GMT2的個人專頁

同朋友去啟德體育園，見到開咗PHI而且有聖誕節餐牌，就入咗去試下。楓糖烤南瓜沙律：南瓜烤過好甜好好食，沙律菜好新鮮，醬汁唔會過多，好喜歡呢個沙律。地中海式蕃茄海鮮配吐司：呢個絕對係必試菜式，海鮮有一隻大虎蝦，另外有幾隻細蝦，魷魚同埋兩件大大件嘅魚，仲有青口，材料好豐富。醬汁好好味，點麵包一流，麵包烤得外脆內軟。法式鵝肝燴意大利飯：意大利飯煮得啱啱好，煙煙韌韌，正宗意大利飯風味，同鵝肝都好襯。焦糖紅寶石玉桂梳乎厘：PHI 當然必食疏乎厘，呢一個應該係新菜單，聖誕特別版，個樣好cute，有聖誕樹同埋聖誕老人。餐廳啲服務都幾好，服務員做嘢好勤快，同埋好親切。…查看更多

一入餐廳就見到好大嘅兒童玩樂區，有波波池同滑梯等。臨近聖誕，仲佈置成聖誕村主題，好有聖誕節氣氛，餐廳本身是韓屋設計，有特色又適合同小朋友影相。見啲細路仔一入到去就好開心要玩。一坐低先送上一些韓式泡菜，泡菜好多款，碟碟都唔錯，仲有沙律，同用來包肉吃的生菜。我地叫咗個聖誕村歡樂派對餐$868，擺盆別出心裁，見到都開心，聖誕樹係牛胸腹。仲有壽喜燒玩，另外是蔥鹽牛舌、荔枝牛肉串串、豬頸肉、厚切五花肉，Total 六款肉。另外有煎薯餅同埋甜品。另外叫一個兒童燒肉餐$172，今次聖誕樹係生菜。有牛胸腹，雞腿肉，豬頸肉同粟米冬菇，同韓式牛肉飯。甜品係考手藝時間，有得玩又有得食，先燒溶棉花糖，再夾進朱古力消化餅，做成朱古力棉花糖三文治。細路仔有地方玩，大人就可以傾吓計慢慢食飯。食完仲俾咗個代幣我地扭波。…查看更多

今日lunch 同朋友去咗瀛豐食放題，午市放題可以食3小時，由 12:00到15：00，價錢是$209。見到有奄仔蟹任食都係加$148 ，而且仲包埋升級海鮮拼盤。我同朋友都好鍾意食蟹，所以就加嚟試吓。升級咗之後，仲包咗帶子海膽，大大粒好鮮甜。之後上咗刺身拼盤同埋海鮮拼盤，兩個都大份有睇頭。食完呢三樣嘢都已經飽飽地，但重頭戲依家先至嚟，就係奄仔蟹。冇諗過放題有咁好嘅質素，即叫即蒸，上枱熱辣辣，好大隻，仲要好多膏。其實仲包咗生啤任飲，不過我哋兩個都唔飲啤酒，就冇叫。出邊自取嘅飲品都有好多款式。食完晒啲升級美食，就叫咗啲熱嘢同埋壽司，推介試吓佢個火炙左口魚裙邊，我自己認為好好食，同埋鍾意佢啲壽司飯細細粒，唔會話食到好飽。其實佢仲有好多泰式嘅食物，試咗炸魚餅同埋泰式鳳爪都唔錯。結論，如果鍾意食蟹一定要加錢升級任食奄仔蟹和海腦帶子，絕對回本。除咗食放題都見到其他客人食午市套餐，問咗侍應拎個餐牌嚟睇，原來又真係幾抵食，如果唔想食太飽，都可以試吓佢午市套餐。影埋個餐牌大家參考吓。…查看更多

見到呢間是社企餐廳，同埋睇OpenRice見到啲價錢好似幾抵，但係原來午餐同晚餐價錢差好遠。打開餐牌已經覺得價錢係媲美中級酒樓，咕嚕肉$168 ，蒸魚$148 ，雞半隻要$168諗住貴都唔緊要，最緊要味道好。第一碟上咕嚕肉，以為$168會好大碟，其實又唔係，有少少失望，不過都算好食。等咗好耐上咗豉油雞同埋蒸魚，條魚就真係好細，唔知係咩魚，不過幾滑嘅，但係好油。豉油雞就真係幾差，完全冇味，睇樣以為好入味，唔知點解可以完全冇味。自助出去裝嘅沙律菜，飯，湯同埋甜品，質素都好一般。主要係碗碟唔係好乾淨，沙律菜好多水。不過佢係社企餐廳，我都希望佢做得住。我自己就唔會再嚟食。…查看更多

