eatwithyannes的個人專頁

初頭見到門面以為又係一間普通拉麵店，點知一試之下… 哇！真係由個湯底到甜品，每一樣都「超有驚喜」😱 仲要估唔到拉麵店嘅甜品會出色到成為必點item！濃蝦湯拉麵🦐 ($98)湯底一上枱已經聞到超～濃～蝦～香～！飲一啖，直頭係成隻蝦喺口裡面爆開咁！咗蝦油同蝦膏熬足好耐，飲到嗰種「工架」同層次，重口味嘅朋友一定會愛上！麵質掛湯力一流，每啖都係蝦膏精華，仲有自家製雞肉丸子，彈牙得嚟唔會搶味，正！鹽味熟成雞白湯拉麵 🐔 ($98)我呢個雞湯控終於喺香港搵到真愛！個湯底係奶白色，面頭仲有一層綿密泡泡，飲落去好似飲緊一碗好輕盈但又超濃郁嘅雞湯～ 感覺好似成隻雞嘅精華晒咗落去！拉麵索盡湯汁，每條麵都係享受。暫時係我心目中香港泡系雞湯No.1！炸雞 🍗 ($28)鮮嫩到Juicy嘅邪惡小食！巴斯克蛋糕☕ ($65)面層係輕盈嘅Tiramisu，底層係厚實嘅巴斯克，一勺隊落去～ 兩種口感一齊爆發！咖啡同芝士味撞到恰到好處，唔會太甜昭和風硬布丁🍮 ($40)：必嗌！ 蛋香同焦糖味濃到不得了，質地係厚身軟心，一入口就化開，滿足感爆燈！🍵 冷泡八女煎茶 🍵 ($45) / ☕ Cold Brew Coffee ($48)食濃味拉麵同甜品，點可以冇嘢飲解膩？煎茶茶香清雅，飲完成個口有回甘；Cold Brew帶微微果酸，清新得嚟又提升成餐飯嘅層次～ 絕配！…查看更多

呢間日本品牌嘅燒肉店喺香港有四間分店，今次嚟到沙田呢一間。座位寬敞，坐得舒服，店員好勤力換網，服務唔錯！三德利ALE花香味生啤🍺（$68）食燒肉點可以冇啤酒？呢款生啤帶淡淡花香，味道清爽，幾適合女仔飲👧🏻。鹿兒島和牛他他🥚（$128）份量夠足，和牛他他比起一般牛肉他他多咗啲油花，口感軟滑。加埋特調醬汁、紫菜、洋蔥絲同蛋黃，味道豐富，食落好滿足！❤️❤️❤️日本蠔🦪（$38）蠔身飽滿，蠔味幾出，燒完之後依然 juicy💦壺漬KAKURA牛空腹肉🐮（$138）用醬汁醃過，帶微微甜味，肉味幾濃。口感有嚼勁，愈嚼愈出味。黑毛和牛上嫩肩里肉🐮（$198）油花分布好靚，肉質嫩滑，食到濃郁肉香同油脂嘅平衡，正！大判燒黑毛和牛西冷🐮（$178）呢個真係好好食😋入口即溶，油脂感豐富。點埋蛋漿一齊食，更加滑溜香濃。極上厚切牛舌👅（$138）牛舌控必點！切得極厚，燒完之後超爽彈，咬落去好過癮😝甜品🍨杏仁豆腐同雪米糍作結，滿足！❤️…查看更多

等咗大約15-20分鐘先有得食，坐高身吧枱位，張枱有啲唔多穩陣，隔籬位一郁成張枱都跟住震，坐得唔算太舒服👎🏻👎🏻濃厚鮮雞白湯拉麵🐓（$88）個湯底真心唔錯🥰質感濃稠綿滑，入口係豐厚骨膠原嘅滿足感，飲落順喉唔膩，不知不覺飲咗大半碗～拉麵掛湯能力不錯，雞叉燒軟嫩得嚟帶點咬口，不過份量對男士來講可能偏少，強烈建議追加麵底！…查看更多

