omw8110的個人專頁

尋晚約咗好朋友打邊爐，佢平時返工好忙啊，同佢食好啲啦～我哋兩個都好耐冇一齊食過牛大人啦，一於又再食吓佢，叫咗第二貴嘅餐。 湯底：（鴛鴦鍋+$50）💯四目養生素食鍋💯（期間限定）聰明魷魚沙茶鍋我哋叫咗四目養生素食鍋、（期間限定）聰明魷魚沙茶鍋。策略係：素鍋 淥菜同海鮮，沙茶鍋 淥牛同其他。OMW比較重口味，主攻沙茶湯底，呢個湯底唔會太鹹，裡面個魷魚同五花肉片都好味！（請唔好覺得食豬會晒Quota，因為本身OMW都係咁諗🙈 但當我食落口，發現真係幾好食，個肉片食落有陣瑤柱之類果啲味，好特別，好好食。其實個湯底都有果種味，但用嚟淥牛，因為淥幾秒，個味會冇咁濃） 💯鮑魚：跟$338個餐送每人兩隻鮑魚（/和牛牛丸），上枱已經脫好殼，同埋處理左後面內臟部分，好方便淥完就食得。鮑魚口感同味道都唔錯，Good!💯牛肉：我哋嗌咗澳洲和牛M5牛肩卷 同 美國SRF極黑牛，兩個都好好食啊！OMW就鍾意M5多啲，係好嫩好腍牛❤️ （安格斯一口牛就一般）💯蝦 ：微甜，蝦肉爽彈💯蝦多士：呢個犀利！佢個多士唔係硬脆，而且鬆脆，點埋沙律醬好好食！💯芥末鮑魚蟹子豆腐：呢個又係好好味！（不過唔鍾意wasabi嘅就唔好嗌喇）佢個鮑魚唔係hea人果啲，夠彈牙。仲有加咗蟹子，增加口感。呢個唔錯！⚠️芒檸蜜西米爽：follow ig有得送，偏酸，飲唔出芒果🥲⚠️仙草凍：過甜，勁多奶，仙草都係唔夠淋，同平時仙草有啲唔一樣。🉑蜜桃愛玉冰：愛玉略嫌唔夠淋，有兩粒蜜桃。🉑海苔鹽酥雞：滿滿海苔粉，雞肉唔算好滑。🉑生菜：唔甜，有少少苦。 雪糕（任食）🉑Haagen Dazs：Milk Tea and cookies偏甜。💯Movenpick有朱古力、薄朱、士多啤梨味揀，好味。隊咗三球雪糕，呢餐完得好開心啊🥰 好驚喜呢度夠鐘都冇趕我哋走，於是冇壓力地食埋個雪糕，輕鬆愉快離開😌 埋單發現滙豐或者恒生信用卡有九折，幾好！ 💜總結：呢度嘅牛肉（同其他餐廳差唔多價錢比）好好食！嘢飲其實都好多種類，但我就唔係好揀到落手！其他嘢食質素一般，唔到好好，如果淨係食牛嘅話，呢度係個好選擇！有Movenpick雪糕好開心！ 📍 牛大人台灣火鍋吃到飽 (💯堂食-尖沙咀)>尖沙咀加拿分道20號加拿芬廣場2樓 ✨亮點：牛肉高質、好食🥩 仲有Movenpick雪糕任食🍨，正！ 🙇🏻‍♀️特別嗚謝：抽時間出嚟見OMW嘅朋友❤️！ 想睇真實食評防伏？請即Follow @omw8110 啦🥗🍹🍱🍤🍮#omw放題 #omw打邊爐 #omw食台式嘢 #omw食肉肉 #omw尖沙咀#hkfoodie #hkfoodshare #hkhotpot #hkrestaurant #香港美食 #尖沙咀美食 #香港火鍋 #香港火鍋關注組 …查看更多

