JoelleMan的個人專頁

終於考完試去食返餐慶祝吓🥳今次約埋朋友一齊去食傳統嘅京菜🥢擁有64年歷史，位於尖沙咀嘅傳統京菜食府「泰豐廔酒家」巳經第三代經營，繼續傳承傳統美味❤️酒家保留住60年代嘅裝潢，有壽星公擺設、多幅名畫、舊式檯櫈，令人懷念。餸菜都食得出有懷舊嘅味道，傳統京菜菜式由多位老師傅掌舵，多款工藝繁複嘅手工名菜得以傳承。好多都係出面好難再食得到嘅手工菜🥹手寫嘅菜單買少見少，阿女直頭冇見過㖭❤️🥢北京填鴨由師傅即場將填鴨片開，熱烘烘的填鴨皮脆肉嫩富鴨油香 ❤️自家製手工北京傳統餅皮，即使放涼後都唔會變乾。質感粗糧口感煙靭，配上京蔥、青瓜同甜麵醬，食完一件又一件🥰🥢山東燒雞源自中國山東嘅經典魯菜，經過醃製、油炸和蒸煮再將雞肉手撕成絲等多道工序🥹食落真係冇得輸，外皮酥香可口，肉質滑嫩而且相當入味，再沾上自家製蒜蓉醬汁，風味夠濃郁👍🏻🥢香煎花枝墨魚滑墨魚滑煎至金黃片開，非常彈牙，仲有粒粒花枝增添口感，真材實料，鮮味無比🦑🥢炸春段外皮以雞蛋及麵粉手工製作而成，內裡裹著香菇、雞肉同芽菜等，煎香嘅外皮充滿蛋香，輕韌有彈性；材料新鮮豐富，口感層次十足，以喼汁點綴驚喜好味🫔🥢蜜汁金華火腿鍋粑軟綿綿嘅饅頭片再加上卜卜脆嘅鍋巴同埋厚片金華火腿，再加上桂花蜜包埋嚟食，食落多重口感，滋味無窮，呢道菜色坊間已經唔多見，真係買少見少🍯🥢龍鳳羹稀稠度恰到好處，材料主要有雞肉、魚肉、粉絲同蛋白，材料雖然簡單，但係食落鮮甜，份量十足👍🏻🥢鍋塌蝦片蝦片裏上蛋液再煎成，配以喼汁，鮮美肉嫩，配搭煎香蛋皮好特別🍤🥢叉子燒餅酥脆嘅叉子燒餅填滿炒香榨菜肉末，味道鹹香，而且滿口芝麻香味粒粒，入口鬆化，而家唔係好多地方有得食，老闆仲同我地講，連五星酒店都係訂佢地嘅燒餅㗎👏🏻🥢高力豆沙香蕉酥脆蛋白外殼鬆化🍌豆沙同香蕉內餡味道天然唔太甜，沾上糖粉超級好食🥢豆沙鍋餅手工外皮有別於常見的酥脆感，反倒柔中帶韌，內餡有香甜軟糯的紅豆蓉。…查看更多

🇯🇵東京47年蛋包飯老字號💫滿天星推出期間限定明太子風味🩷$158就可以嘆到佢哋嘅明太子意粉，真係勁吸引🤩 滿天星除咗出名肉汁蛋包飯，其實仲有好多好出色嘅食物🥘🌽粟米蘑菇湯濃稠嘅粟米湯味道香甜，裡面有唔少新鮮蘑菇同粟米粒，Kelsey 飲完一啖又一啖🦪吉列廣島蠔炸到金黃色好酥脆，肉質飽滿，鮮甜美味🍝超濃郁火炙原片明太子意粉以忌廉、牛油及明太子烹調嘅醬汁，明太子鹹香鮮明，食落creamy，仲有原片明太子同三文魚子，意粉充分沾上醬汁，啖啖都有明太子嘅味道，仲有多層口感🍽️🍝日式拿坡里意粉 Kelsey 大讚嘅意粉👍🏻味道酸酸甜甜，口感豐富又有濃郁炒香咗嘅日式蕃茄醬味🥫配料有日式脆皮腸、青椒和洋蔥🧅充滿日式古早味道❤️ 🍔明太子醬汁炸蝦堡用大量海蝦製作而成嘅炸蝦堡🍤非常足料彈牙，蝦肉結實多汁，特別調製嘅明太子沙律醬為漢堡添上獨特嘅日式風味同層次感。🍫朱古力香蕉疏乎厘班戟朱古力香蕉🍌夢幻組合，香甜嘅香蕉中和咗朱古力嘅甜膩，搭配口感輕盈嘅梳乎厘班戟簡直有滿滿嘅幸福感🧇藍莓紫薯窩夫熱烘烘微脆嘅窩夫，外脆內軟，加埋自家製嘅忌廉再加埋藍莓雪糕，好食到停唔到口…查看更多