想打邊爐又唔想自己準備？出街食就最方便！今次揀咗「馬祖」嘅早段優惠7:30前離座（$407/pp)，選擇多之餘質素仲要全部高水準，有啲食品更加係充滿台式風味，超級滿足✨湯底🍲十幾款湯底任揀，總有一款啱你心水！❤️台灣藥膳養生雞🐔：藥膳味好出，長輩實鍾意！入口順喉舒服，雞件醃得入味又嫩滑～台灣沙茶牛肉🐮：香濃沙茶湯底配上牛肋條，風味十足！🌟必點蜂巢豆腐、雞髀菇同蔬菜，索盡湯底精華！飲品🥤除咗一般嘅罐裝飲品，仲有佢哋自家製嘅愛民芒果茉莉花茶，黑糖冬瓜檸檬茶，味道絕對唔輸專賣茶飲店，清新解膩！👍🏻小食🥒麻辣手拍青瓜同麻辣木耳爽脆開胃黃金地瓜條🍠可以自己加調味粉Shake Shake，好玩又好食！蜆🐚大大隻，乾淨鮮甜🥰脆骨腩🐟爽脆又啖啖肉，正炸魚皮🐟香脆鬆化又唔會有油益味極級Prime Grade 安格斯牛頸脊🐮牛味香濃極上Prime Grade 牛小排🐮本身個set嗰款牛肉冇法upgrade咗上嚟，肉質非常之鬆軟，幾乎入口即化嘅感覺西班牙伊比利亞黑毛豬🐷出色，豬肉味鮮甜突出丸類🍡選擇超級多！特別推薦台式風味：芋頭丸、三星蔥丸、芝心丸，款款有驚喜！雪糕🍦每人可以揀一款，有Häagen-Dazs, movenpick同kitkat …查看更多

今次去咗大埔食放題，每人$278真係超級抵食！呢個價錢極度容易回本🤑，落單快、上菜速度都超快，值得加分❤️❤️❤️冷盤區🥢有中華沙律、鳳爪等等開胃前菜，自助形式任攞～飲品🍻🍹🥃除咗一般汽水，仲有好多酒精飲品選擇：Apple cider、罐裝日本蘋果酒、啤酒、清酒、梅酒⋯⋯啱晒鍾意飲兩杯嘅朋友！刺身🐟主攻甜蝦、三文魚、吞拿魚、油甘魚、帶子，款款都肥美新鮮，抵讚！甜蝦牛油果吞拿魚他他🥑好食！鮮甜又Creamy，口感好正～壽司🍣花之戀係童年回憶呀，一啖一件好滿足！串燒🍢▪️牛舌：必食！香口惹味，爽彈有嚼勁▪️雞軟骨：脆卜卜，送酒一流▪️雞翼：燒得香口，唔乾身▪️番薯：香甜帶煙韌，好驚喜！乳鴿🦆估唔到放題都有乳鴿，仲要質素唔錯！Juicy 有肉香，完全可以同酒樓比～雪糕🍨超多品牌選擇，超有誠意❤️有Häagen-Dazs開心果味、Coco Berry、波波雪糕，仲有榴槤味雪糕～香味天然唔假，榴槤控一定…查看更多

酸辣鳳爪呢個前菜真係冇得頂！鳳爪爽脆到不得了，醃得夠晒入味，酸酸辣辣好醒胃，啲汁撈埋生菜一齊食，真係食到停唔到口。辣度啱啱好，唔會話搶喉，正！泰式蝦餅即叫即炸，熱辣辣上枱，外皮金黃香脆，裡面嘅蝦膠彈牙到不得了，仲要好鮮味！點埋個甜酸醬，簡直係絕配。必叫！菠蘿炒飯炒飯炒得好有鑊氣，飯粒分明，乾身唔油膩。材料仲好豐富，有蝦仁、肉鬆、提子乾、腰果，同埋香甜嘅菠蘿粒，撈勻一齊食，口感同味道都好有層次。用原個菠蘿上，夠晒風味！泰式金邊粉金邊粉炒得夠晒鑊氣，色水靚，味道酸甜適中，帶少少辣，好開胃。配料有大蝦、豆腐乾、蛋絲同埋芽菜，口感豐富。芒果沙冰食泰國嘢點可以唔叫芒果沙冰？呢杯沙冰打得好綿滑，芒果味香甜濃郁，冰涼透心，飲一啖即刻降晒溫，解辣一流！青檸SODA呢杯嘢飲真係清爽到爆！青檸嘅酸香同SODA嘅氣泡結合得天衣無縫，甜度適中，飲完成個人醒神晒，非常解渴。西米糕最後叫咗個甜品西米糕，細細件，但係味道好出色。上面係椰汁糕，下面係西米，口感煙韌，椰香味濃，唔會太甜，為成餐飯畫上完美句號。…查看更多