有日同朋友飯聚，本身想食嗰間餐廳冇位，臨時改變主意，就食呢間每次經過都想試吓嘅蚊蚊豬啦～ 聰明嘅OMW決定轉場就即刻打電話去問有冇得book位～ 星期一晚，即刻打去，都仲有位，於是我哋一行5人就食雞煲、打邊爐啦～ 🉑大閘蟹（蒸）一去到餐廳，餐廳就送咗每人一隻大閘蟹（menu話要提早一日訂位先有㗎😆 我哋早一個鐘訂位 佢都送畀我哋咁好嘅？🥰）細細聲講，呢次係OMW第一次自己拆蟹啊！全憑同行友人傾囊相授，我宜家識拆蟹啦，拆蟹技能Get!😌～ 隻蟹偏細，唔算多膏多肉。蟹膏就係熟咗嘅蛋黃咁texture，又未到食倒幾鮮味，唔算好多嘢食。總結：自己拆蟹，下次都係咪搞我🤣 💯雞煲（我哋揀咗唔辣）食完大閘蟹，就有得揀嘢食（雞煲/酸菜魚/其他），因為唔食魚嘅緣故，叫咗雞煲～個雞煲好好味！我哋本身諗住一齊share一隻雞應該都夠。食落佢又好入味，啲雞肉質都幾好、唔削、冇冰鮮味。我哋食完一隻之後仲encore多半隻雞，好味❤️ 🉑刺身估唔到呢度有刺身任食，食落唔算好甜，但質素都算ok～ 食完雞煲，我哋就加湯打邊爐，質素都唔錯啊：🉑丸類/菜/響鈴⚠️/🉑 牛肉：質素一般，較平常嘅厚切，食落偏韌、鞋口。⚠️陳皮魚蛋好難食 🉑飲品嘢飲唔算好多嘢揀，我(哋)好似差唔多飲晒佢雪櫃所有解茶🙈 🉑雪糕有da dino雪糕任食! 💜總結：其實今餐唔係志在食，而係相聚、傾計。OMW幾鍾意佢冇限時，食物質素唔算好好，但又唔係劣質，而且種類都幾多。食物上比較出色嘅係雞煲，雞件肉質同味道都好好👍🏻 📍蚊蚊豬老火鍋 (🉑堂食-太子)太子汝州街11號地舖 ✨亮點：放題無限時⏰ 送大閘蟹🦀 雞煲好食❤️ 🙇🏻‍♀️特別嗚謝：同我試新嘢嘅戰友們❤️！ 想睇真實食評防伏？請即Follow @omw8110 啦🥗🍹🍱🍤🍮 #omw放題 #omw雞煲 #omw打邊爐 #omw食台式嘢 #omw食肉肉 #omw太子 #hkfoodie #hkfoodshare #hkhotpot #hkrestaurant #香港美食 #太子美食 #香港雞煲 #香港火鍋…查看更多

OMW差唔多每個月都會打邊爐。唔通OMW好鍾意打邊爐？No no，其實係想放肆咁勁食肉🤫 💜揀邊個set好？平時OMW淨係食期間限定嗰set（佢Set ABCD之外仲另外有個menu），最近係日本九州黑毛和牛/瑪格麗特河和牛，加一服務費之後，大概人均$400。 呢間OMW已經食咗無數次，每次想放肆就嚟食肉😍 呢間有咩咁正呢？💯佢本身牛肉質素都算幾好，同埋唔會第一碟同第二三四碟質素參差嘅情況發生，超適合OMW呢啲專食肉肉嘅人😍 （頭盔時間：雖然係和牛，但級數就未到果啲咩入口即融，唔係香港人均一千果種，好重油脂果種。）對我嚟講係，唔柴、易咬嘅牛肉。而且重點係每碟上嘅質素都差唔多，好放心咁再嗌第234round，唔怕浪費食物🥰💯除咗有得盡情食肉，OMW仲有得盡情食蝦。呢度有不同嘅海鮮提供，呢度特别在佢提供嘅蝦係大頭蝦，OMW主要都係食蝦，幾爽! 口感幾爽，我又食得幾爽😆💯小食嘅質素都唔錯：牛筋、牛𦟌、鹽酥雞都正。最近menu仲新加咗個芒芒甘露糖水，我家聰明寶寶好眼利，發現同名同一個要加錢嘅杯裝嘢飲一樣，結論：建議飲法係嗌多幾碗倒落杯度當嘢飲😌🤫💯指定台式飲品任飲：其中百香果同西柚都係超正！百香果三重奏呢杯裡面有寒天波波、椰果、果肉。一鼎西柚果杯係沙冰，記得唔好走冰啊😆 💜湯底：推冬陰公湯底💯 📍一鼎‧台式火鍋 (💯堂食-馬鞍山)>馬鞍山鞍祿街18號MOSTown新港城中心(4期)2樓2001號舖>屯門屯隆街2號屯門時代廣場北翼L3樓36-37號舖>將軍澳唐德街9號將軍澳中心1樓130-132號舖>沙田橫壆街2-16號沙田中心3樓50及57號舖 ✨亮點：一人一鍋，自己湯底自己揀。牛肉同其他食物質素都唔錯！仲有高質台灣飲品任飲！😍 🙇🏻‍♀️特別嗚謝：成日同我打邊爐嘅我家聰明寶寶💚！ 想睇真實食評防伏？請即Follow @omw8110 啦🥗🍹🍱🍤🍮 #omw打邊爐 #omw食台式嘢 #omw食肉肉 #omw馬鞍山 #omw屯門 #omw將軍澳 #omw沙田 #hkfoodie #hkfoodshare #hkhotpot #hkrestaurant #香港美食 #馬鞍山美食 #香港火鍋…查看更多

