starrychow的個人專頁

旺角女人街呢間轉角泰國小店，地方細細裝修幾特別～ 🍛 黃咖喱豬黃咖喱椰香濃郁，唔太辣，豬肉清清地。叫咗印度薄餅配嚟食。🍤 Pad Thai Prawn金邊粉炒到乾身唔油膩，唔會太濃味，大蝦爽口，花生碎同青檸汁自己落，味道可以自己調～ 🥬 Morning Glory即叫即炒！通菜嫩綠爽脆，用辣椒爆炒，鑊氣十足～ 🥭 Mango Sticky Rice芒果酸酸甜甜，糯米飯暖粒粒，椰奶香滑，甜度啱啱好～ 🧋 飲品Thai Iced Milk Tea茶味香濃，甜度適中。🍹 Iced Lemon Tea清新解膩，檸檬夠味。…查看更多

呢度lunch，$138起有齊湯、主菜同飲品，性價比唔錯！ 🍲 Soup of the day今日係南瓜湯，creamy得嚟帶少少cream～ 🍕 Nduja di Manzo Pizza手工薄餅底脆身有嚼勁，辣牛肉Nduja醬香辣惹味，水牛芝士拉絲效果正！最驚喜係面頭嘅Burrata芝士，切開爆漿，奶香濃郁～ 🍝 Pesto Genovese Spaghetti青醬用羅勒打成，香氣撲鼻，意粉煮到al dente，仲芝士～ 🍟 Add on French fries追加嘅薯條即叫即炸，外脆內軟。餐廳環境簡約有格調，播住輕快音樂。午餐唔貴，食物質素。…查看更多

呢間新開嘅韓燒店，主打肉類同地道小食，當中牛肋條、醃豬肋骨都唔錯，肉食控大滿足！ 🥩 牛肋條油脂分布均勻，燒到外焦內嫩，剪開後肉汁爆出！點少少海鹽已經好夠味～ 🐖 Pork Short Rib (Marinated)韓式甜醬醃得好入味，肉質軟淋帶少少嚼勁，最正係邊位燒到微焦脆口～ 🥬 加生菜新鮮生菜包住烤肉，加埋蒜片同韓式辣醬，清新又解膩～ 🍤 蝦煎餅煎得外脆，蝦肉粒粒分明，點埋特製醬汁好開胃～ 🍹 韓國飲品▪️ 提子汁 - 甜度適中 ▪️ 雪梨汁 - 清甜潤喉餐廳抽風系統做得幾好，食完都唔會成身油煙味。…查看更多

同朋友去咗觀塘呢間樓上日本料理，$498/位嘅套餐，食材高質得嚟有驚喜，性價比超高😍🥗 冰菜蕃茄沙律冰菜脆卜卜，配糖心蕃茄同柚子醋，清新開胃～ 🦪 日本時令生蠔生蠔大隻鮮甜，加咗黑魚子、少少酸汁同蘿蔔蓉。🍞 和牛他他多士和牛剁成他他，鋪滿脆多士，面頭加隻溫泉蛋，撈勻食超邪惡～ 🍳 三文魚子蟹肉茶碗蒸蒸蛋滑溜，三文魚子鮮味，蟹肉絲鮮甜～🥪 和牛三文治和牛炸到外脆內嫩，夾住烘到脆脆嘅多士，yummy! 👅昆布漬牛舌厚切牛舌用昆布醃過，炭燒後肉質軟嫩爽口。🍲 鮟鱇魚乾湯鮟鱇魚乾好香，令再個湯昇華咗。🐟 胡麻油甘魚油甘魚刺身配胡麻醬，魚油香同芝麻香好夾～ 🥩 和牛壽喜燒A5和牛片輕輕一灼就食得，點日本蛋漿更滑溜，蔬菜吸盡湯汁好入味～ 🍮 甜品▪️ 布甸 - 蛋香濃郁，面頭焦糖脆脆 ▪️ 雪糕 -奶味香濃餐廳環境唔錯，有空間感，店員會逐道菜講解。$498食到咁多款高質料理，絕對會再encore！ …查看更多

觀塘工廈泰國菜小店，假日都有午市套餐，仲可以有優惠價加購小食，價錢經濟實惠。🍚 泰式蝦醬炒飯鑊氣十足！飯粒分明，蝦醬鹹香惹味，仲有炒蛋，撈埋一齊食好香！🍗 香茅雞翼即叫即炸，皮脆肉質嫩滑，香茅醃得好入味！ 🦐 炸蝦餅炸得金黃香脆，口感彈牙。🍜 泰式豬頸肉地道黃咖哩撈米線豬頸肉炭燒香口，黃咖哩汁椰香濃郁，撈埋米線食超邪惡～ 🧋泰式凍奶茶茶味香濃，甜度適中。呢餐兩個人食，埋單只係$180，無加一，相當抵食！…查看更多