去咗中環街市呢間新開無耐嘅韓式餐廳「MATJEOM」試吓。地點就腳中環街市地下，環境幾開揚Vegetable Glass Noodle🥢野菜粉絲醒醒胃。粉絲夠晒煙韌，索滿咗麻油同醬油嘅香味，加埋爽脆嘅野菜絲（紅蘿蔔、菠菜、冬菇絲），口感好豐富。味道清甜得嚟唔會太濃，係一個好清新嘅開場，鍾意食清淡啲嘅朋友一定會Like！Matjeom Garlic Jokbal🐷嚟到重點！呢個蒜蓉豬腳真係「邪惡」到極點，但係好食到停唔到口！豬腳滷得超級軟淋，個皮同啲肉入口即化，滿口骨膠原。最正係面頭鋪滿咗金黃色嘅蒜蓉，香口到不得了，蒜味爆棚但一啲都唔嗆喉，反而帶出豬腳嘅鮮甜。，加埋醬汁同蒜片一齊食，減低咗油膩感，完美！必點！Chungha Rosé Sparkling Wine Cocktail🌹食咁濃味嘅豬腳，緊係要叫杯嘢飲平衡下。呢杯Rosé Cocktail賣相已經贏晒，粉紅色好靚！飲落有氣泡酒嘅清爽，加上淡淡玫瑰花香，甜度適中，好易入口，女仔一定鍾意。同豬腳係絕配，解膩一流。Green Grape Soju Cocktail🍇另外叫咗杯青提子Soju，味道好似食緊提子咁，清甜果味完全蓋過咗燒酒嘅苦澀味，好順喉，不知不覺就會飲多幾杯-  凡惠顧招牌蒜泥豬腳中份(港幣280元/2人份)，即可享免費升級至大份(原價港幣320元/3-4人份) -  優惠期 Promotional period: August 25 – September 30, 2025-【大專院校學生優惠】即日起至2025年10月31日，凡惠顧單點招牌蒜泥豬腳，即可享6折優惠！ - 優惠期 Promotional period: September 1 – October 31, 2025…查看更多

Weekend 緊係要食個高質Brunch獎勵下自己！🥰 今次同大家介紹中環呢間充滿法國情調嘅餐廳，環境真係好似去咗巴黎咁🇫🇷，好chill～ 我試咗佢哋嘅「Lala Brunch」（$538/pp），整體來講好滿意！ 餐前麵包🍞 正常發揮，外脆內軟，唔錯嘅開場。 Seriole🐟 魚油甘香豐腴，入口慢慢融化～ 加上柑橘醬汁嘅清新，平衡得啱啱好，完全唔膩！ Tartare de beauf🐮 醬汁調得好出色，帶少少酸味好開胃！牛肉新鮮，同醬汁一拍即合，令人食慾大增！ Poulet Jaune🐔 全場幾乎枱枱都叫！上枱仲有煙燻效果，影相一流～ 雞肉煮到剛熟，超級嫩滑，調味恰到好處！個珍珠飯先係精髓，吸晒雞油同菌香，粒粒分明，真係一啖接一啖停唔到口！ Paris Bret🌰 酥皮好脆，中間嘅榛子餡香濃絲滑，鍾意Nutella嘅人一定會愛上！ Saint honore🍰 泡芙酥脆，雲呢拿香味好突出，甜而不膩，完美作結！ Espresso Martini ☕️ 醒神之選 呢杯絕對係咖啡同酒嘅完美結合！好順滑。最正係個甜度平衡得啱啱好 Berry Good Beet：清新驚喜 如果你唔想飲有酒精或者想試啲特別嘢，呢杯絕對係驚喜！賣相已經贏晒，係好靚嘅玫紅色，好啱打卡。一飲落去，首先係紅菜頭本身嘅天然清甜，跟住會食到一絲絲嘅莓果酸香，l…查看更多

最近The Pantry Club推出咗個牛扒套餐，配菜（薯條、洋蔥圈、Pizza）任食❤️，真係大胃王福音！🥹而且質素都唔錯㗎～我最鍾意呢間啟德分店，對住運動場🏟️氣氛輕鬆舒服Scallop Tagliatelle🧡($168)呢度嘅招牌意粉，一定要趁熱食🔥闊條麵彈牙掛汁，每一條都沾滿creamy嘅海膽醬。帶子煎得啱啱好，保持到嫩滑口感，正！📍A4 Butcher Cut Steak🥩 ($338)偏愛呢款牛扒，肉味香濃，相對瘦身啲，但依然軟腍。五成熟啱啱好👍🏻份量都幾足。配埋香口嘅阿根廷青醬，更加提升風味。配菜有蘑菇、薯條同青豆，夠豐富😋Salad🥗 開胃又健康，清一清味蕾Onion Rings 🧅邪惡但香脆，忍唔住一條接一條！Pizza 🍕係意式厚底Pizza，餅底似 focaccia，上面舖滿番茄同羅勒葉🍅🌱，一啲都唔馬虎。Bb Berry Smoothie💙($60)新出嘅smoothie，唔會太甜，自然嘅藍莓同黑加侖子味道，微甜清新，好好飲🥰Green Kale Smoothie 💚($58)呢杯都唔錯，健康之選！羽衣甘藍加奇異果味道，容易入口，無草青味😚Matcha Cream Pancake 🥞($122)必食之選！Pancake 空氣感十足😊抹茶味濃淡適中，帶回甘，配埋紅豆同抹茶蕨餅，配料夠晒豐富…查看更多