呢間米線OMW同同事無論堂食定外賣都食咗無數次，真心好正，佢無論係湯底、配料、配菜都好好味，食得出佢嘅用心，而且無論食辣、唔食辣嘅都可以食呢間。 🍗配料 （至少兩餸）呢度啲餸好高質！平時OMW嗌香炸豬扒、五香牛展，而今次嗌咗雞肉。💯香炸豬扒好好食，一塊勁大塊，係厚切果種，冇用粉炸，貼心地剪咗，分開上，不會太乾/太咸，肉質頗軟腍，好入味！同事話堂食更好食，OMW就覺得外賣嘅已經好好味，我覺得係呢度必食！💯五香牛展又係好上色、好入味，有3塊（份量唔算好多），味道係恰到好處嘅鹹；口感係啱啱好，唔會煮到爛晒，仲保留倒中間果種膠質感，好正。💯雞肉。唔知有冇人同OMW一樣好唔鍾意啲有膻味嘅雞，呢度嘅雞肉合格，似係新鮮雞（都有可能係有處理得好好嘅冰鮮雞，但似新鮮），有雞味，係好食嘅雞。🉑 唐揚炸雞件，佢新開嘅時候我會叫，有5大粒。不過食咗兩三次之後突然變鹹，因為太鹹之後冇再食lu，但跟米線個價錢有5粒真係好抵，唔怕鹹可以試吓。🉑其他餸推介：我見同事仲會叫蠔仔、螺旋藻，仲有蟲草花椰子雞米線，可以試吓。 🥬米線與配菜米線質感同平時食嘅差唔多，唔會過淋。呢度嘅米線本身有跟：生菜、木耳絲、肉碎、(腐皮)、芽菜、甜酸菜。平時OMW會走芽菜、甜酸菜，腐皮好似見唔到，其他嘅都好唔錯，OMW覺得用高質嚟形容都唔誇張。🉑生菜，雖然個menu冇寫，但平時都會跟一片生菜，唔算好完整，但算叫唔使加錢有菜食。💯木耳絲：好爽脆，增加口感！💯肉碎：好明顯係新鮮豬肉，而且冇碎骨。 💯春城麻辣銅鍋米線 🍜湯底：麻辣湯底（小辣）OMW食開小辣，佢個麻辣好正、好好味，暫時係OMW排名No.1嘅麻辣湯底！食落係有層次嘅麻辣，辣度主要係靠面頭嘅辣油，所以食到尾會冇咁辣咁。如果第一次食呢間麻辣，一定建議BB辣先，之後再加上去🔥辣感真係好個人，畀大家參考返，呢間我食開小辣，譚仔食開五小/三小。除咗麻辣，仲有酸酸辣辣銅鍋米線，大多數同事都係嗌呢個。如果唔食得辣嘅同事，會嗌清湯或者蟲草花椰子雞米線～ 🉑飲品特別想highlight返: 呢度檸檬利賓納同其他嘢飲同價，好吸引！ 💜總結：呢度畀OMW感覺係一間用心對待食材，尊重食物嘅餐廳。啲嘢好食，但價錢就$75-$120。我又要講返果句：如果好食嘅話，畀多少少錢都抵。另外，堂食真係用銅鍋上米線，打卡able! 不過食呢間我只係為咗食好食嘅嘢啦😌 💜溫馨提示：堂食嘅話，Lunch都會有人排隊，預返時間，或者早少少。左邊果排有個位冷氣機滴水，唔知整返好未呢？坐低前睇清楚先坐😜 📍 春城銅鍋米線 (💯外賣-尖沙咀)>尖沙咀厚福街6號地舖>香港旺角砵蘭街175號地舖 ✨亮點：無論係麻辣湯底、跟米線嘅配菜，定係可以揀嘅餸都好高質，好好食！Go！ 🙇🏻‍♀️特別嗚謝：勞苦功高、日曬雨淋嘅外賣員！ 💡長知識時間：問：春城即係中國邊個城市？答：答案係昆明市。根據維基百科，昆明的別稱是「春城」，因其夏無酷暑、冬無嚴寒、氣候宜人，具有典型的溫帶氣候特點。 #omw食米線 #omw食肉肉 #omw尖沙咀 #omw油尖旺 #尖沙咀lunch #hkfoodie #hkfoodshare #hkkoreanfood #hkrestaurant #香港美食 #油尖旺美食 #尖沙咀美食 #香港米線（以下係幾次嘅食物相📸）…查看更多

OMW細細個就喺呢度附近返教會啦～ 呢間燒賣好出名，成日都有人排隊。教會弟兄姊妹有時都會買上去做早/午餐。最近有機會去返呢頭，一於食吓回憶啦～ 💯燒賣$12（紙盒+$1）口感幾好，煙韌，有咬口，有少少魚味。 🉑腸粉$12普通腸粉，唔難食，又未算好好食。腸粉有啲hea切，平時見開5-6cm，但佢係7-8cm，食得少少論盡。 🉑魚蛋$10要咗辣嘅，唔算好辣，偏甜。魚蛋偏粉，但喺可接受程度內。 總結：淨係食燒賣就夠，其他可以唔使試～btw今次食呢個係當早餐，食曬呢啲，食完唔算好飽。 📍 林記小食 (🉑外賣-紅磡)>紅磡差館里21號地舖 ✨亮點：燒賣幾煙韌，幾好食嘅～ 🙇🏻‍♀️特別嗚謝：早起上學去嘅乖寶寶—我！ 想睇真實食評？請即Follow啦🥗🍹🍱🍤🍮 …查看更多

