miyako_0209的個人專頁

週末嚟到滬玥茗居，主打上海點心，款式多，味道有驚喜，部分餸菜仲幾有創意，值得一試～🥟 餸菜逐款分享：鮮拆蟹粉小籠包（4隻）蟹粉味濃，湯汁飽滿，皮薄唔易穿，咬開有驚喜，蟹香突出臘味蘿蔔糕（3件）煎得香脆，入口有臘味鹹香，蘿蔔絲分佈平均，足料又實在，每啖都食到真材實料三鮮煎鍋貼（3件）底部煎得金黃香脆，咬開即爆湯汁，唔輸小籠包，每隻鍋貼都有十幾摺，手工精緻，賣相靚之餘亦見心機羊肚菌鮮菇餃（4隻）餃皮煙韌，餡料清香，菇味突出，羊肚菌提升咗層次感，幾特別蘋果吉士包（3件）外皮鬆軟，造型圓潤飽滿，賣相真係似足一個小蘋果，好可愛又打卡感十足，內餡係香甜吉士，甜度適中，唔會太膩，啱晒鍾意輕甜口味嘅朋友三色燒賣（3件）造型吸睛，三隻燒賣分別用上墨魚汁（黑色）、菠菜（綠色）同甘筍（黃色）做皮，天然色澤好搶眼；入面仲包咗粒黑蒜，味道香濃，幾有驚喜白茶流心芋球（4件）甜品之選，外層係綠茶同白茶炸麵團，酥脆香口，內裡芋泥細滑，流心效果唔錯，甜度啱啱好🪑 餐廳環境寬敞，裝潢偏中式雅緻，服務有禮，適合朋友聚餐或家庭飯局整體而言，滬玥茗居嘅點心款式創新，味道有驚喜，價錢合理～…查看更多

朋友喺灣仔放學，一齊行咗陣街，搵到呢間西餐小店，望落都幾有feel，香煎章魚鬚章魚鬚大大條，啖啖肉，煎得剛剛好，好香好彈牙，配上三文魚籽同埋羽衣甘藍， 醬汁亦好夾好好味，查詢過原來係mix咗八珍甜醋，好驚喜，個人認為呢個係必點必食。特色卡邦尼意粉呢款特色卡邦尼意粉令人眼前一亮，中西合璧的創意，用金華火腿同臘肉代替傳統煙肉，帶出獨特鹹香，層次更豐富，醬汁濃郁滑順，包裹住每條意粉，令口感更細膩，每一口都充滿驚喜，保留卡邦尼經典元素之餘，加入港式風味，令人食完回味無窮。21天熟成厚切豬扒豬扒勁大塊，經過熟成處理，豬扒肉質變得柔嫩多汁，入口即化，完全冇一般豬扒嘅乾柴感，每一口都滲透住熟成後嘅深層風味，厚切設計令口感更飽滿，咬落去有啖啖肉嘅快感，食完超有滿足感。餐廳裝修有氣氛，好適合朋友聚會聊天或者情侶拍拖食飯。…查看更多

性價比極高的銅鑼灣日本餐廳豆腐沙律&墨魚昆布以豆腐沙律和墨魚昆布作為序幕，豆腐柔滑，昆布鹹香，開胃又不搶戲，味道清爽不膩，適合作為開胃前菜，左口魚壽司左口魚壽司配上柚子皮，讓魚肉的細緻口感中多了一分清香，令人驚喜，深海池魚壽司深海池魚壽司肉質緊緻，天然鮮甜，醬油燒大溝貝醬油燒大溝貝火候控制得宜，貝肉保持彈牙又充滿鮮味，真鯛壽司真鯛壽司上那炒香的烏魚子點綴，鹹香濃郁，與魚身融合得味道更上一層樓，池魚壽司池魚壽司魚肉厚切，油脂豐富，赤身醬油漬壽司赤身醬油漬壽司與芥末籽的搭配別出心裁，慢煮生蠔慢煮生蠔質地柔滑，有一定的熟度，處理得剛剛好，北海道赤海膽壽司北海道赤海膽壽司鮮味濃郁，超級鮮甜，煙燻平政魚壽司煙燻平政魚壽司魚肉滑嫩，帶微燻香，襯托出鮮味的層次，粒貝壽司粒貝壽司貝肉彈牙有層次，充滿著海水的鮮味，燒拖羅壽司燒拖羅壽司炙燒香氣撲鼻，油脂豐盈，入口即化，拖羅和手卷中的紫蘇葉結合，油脂豐富，結尾帶點紫蘇葉的清香，茶碗蒸灑上櫻花蝦，增添了香氣與口感變化，海鮮清湯味道鮮美足料，有蜆肉和菇，最後的綠茶雪糕濃郁又不會過甜，為這頓晚餐畫上一個完美句點， 餐廳座位舒適，景觀開揚，這頓餐點無論在食材選擇或擺盤美學上，感受到這家餐廳的師傅對食材的用心，都展現職人級水準，實在物超所值。…查看更多