再嚟到呢一間日式洋系餐廳，最近出咗秋季限定蟹黃主題🦀贅沢蟹黃膏蛋包飯🦀($172)嚟呢度主要嘅目的都係要食蛋包飯，係王牌菜式之一嚟到一定要試蛋香又滑加埋蟹黃再有啲鹹香喫茶夏祭屋台小吃盛 🍱($128)小朋友一定鍾意食嘅拼盤，有炸雞，章魚燒，粟米，腸仔同車厘茄究極！蟹黃醬拌烏冬 🦀($135)大大碗，夠晒飽足感蜜漬柿の香刨冰 🍧($82)夏天食刨冰夠晒透心涼，仲有蜜漬柿，甜蜜香甜嘅味道夏祭金魚梳打 🍹($48)勁靚，啱晒打卡，藍色嘅梳打再加金魚糖，成個魚缸咁，散發住夏天海洋嘅氣息香熟芒果梳打 🥭($45)清新解渴而家仲有小遊戲玩清涼一夏. 西瓜幸運祭即日起，當月消費滿$200，即可享有夾西瓜機會！消費滿$400，則有2次機會 驚喜獎賞包括：1.「原個西瓜飲一客」優惠券（即時享用，冰涼暢快！）2. 減壓西瓜 & 自選蛋包飯優惠券3. 西瓜波 & 自選小食優惠券…查看更多

咖啡迷+酒鬼必試嘅創意料理 🍸URBAN COFFEE ROASTER x PERFUME TREES GIN！呢度唔單止係咖啡店，更係一間將本地蒸餾金酒融入美食嘅特色餐廳。環境chill到爆，兩層設計加上靠窗位，啱晒同朋友dinner date 
Caramel Appletini 🍎（$148）呢杯係餐廳嘅特色雞尾酒之一！用咗Perfume Trees Gin做基調，加入焦糖同蘋果風味🍎入口酸甜平衡，金酒嘅花香同果香好出眾🌺尾調帶微微焦糖甜味，好易入口。酒精度唔會太高，啱晒鍾意輕酒精感嘅朋友 Egg Tart 🥚（$148）會有兩杯，啱晒同朋友一齊share，賣相幾支吸引，以蛋撻造型杯外型上已經極度吸睛，仲會喺你面前用火槍燒一燒完做返蛋撻嘅感覺🔥飲落好絲滑有少少奶同蛋香，好飲又打卡able📸 UCR Coffee Spice Rub Flank 🥩（$178）呢道主菜真係驚喜！牛腹肉用咗UCR獨家咖啡香料rub 調味，烤到外層微脆，內裡嫩滑。咖啡嘅煙燻香同香料完美融合，肉質juicy唔乾柴。底下嘅焦糖洋蔥非常之出色，香甜。旁邊配咗烤蔬菜同特調醬汁，整體層次感好豐富❤️💕 Perfume Trees Gin Pasta 🍝（$158）意粉用咗Perfume Trees Gin入饌，醬汁帶有金酒嘅花香同柑橘香氣，食落好清新！麵條煮得al dente，配料包括蟹肉🦀金酒嘅香氣唔會過濃，反而提升咗整體風味 Pale Ink Tiramisu ☕（$82）呢款Tiramisu用咗Perfume Trees Gin旗下嘅 Pale Ink咖啡利口酒，Mascarpone cheese融入咖啡利口酒，帶出淡淡花香同咖啡香，口感綿密又唔甜膩👍🏻 📍 URBAN COFFEE ROASTER x PERFUME TREES GIN (中環)中環荷李活道35-37號泉威中心UG樓及1樓 #eatwithyanens #yummy #foodie #hkfood #香港美食 #中環 #上環 #探店 #soho #URBAN #白蘭樹下 #荷李活道…查看更多