其實OMW真係好鍾意大啖食嘢，因為驚有碎骨，所以好少食雞米🫣 但今次OMW又嚟試試佢，事關見到外賣平台佢有半價，Lunch係正常價錢，按返性價比 價錢非常吸引，又平過堂食，就揀咗佢喇～ 🉑龍蝦湯雲吞鮮雞米線一打開蓋其實唔係好聞到龍蝦湯味，反而係湧出嚟有種花膠雞湯味，佢係咪真係龍蝦湯呢我唔係好肯定，飲唔出龍蝦湯味哈哈，但肯定嘅係個湯好好味，當中湯咁飲，OMW飲晒成個湯，冇口渴。（利申：OMW係湯煲，好鍾意飲湯）發掘吓個湯裡面，餸畀得好足，雲吞有3粒，雞都有4-5件，仲有5-6粒蜆肉，米線份量唔少，食到好飽。雲吞同雞都係正常嘢；雞浸咗落湯，叫得外賣就唔expect佢好滑，唔算好鞋可接受（順帶一提，個龍蝦湯係橙色，個雞浸過湯都染咗橙色，但個味就唔係好入倒雞度） ⚠️奶油時菜同事諗住食少啲，嗌咗菜+雞翼當Lunch。佢表示個菜冇味，個湯都冇乜味，菜加埋個湯唔好夠味，食咗少少就掉咗🙈 🉑桂花蜜糖雞翼因為外賣平台半價，$49/10隻，平過平時一大截，即刻叫咗十隻share😆 雞翼係炸雞翼，個皮偏硬，建議返：如果焗嘅話會好食好多。上次食嘅時候覺得啲油唔太靚，今次食冇油益味，都算ok。其實桂花味就食唔倒嘅，就係灑咗啲桂花喺雞翼面。雞翼點埋蜜糖食，鹹甜鹹甜咁就唔錯。 💜溫馨提示：鮮雞米線真係會有碎骨，要小心慢慢食！ 📍原作養生湯米線（ 🉑外賣-紅磡）>紅磡必嘉街120號黃埔花園三期翠楊苑地下34號舖 ✨亮點：個人覺得湯好飲。食呢個可以扮養生，食完又有健康的感覺。趁外賣平台有半價食吓都可以啊，堂食正價就唔好啦哈哈。 🙇🏻‍♀️特別嗚謝：勞苦功高、日曬雨淋嘅外賣員！…查看更多

每次食飯慶祝都想食啲好食嘅嘢、唔想中伏，往往去食啲Comfort food。而今次，OMW選擇咗去冒險，見Openrice得6個食評，全部都係😋好評，就俾個機會試吓佢啦！ 💯家鄉燒豬肉彈$68呢個菜式相對少餐廳整。OMW對上一次食類似嘅係喺📍長洲「是蛋」嘅土製炸蛋，而呢度更好食喎，唔使去長洲食啦～ 本身就咁睇menu，以為佢係炸獅子頭d friend，上枱完全out of our expectations，原來係用肉碎包住流心蛋再拎去炸，好驚喜啊！放落口都仲有少少驚喜，佢個皮仲有少少甜甜哋，食落唔會咁漏。所有嘢調味啱啱好！整體嚟講就係好好食！唯一挑剔嘅係碗飯好大碗😂 全部冇估到佢咁大碗飯，本身以為係細細碗果種，最後我哋食唔晒啲飯🥺 下次可能走飯。就咁豬肉彈都好好食！ 💯圓圈仔海鮮炒飯$88呢個係睇見隔離枱上枱果時好靚好好味咁，就叫咗呢個炒飯！上枱果陣心感不妙，我哋兩個人，呢個炒飯嘅飯量大概可以食飽三個人🤣🤣🤣🤣我哋惟有放棄豬肉彈個白飯，主攻炒飯。炒飯味道適中，粒粒分明，海鮮量都唔少，有青口、蜆、蝦、魷魚，其中OMW好鍾意個魷魚，口感好好，又好味！ 💯馬斯克火箭蝦$52/2pcs嚟到OMW鍾意嘅蝦蝦，呢個又係驚喜之作，食落先發現佢係豬肉彈啲Friend。呢個又係見倒隔離枱叫我又叫嘅嘢食😂😂 呢個好味啊！佢外層係一層薄薄嘅肉碎，然後檸檬葉，最裡面係隻大蝦！成件事個味道好豐富，檸檬葉為成隻蝦增加咗清新嘅味道，超級正！ 💜總結：呢間嘢我哋食咗三樣嘢都好好味，而且價錢又唔貴，性價比好高！我同friend食緊果陣，已經研究緊下次食啲咩😂 如果兩個女仔嚟，叫一個主食+兩個小食/沙律已經好夠，下次下次😆夾硬講啲挑剔位：1.如果唔熟呢區嘅話，間餐廳有啲難搵，指示牌欠奉，用google map應該會好少少。2.佢畀碗畀我哋share飯會更好，用碟食有少少論盡。3.枱同枱之間好近，會有啲嘈。 💜溫馨提示：記得book位！果晚OMW去到冇乜人，但坐多陣已經full咗，而且入親嚟95%都有book。住附近嘅friend話佢有時唔開，所以book定位穩陣啲～ 📍貳叄肆 (💯堂食-紅磡)> 紅磡馬頭圍道23-35H號隆基大樓地下48號舖 ✨亮點：樣樣嘢都好好味！性價比高！啲嘢食presentation都好靚！ 🙇🏻‍♀️特別嗚謝：願意book位又陪我試新嘢嘅朋友 同埋 願意試新嘢嘅自己！ #omw食越南嘢 #omw紅磡 #omw土瓜灣 #omw黃埔 #hkfoodie #hkfoodshare #hkkoreanfood #hkrestaurant #香港美食 #紅磡美食 #黃埔美食 #香港越南菜 😂Menu說明書：二人套餐：主食唔包炒飯，飲品唔包椰青一人套餐：主食唔包炒飯，飲品唔包椰青/奶蓋珍奶…查看更多