吃貨休息完之後又再出動❤️有快閃雙11買2送2優惠，一定唔可以錯過🥰位於黃竹坑如心酒店嘅 I-O-N全新「東南亞狂熱自助餐」，匯聚咗新加坡同馬來西亞嘅經典美食🍛前菜惹味嘅鹹蛋黃脆魚皮🐠同馬來椰子雞湯🐓已經令人垂涎三尺，仲有多款海鮮熱食例如招牌星洲胡椒炒麵包蟹🦀避風塘琵琶蝦🦞參峇醬燒魔鬼魚🐟芝士鹹蛋煮花螺等🐚海鮮夠晒鮮甜，全部都香氣撲鼻，等住鍾意食海鮮嘅客人享用🤗甜品方面都非常有南洋風情，包括有入口香醇順滑嘅馬來咖啡合桃露、口感清新嘅斑蘭鹹椰漿粟米糕🌽有濃郁榴槤餡料嘅榴槤鮮奶麻糬撻等🧁自助餐當然除咗以上嘅東南亞美食，仲有其他冰鎮海鮮🦐沙律吧🥗刺身及壽司🍱熱葷美食🥘同招牌湯麵吧等🍜雖然地方唔算大，但係食物種類一應俱全，選擇非常豐富，而且食材新鮮🥰…查看更多

早幾日突然天氣凍，最啱就係打邊爐或者食雞煲😝有朋友話我聽我屋企附近開咗間正嘢，天氣突然轉涼，呢個一定係最好嘅時機❤️杞醉係位於荔枝角嘅隱世小店，淨係做外賣㗎咋🫶佢哋嘅外賣火鍋雞煲套餐材料非常豐富，重點係慳返唔少準備材料嘅時間，味道同質素有保證👏🏻而且非常方便👍🏻今次我哋買嘅係杞椰桃膠四人專心雞煲套餐🍲爸爸拎返嚟嘅時候我覺得非常震撼😳因為真係好❗️多❗️嘢❗️四人嘅套餐材真係非常豐富，有成兩大袋，件件重手，由湯底到醬油全部都好有份量 😋兩大盒嘅湯底充滿濃郁杞子同椰子嘅味道🥥唔會覺得油膩，味道帶有甜味，啱晒小朋友食🥰 落埋兩盒滿滿嘅桃膠，湯底煲好之後飲用常滋潤🥣浸咗三至四個鐘頭酒嘅全雞🐔食落滑嫩🍗雞件嘅份量亦非常慷慨，四個人都食唔晒🤪至於其他食品全部都係自家製製作🧑‍🍳坊間少有之餘仲睇到佢哋嘅用心❤️手工韭菜豚肉餃皮薄，餡料足夠，滿滿嘅肉汁，韭菜味好香🥟豬骨濃汁貢丸同出邊食嘅不一樣，爸爸讚不絕口🐷手打蝦滑墨魚滑爽口彈牙 。自家製的辣醬油同爆炸蔥醬油味道非常香口，唔太食辣嘅人都容易接受🥰套餐嘅米線同埋新鮮黃芽白用嚟吸湯簡直一流，或者撈埋醬汁一齊食，非常惹味 。另外我哋仲叫咗醉花甲同杞辣爆雞皮小食。花甲清甜彈牙且肉質鮮嫩，有酒香但係絕對冇搶走花甲嘅鮮味。雞皮滿滿麻辣嘅味道，送啤酒一流🍻成個套餐超級豐富，爸爸食完都讚不絕口。以後屋企邊爐又多個選擇啦🥰…查看更多

