烏冬拉麵控's Profile

工作需要港澳兩邊走，門面看似普通酒店餐廳，或者形容為茶餐廳都唔過份，午飯時間比較多人，求其坐低就睇餐牌，行政午餐MOP$65，一啲都唔算貴，樓面姐姐問我食乜，我反問佢有咩好食，佢話未食過就試下酸菜魚飯啦，心諗：呢但隔局你介紹我食酸菜魚？賣唔晒搵我食？唔緊要，試下唔駛死，難食當減肥，等咗一陣，例牌俾杯茶你先，一飲之下有驚喜，唔係九流茶底茶，唔澀唔鞋口，竟然係老樹鐵觀音，讚！酸菜魚嚟喇，即試下湯頭，香酸辣味都好夠，魚片滑，鹹度適中，酸菜夠出味，食落口唔會太酸太鹹，仲有少量粉絲底，超讚！性價比高，嚟蒲京我會推介！…Read More

掛8號風前兩個鐘早放，約左女朋友喺旺角等，好耐冇食拉麵，所以想搵間拉麵食，上open rice睇下有咩拉麵好介紹，見到僕之拉麵，見未食過就去試下，叫咗兩個基本拉麵（濃湯），都幾有驚喜，隻蛋做得好靚，但醬油味可以再重啲，湯底夠濃郁，麵質都算唔差，冇梘水味，以$78一碗拉麵嘅性價比，絕對係正，絕對可以再返嚟食，不過只有炸餃子同水餃子，竟然冇煎餃子，有種若有所失嘅感覺。坐落環境都算舒服，職員都好好，值得一讚…Read More

日日返工諗食乜諗到想死，行行下見到前身係熱狗店轉咗做漢堡，本來都唔打算食，見到個名幾得意，又走去望下餐牌，竟然有鹽燒牛舌孖牛漢堡同日式炒麵漢堡，可能係我孤陋寡聞，呢兩款出面未見過，見佢唔算太貴，入去叫咗個日式炒麵漢堡，薯條同湯()，湯係麵豉湯，嘢食嚟到，麵豉湯裡面竟然有兩隻都算大嘅蜆，唔係“吉你媽”質數嘅麵豉湯，薯條當然新鮮炸起，比之前熱狗店嘅薯條更香，漢堡嘅炒麵味道剛好唔“漏”，我又後加咗個薯格，超脆，有驚喜，值得再來。…Read More

兩個人叫咗“廿一燒豚丼”同“鐵板角切和牛配燒魂丼”，和牛都幾好味，豚肉普普通通，正當兩碗飯食到一粒米都冇，食緊湯嘅時候，突然有個男士拎住碟燒豚肉走過嚟講：我係負責搞度嘅人，我見到你地頭先叫嘅燒豚丼質素只有平時嘅六成，呢碟先係我地嘅水準，請你地食嘅，希望保持好嘢水準俾客人。我仲以為佢見到我餓狗搶屎咁食驚我唔夠飽，請我食多幾塊豚肉，但佢請呢碟又真係堅·好味，又Juicy，真係同我食嗰碗差一段距離，咁嘅專業態度真係冇得頂！…Read More

以沾麵嚟說，佢嘅湯底略嫌唔夠鹹，但係都夠濃郁嘅；湯嘅溫度方面就唔夠熱，有啲影響咗個麵；至於麵嘅質地配沾麵相當夾，但如果做拉麵就略嫌粗咗少少；豚肉質地好林，好食；另外，餃子嘅味道都好好，值得一試。店面乾淨企理，店裡面嘅牆身仲畫咗啲好得意又好靚嘅公仔，環境唔錯，坐得都幾舒服，冷氣又夠，唔會食食下出晒汗。但如果有凍茶飲，或者係冰水就無得頂喇。如果唔識路嘅朋友想嚟，搭的士嘅時候話俾司機知喺井財街，咁會容易啲搵嘅。…Read More

看似地道，實際是完全無法想像台灣菜可以難食到呢個地步：祖傳擔仔麵：湯底太淡，沒有香油味，旺中賣30幾蚊嘅擔仔麵比佢還要好食得多！紅燒牛肉麵：呢個價錢份量少都算，麵身太淋，醋味太濃，蓋過牛肉味，導致湯底牛味不夠！連八X雲集的也比佢好！珍珠奶茶：最為慘烈，珍珠軟得像吃c一般，茶底有香料，街邊隨便一間賣珍珠奶茶都比佢好百倍！最後，椒鹽魷魚漏單，都係取消佢埋單走為上著！嘥晒啲quota，聽日一定要食返尖東間鐵X台灣牛肉麵補返數！…Read More

醬油拉麵：湯底唔夠醬油香味，叉燒太鞋唔夠味，味蛋跟白烚味道一樣，麵質太硬，熱度完全不夠。豚骨拉麵：湯底唔夠油香，跟醬油拉麵沒兩樣。整體完全說不上是日本拉麵，只值$30-40的普通貨。…Read More

多數拉麵都用豚骨湯底，而丸玉係用雞湯底，令偶有一種新鮮感。雖然麵質唔特別好，但因為湯底濃而不膩，當夾起麵的時候，湯會黏著麵，令口感加分！雞湯底濃而不膩，味道好清新，價錢公道，偶覺得值得一試！…Read More