OMW啱啱週末出咗觀塘食餃子。以前次次食完餃子就去食芋圓，今次終於突破自己試新嘢。其實好方便，只係喺9樓食完滾餃，搭𨋢落4樓就有蛋糕買。Holam呢間舖頭都開咗好耐，應該係好多人都聽過嘅千層蛋糕。 OMW第一次試，心思思想揀開心果、豆腐、焙茶其中一款，最後揀咗個穩陣款：焙茶。呢次外賣咗返屋企食。（呢間除咗外賣，仲有地方可以立食，個空間幾大。） 🉑特濃焙茶千層$39返到去打開包裝，呢間餅店都幾sweet喎，畀咗小冰包保溫，隻cake keep倒個形，冇散、冇塌（好多年前，OMW經常去太子食餃子，然後又順便去LamLamLi買千層蛋糕返屋企，次次個蛋糕都塌咗🫠，影唔倒靚相），呢間Holam好勁啊，件蛋糕經過巴士洗禮後仍然屹立不倒。 蛋糕味道焙茶味幾出，但唔係超濃嘅焙茶味但唔會好淡。個Cream略嫌太漏，係第一啖就已經覺得漏果種🙈。千層蛋糕個皮唔算好滑，但算軟熟，層次分明，ok啦～ 總結：其實茶味Cream應該係比較冇咁漏，但佢都仍然好漏，覺得有啲浪費Quota。如果再試，應該要鼓起好大勇氣先會，可能試吓其他味，如果試多次都唔得嘅話就算啦～哈哈 ✨亮點：蛋糕外賣返去冇溶冇塌，茶味幾出。 📍Holam Bakery (🉑外賣-觀塘) >觀塘開源道60號駱駝漆大廈第三座4樓I室 🙇🏻‍♀️特別嗚謝：願意試新嘢嘅自己！ 想睇真實食評防伏？請即Follow @omw8110 啦🥗🍹🍱🍤🍮 #omw食甜品 #omw食蛋糕 #omw觀塘#hkfoodie #hkfoodshare #hkrestaurant #香港美食 #觀塘美食…查看更多

OMW又出去食Lunch，繼續～韓國嘢！尖沙咀呢間韓國豬手都開咗幾個月，呢日終於立定決心試吓佢。1:30行入餐廳，又唔係好多人咋喎，加埋我得3枱，係I人天堂🥲💕 喺豬手舖，緊係要試豬手，有三種味揀：原味、蒜味、辣味。我決定隨心而行，食辣～ 🉑招牌辣豬手飯餐 $103呢個餐一個大圓盤放上枱，wow好靚啊！好豐富啊！ 🉑辣豬手：味道甜辣甜辣，唔係好食得出辣，唔錯！OMW一路食一路數，大概11粒；豬手肉質唔係好淋，亦都唔硬，唔係出面有啲餐廳好鞋、好乾身果種；豬皮唔係好多，口感唔係超淋果種，咬吓就咬得開，幾好咬。惟一挑剔嘅係份量唔算多，食完未算好飽。豬手粒中間仲撈咗炒年糕，年糕冇咩特別，有煮透，有咬口，用甜辣醬撈過幾好食！ 🉑白飯：飯上面淋咗蒜蓉醬同一粒鵪鶉蛋。個蛋有點少腥。 🉑生菜沙律：同豬手同碟嘅係生菜，上面有芥末醬。 💯沙律醬撈天使菜：（點解OMW會知佢叫天使菜？因為太好食喇，好食到我鼓起勇氣好奇問咗店員呢個前菜叫咩名😎 ）呢個口感超好！大推！！！口感似海蜇/竹笙，但天使菜口感更 加 正，好好食！！出面好似好少地方有呢個食，食咁多韓國餐廳第一次見呢個前菜！下次過嚟可能係為咗呢個天使菜❤️❤️❤️ 🉑醃蘿蔔/泡菜蘿蔔：夠爽脆，不錯～ 🉑芽菜：用麻油撈，好食！ ⚠️菠蘿汁 菠蘿味好出！但甜到糖尿病😂 唔係好啱我，下次飲其他😂😂😂 ✨亮點：Lunch唔係好多人！烤豬手幾好味！沙律醬撈天使菜係呢度嘅加分位！成個餐有大量菜，食得好健康！ 📍豬手小姐（🉑堂食-尖沙咀） > 尖沙咀金巴利街3B號地舖 🙇🏻‍♀️特別嗚謝：願意行出去食飯嘅自己！ #omw食韓國嘢 #omw食肉肉 #omw尖沙咀 #omw油尖旺 #尖沙咀lunch #hkfoodie #hkfoodshare #hkkoreanfood #hkrestaurant #香港美食 #油尖旺美食 #尖沙咀美食 #香港韓國菜…查看更多

