每次去食omakase，除咗為咗高質嘅材料同料理外，其實都好享受有廚師喺面前烹調、悉心介紹食物嘅過程。呢間餐廳無論係食物、服務定係環境方面都十分出色，下次都會同朋友再嚟！⭐️前菜沙律有海藻、車厘茄、青瓜等等，海藻搭配青瓜，口感好脆之餘仲多種一份獨特海味，而加埋酸酸甜甜嘅車厘茄就更開胃。⭐️左口魚刺身左口魚肉質鮮嫩，與酸汁搭配得相當好。酸汁嘅味道清新，正好中和咗魚肉嘅鮮味。⭐️海膽卷海膽嘅鮮味濃郁，即使加咗Wasabi豉油嘅鹹香，都唔會搶走海膽嘅風頭。⭐️梳子魚刺身梳子魚嘅質感好滑，咬落去肉質彈牙。表面輕輕燒焦，散發出一啲煙燻香氣，令人食慾大增。⭐️深海池魚壽司 池魚嘅味道較自然鮮甜，咬落去嘅時候可以感受到魚肉嘅滑潤和彈性，壽司飯嘅酸醋味岩岩好平衡咗魚肉嘅味道，令整體非常清爽。⭐️煙燻平靜魚壽司相比之下，煙燻平靜魚壽司嘅味道就更有層次。煙燻嘅香氣好明顯，喺魚肉中帶出一種獨特嘅味道，令整個壽司更加豐富。⭐️中拖羅壽司一望都已經覺得刺身紋理好靚，脂肪分佈得岩岩好，有種入口即融嘅感覺，同時唔會過膩。⭐️海膽壽司海膽一啲都唔腥，味道非常濃烈，同時帶住海味嘅鮮甜，配壽司飯食真係幾夾，鍾意食海膽嘅人一定要嚟食下！⭐️鐵板馬友配柚子酸汁馬友喺鐵板上煎到金黃，口感好香脆！柚子酸汁嘅酸爽感中和咗魚嘅油膩，令人想一食再食！⭐️沙巴虎蝦 蝦頭膏做醬汁沙巴虎蝦超大隻，煎到好香口，廚師用咗蝦頭膏做醬汁，搭配蝦肉勁香濃惹味！⭐️北海道帶子北海道帶子微微煎香，加上雞湯底清潤又唔膩。有埋秋葵同滑子菇，係用餐中段暖胃嘅好選擇。⭐️法國鵝肝其中一道最鍾意嘅菜式！鵝肝加上黑松露黑醋，將黑松露嘅香氣同黑醋嘅酸味完美平衡，加上柑肉，帶來一絲果香，嘅奢華又滿足。⭐️美國特級牛肉薄燒牛肉嘅油脂分布啱啱好，特別係表面微微燒焦嘅地方，令到香氣更加突出，而入面包住炸蒜片、香蔥等等，一啖食落口果下超滿足！⭐️鐵板炒飯雖然食到呢度已經好飽，但炒飯嘅香氣又令人忍唔住想食🤣用鐵板燒嚟炒別有一番鑊氣，而飯粒都炒得岩岩好好，粒粒分明之餘吸收晒所有配料嘅味道。⭐️炒豆芽炒豆芽雖然係配菜，睇落簡單但同樣好食，加入少少蝦醬做調味，令到佢更加惹味。⭐️蝦頭味噌湯湯底非常香濃，味噌嘅鹹香同蝦頭嘅鮮味完美結合，深入每一口，比人一種暖心嘅感覺。⭐️抹茶奶凍最後以綠茶奶凍作完美嘅收尾！奶凍好滑，食落唔會太甜。而綠茶味道濃郁，加上少少紅豆，增添咗口感，令每一啖都係享受！…Read More
