EatFun.hk的個人專頁

酒吧落地玻璃，望住半島酒店，環境係相對偏暗，座位舒適，岩同朋友慢慢坐慢慢傾計。紅白酒、氣泡酒、啤酒、烈酒、Cocktail、Mocktail樣樣齊！估唔到雞尾酒有驚喜✨尤其Long Island Iced Tea調配出色：檸檬酸甜平衡，後勁足又易入口。🍽️ 小食Menu比預期中多選擇～🍱 網上預訂滋味拼盤：似隔離自助餐貨式，一般😅🍕 海鮮薄餅：厚批芝士&海鮮足料🍟 脆炸薯條：即叫即炸，熱辣辣、外脆內軟…查看更多

呢間藏身商場嘅Sake Hub真係驚喜， 環境清幽有格調，清酒選擇多到眼花撩亂。今次試咗個Tasting Set，一次過品嚐三款「樂器正宗」清酒：🥂第一款：清新菠蘿果香 + 微辛口感🍋第二款：酸度突出 但入口順滑🍬第三款：波子汽水風味 甜度最高超易入口仲試埋十四代同廠嘅「朝日鷹」特別本釀造香氣優雅、口感柔順、餘韻清逸，絕對係經典之選！👍佐酒小食都好有警喜：🐟烤魚乾：香脆有嚼口，佐酒一流 🍲清酒煮蜆：鮮味十足，蜆肉飽滿無沙，個湯鮮甜到忍唔住飲埋！…查看更多

見到呢間喺美荷樓附近嘅連鎖茶餐廳，環境企理又多卡位，除咗街坊仲有內地遊客幫襯，諗住食個早餐，點知係中伏嘅開始⋯⋯食物賣相望落正常，但全個早餐最好味嘅，竟然係塊加$2嘅烘底方包🍞。太陽蛋雖然做到半熟流心效果，但完全唔香，似唔係用鑊煎出嚟咁。至於個五香肉丁米粉更加係災難，個湯淡而無味，完全唔似應有嘅味道😣。杯咖啡☕️都係一言難盡，難飲到令人印象深刻，好難得一個早餐可以每樣嘢都伏成咁⋯⋯食物質素真係不敢恭維，應該唔會有下次。…查看更多

喺明愛醫院附近，小店空間不大但有卡座，環境乾淨整潔，都算坐得舒適。🔥 莆鮮秘製酸辣海蜇頭▫️海蜇厚度十足，口感爽脆彈牙，酸辣汁非常夠味，係必點前菜！🦪 莆鮮蚵仔煎蛋▫️有別於潮式酥脆風格，口感軟綿，蚵仔鮮味突出，意外地讓人停不了，正！🍜 傳統紅菇海鮮滷麵▫️湯底鮮美濃郁，蜆肉都新鮮無乜沙，可惜不當季食唔到蟶子，同麵條略嫌軟爛🥟 子餃體驗▫️原味鮮肉餃：皮薄餡足，中規中矩▫️香菇蝦皮煎餃：不油膩，但缺乏驚喜整體來說是次不錯的福建菜體驗，菜式有特色，值得一試！…查看更多

最近幫襯過幾次，覺得佢個湯唔夠熱，雖然味道唔錯，但感覺質素有下降。今次新店一入去就有位，但見到啢姐姐非常之忙，客人走咗張枱都冇人執，明顯人手不足。講返個車仔麵，今次個湯係熱嘅！但始終唔明點解總係將招牌辣汁雪到硬哂，放入湯溶唔開，搞到個湯凍返。魷魚份量依然慷慨，花膠都大塊有口感。我叫咗米粉，但感覺放咗好耐，食落有啲潺，口感較差。其實鍾意嚟呢度食，除咗湯底好味，就係佢啲辣菜脯夠爽脆，可以自己任落。不過因為偏鹹，所以都唔會一次落太多。…查看更多

街坊小店雖然鋪面有啲細，但坐得幾舒服，有卡位。侍應非熱情有禮，令人有返屋企食飯嘅感覺。天氣有啲凍，我地都叫咗酸辣湯麵暖下身：一個酸辣湯餃子幼麵，一個酸辣湯糖醋排骨幼麵。講返個酸辣湯，整體算係合格，略為偏酸，唔算太辣，而且都算足料。不過個幼麵真係最大敗筆，完全冇上海麵應有嘅煙韌口感，食落去好似一pat漿糊咁，真心失望😔。朋友嘅餃子皮太厚，食一隻已經覺得好飽，影響咗成碗麵嘅體驗。至於糖醋排骨，味道相對好啲，雖然食得出排骨本身唔算非常新鮮，但煮得都算入味，算係可以收貨。…查看更多

用餐環境幾新淨，裝修乾淨企理。目測大閘蟹大概3.5至4兩，雖然唔算好大隻，但勝在夠新鮮。全晚冇漏單，服務仲出奇地好，侍應不停換碟，仲提醒我哋要趁熱食，整體用餐體驗非常正 👍。大閘蟹任食有三款口味：清蒸、花雕蒸同油鹽焗，各有特色，不過花雕味唔算好突出。每次每人可以叫三隻，上蟹速度夠快，基本上可以無間斷咁食。公乸隨機分配，當晚主要係蟹公，隻隻都爆膏！食咗十幾隻只得一隻唔新鮮。🦆 片皮鴨：鴨皮唔夠脆 味道普通🍲 其他配菜（每位1份）：最鍾意黃炆佛跳牆 超鮮甜！鮑魚亦炆得入味，爽彈唔韌。其他菜式就普通啦。🍶 問過當晚免開瓶費，自己帶咗支花雕去，但原來現場有太雕賣（$88/支），早知就唔使特登帶啦。…查看更多