有個星期五晚，同事問：「聽日使唔使返工？食早餐？」OMW：「返啊！緊係食啦～」呢個星期六早餐就是如此誕生😂 係茶餐廳嘅歐陸早餐～ 歐陸早餐 $47.5🉑西冷牛扒：偏韌，我覺得好難咬開，少少牛味再外加少少黑椒味點綴吓🉑炒蛋：加咗雞湯，嫩滑，但味道偏咸💯法蘭克福腸：脆皮，不會過鹹⚠️丹麥酥：有明顯烘過嘅顏色，不過嚟到淋咗，好韌，即刻俾我掉咗…..落焗爐，焗返脆，好香，好味。⚠️熱朱古力：爆甜，甜度似全糖嘅黑糖乜乜乜，下次飲其他😢 好又一餐，醜又一餐。有早餐食嘅Morning就係Good Morning❤️ ✨亮點：脆皮腸個咬破口感幾好！丹麥多士畀我再焗過好脆口，好香！ 📍紅島（🉑外賣-佐敦） >佐敦彌敦道192-194號協成行九龍中心地庫至1樓 🙇🏻‍♀️特別嗚謝：勞苦功高、日曬雨淋嘅外賣員！同埋 幫手嗌外賣嘅同事！ 想睇真實食評防伏？請即Follow @omw8110 啦🥗🍹🍱🍤🍮 #omw食早餐 #omw佐敦 #omw尖沙咀 #omw油尖旺 #hkfoodie #尖沙咀早餐 #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

最近OMW工作超忙，好大壓力，又係時候補充能量啦，Dessert time! 🥰🥰🥰 💯朱古力卷蛋 $17比起C字頭連鎖店卷蛋，呢度嘅cream冇C字頭咁滑、口感冇咁light，但亦都冇！咁！甜！！對於要求甜品「唔係太甜」嘅香港人嚟講，甜度真係好重要啊，上次OMW食卷蛋C嘅時候覺得太甜喇，決定要停一排唔食住。於是呢個甜度真係深得我心，佢甜得嚟又帶啲苦味（感覺似50-65%朱古力嘅苦），cream裡面仲有啲朱古力粒粒帶嚟少少脆嘅口感，卷蛋中間仲有粒生朱古力！食完勁滿足❤️❤️❤️ ❤️亮點：卷蛋朱古力味甜中帶苦，仲有粒生朱古力，勁滿足！ 📍A1-Bakery 英王麵包店 🙇🏻‍♀️特別嗚謝：努力工作仍然不忘休息嘅自己！𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮#omw食甜品 #omw食蛋糕 #omw紅磡 #omw尖沙咀 #omw油尖旺 #尖沙咀lunch #hkfoodie #hkfoodshare #hkrestaurant #香港美食…查看更多