早幾日試咗尖沙咀呢間串燒，覺得價格親民，性價比高。Menu 除了串燒，還有些新口味特色小食。試咗兩個特色小食，兩個都有新意，又唔洗淨係食串燒咁單調。椒鹽＋紫菜味+泰式辣醬九肚魚 $68好香脆，送啤酒一流，而且九肚魚好滑。芫莓雞絲手抓餅 $58勁多芫荽，芫荽控必食！墨魚滑紫菜大蝦，呢個絕對係抵食推介，份量好大，又好食。串燒方面：$10-$20 的串燒要叫2串起，超過$20的可以叫一串都得。$10/串 的燒雞脚筋，出面少有而且很惹味。$15/串 最推介泰式燒墨魚鬚，燒得香口，配上泰式汁超讚👍🏻。我地吃完再encore。另外豚肉荔枝卷都係推介，又係食完再食系列，甜甜我茘枝令豚肉味道升華。Sapporo 生啤做緊買一送一， $48有兩杯，大大杯，串燒最佳拍檔。坐得舒服，地方夠乾淨，職員收碟都快。上菜節奏都幾好。…查看更多

叫了個$42惹味米線套餐，以為真係會好惹味，但…芫荽蔥都冇粒，湯底都好清淡，味菜就好似冇洗過冇浸過咁，勁鹹，不過味菜還味菜鹹，各樣食物嘅味道是分開的，米線好淋。豬扒有兩件，合共為半塊左右，咬咗一啖先影相，豬扒味道幾好。豬扒太少，冇辦法夠餸食米線。奶茶係ok 嘅。…查看更多

慕名而來，食完，完全唔明點解要排隊同點解出名。個職員做嘢好慢，所以排長龍。買了魚蛋，齋，墨丸。共$25。只收現金的。問係咪拎走，講咗拎走就連個膠兜都冇，得膠袋裝住，要盒加$2。 現場食就有兜冇膠袋。食物應該係攞貨返的，冇咩特別，個汁比較杰，好生粉feel，魚蛋好淋，另二樣都唔係好食，唔太喜歡。不會再買。…查看更多

叫外賣送貨的，嚟到包裝好完整。全部用紙盒包裝，包裝簡約精美，整體感覺已經唔。佢將食物分得很好，會將醬汁分開。叫了一個二人套餐：有2主食：選了 1）蕃茄汁蟹肉意粉意粉比較多，不過係就比較較少。味道ok2）煙三文魚蟹肉熱香餅味道幾好，比較細份。有一pancake：藍莓希臘乳酪梳乎厘，很好吃。鬆軟有彈性，不會過甜。套餐$346包了飲品，選了美式咖啡（冷），新鮮果汁（冷）。套餐價錢較抵，如果散叫好貴，一份pancake 就$150整體味道包裝都唔錯，只係定價比較貴，性價比不算高，是有外賣折扣才叫的。…查看更多

同朋友嚟呢間紅茶食下午茶，知道呢間茶餐廳好多內地人鍾意幫襯，有啲分店會見到排晒長龍，尤其是尖沙咀分店，所以都好少入去食。今日經過九龍灣分店，估唔到呢間原來又唔會太多人，一入去就有位。叫咗兩份下午茶餐，朋友食星洲炒米，好大碟，佢話好正。我自己就食咗個豬扒包配沙律，豬扒包都OK ，不過豬扒唔算好厚，同埋好多醬，沙律就真係麻麻哋，又係一大pat沙律醬配上細細粒紅蘿蔔青瓜粒嗰種沙律，如果我知道係呢種沙律應該食炸薯角仲好啲。兩個餐共93元唔算貴唔算平，整體可以。…查看更多

壽司郎進軍咗香港咁耐，我只係第二次去壽司郎，因為經常都要排隊，所以好少會諗住去壽司郎食嘢。今日去到大本型探朋友，雖然大本型都好似有好多餐廳，但係令到你好有興趣入去食嘅又好似冇乜。壽司郎排隊排咗大約半個小時，入座之後係自助點餐，送餐都算快，壽司好新鮮。我覺得性價比都幾高，三個人食咗$405 ，都食到好飽。自己比較喜歡蝦類別的壽司，不過牛油果蝦壽司卷就麻麻哋。太多醬，紫菜又腍。下面圖畫那一個：另外茶碗蒸好好食，入邊有好多配料。等半個鐘頭，還可以。等得太耐就不值得了。…查看更多