午市食鐵板燒，套餐豐富，性價比高。前菜：高野豆腐凍食嘅高野豆腐吸滿鰹魚高湯，清新開胃～🐟 刺身三點• 赤蝦 - 爽口鮮甜• 深海池魚 - 油香豐富 • 鏗魚 - 煙燻風味突出 🍣 左口魚邊、馬刀貝壽司左口魚邊炙燒好香口，馬刀貝爽脆鮮甜～ 🦢 香煎鵝肝鵝肝外脆內嫩似慕斯，配無花果醬同脆多士！ 🦐 野生大虎蝦蝦頭膏幾香，蝦幾爽口～ 🐚香草牛油帆立貝帆立貝大粒、牛油醬汁香而不膩，仲有海苔醬汁。🥩 頂級美國牛肉叫咗medium，外層焦香，肉心粉嫩多汁，配炸蒜片食更香口～ 🍚 鐵板炒飯配海帶麵豉湯🥬 炒雜菜餐廳有吧枱位可以睇師傅功架，抽風系統做得幾好。…查看更多

觀塘抵食中菜觀塘原來有間新開中菜廳，地方闊落坐得舒服。晚市小菜、套餐都幾抵食！晚市都幾多人～～我地叫咗幾款小菜share食～～🍄 紅蔥頭珍菌爆花膠～花膠厚身又彈牙，用紅蔥頭同雜菌爆炒，鑊氣十足！用鍋上可以保住熱度。🍖 蜜汁叉燒皇～半肥瘦梅頭叉燒，蜜汁光澤，邊位微微焦香，肉質軟淋唔鞋口！ 🥬 瑤柱扒豆苗～豆苗嫩綠冇渣，瑤柱絲鮮味十足。餐廳裝修新淨，有大圓枱，最啱一班人聚餐。晚市仲有免費糖水送！ 紅豆沙唔太甜ok.…查看更多

同班friend去咗西貢呢間海鮮酒家，有室內有室外。🦐 小食拼盤炸蝦餅彈牙多，炸豆腐外脆內嫩，點埋甜酸醬好開胃！ 🐚 油鹽水浸貴妃蚌蚌肉肥美冇沙，夠鮮甜，湯底清甜帶鹽香。🔥 椒鹽鮮鮑魚椒鹽香口唔會太咸，鮑魚咬落熟度剛好，正！ 🌿 金不換炒蟶子蟶子大隻味道又鮮甜，金不換香氣撲鼻～ 🦞 泰式糟池龍蝦 配脆米粉龍蝦肉爽彈，泰式醬汁開胃，脆米粉索曬精華，食到lam lam脷～ 🥬 上湯浸時蔬簡單但見功夫，菜心嫩綠冇渣，上湯清甜～ 🍮 自家制甜品益力多糕及柚子糕，幾好味😋…查看更多

見呢間餐廳新開，夜晚去試咗個抵食嘅Omakase，$288就有齊沙律、茶碗蒸、7貫壽司同甜品。🥗 是日沙律新鮮野菜配柚子醋，開胃醒神。🍳 日式海鮮茶碗蒸蒸蛋夠滑，個高湯底鮮甜。🍣 手握壽司七貫1️⃣ 真鯛 - 清爽淡雅2️⃣ 北海道帆立貝 - 厚切鮮甜3️⃣ 赤海老 - 蝦肉黏糯，蝦頭膏甘香 4️⃣ 鰹魚 - 煙燻風味突出 5️⃣ 吞拿魚中腩 - 油花均勻，入口即化 6️⃣ 火炙比目魚裙邊 - 油脂爆棚，炙燒後超香 7️⃣ 海鰻 - 蒲燒醬汁甜度剛好 🍡 紅豆丸子，丸子煙韌，甜度適中 ➕ 單點火炙三味壽司盛$74三文魚腩、油甘魚同比目魚裙邊全部炙燒過，魚油滿滿…查看更多

同朋友去咗銅鑼灣食午市Omakase，$880有前菜、刺身、10貫壽司🍣、湯及咖啡🍳 白飯魚海苔茶碗蒸蒸蛋滑，白飯魚仔同海苔增加鹹香🐟 刺身四點• 天然真鯛配奇異果 - 清新配搭，水芹醬好特別• 煙薰春魚 ，薰香突出，魚油甘香 • 火炙帆立貝 - 微微焦香，帶子超厚身 • 汁煮八爪魚 - 煮到軟淋，柚子皮清香 🍣 壽司十貫1️⃣ 深海池魚 - 油潤爽口 2️⃣ 野生獅魚 - 柚子胡椒吊味 3️⃣ 赤貝 -爽甜鮮味 4️⃣ 銀鱈魚 - 炙燒後魚油香爆棚 5️⃣ 甜蝦昆布漬 - 黏糯鮮甜 6️⃣ 秋鮭- 當造肥美 7️⃣ 吞拿魚赤身 - 魚味濃郁8️⃣ 拖羅-肥美9️⃣ 碟魚魚邊 - 炙燒魚油好香🔟 海膽三文魚籽飯-海膽鮮甜、三文魚籽甜鮮🍙 吞拿魚蓉手卷魚蓉混入蔥花，海苔脆度滿分，完美收尾☕ 湯之後仲有咖啡環境簡約寧靜，最啱慢慢享受😎…查看更多