🧡有專人燒嘢食！食物質素唔錯！嘢食、環境好適合打卡！ 想睇真實食評防伏? 👇🏻👇🏻👇🏻👇🏻👇🏻即睇🧡詳細食評🧡👇🏻👇🏻👇🏻👇🏻👇🏻 有日，朋友問不如試呢間韓燒好唔好，OMW即刻心心眼～ 因為屋企附近間和牛燒肉執咗之後，OMW已經一排冇燒肉喇～今次難得朋友主動問，一定要去食啦😍！ 當日一入到去餐廳，已經見到人地燒緊肉，成個石板presentation好靚😍。我哋枱面一開始就有笑哈哈調味料 同埋 6個前菜（最impressed係魷魚口感好好、好好味；另外，醃蘿蔔酸甜酸甜，夠爽脆，不錯） 而燒肉嘅石板上面有泡菜、雞髀菇（個菇超好食，勁juicy）、蒜頭、橙（濟洲柑橘？）、燒肉汁。 我哋呢日嗌咗：The Jeju Set Meal SetB $376+$20（有罈子五花肉450g + 炸醬拉麵加芝士加蛋 ）、濟洲黑毛豬肩肉150g $218、韓式芝士蒸蛋$68、綜合蔬菜$30、濟洲爺爺$78 （有加一） ❤️服務OMW欣賞呢度有店員幫忙燒嚟食，咁就唔怕未煮熟啦！勁讚！！我淨係負責望住啲燒肉滋滋滋咁燒，感覺很治癒。而且其實店員都好識做，燒到咁上下就會行開，畀我哋放心傾計。到時間差唔多又會走埋嚟翻面，又提示嘢食熟咗可以食～ ❤️The Jeju Set Meal Set B $376❤️罈子五花肉佢個豬味唔錯，冇怪味，五花肉多脂肪勁邪惡，好好食啊😍，連埋泡菜一齊食會更解膩。如果計返平時喺出面食呢啲，個份量同價錢都差唔多。呢度包埋有人燒埋畀我幾好，感覺更抵咗！ 🧡原味炸醬拉麵加芝士加蛋 因為朋友唔食得辣，我哋叫咗原味。店員會將個拉麵放上石板熱一熱、炒一炒先再上，芝士同蛋剪碎咗，唔係好食得出，我覺得加呢兩樣嘢應該會為拉麵增加層次，不過實際上冇，算係可有可無（但如果辣拉麵，我覺得一定要加芝士、蛋，會令佢冇咁辣）。拉麵口感保留到彈性。因為我地肉還肉、拉麵還拉麵分開食，感覺有啲單調，齋食拉麵有點少鹹，最後我同朋友夾咗落生菜一齊食～整體嚟講都幾好食，係個合格嘅炒韓式拉麵。 🧡濟洲黑毛豬肩肉150g $218食完五花之後仲有啲意猶未盡，於是追加咗個豬肩肉。如果同五花比，豬肩肉放落口都一樣會爆油但肉質鞋啲（唔肯定係咪因為煮耐咗定因為本身豬肩油花少啲）。Um 我frd投豬肩一票，而我投五花，大家試完可以話返我知鍾意邊樣多啲～～～ ❤️綜合蔬菜$30 呢個蔬菜其實好重要，可惜係我哋就嚟食晒啲肉先記得叫菜🙈 店員話係生食嘅，但我哋頂唔順凍冰冰，放晒上石板整熱（不過關咗火所以都唔係好整得暖）。整體嘅蔬菜都算新鮮，唔苦。生菜正常發揮，蘿蔔比較粗有啲難咬，青瓜好食好清甜。建議一開始坐低就叫呢個，可以同肉肉一齊食。 🧡韓式芝士蒸蛋$68佢係一個可打卡嘅蒸蛋，打卡一百分，一上枱啲煙係咁湧出嚟😍 味道就係麻油味蒸蛋，帶少許煙熏味，唔過淡唔過鹹，味道適中，係個可接受嘅蒸蛋。質地唔會太老，但唔會用嫩嚟形容佢。 💛濟洲爺爺$78OMW見倒黑芝麻乜乜乜+柑橘醬就嗌咗😂 食完唔知自己食咗咩，感覺係落多咗魚膠粉嘅嘢😂 千祈唔好叫😂😂😂 啲錢用嚟嗌嘢飲應該開心啲👍🏻 💜邊個Set好？食完Set B再睇返Menu，再睇吓我哋嗌嘅嘢食，Set C其實正啲，可以食倒兩款肉，仲有埋拉麵同蒸蛋，其實幾正！三個人可以都食得晒！💜溫馨提示：呢間燒肉淨係得豬食😂 唔食豬嘅食其他好啲😂 📍The JEJU（🧡堂食-旺角） >旺角亞皆老街8號朗豪坊11樓13號舖✨亮點：有專人燒嘢食！食物質素唔錯！嘢食、環境好適合打卡！ 🙇🏻‍♀️特別嗚謝：主動提出一齊食韓燒嘅朋友！…查看更多