燒鵝湯瀨燒鵝皮顏色漂亮，皮脆肉嫩，有肉食，唔會淨係得骨，瀨粉大大碗，好抵食，海洋蝦餃皇好大粒，皮薄餡靚，內裏的蝦肉又多又彈牙，個人認為必點必食，鮮蝦燒賣皇每一粒都勁飽滿，上面脆卜卜的蟹籽好有口感，蝦的餡料非常足料，正！北菇棉花雞冬菇很厚肉，雞肉亦很滑嫰，份量不少，椒鹽九肚魚炸得金黃色剛剛好，外脆內軟，火侯十足，非常惹味，暖胃薑汁糕層次分明，口感軟糯，有很香的薑汁味，而且味道不會過甜，地點非常方便，而且地方闊落，座位亦頗舒適。…查看更多

潮盛滷水鵝片鵝片非常滑嫰，軟腍腍，滷水味道剛剛好，味道不會一味死鹹，底下墊了一些豆腐吸收了滷水和鵝肉的味道，也很惹味，脆通鯪魚球搭配的蜆蚧醬真的有蜆肉，鯪魚球外面炸得香脆，一口咬下去，非常彈牙，外面沾了米粉，炸得很香很脆口，金箔椒鹽竹炭豆腐擺盤漂亮，打卡一流，金箔隨風飄動，勁吸引，黑金的顏色配搭搶眼又吸睛，一口咬下去，外脆內嫰，黑黑的竹炭外皮非常香脆，內裏是非常滑嫰的白豆腐，黑松露金沙蝦多士鹹蛋黃和黑松露的味道超夾，味道香濃誘人，蝦多士的蝦也很大隻，一口咬下去既有着金沙鹹蛋黃的香味，也有黑松露的點綴，而且口感不油膩，話梅涼瓜這道菜師傅也很花心思，擺盤漂亮，是非常好吃，亦非常開胃的一道前菜，苦瓜沒有什麼苦味，伴隨着的是話梅酸酸甜甜的味道，滲透了苦瓜，而且份量也不少，很抵食，餐廳專門吃潮州菜，餐廳的裝修背景是清明上河圖，座位寬敞舒適，餐桌和餐具均乾淨衛生，侍應的招呼也親切有禮，個人認為非常適合家庭或朋友聚會聊天。…查看更多

這家中菜廳裝修新淨，環境舒適，佈置感覺開揚，枱布和餐具均整潔衛生，侍應招呼亦殷勤有禮，桂花養生淮山淮山口感粉嫩，淋上了桂花蜜，每一口也充滿着桂花香，但又不會過甜，是非常可口的一道前菜，金沙涼瓜鹹蛋黃包裹著苦瓜，炸得金黃香脆，惹味的鹹蛋黃搭配着微甘的苦瓜，味道出奇地夾，份量亦比想像中多，而且味道亦很驚喜，芝士小蜜蜂3件（芝士、蝦滑）這道精品點心擺盤漂亮，打卡一流，師傅用心地把這個點心裝扮成小蜜蜂一樣，小朋友看到一定會喜歡，而且好睇亦好食，內裏的蝦滑彈牙，芝士香濃軟滑，…查看更多