由帶Kelsey去覓食😜今次去到荷里活廣場呢間「燒肉の王」🇯🇵，係近期最驚喜嘅燒肉體驗，環境豐富食物又高質，等我分享一下先🫶🥩厚切封門柳 
啱晒鍾意食濃濃牛味嘅我哋❤️食落有滿足嘅咬口而且肉質軟淋充滿肉汁，唔使點醬汁都好好味🍽️👅鹽味上牛舌 
牛舌厚薄切得啱啱好，簡單用鹽調味嚟帶出牛舌獨有嘅爽脆同肉香，口感正到爆，真係一試難忘！🐮大判燒！ 
視覺同味覺嘅雙重享受！大大片嘅和牛肩肉有勁靚嘅雪花紋理，輕輕燒幾十秒就食得。點埋個日本雞蛋漿🥚，入口真係瞬間融化～ 🐔蔥鹽雞腿肉 
雞腿肉醃得入味，有滿滿嘅蔥鹽，燒完之後雞肉超嫩滑，清新嘅蔥鹽完美中和咗肉類嘅油膩感👍🍲泡菜牛肉湯 
熱辣辣嘅泡菜湯湯底夠酸辣惹味，裡面仲有好多牛肉同豆腐，非常足料！飲一口非常滿足🍮杏仁豆腐 
杏仁豆腐口感滑不溜口，杏仁味香濃得嚟好自然，食完燒肉嚟一碗，清爽又解膩，為餐飯作一個完美嘅句號…查看更多

最近朋友都會去歷山餐廳食buffet，話物超所值。把持唔住嘅我結要帶兩個寶貝嚟覓食一探究竟😋歷山餐廳最近推出全新主題「阿根廷安格斯海陸盛宴」自助晚餐，精選頂級得獎穀飼安格斯牛肉同多款鮮味海鮮，聽到個主題就已經知道啱晒我哋胃口。喺即切烤肉區嘅燒穀飼阿根廷安格斯肉眼牛扒 MB2＋ 真係不得了，外層微焦酥香，肉質嫩滑細膩，食落有豐富嘅肉汁。我都唔記得自己同老公食咗幾多塊🥩 而Kelsey 就鍾意食燒加拿大豬鞍，以天然飼料，無激素添加嘅方式培育，食得更加安心。豬肉油脂分布均勻，食落嫩滑，啱晒小朋友🫶煎鴨肝伴西瓜配陳醋，鴨肝外脆內嫩，入口即化，配上微烤嘅西瓜淋上陳醋，解膩又增添層次感。我去自助餐最鍾意揀啲有生蠔食嘅🦪呢度嘅生蠔大隻又飽滿，即叫即開，超級新鮮❤️ 刺身料理專櫃嘅刺身，亦啱晒我口味😋 帶子、紅蝦、油甘魚、赤貝、八爪魚、吞拿魚、三文魚全部都非常鮮甜。紅蝦仲要大大隻，食起上嚟勁開心🥰 Kelsey 都不甘示弱，我第一次見佢食鱈場蟹腳係自己落手處理👍🏻👍🏻仲要食得好滋味餐廳嘅熱食都好多款式，啱晒小朋友同老人家，有清蒸沙巴龍躉、翠綠花姿蝦仁、菠蘿脆皮咕嚕黑毛豬肉、燒香草春雞、南瓜野磨菇忌廉汁蝴蝶粉、脆炸軟殼蟹等多到數唔晒。阿根廷招牌海鮮飯，用多款鮮味食材製作，米飯吸晒海鮮同蔬菜嘅精華，香到忍唔住食多幾啖！羊肚菌花膠響螺燉雞湯，滋補又清甜🥣晚市每枱送焗牛骨髓配蒜蓉多士一客，牛骨髓香氣迫人，入口即化，味道香濃🐮食到最尾點少得甜品🍧 Movenpick 雪糕、士多啤梨蒙布朗、阿根廷果醬撻、檸檬伯爵茶慕絲蛋糕，白朱古力車厘子慕絲杯，朱古力忌廉芝士蛋糕等等，加上仲有紅白餐酒同啤酒汽水可以無限暢飲，係食自助餐最開心嘅事😜而Kelsey亦都食咗今年第一個生日蛋糕，最開心嘅當然係佢啦🎂…查看更多