今日一班人去咗元朗冰室食嘢，剛剛接近下午6時。6時前有下午茶餐，6時後有晚餐。叫咗好多嘢share 食。先叫了幾個下午茶餐：沙嗲牛肉麵好出色，牛肉夠多，欣賞佢手機自助點餐都很多選項，配合返自己口味。雞翼沙律啲沙律好清新，有蘋果甘筍。大推奶油脆豬，上枱大家嘩一聲，超大件，Size同個焗豬扒飯咁大，仲要好香脆，大家爭住食。招牌厚豬扒當然要試，叫了一個焗豬扒飯一個double 豬扒飯，豬扒真的又大件又厚，完全不會嚡，味道也剛好。一到六點叫埋個小菜套餐share，京都肉排酸酸甜甜好送飯。牛柳粒好惹味，二人餐仲有碟青菜送，我們選了菜芯走蠔油，菜很新鮮。值得一提他們的米飯，很好吃，不是每家茶餐廳的飯都好吃，這邊的又大碗又香飯味。最後仲加咗隻乳鴿，估唔到冰室都有乳鴿食，仲要幾出色。皮脆肉嫩。總結：茶餐勁抵食，大推奶油豬同豬扒。小菜選擇多，套餐性價比高。…查看更多

今日同朋友去九龍城搵嘢食，諗住食泰國嘢，冇咩心水，就揀咗拍完車之後最近嗰間。見到佢真係泰國人做嘢，應該有啲保證豬頸肉燒得幾香。泰式鳳爪夠晒辣，味道夠正宗。泰式柚子沙律就清清甜甜，唔會太辣，如果有幾粒蝦就似樣啲。醃魷魚沙律，我自己最欣賞，因為夠晒酸辣，魷魚都算多。咖喱軟殼蟹都好大碟，不過呢碟要二百幾蚊。皮蛋炸蝦餅，還可以，兩樣嘢分開會好啲，其實唔覺得襯。芒果糯米飯只係50幾蚊，好大一碟，黑白糯米都有齊，不過好甜好甜。店員服務好親切，食到佢打烊，佢都叫我哋慢慢坐。香港依家真係唔同以前，啲餐廳好多都只係做到10點，或者11點，想食宵夜冇以前咁容易。…查看更多

樣樣都好大碟。要預早去等位，星期六日不接受訂枱。我們下午6:00 左右去取位，不用等很久。很熱鬧，氣氛不錯。都知美國嘢，portion 大而且heavy，醬汁多，不想太肥，叫了二個沙律。味道是不錯的，就是太多醬和就算是沙律都太多炸的配料。另一個是咖喱蝦飯，泰式的，幾好食， 美泰fusion。去到cheesecake factory 幾飽都要叫返件cheesecake。4個人share 一件剛剛好了。個cheesecake 勁甜，但好香濃朱古力味。服務正常，坐得舒服。埋單800幾，每人二百多。久不久吃一次可以的。只要不怕肥就好。…查看更多

取外賣的時候已經發現好細盒，不過心諗無骨海南雞，冇咗骨，細盒正常。打開樣子也OK，有很多醬料，共三款，每款兩個。雞肉是有一點點粉紅色，應該屬於正常？拿去微波爐叮了一下。雞很多肥膏，除了幾件雞胸，其餘沒有什麼肉，全件肥膏，能吃的沒有多少。這半隻雞能吃的雞肉不及平時一隻雞髀。這張圖是吃剩的雞皮和肥膏，黑了一點是因為點了豉油。只能說剩下不能吃的，比能夠吃的還多。吃完不飽還要再找其他吃。（註：平常我買半隻白切雞，或者豉油雞，是會太飽吃不完的）味道方面是可以的，就是正常的海南雞味道。雞也算嫩滑。…查看更多

放假吃了幾日大魚大肉，想食碗越南粉或海南雞飯做晚餐。見呢間新越南囉門口餐牌有$100左右的一人晚餐，三百多的二人晚餐。就入去試吓。選擇很多，叫了二個一人set 。我吃了會館火車頭牛肉湯河 $128，前菜沙律很少一碗，只有兩啖，飯碗仔的size。火車頭湯河餐牌寫的餸都有，但得一件，而且不算是火車頭，只是一般size 。安格斯生牛肉湯河（中）＋無骨海南雞飯（中）套餐＄138牛肉有2-3片，雞飯比較好。看餐牌見有小食，冇諗過這樣小。另一小食炸尤魚更是只有兩節手指尾大小，很寒酸。埋單$300 ，性價比太低，不會再去了。…查看更多