hannahlyw的個人專頁

為慶祝寶子生日，一早就book咗赤柱的Surf & Turf Grill and Bar，入嚟就見到餐廳出面有個草地平台，勁chill，呢d天氣坐outdoor真係太舒服啦!我地叫咗個Crab Cake做appetizer，佢d蟹肉真係一絲絲架，仲混合咗黃椒同紅椒做配料，有d甜辣，好惹味，外表香脆，內裡餡足，唔怪得係招牌菜之一！寶最鐘中意食龍蝦，當然會叫原隻牛油龍蝦配薯條薯蓉！芝士龍蝦個賣相真係好靚，可以無死角地打卡，點影都係咁搶鏡！味道鮮美，芝士都幾脆，佢都細心，幫我地敲開個蟹鉗先，整體唔錯！仲有個seafood Palia，呢個西班牙海鮮飯，真係薄薄一層，但好多海鮮！基本上每一啖飯都有海鮮入口，而且份量岩岩好，兩個女仔一人一半都唔會太膩！最後，重點環節，酒仙姐姐點會唔叫酒飲，佢叫杯Long Island，我就叫杯Virgin Mojito, 入面有d橙色爆汁波波，口感好得意，我係咁食，佢笑我成個小朋友咁！我地走個陣，仲聽咗陣liveband~~整體嚟講，慶祝生日呢間餐廳係唔錯，有氣氛，有情調，食物oｋ，最緊要係樣樣都出片，岩哂中意打卡的朋友仔！…查看更多

今日同屋企人慶祝生日，去咗北角太元樓嘗新食飯！！🎉🎉四喜烤麩呢個基本上係必點，其實就係甜甜地的豆卜類製品，佢地的份量勁足料，烤麩好入味，都幾開胃，作為頭盤涼菜的選擇都唔錯！小籠包嚟得食滬菜，點可以唔叫小籠包！佢的小籠包都幾多汁，可以用筷子夾得起，不過要趁熱食，等熱騰騰的肉餡係口內溶化，鮮味十足！😍賽螃蟹賽螃蟹就即係炒蛋白，蛋白炒得粗而一截截，就好似螃蟹蟹腳外形一樣，再配搭乾元貝同帶子，帶點海鮮的鮮味！我最鍾意係佢有蠶豆佐料，口感軟硬交織，正！🤤🤤蓮香蜜餞火方蜜餞火方又叫蜜汁火方，其實就係桂花蜜醃金華火腿，配以青瓜，蓮子，搭配薄餅一齊食。浙菜經典之一，我見到都會必點，因為有得食又有得玩！桂花的味道好出色，配搭夏香蓮子，入口甜蜜香濃，回味無窮！🥳🥳粟米魚肚羹粟米魚肚羹，清清淡淡又暖身！可能廣東人習性，特別鍾意飲湯！紅棗心太軟佢呢個係中式的心太軟，將紅棗去核，之後入面包著糯米年糕，再淋上桂花蜜糖，入口軟糯香甜，紅棗補血，簡直是美顏補品。既然係慶祝屋企人生日，就以呢個美點寓意吉祥如意！❤️❤️總體嚟講，我同屋企人都食得十分開心，同埋欣賞侍應姐姐的服務態度，佢地真係好出色而且好有禮貌，下次再嚟，我已經諗好要食醃篤鮮同獅子頭啦！！👍🏻👍🏻😝😜…查看更多

今次同好朋友慶祝生日，知佢好鐘意食醬油蟹，特登同佢係中環新開的The Jeju Black試下！其實我內心特別重視前菜，即係韓式小菜，細節位係睇餐廳的誠意，一見到有魷魚，我已經好開心，唔錯唔錯，加分！我地叫咗個濟洲黑毛豬肩肉，侍應好好會幫我地煎埋，同芒果一齊食，口感清爽！之後朋友的重點嚟啦，海膽醬油蟹到咗，佢ｄ蟹黃同蟹膏真係爆哂，我覺得好食過首爾大瓦房，因為無個種奇怪的醃味，仲有海膽紫菜飯，我忍唔住自私食咗個海膽🤣芝士粟米蒸蛋就唔洗講，睇佢拉絲就已經留緊口水，出色！😍到最後值得一提係佢的甜品，烤糯米糕，好似糯米滋加麻薯咁，煙煙韌韌，外脆內軟，俾層層的黃豆粉包圍，回味無窮阿！！甘甘，生日大快樂！我地繼續好口快樂地友誼長存阿! 🤣…查看更多