咁啱今日去開荃灣做嘢，做完之後對腳不自覺地又行咗去燒烤堂荃灣店，咁唯有食埋先返屋企啦😂Encore 再 encore 嘅食物，包括Menu實在太多選擇，所以每次都會勁好味嘅🦑「雞皮墨魚滑」、多汁嫩滑嘅「鹽燒鮮三黃雞腿肉」🍗可以拌『月見』食落有咬口嘅「汁燒免治雞肉軟骨棒」🥚有香濃嘅燒汁味嘅免治和牛棒🐮口感超滑，將蛋黃、芝士、松露飯同埋和牛棒拌埋一齊食勁正❤️ 食落充滿魚嘅鮮味嘅椒鹽燒多春魚🐟 大大塊嘅「鹽燒原雞皮」🐔飽滿多汁嘅「蒜蓉燒日本廣島蠔」🦪師傅拿捏火力上好到位嘅孜然燒蒜芯🧄。。。。。。數極都數唔完🤪另外，我地今次嘅新嘗試有🍙明太子燒飯團將明太子嘅鹹香配搭燒香咗嘅飯團，別有風味🍠燒好食番薯新產品，番薯味夠晒香甜，伴碟嘅忌廉都非常嫩滑🧀芝士黑醋無花果呢個新推出嘅開胃前菜，用黑醋撈埋無花果，加上遠芝士同杏仁片一齊食好好味🦐紫蘇雞皮蝦以雞皮包住成隻蝦嚟燒，有雞皮嘅脆同蝦肉嘅爽口，兩種感受一次過🍢汁燒煙韌年糕卷有時簡單嘅食物最好味，食完呢個汁燒年糕，好似去咗日本咁🍽️每一次都有新驚喜，期待下一次再嚟食過😍…查看更多

Kelsey 同爸爸都大愛肉桂卷😍平時都係食下午茶，或者食完正餐先去食甜品最近先發現原來 Cinnabonhk 係有鹹點㗎，以後就冇藉口晚飯食得太飽冇位放甜品啦😅食甜品前要食啲鹹點，所以我哋叫咗熱辣辣嘅Pizza Strips🍕分別有加拿大煙肉菠蘿同意大利辣肉腸芝士口味，全部都有濃濃嘅芝士香味🧀Pizza 嘅size啱啱好，啱晒論盡嘅小朋友拎住嚟食，條裝仲方便你地一路行一路食，真係諗得周到👍🏻另外當然要叫媽媽最鍾意食嘅Panini，不過呢度Panini嘅麵包同出面唔同，佢哋係用招牌手工搓製麵糰製作，經過長時間發酵口感非常柔軟仲帶有甜味🥰不得不提嘅係呢度嘅酸瓜，唔係一味死酸，連唔食酸瓜嘅老公都食到，大家都可以試下🍔乖乖食完鹹點之後就可以食甜品啦🤗肉桂卷分唔同size，想試多種口味嘅我哋當然係叫迷你卷啦😍一定要叫嘅係原味肉桂卷😉之後我哋就叫咗朱古力曲奇肉桂卷同新出嘅杜拜朱古力卷🍫 杜拜朱古力卷係開心果knafeh醬配上朱古力內餡，每啖充滿住濃郁嘅開心果朱古力，而且仲要食到脆脆嘅開心果，切開嘅時候朱古力醬仲要流出嚟，真係見到都開心❤️飲品方面，Kelsey 見到CHURRO CHILLATTA，用咗半條Churro嚟blend成smoothie，滿滿嘅Churro味，勁啱Kelsey 😉媽媽就要咗個鮮榨檸檬梳打咖啡醒吓胃，爸爸繼續試新嘢- Iced pistachio latte ，開心果同埋Latta 原來可以咁夾❤️仲要飲落每啖都有開心果粒粒，爸爸超開心。 最後因為已經食飽飽，結果都係買返四個mini Cinnabon 返屋企慢慢嘆😅…查看更多