平時好鍾意食點心，但係收工就比較難食到太子附近呢一間點心店可以全日都食到點心🥢，而且質素相當之有保證，所有點心都係即日現製，連蝦餃皮都係自己整，喺香港已經買少見少，款式仲要好多，值得推薦👍🏻黑椒金錢肚🐮（$28）份量唔太多啦，係幾高質素，金錢圖爽彈黑椒汁醃到好入味，連蘿蔔都好好食😚煎魚肉青椒🫑（$26）香口但係唔會太過油膩魚肉塞滿青椒，魚肉裏面仲有馬蹄粒，增加口感，青椒帶有草青香味兩者非常之匹配點心拼盤🥢（$48）大推，有齊想食嘅點心蝦餃：大大隻皮薄餡靚粉果：足料多餡菜苗餃：香氣十足叉燒包：包質鬆軟，勁多叉燒流沙包：失色少少，比較偏奶黃香雜果沙律雲吞🥠（$26）已經好少地方有炸雲吞，香脆可口，中間個蝦仲好大粒斑斕焗叉燒包🐷（$26）唔錯嘅叉燒餐包，但係斑斕味就唔係好突出黑糖蜂巢糕🖤（$26）香甜煙靭…查看更多

呢一間Cafe喺尖東海旁附近，超適合行完海旁過嚟食嘢，而家出咗夏季泰式期間限定Menu🇹🇭泰式青檸芒果沙律⁠🥗（$92）新鮮有幾多生果由芒果士多啤梨藍莓牛油果都好甜，清新選擇漢堡扒全日早餐🍳（$156）Comfort food,咩都有實岩食，漢堡扒Juicy有濃厚嘅肉香，再加埋溶化嘅芝士，勁好食，仲有厚吐司🍞，鬆化再加埋糖漿絕配，仲有腸仔，煙三文魚，牛油果🥑,菇菇，夠晒飽腹感糯米芒芒椰奶沙冰🥭（$68）一心就係想試呢一個沙冰，都幾得意，會有糯米再加芒果沙冰比較適合嘗甜嘅人士香葉檸檬特飲🍋（$52）酸酸味味夠bubbly,唔會太甜，清爽消暑泰式梳乎芒果糯米飯🥭（$138）擺盤已經好靚，砌到成個心形咁樣芒果超級甜疏乎厘再加椰漿嘅配搭，再加旁邊嘅糯米原味呈現芒果糯米飯嘅風味…查看更多

喺朗豪坊開咗呢一間主打濟州豬肉嘅韓燒，風格以黑色洞穴風，一入座已經有六碟韓式小菜Cheese Bomb Steamed Egg 🥚 ($68)傳統韓式蒸蛋，但係呢度就更加鬆軟，而且雞蛋好似有高湯令到蛋味更加帶大有甜味Set B The Jeju Hangari 🐷($376)除咗豬肉仲有雞髀菇同菠蘿蒜頭，店員會幫手燒烤，五花肉嘅脂肪分布得好平均，邪惡但好好食，再加埋泡菜食勁夾。雞髀菇勁Juicy，而且菠蘿燒完之後好甜Fried Rice 🍚再加埋炒飯，仲切埋個心形，香口但係會帶辣味Buckwheat Cold Noodle 🌾($88)蕎麥冷麵啱晒夏天食，再有埋兩篇牛腱雞蛋梨片，勁清爽消暑Hallabong Smoothie 🧡($48)香橙百香果沙冰，超級冰凍酸酸甜甜，啱晒夏天飲Elder Flower Citron Ade 🌻($48)接骨木花柚子梳打，記住攪勻佢，因為柚子會沉咗喺下低…查看更多

呢間位於新蒲崗嘅小店，咁多年你都人氣依舊，出品仍然保持水準，為咗個窩夫我願意特登嚟新蒲崗慢煮手撕豬腩窩夫三文治🧇（$118)最Signature嘅item，呢度有好多份咸窩夫嘅選擇，大大份窩夫配咗堆到好高嘅豬肉有BBQ醬嘅味道，窩夫外脆又好香嘅蛋味單品咖啡☕️($70)手沖咖啡高質，揀咗埃塞俄比亞嘅咖啡，有日曬嘅處理，有白茶嘅花香，大涌道嘅宣道成個感覺好柔和☺️髒髒提拉米蘇☕️($72)變奏版嘅Tiramisu，會將咖啡，手指餅，芝士分開再在自由組合，面頭嘅係朱古力碎碎唔係朱古力粉，除咗芝士之外，仲有少少吉士醬…查看更多