翼位 連皮食真係特別正ꕥ 黃咖喱炒大頭蝦預先已經開左邊嘅大頭蝦 食起嚟好方便 而且好大隻 最正係個黃咖喱汁 加咗蛋喺入面特別香 送飯一流🍛ꕥ 蟹肉炒飯蟹肉拆絲混入炒飯中 都幾多 會食到鮮味🥢飯夠乾身粒粒分明 加咗車厘茄令味道更清新飲品都係以泰式為主 有增多冰龍眼冰等等我哋就點咗泰國啤酒同埋泰式奶茶 奶茶都好對味啊🧋…查看更多

好耐冇食片皮鴨🦆又去咗大角咀嘅老掌櫃東北菜館啦晚市都幾多人飯 最好訂咗位先📞而人多就預咗環境會嘈雜少少ꕥ 片皮鴨每次嚟得都必叫㗎啦 點咗半隻 兩個人夠食有餘 肥瘦均勻 略嫌今次唔夠鴨油香 但係都食得開心嘅🥢ꕥ 黃金蝦球即係醎蛋黃蝦球 每件都大大件 蝦肉彈牙嘅 欣賞佢鹹蛋黃味濃得嚟唔會太膩ꕥ 大蔥雞丁 嗜蔥人士必點😂蔥香雞嫩 醎醎香香幾惹味 送飯一流 會食到嫌白飯唔夠大碗😂仲叫咗杯鴨屎香手打檸檬茶 超大杯 聲稱700ml但飲落覺得唔止…查看更多

心心念念想食蟹近近地就去咗奧海城樂天經典有個二人餐會包埋蟹🦀仲有前菜/小炒/主食/甜品兩個人食絕對飽住走ꕥ 星馬金磚豆腐一份有10大件 作為前菜小吃絕對係大份 味道好好 椒鹽咁微微辣 好香口🥢外脆內嫩嘅效果做得好好ꕥ 星州黑胡椒螃鎜 黑胡椒鹹鹹辣辣 真係好惹味 真係會令人想將全隻蟹所有位置都吮一次😂蟹都幾大隻 尤其係蟹鉗好大好多肉 滿足ꕥ 脆脆咕嚕肉 的而且確真係幾脆 夠香口🐷瘦肉為主 甜酸汁味道調得啱啱好 欣賞佢用新鮮菠蘿 夠晒甜ꕥ 臘味炒飯 炒飯粒粒分明 夠乾身 混和住臘味嘅香味🍚主要配料有臘肉粒同冬菇粒 秋天食好合適ꕥ 招牌酸柑香茅凍 口味幾特別 果凍有濃郁香茅味 係清新嘅感覺☘️飲品就可以揀豆漿/檸檬薏米水或者汽水🥤…查看更多

每次嚟都食到捧肚走🤰🏻食物選擇多而且份量大價錢又唔貴同朋友聚會食飯嘅話非常推介Yadllie Plate🇰🇷ꕥ 蜜味乳酪粉炸雞揀咗無骨雞 啖啖肉超正🐤鐘意佢每件雞唔會好大件 大約兩/三啖為一件 咁樣食落個感覺無咁滯膩 乳酪粉味食落甜中帶醎 好惹味 伴菜有番薯條同蝦片 番薯條勁好味🍟ꕥ 特種部隊鍋配料勁多 餐肉/火腿都有幾款唔同種類 另外仲有唔同嘅菇菌/蘿蔔/椰菜等等🥘全部都係索湯嘅配料 食到咁上下 放埋個辛辣麵落去 超滿足ꕥ 紫菜手抓飯可以DIY嘅手抓飯 其實好簡單 將紫菜/蟹籽同飯拌勻 搓成球狀就OK🍙有得自己玩吓都幾得意 如果唔想自己整 職員都會幫手 除咗以上三款配料 仲加咗麻油 所以食落特別香ꕥ 直火現炙牛肋骨係lunch set其中一款 包埋湯/前菜同飯 上枱後職員會即席火炙 香味瞬間爆出🤤牛肋肉好軟稔 油香充足 仲可以點埋甜辣醬或牛扒醬包菜食飲品都多選擇 今次叫咗Yadllie原味手工生啤同藍橙荔枝梳打 熱辣辣天氣飲啱晒🍹…查看更多