我哋全家人除咗打邊爐，自助餐都係一個合家歡節目😍尖沙咀凱悦酒店咖啡廳之前食過之後一路都想再去，趁之前爸爸生日又搵個藉口去吓先😍酒店嘅職員有超好嘅服務態度，而且環境寬闊有私人空間，一啲都唔迫。 咁樣食自助餐夠晒舒服🥰🦞海鮮凍海鮮提供長腳蟹，小龍蝦，青口，凍蝦，煙三文魚，翡翠螺同埋蜆，全部都好鮮甜。爸爸最鍾意嘅係即煮龍蝦🦞剛出爐時間一到就可以排隊行去拎新鮮嘅龍蝦，而且仲符合可持續發展標準，肉質甜美爽彈，仲有唔少嘅膏，味道鮮甜，除此之外，仲有6款刺身同壽司我哋食嘅時候仲有潮州特色美食，烏頭同凍蟹，食到我舔舔脷🍲熱葷有多種海鮮例如上湯龍蝦，辣酒煮海鮮，燒味拼盤，蒸魚，即炸天婦羅等等。Kelsey 最欣賞佢有即煮意粉，可以自己加配料，而爸爸當然要食佢嘅Comfort food- 咖喱啦🍛由印度廚師主理，仲有幾款選擇，加埋薄脆或者印度飛餅食簡直一流。烤肉燒肉方面有SRF和牛，顏色非常粉嫩😍 外層微焦，內裡嫩滑多汁，牛肉香氣撲鼻🥩香草烤羊架，羊肉鮮甜，肉質柔嫩，配合淡淡嘅香草氣息，味道層次豐富，令人回味無窮，仲有迷你漢堡，細細個，啱晒想試多啲其他食物嘅我地🍨甜品甜品種類由中式嘅蒸糕點、唔同嘅甜品杯，最有特色嘅拿破崙，仲有芒果糯米飯、雪糕窩夫、豆腐花等等，實在太多選擇。雪糕由Haagen-Dazs提供六種口味，實有一款啱你…查看更多

最近好鍾意去啟德零售館每次都會經過 GoNuts ，次次都好多人排隊。今日機會嚟啦，就等我入去睇吓點解成日都咁full先❤️店內有以成千個網球佈置嘅牆身，坐喺下面感覺非常震撼。仲會輪住播放不同體育節目，啱晒鍾意熱愛體育嘅我哋🥰秘制沙嗲醬青芒大蝦沙律沙嗲醬好香濃惹味，沙律用上新鮮青芒、蔬菜、大蝦，酸甜爽脆。配搭出清爽嘅東南亞風味，而且份量十足，愈食愈開胃👍🏻普羅旺斯比薩去Gonuts一定要食嘅就係pizza 。長方形嘅pizza 批邊脆口，批底鬆軟。鋪滿小黃瓜，茄子等配料，將普羅旺斯燉菜變奏成Pizza，非常特別，亦好好味。另外惠顧任何一款pizza，可另加＄40升級火山熔岩芝士。芝士控一定唔可以錯過🧀白松露油忌廉野菌汁卷卷意大利粉最近勁hit 嘅卷卷意大利粉集一般意大利細麵嘅長度以及螺絲粉的螺旋形狀於一身，更為粗身同時亦更能裏上大量醬汁，突顯出忌廉野菌汁的濃郁菌香與奶香，加上白松露油香氣進一步昇華，但質感稍軟，可以更加煙韌。芝士BBQ汁焗肉丸配佛卡夏自家製肉丸配上惹味BBQ汁，加上芝士喺面，雖然簡單，但味道出色！食到Kelsey一粒接一粒水牛城雞鎚老公一向都好鍾意食水牛城雞鎚，呢度嘅雞鎚外皮掛滿醬汁，咬落脆口。辣味仲要慢慢滲出嚟，越食越滋味，配埋Goose Island IPA，簡直prefect!泡泡提拉米蘇 + 香草雪糕企鵝泡泡賣相超級可愛，提拉米蘇有濃郁嘅奶香同咖啡香味，口感滑順綿密、層次豐富。 阿女當然有佢最鍾意嘅香草雪糕去完滿呢一餐啦！🍴餐廳位於停車場旁，泊車方便🍴Lunch set 送餐湯或沙律🍴生日有甜品畫碟 🍴啟德園區員工證有優惠 9折…查看更多