極品鮑魚灌湯餃整盅灌湯餃也熱辣辣，鮑魚超大隻，下面的灌湯餃也餡料豐富，超抵食，疊囍居蝦餃皇皮薄餡靚，不愧為蝦餃皇，裏面隻蝦超大隻彈牙，蝦餃皮不會過厚，每一粒也很飽滿，超滿足，七味骰子豆腐金黃的豆腐外皮脆口，內裏白滑軟嫩，明爐燒鵝湯粉燒鵝勁靚，份量不少，啖啖肉，正宗皮脆肉嫩，調味剛剛好，不會過鹹，宮廷濃雞湯煲仔翅抵食之最，有很多翅，足料老實，食到一梳梳翅，雞湯的味道亦不會過鹹，恰到好處，物超所值，菲林筒芝麻卷充滿光澤，飄來淡淡的芝麻香，上面灑上了金黃的芝麻更添吸引，味道不會過甜，手磨蛋白杏仁茶一開蓋已經飄來杏仁茶的香味，口感滑溜，蛋白滑嫩，沒想到酒樓也有甜品專門店的水準，酒樓裝修非常新淨，感覺開揚，餐具和枱布均乾淨整齊，侍應招呼亦親切有禮。…查看更多

金子半之助，一如傳統的日本餐廳乾淨整潔，侍應服務殷勤有禮。半之助沙律 - $48好大碟，有新鮮翠綠嘅蔬菜同車厘茄，炸得金黃嘅蝦天婦羅，配上沙律醬同吃，感覺清新開胃，海老天押壽司 - $88係蝦同紫蘇葉，混和了秘製醬汁，一件件好似壽司咁，上面香脆，下面鬆軟，紫蘇葉的香味搭配着炸蝦，味道超夾，迷你牡蠣天丼&稻庭烏冬 - $128餐廳會送來其他配料可以自己自由配搭，有蔥花、海藻、鰹魚花和天婦羅碎，天婦羅炸物炸得超酥脆，呢間嘅天婦羅炸物有特殊嘅胡麻香氣，比起其他天婦羅專門店係做得特別出色，稻庭烏冬超滑溜，爽滑彈牙啱啱好，仲有個天婦羅炸溫泉蛋，勁正，篤穿個溫泉蛋之後，裏面嘅蛋液流出嚟沾滿着每一粒飯粒，充滿着蛋香，炸白身魚 - $28 & 帆立貝魷魚天婦羅餅 - $28天婦羅白身魚外脆內嫩，從側面看可以看得出很厚肉，帆立貝魷魚天婦羅餅炸得剛剛好酥脆又惹味。…查看更多

灣仔呢間中菜館的裝修頗漂亮，很有氣派，很適合請客食飯或者家人朋友聚餐，魚缸有好多新鮮靚海鮮，好多選擇，餐廳內裡的樓底很高，不會有焗促的感覺，而且陳設都很漂亮，牆上的掛畫亦有畫龍點睛的感覺，座位寬敞舒適，餐桌和餐具均乾淨整齊，黑松露海鮮蛋白炒飯份量很多，一大碟，一上桌已經聞到濃郁的黑松露香味，而且炒飯夠乾身，粒粒分明，配有滑嫰的蛋白和彈牙的蝦仁，配料還有菜和洋蔥，炒得很有水準。侍應招呼殷勤有禮，茗茶亦水滾茶靚。…查看更多

行街行到好攰，見呢間餐廳專門係食海南雞，而且睇門口個餐牌，下午茶好似好抵，就揀咗呢間，餐廳都幾闊落，光猛整齊，輕盈肉骨茶肉骨茶都幾足料，藥材味剛剛好不會過濃，有排骨、豆卜和冬菇，而且不油膩，吉列鳳尾蝦大大隻，炸得很酥脆，外皮不會太厚，蝦肉爽口彈牙，星馬斑蘭咖央多士香濃幼滑嘅咖央醬，配上烘得香脆金黃的多士，味道又不會太甜，絕對係必點小食！桔仔話梅水味道酸酸甜甜很開胃，女仔一定鍾意！凍青檸梳打焙煎芝麻醬涼拌雞絲粉皮很大碟，份量很多，爽滑的粉皮，香濃的芝麻醬和嫰滑的雞絲，正宗大件夾抵食！一人蝦湯浸時菜新加坡去骨海南雞飯皇牌之選，份量超足料，海南雞皮薄肉嫰，去骨啖啖肉，每一口也超滑溜，搭配的油飯也是點晴之作，有飯香也有雞油香，正！餐廳都坐得幾舒服，侍應招呼亦殷勤，最主要係海南雞飯好好食，下次一定要再過嚟食！…查看更多