😘呢個係唔食魚嘅人會食嘅魚蛋，正！ ❤️ 魚蛋有彈性，唔腥！ 想睇真實食評防伏？Follow @omw8110 啦🥗🍹🍱🍤🍮 👇🏻👇🏻👇🏻👇🏻👇🏻即刻睇❤️詳細食評❤️👇🏻👇🏻👇🏻👇🏻👇🏻 果日晏晝OMW去左尖東掃街，食咗雞蛋仔、鍋貼同咖喱魚蛋😍 係呀，今次終於講咖喱魚蛋😆 如果識OMW嘅人都知道：OMW唔食魚，唔鍾意魚味。呢日就食咗我覺得唔抗拒嘅魚蛋（利申：本人好討厭食某數字便利店嘅魚蛋燒賣，放落口就想即刻lur返出嚟，次次買完都後悔。好～咁大家可以知道我對魚嘅口味大概係點喇～）。林昌記係我以前成日放工去食嘅魚蛋，宜家忙咗又冇咩機會去買魚蛋食啦～所以當日掃街第一站其實係咖喱魚蛋😘 💯咖喱魚蛋（大）$20其實OMW每隔一排就會想食咖喱魚蛋，呢間算係好少數我會覺得唔錯、放得入口嘅魚蛋。佢係白魚蛋質地，彈滑口感，我覺得唔腥（其他食魚嘅人食完可以話返我知你哋覺得腥唔腥🤣）。大size魚蛋應該12粒。咖喱汁都做得唔錯，味道不會過鹹；我鍾意佢以前咖喱汁嘅質地做到有啲杰身、感覺係煮個咖喱汁時煲薯仔煲溶咗嘅質感，當時真材實料，宜家少咗呢種texture。不過都好唔錯啦～ 💜建議食法：OMW好鍾意喺佢辣油底撈啲辣椒籽出嚟一齊食，食得辣嘅可以試吓😘💜佢地點有少少難去，個位置係：喺PolyU去尖東條天橋，留意天橋右邊有條小小橋通去一棟大廈。過咗橋之後，左邊就係咖喱魚蛋啦～ 注意：呢間係外賣舖，冇堂食～ ✨亮點：唔食魚嘅我嘅少數選擇～魚蛋有彈性，唔腥！❤️ 📍林昌記（💯外賣-尖沙咀） 🙇🏻‍♀️特別嗚謝：冇偷懶、肯出去行吓掃街嘅自己！ 𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮 #omw掃街 #omw食街頭小食 #omw食魚蛋 #omw尖沙咀 #omw油尖旺 #hkfoodie #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

😘脆底好食鍋貼，正！ ❤️ 鍋貼個底勁脆，裡面個肉肉好好味，性價比高！ 想睇真實食評防伏？Follow @omw8110 啦🥗🍹🍱🍤🍮 👇🏻👇🏻👇🏻👇🏻👇🏻即刻睇❤️詳細食評❤️👇🏻👇🏻👇🏻👇🏻👇🏻 尋日晏晝OMW去左尖東掃街，食咗雞蛋仔、魚蛋同 生煎鮮肉鍋貼😍 一出門口OMW就已經決定好一定要食鍋貼，佢性價比高之餘又好味！2:45pm行過冇咩人，為咗環保，於是坐低咗食（平時Lunchtime佢坐滿晒㗎🥲）。 💯生煎鮮肉鍋貼5隻 $18鍋貼個底勁脆，每咬一啖就係好好味嘅肉餡，味道適中，唔會過鹹。少少美中不足嘅地方係個鍋貼皮接合位唔係好夠熱，如果成隻都熱辣辣就prefect喇🙈 肉餡夠晒juicy，一次過食5隻勁正！（OMW食完差啲想再叫多5隻😳不過為咗食雞蛋仔，所以打消咗呢個邪惡念頭）好好味！期待下次再食😍 💜溫馨提示：進食鍋貼時切忌過急，小心熱慢慢食啊：） ✨亮點：鍋貼個底勁脆，裡面個肉肉好好味，性價比高❤️ 📍君戶鍋貼大王（💯堂食-尖沙咀） 🙇🏻‍♀️特別嗚謝：冇偷懶、肯出去行吓掃街嘅自己！ 𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮 #omw掃街 #omw食街頭小食 #omw食肉肉 #omw尖沙咀 #omw油尖旺 #hkfoodie #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

😘外脆內軟雞蛋仔，正！📍媽咪雞蛋仔（💯外賣-尖沙咀） ✨亮點：外脆內軟，超香茶味，勁滿足！ 想睇真實食評防伏？Follow @omw8110 啦🥗🍹🍱🍤🍮 👇🏻👇🏻👇🏻👇🏻👇🏻即刻睇❤️詳細食評❤️👇🏻👇🏻👇🏻👇🏻👇🏻 今日OMW諗咗超耐都諗唔到Lunch食咩好，於是出走公司，行咗去尖東食街chill住開心掃街，食咗魚蛋、鍋貼，同埋 伯爵茶朱古力雞蛋仔😍 OMW行緊過媽咪雞蛋仔嘅時候，仲諗緊食咸定食甜，因為已經食咗魚蛋同鍋貼啦，所以都係決定食甜，順便補充一下工作時流失嘅糖份，於是嗌咗平時都食開嘅伯爵茶朱古力雞蛋仔🥰🥰🥰 💯伯爵茶朱古力雞蛋仔伯爵茶同朱古力好match，伯爵茶嘅茶香中和咗朱古力嘅膩，朱古力為伯爵茶嘅單調加上層次，好好食💕 口感係超正嘅外脆內軟，每一粒都外脆、有滿滿嘅餡、有溶咗嘅朱古力！食完好飽足！好滿足！好開心！ 🙇🏻‍♀️特別嗚謝：冇偷懶、肯出去行吓掃街嘅自己！ 𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮 #omw食雞蛋仔 #omw食街頭小食 #omw食甜品 #omw尖沙咀 #omw油尖旺 #hkfoodie #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多