在尖沙咀地鐵站附近有家價格親民的日本廚師發辦餐廳木系環境舒適 服務也很讚✨ꕥ帆立貝來自岩手縣 帶有濃郁鮮味和甜味 ꕥ深海池魚 來自德島 肉質肥嫩 質地纖細柔軟ꕥ 鮫鰈魚 白身魚 夠油脂 口感甘甜ꕥ 秋刀魚 秋季時令 肥美 油脂豐富又多汁 ꕥ 鰤魚 清爽且甜 感覺較清雅ꕥ 牡丹蝦肉質爽口 甘甜濃郁 蝦膏加入飯中 更為甘香 蝦味極濃 ꕥ中吞拿魚 來自長崎縣 肥瘦適中 油脂平均 口感順滑ꕥ 銀鱈魚炙燒過後 充滿香味 魚油香入口令人十分滿足ꕥ 赤身 以蒜香醬油醃 有特式 能吃到魚香中滲著蒜香ꕥ 吞拿魚蓉手卷 綿綿的魚蓉 脆紫菜 粒粒芝麻 口感同味道都充滿層次這款套餐還包含前菜/湯/甜品🥢人均不到500 很值得…查看更多

每次嚟都食得好滿足嘅柞木炭家🥩T.O.P分店可以話係由佢開張幫襯到而家除咗韓燒 仲有其他韓國菜選擇🇰🇷平時夜晚都較full今次同朋友特登早啲17:30就去到ꕥ 壽喜燒牛肝菌和牛2件一份 同朋友share啱啱好 先燒熱壽喜燒汁 之後再放牛肝菌同埋和牛落去🐂和牛質地非常軟嫩 包住飯再撈埋蛋汁一齊食 好正ꕥ 山野菇菌.和牛燒肉盛用一個魔法盒裝住 打開後就會燒層膜紙 好有儀式感 入面有兩款和牛 牛味都夠濃郁 另外有4款菇菌🍄‍🟫職員好好建議我哋用頭先嘅壽喜燒汁一齊燒 會更好味ꕥ 羊肚菌蔘雞湯好大一鍋 3至4人食都夠 職員純熟地幫我哋將隻雞煎開 烏雞嘅肉質好嫩滑🐔而個湯入面有糯米/棗等等 蔘味係有嘅不過唔會太濃 我怕苦都覺得啱口味 仲有啲清甜添ꕥ 彦陽和牛沙蔥燒必點啊呢個🤤牛肉超juicy 連埋蔥一齊食香噴噴 會想追食嘅感覺ꕥ 蟹粉石頭鍋飯第一次食加咗蟹粉嘅石頭鍋飯🦀喺原有嘅香氣上增添咗鮮味 個飯熟度剛好 食到底有飯焦 脆脆地唔會苦飲品我哋就叫咗梳打 提子同荔枝🍹另外仲有酒精飲品叫㗎 不過第二日我哋要返工所以今次就冇飲酒嚕…查看更多