今日嚟佐敦食日本嘢，餐廳都裝修得幾好feel，好有日本風，環境都頗闊落，亦乾淨明亮，雖然係樓上鋪，但幾旺場幾好生意，我諗質素都有保證，如果唔係都唔會咁好生意，蟹籽沙律(細) - $60超抵食，細size都好大碗，蟹籽好多，撈埋青瓜絲同沙律醬一齊食，口感好清爽，火炙左口魚邊壽司 - $36火炙過，魚油釋放了，油脂更豐富，三文魚腩壽司(特長) - $35整條魚最肥美的部份，入口即溶，軟嗀蟹手卷(一本) - $30香脆嘅紫菜包住軟殼蟹，軟殼蟹口感酥脆，刺身(油甘魚、三文魚、深海池魚＆甘蝦)刺身好新鮮，甘蝦肉甜，魚類則肥美，而且厚切口感特別好，西京燒銀雪魚 - $178強烈推薦！必點必食！烹調得非常出色！肉質超滑嫰，啖啖肉，調味剛好，絕對係色香味俱全！網燒牛扒 - $138網燒牛扒份量十足，有肉味，蘸醬夾蒜片同吃超夾超滋味，牛舌 - $60牛舌厚身，外脆內嫰，有肉汁，燒得很香口，也是必點必食之選！呢間日本嘢性價比高，而且招呼殷勤，地方亦頗乾淨，讚…查看更多

開會開咗成朝，放lunch梗係要對自己好啲，同事介紹呢間中菜館幾好，一放lunch就即刻衝過嚟，餐廳都裝修得幾"骨緻"，間隔舒服，掛畫很有氣派，餐具乾淨整潔，招呼態度亦很有水準，圈著餐紙的金龍活靈活現， 非常精緻，我哋揀咗套餐D，頭盤有個宮廷酒爵暖胃湯，係木瓜同甘筍湯，個湯都幾幼滑，用古代飲酒嘅杯上，幾有特色，前菜係魚躍龍味館一品頭拼，侍應會逐一介紹三道前菜，擺盤漂亮，香橙白玉蝴蝶，冬瓜軟淋得嚟不會太爛， 橙味香甜，青芥末海蜇頭口感爽脆，惹味而不嗆鼻，桂花蜜餞鮮冬菇外脆內嫰，冬菇厚肉，桂花糖清香，搭配得宜，夏威夷果蘆筍炒鮮菌，單憑外表看上去，白色一粒粒嗰啲好似係帶子， 但其實原來係夏威夷果仁，整道菜都是素菜， 蘆筍全部都很嫰，沒有根，百合也很爽脆，調味剛剛好，而且感覺少油健康，黑松露和牛崧炒飯，一上桌已經香氣四溢， 而且炒得很乾身，和牛嘅油脂香味昇華了黑松露獨特的香味，而且和牛的份量不少，真係好好食！紅粉玉露，甜品係石榴西米露，很有特色，石榴香味清新，又不會過甜， 加上配料，口感脆卜卜，個人認為呢個甜品係必點必試，呢間餐廳都唔錯，而且仲有得join會籍， 如果做咗會籍，計落都幾抵交通都方便，上環地鐵站E3出口行2分鐘就到，就算揸車都可以泊喺林士街停車場或者永安中心停車場…查看更多

好耐冇食過潮州菜喇，難得附近有呢間潮州嘢又肚餓，即刻入去醫肚先，呢個下午茶滷水鵝片飯我哋轉咗跟米粉，滷水鵝片碟上，份量比想像中多，而且鵝片肉質滑嫰，滷水汁調味剛剛好，香得嚟又不會太咸，藤椒魚皮，好抵食，好大碟，魚皮爽口，藤椒調味好香，不是一味死辣，煎釀虎皮尖椒有4大件，調味不會很辣，大大隻好飽肚，脆炸牛奶卷，呢個小食做得好出色，必點必試，外脆內軟又不會太甜，好好食，花膠雞煲翅，貨真價實，好抵，有兩大嚿花膠，裡面亦有一梳梳的魚翅，實在驚喜，翅湯是雞的精華，而且又不會過咸或過於濃味，正！餐廳裝修得幾靚，餐具同餐枱都乾淨，招呼亦主動親切，可以做飯堂…查看更多