每到星期四阿女補完習就已經好晏，所以通常都喺補習社附近覓食🍽️今日心血來潮突然間好想食中菜🥢喺諗緊去邊食之際就經過棠棠居海鮮菜館，見呢度未到七點已經坐得滿滿，質素應該有保證👍🏻好啦，咁就試下啦🤩🥣涼拌半殼花甲半殼花甲真係未試過，花甲肉質滑嫩，隻隻脹卜卜鮮味十足，加上微微嘅辣味，非常開胃🐽即烤蜜味排骨 排骨佈滿蜜汁，烤得啱啱好。排骨肉質嫩滑，甜甜地啱晒阿女口味。所以佢食完一件又一件😝🐔即烤三黃薯片雞要記得預早一日預訂，佢哋嚴選油香豐富肉質嫩滑嘅三黃雞，老闆同我地講係風乾12個鐘之後反覆上皮水，最後高溫烤焗，令到雞皮非常酥脆。終於明白點解叫做薯片雞🐔雞肉夠入味且非常多汁，絕對對得住個價錢。🦑海鮮錦江豆腐煲大大件嘅海鮮同豆腐﹐加上酸甜微辣嘅醬汁非常啱送飯，海鮮方面一啲都唔求其, 有蝦，帶子, 斑球同鮮魷, 件件都係新鮮食材，CP值超高。🍚瑤柱蛋白炒飯一間中菜館得唔得，一個炒飯就可以話你聽，呢度嘅炒飯真心出色，乾身，唔油，料足又夠味，爸爸食得好滿意。甜品方便我哋嗌咗芒果布甸同埋楊枝甘露，兩個都有滿滿嘅芒果超好味。最後仲送咗紅豆沙俾我哋，香香嘅陳皮味，紅豆沙好綿滑，甜度啱啱好👍🏻今日食嘅菜式全部都好出色，下次再叫下其他菜式先得❤️…查看更多

又到每個月一次嘅燒烤堂日啦🤣我哋不停encore嘅原因除咗食物質素穩定，環境同職員嘅服務態度都好重要。今次我哋去到旺角位於旺角家樂坊嘅新店。地點夠晒方便👍🏻環境亦非常舒適好闊落。職員做事爽手有禮，值得一讚❤️Menu實在太多選擇，所以每次都會叫一啲新嘅嘢食再加返啲平時最鍾意食嘅❤️ 上次發現咗勁好味嘅🦑「雞皮墨魚滑」今次一定唔少得啦，仲要打孖上😆 另外唔少得嘅有多汁嫩滑嘅「鹽燒鮮三黃雞腿肉」🍗可以拌『月見』食落有咬口嘅「汁燒免治雞肉軟骨棒」🥚大大塊嘅「鹽燒原雞皮」🐔飽滿多汁嘅「蒜蓉燒日本廣島蠔」🦪師傅拿捏火力上好到位嘅孜然燒蒜芯🧄鹽燒萵筍 🫛牛油蜜糖粟米🌽蜜糖燒菠蘿🍍 糖不甩燒湯圓都係必叫選擇😝今次新嘗試好少見嘅部位- 「汁燒三黃雞氣管」，咬落爽口；平時叫「中切鹽燒牛舌芯」都覺得好好味嘅我哋，今次叫「牛舌拖羅」真係番唔到轉頭🤣牛舌肥美軟腍，有少少溶响口嘅感覺 👅 「惹味爽口雞腎」估唔到咁爽口🐔 「鹽燒和牛牛小排」和牛牛小排油脂分佈均勻，入口即化。每次食完又再回味😋又要睇下幾時再嚟食過喇❤️…查看更多

繼續周圍去覓食😋最近好鍾意食串燒，今次就去到荃灣聯仁街嘅夜燒站食晚飯，呢度有多款串燒小食，而且環境cozy😍餐廳每晚都有廚師發辦串燒，我哋就食咗燒餃子🥟燒午餐肉、燒多春魚🐟牛油粟米🌽汁燒大蔥、日式燒豆腐。價錢非常親民，全部都係$10串，性價比高❤️ 另外亦叫咗都係$10串嘅燒鵪鶉蛋🥚燒雞翼尖🐣燒雞肉串🐓燒雞軟骨🍗全部都好惹味而且火候控制得唔錯，調味亦恰到好處，如果想自己調味亦都可以，調味架上有幾款調味料可以選擇🫙今次最特出嘅係芝士流心蛋大啡菇🍄‍🟫半熟流心蛋加上菇嘅香味出奇地配合😍仲有大大塊芝士可以拉絲🧀另外焦糖菠蘿🍍嘅焦糖燒得非常香脆，加埋多汁嘅菠蘿，呢個甜品真係一流👍🏻呢度免加一而且營業時間到半夜12:00，同朋友嚟chill 下真係好吸引。生日🎂自攜1磅以下嘅生日蛋糕仲唔收切餅費，另外，喺社交平台支付仲可以買燒肉套餐慶祝一番先❤️揸車人士亦可以泊車响餐廳門口或者附近嘅停車場（寶石大廈/露天）真係好方便🅿️…查看更多