重慶老字號朝天門繼中環首店 而家喺圓方ICC開咗分店啦101/F 居高臨下望到無敵靚海景🗾店內裝潢高級有格調 連餐具都好靚仲設有廂房 房內可以一邊唱k一邊食火鍋🍲午市雙人套餐 每人一個鴛鴦鍋 我哋不約而同都揀咗麻辣味🌶️整體唔會好辣 我食開小至中辣嘅都食到 反而充足香味 麻味微微滲透 另一邊係香甜嘅菌湯 朋友嘅蕃茄湯底都好濃郁🍅ꕥ F4純血和牛超靚擺盤 打卡一流📸牛肉份量都幾多 油脂平均 鮮嫩得嚟肉質有彈性ꕥ 海鮮拼盤生蠔同鮑魚各兩隻🦪生蠔熟咗之後唔會縮好多 仲係大隻厚肉 鮑魚比想像中肉嫩 鮮味同菌湯特別夾ꕥ 冷鍋鴨血呢個配麻辣湯超正 質地好滑溜 係近期食過最鍾意嘅鴨血🦆ꕥ 極品鮮毛肚大約淥10-15秒就食得 薄薄一片 口感爽得嚟有韌勁🐂ꕥ 河豚竹笙滑一個必點推介 用竹笙包住河豚滑 口感有層次 味道仲好鮮甜 好有驚喜✨ꕥ 冰川鵝腸麻辣湯底嘅好朋友 爽!脆!嫩!ꕥ肉多多午餐肉呢隻午餐肉 係中間帶有肉絲嗰種 有咬口得嚟無咁易散🐷香得嚟唔會太膩ꕥ 田園山珍拼盤娃娃菜/皇帝菜/粟米/蓮藕等等 竟然仲有鉛筆菇 出面較少有啊🍄‍🟫另外仲有兩款熟食 椒香酥肉 香口炸物🐖重慶擔擔麵充滿芝麻油香同微微麻辣都好惹味架🍜…查看更多

回春呢個名唔知點解令我好鐘意好想知點可以回春🧏🏻‍♀️食物走健康路線 味道都唔錯ꕥ 櫻花帶子奶油義大利麵櫻花蝦加帶子 本身就係鮮味組合吧🦐尤其是櫻花蝦份量不少 每一口都會沾上 好有口感 帶子熟度剛好 軟嫩~意粉醬汁夠creamy 入口滑溜🍝ꕥ 姬松茸味噌炊飯鮭魚定食主食加配菜 豐富得嚟 顏色配搭都好靚🥢先講主角鮭魚 煎到香香哋 油份充足但唔會膩🤤炊飯嘅味噌唔會過濃 感覺反而清新 配菜我較喜歡杏鮑菇同醬油豆腐 另外車厘茄都經過調味 甜中有微微的醎 都好好味呢Lunch set本身會包一杯茶 可以加錢升級咖啡或梳打等點咗焦糖鮮奶咖啡同Mocha都好啱口味☕️…查看更多

如果喺太子想食cafe多數都嚟Owens🍽️價錢親民 質素又唔錯而且喺正地鐵站隔離勁方便Lunch set有湯/主菜/飲品加配小食/甜品 仲有優惠價💕ꕥ 露絲瑪莉香草燒羊架羊架質感好軟嫩 微微羊羶香加少少油香🐐配燒汁更惹味 可自選配飯/意粉/薯菜 另外配菜嘅西蘭花苗都好清甜爽脆ꕥ 黑松露雞胸意大利飯份量十足嘅意大利飯 有濃濃嘅黑松露香味 軟硬適中🤤輕燒過嘅雞胸有肉汁唔乾柴 ꕥ 脆炸魷魚鬚ꕥ 蜜糖柚子雞翼兩款都係追加嘅小食 分別係$28同$38 價錢也太佛心了吧😆大份得嚟又好味 魷魚鬚外層香脆入面軟熟 雞翼嘅蜜糖柚子調味得宜 甜甜微配 感覺清新ꕥ 開心果麻糬提拉米蘇ꕥ 士多啤梨忌廉蛋糕好飽都要食埋甜品🍰最受歡迎嘅非開心果麻糬提拉米蘇莫屬 面頭滿滿嘅開心果碎粒 令味道更香濃 加埋入面嘅麻糬同tiramisu本身嘅滑溜 口感層次豐富 而士多啤梨忌廉蛋糕賣相別緻 蛋糕/忌廉/jam層層分明飲品本身包咗檸檬茶/Americano/果汁等等 揀其他飲品都有半價 我哋就揀咗海鹽焦糖鮮奶咖啡同埋凍mocha 都好啱口味☕️…查看更多