屋企人好鍾意嚟觀塘呢間酒樓，覺得性價比好高，我覺得都幾好，裝修得幾舒服，餐桌餐具都乾淨衛生，招呼亦唔錯，黃金脆皮涼瓜(小食)新鮮炸起熱辣辣，外脆內軟，黃金的脆皮有咸蛋黃的味道，香脆可口，內裡的涼瓜正好平衡了惹味的外皮，好食，潮蓮燒鵝湯米線(碗)好抵食，燒鵝皮脆肉嫰啖啖肉，米線份量不少，軟硬適中，太白醉香雞外表看似是普通的白切雞，一上桌已聞到酒香，雞肉非常滑嫰，多肉，每一啖肉都吸收了酒味，正！紅燒乳鴿(隻)很出色的紅燒乳鴿，香脆的表皮，惹味的鴿肉，蘸配一點點淮鹽，更添滋味，皮蛋瘦肉粥粥底綿密，皮蛋瘦肉足料，超抵食，焦糖燉蛋有焦糖脆脆的口感，燉蛋滑溜，而且味道不會過甜，為這頓午餐畫上一個完美的句號。…查看更多

呢間餐廳裝修得好靚，好有feel，中間嘅梳化位好古典好華麗，好似一間好華麗嘅圖書館咁，好有英倫風，仲有壁爐同掛畫，座位寬敞舒適，餐廳好有空間感，望到海景，又有live band，真心正！同朋友睇咗餐牌一陣，最後揀咗Tasting Menu，Cecina de Wagyu Beef Carpaccio12-month cured Spanish Wagyu beef slice • Shishito pepper & French chive foam西班牙和牛薄片，好濃重嘅肉味，口感有少少似厚身嘅parma ham，配埋dressing係一個好正嘅開胃菜，Spanish Red Prawn Carabinero Raw red prawn carpaccio • Squid ink • Passion fruit dressing 西班牙紅蝦他他，上面黑色嗰塊係墨魚汁做嘅薄片，口感有啲似jelly，下面係西班牙紅蝦刺身，味道鮮甜，這道菜擺盤漂亮，有金箔點綴，打卡一流，Hokkaido King Scallop Raw scallop tartare • Jalapeno sorbet • Green asparagus • Kombu gelatin北海道刺身帶子皇，鮮甜嘅刺身帶子同啲辣椒&蘆筍做成好似啫哩咁嘅質感，下面係微辣嘅沙冰，味道多重豐富，Bouillabaisse Sous vide abalone • Fresh clams • Grilled prawn • Lobster bisque • Cognac cream 配料有鮑魚，蜆和烤蝦，味道香濃的龍蝦湯是上桌後，侍應在客人面前緩緩倒入，鮑魚和蝦都很彈牙，蜆的味道超鮮甜，Spanish Sardine Confit Artichoke • Fermented white asparagus • Hollandaise sauce 西班牙沙丁魚，有驚喜，有少少似煙三文魚，不過鹹鮮味更出，同配料一齊食，中和了鹹味，魚味更突出，用嚟refresh一下味蕾嘅雪芭，Smoked French Eel Pasta House handcrafted spaghetti • Japanese egg • Pancetta oil • Parma ham broth 法式煙燻鰻魚義大利麵，鰻魚帶點脆口的口感，麵條是自家手工製，明顯高質，非常出色，彈牙，醬汁又充滿著蛋香，Charcoal Grilled A5 Miyazakigyu Rib CapSliced Miyazakigyu A5 rib cap • Caramelised onion balsamic • Green chilli炭烤 A5 宮崎牛，A5的宮崎牛油脂分佈平均，充滿著油脂香，肉質嫰滑，Mango Mousse Pandan Cake Mango mousse • Mango jelly • Pandan cream • Pandan sponge cake • Meringue shards芒果慕斯班蘭蛋糕，有芒果慕斯和芒果啫喱，伴有班蘭奶油和班蘭海綿蛋糕，味道好夾，而且不會太甜，為這頓晚餐而畫上一個完美的句號。呢間餐廳服務態度好好，完全可以媲美酒店水準，環境好舒服，好多人嚟慶祝生日，live band會去生日嗰枱唱生日歌，氣氛好好，個view又靚，真係好適合情侶拍拖食飯或朋友聚會聊天。…查看更多