想念一個地方，療癒嘅方法除咗直接飛去✈️品賞當地美食🥘都係一個急救嘅方法，所以今次就同老公撐枱腳去人氣台式火鍋放題店「山見台式火鍋」，懷念一下熟悉嘅台味🍽️我哋揀左120分鐘Lv 4 特選澳洲和牛海鮮餐，食物種類共有104款咁多，食物包括澳洲和牛肩胛肉眼、頂級無骨牛小扒 、薄切牛舌芯、澳洲羊舌肉 ，原隻鮑魚等，除咗火鍋，我最鍾意嘅台式小食，真係多到唔知點食得晒。我哋叫咗期間限定湯底上素蟲草木耳鍋同青花椒麻辣湯鴛鴦鍋湯底，蟲草木耳鍋湯底味道夠鮮甜濃郁但又無蓋過啲餸嘅味道👍🏻👍🏻 Lv4 嘅特選澳洲和牛牛味十足果然不愧為LV4嘅招牌菜。最近仲有「港式情懷」主題，台式火鍋溝埋港式味，非常親切。自助區加添咗好多港式美食，包括霸王雞、瑞士汁雞翼、柱侯牛腩、港式滷水牛孖筋、海蜇頭同我最鍾意嘅白果腐竹鵪鶉蛋糖水。當然仲有山見麵線、滷肉飯、炸豬排等等嘅台式風味，仲有唔同種類嘅蔬菜、丸類同台式飲品。 Lv4 亦可以專享情懷紅豆冰🍧食物種類多到數都數唔晒。120分鐘任食，性價比都幾高，下次要帶埋Kelsey嚟先得❤️…查看更多

日本過江龍「Truffle Bakery」 為大家帶嚟多款夏日新品，為炎炎夏日帶嚟涼快嘅感覺🧊抹茶忌廉包鬆軟濕潤嘅焦糖麵糰，注入以京都宇治抹茶製成嘅忌廉，滑溜嘅忌廉有陣陣抹茶滋味同微涼口感，食完一啖就要買多個俾老公，因為絕對唔可以分享😆除咗麵包，仲新推出咗一系列抹茶飲品，完美配搭嘅經典《抹茶紅豆冰》係我首選擇。而老公就飲最愛嘅 Mocha Latte。佢嘅飲品抹茶同香甜味道好平均。最適合唔太喜歡濃烈抹茶味嘅我🍵Truffle Bakery有大量必試產品，麵包嘅香味未開門已經慢慢飄出嚟🤤No.1 嘅松露包果然名不虛傳，《白松露鹽包》松露香氣撲鼻，麵包好鬆軟！香港限定的《松露朱古力鹽包》裏面滑滑嘅可可忌廉，真係食過返尋味🍞松露雞蛋三文治🥪由鬆軟黑糖吐司夾住黑松露雞蛋餡料，口感輕盈，黑松露香味非常突出。不得不提爸爸同Kelsey都搶嚟食嘅-肉桂糖卷😋全個麵包都佈滿大量肉桂糖粉。外層香脆但內裏保持鬆軟。邪惡點心《炸冬甩》表面滿滿砂糖，食落煙靭。啱晒Kelsey 茶點時間慢慢嘆。媽咪大愛酸種麵包，香港獨家嘅「桂花烏龍無花果酸種包」，用上日本總店已培養10年以上嘅天然酵母製作，混合浸泡一晚嘅桂花烏龍茶、無花果、合桃製成麵糰。即場食唔晒都要買個返屋企放冰箱嘅時候加熱慢慢嘆。麵包濕潤柔韌仲有幽淡茶香。…查看更多