大埔呢間咖啡小店，估唔到咁高質，仲要價錢親民！ 🍝 Pancetta Carbonara蛋黃醬汁creamy到掛滿每條意粉，煙肉鹹香脆口，意粉煮得啱啱好。🐟 Salmon Penne煙三文魚長通粉，滿滿蕃茄醬味，帶少少香橙嘅香味，清新得嚟唔膩～ ☕ Hot Mocha 朱古力同咖啡比例啱啱好，面頭拉花仲好靚，飲完成個人都暖笠笠～ 🍹 Orange Squash鮮橙汁加梳打，酸甜清爽！仲有焦糖菠蘿🍍好味😋小店唔算多位，佈置得好文青。食物有質素，睇得出店主用心經營，值得支持🩷…查看更多

🎃 Daily Soup南瓜湯湯夠濃郁，口感creamy，暖胃首選！ 🥩 Grilled Rib Eye Steak叫咗medium啱啱好！牛扒炭香味十足～ 🍝 UNI & Scallop Linguine意外驚喜！海膽creamy鮮甜，帶子煎到微微焦香，扁意粉掛滿海膽汁，食完成個口都仲有餘韻～ 🍓 Strawberry & Matcha Waffle打卡必點！窩夫外脆內軟，面上有士多啤梨雪糕。抹茶cream茶味濃郁，新鮮草莓酸甜平衡，仲有脆脆朱古力增加口感～ ☕ Hazelnut Latte - 榛子香突出；Lemon Tea - 清新解膩，檸檬夠新鮮 …查看更多

呢間上海菜其中比較吸睛嘅係八色小籠包，有多款小籠包嘅味道，創新又好味😋🥢 特式皇朝小籠包（8色）一次過試勻8款口味，每款都好有特色： - 原味：湯汁鮮甜，皮薄餡靚 - 糟溜絲瓜：清新爽口- 鵝肝：濃郁又香- 黑松露：松露香好突出- 芝士：芝士味唔會太濃，但係又好味- 蟹粉：鮮味爆燈，蟹膏多到漏 - 蒜香：蒜味濃而不嗆 - 川味：微辣刺激🍄 黑松露雞肉帶子燒賣燒賣頂有帶子，黑松露醬幾香，雞肉餡彈牙唔乾，創意同傳統完美結合～ 🐮 生煎牛肉餅外皮煎到金黃脆口，牛肉餡多汁🍜 開陽蔥油拌麵簡單但好食！蔥油香而不膩，撈勻食滿足～ …查看更多

同朋友去咗呢間懷舊火鍋店，$328/位食到高質食材，仲可以打卡，性價比高！ 🍲 雙拼湯底酸菜辣肉鍋酸辣開胃；胡椒豬肚湯底好暖胃。🥩 本地牛頸脊肥瘦均勻，輕輕一灼就食得，肉味濃郁；花雕醉雞酒香撲鼻，雞肉嫩滑唔鞋口。 🍢 特色火鍋料• 十下三寶滑：新鮮彈牙 • 鳳城水餃大隻飽滿• 懷舊果皮魚蛋：陳皮香好地道，食到童年回憶•三星蔥貢丸有驚喜，入邊啲三星蔥好香🥬 其他配料脆炸響鈴，浸湯一陣就食得；蔬菜拼盤新鮮乾淨，有齊菜、粟米、菇～ 📸 懷舊打卡位餐廳裝修成懷舊香港場景，最正係霓虹燈招牌牆同大排檔風打卡位，影相呃like一流！ 食物性價比這，懷舊環境加分，最啱同朋友gathering！…查看更多

同屋企人去咗呢間海鮮酒家，試咗個海鮮三重配。呢度晚市有散叫，好多唔同嘅配搭套餐，都幾抵食。🦞 上湯波龍蝦伊麵波士頓龍蝦大隻爽口又新鮮！伊麵吸盡上湯精華，好味～ 🐟清蒸沙巴龍躉仔原條龍躉仔蒸得啱啱好，魚肉嫩滑。蔥同豉油更加提鮮～～🦆 燒鵝皮脆肉嫩！鵝肉肥瘦均勻，咬落仲有肉汁滲出，點埋酸梅醬更開胃。酒樓平民化，價錢都經濟實惠，啱晒一家人去食晚餐。酒樓環境都唔錯，坐得ok。呢一區嚟講都係一個唔錯嘅選擇。…查看更多