今次同foodie朋友去銅鑼灣試下The Grill Room, 順便慶祝她生日，現場有駐唱歌手，好貼心地唱生日歌，又有其他客人一齊唱，氣氛好好，大家為我朋友送上祝福。首先，朋友喜歡吃牛，她直接點了澳洲和牛套餐，我見在場客人十個有八個，都直接叫這個all you can eat的套餐，大受歡迎。但因為我不吃牛，就另外點了個甜椒醬青口長通粉。雖然我不吃牛，但是我見牛肉很鮮嫩，朋友食得津津有味，賣相十分不錯。由於尊重餐廳的規距，我淺嘗了朋友的沙律和南瓜湯，味道可以。之後就專注自己的長通粉，青口海鮮的話，我覺得可以再新鮮和肥美一點，但是它的醬汁很特別，甜中帶小辛辣，十分開胃，而且份量十足，我覺得兩個女生分一碟，也是可以的！整頓飯，最令我印象深刻的是甜品！！！！！它的朱古力蛋糕是真的出色，濃郁朱古力味又不太甜，可可味在整個口中散發，要不是我們主菜食得太滿足，肯定一人點一個朱古力蛋糕！！出色！！另外，餐廳侍應十分友善，如果想打卡的話，可以在吧枱拍照，或者半邊清場後拍照，低調奢華美式風格，效果出色！IMG:4]IMG:7][IMG:9]…查看更多

頂尖法國菜 Carprice今次招呼外地來的美女朋友，來她到四季酒店，感受一下香港的Fine Dinning前菜法國鴨肝凍批伴時令水果醬及混合香料自家法國蕃茄先講鴨肝凍批，我覺得必須要混合果醬一起吃，不然內臟的味道有點突出，可能留意到朋友不習慣這個口味，細心的服務員馬上換了另一個前菜自家法國蕃茄，蕃茄鮮甜配搭Burrata，味道相得益彰，值得大讚服務高質！法國藍龍蝦伴海鮮泡沫配特色香料這道菜是我最喜歡的一道，運用了東南亞的香料，引出龍蝦的鮮味，而蝦肉的成熟度，在半刺身半熟中間，真的好好吃，現在回想起來都流口水，大讚廚師高明，配搭新穎出色，必推薦這道菜給大家！龍蝦濃湯配龍蝦雲吞慢煮黃油雞伴紅甜椒及芫荽配芒果汁朱古力脆片伴龍篙啫喱及香茅忌廉這些美食都很不錯，但沒有驚喜到令我再開篇幅總括而言，Caprice在我心中，還是排名頭五的Fine dinning餐廳，值得推薦！記得女士要穿長裙，男士不能穿運動服或者拖鞋，彼此尊重☺️🙏🏻…查看更多

今次同朋友enjoy賽馬日，去咗位於沙田馬場的駿星匯餐廳試食。駿星匯位處看台第一座三樓，可以看到沙圈、終點柱及賽道的景觀，餐廳提供四個唔同選擇，有素食餐，又有西式中式，照顧唔同食客的習慣，我就試咗煙燻芝士野菌天使面同法式洋蔥湯配芝士面包粒，呢個餐係order之後即煮，所以都好新鮮，不過個面要襯熱食，因為放耐咗，就有少少硬，個洋蔥湯都好出色，配搭面包粒，個口感唔錯，好濃郁。而我朋友就叫咗龍脷柳車打芝士漢堡包配炸薯角，佢亦有跟埋洋蔥湯，都係即叫即整，個包真係好大個，成個魚版巨無霸咁！賣相真係好出色好吸引，可能我地兩個都係女仔，都覺得份量十足。…查看更多