arjunayuki的個人專頁

今日行過PHI，睇到佢已經出咗聖誕套餐，平平地300幾已經包埋前菜，主菜同飲品，仲可以半價加購疏乎厘，咁一定要試試。聖誕老人朱古力泡泡，呢杯聖誕特飲真係應哂節，面頭個聖誕花環超得意。朱古力同奶香平衡得啱啱好，飲落朱古力味香濃又唔會太甜，上面泡泡又滑又綿口感好得意。抹茶聖誕圈圈，抹茶控必點。茶味清香回甘，一啲都唔澀，飲落口感好順滑。奶同抹茶比例恰到好處，甜度適中，唔會蓋過抹茶本身嘅風味。面頭個聖誕圈圈仲有少少糖粒點綴，增添咗少許甜趣。楓糖烤南瓜沙律，南瓜烤得香甜軟糯，楓糖嘅焦香更加帶出南瓜嘅天然甜味。沙律菜新鮮爽脆，配合埋核桃同乾果，口感豐富又健康。醬汁輕怡唔膩，同南瓜沙律菜好夾。地中海式番茄海鮮配吐司，海鮮種類超豐富。虎蝦爽口彈牙，魷魚鮮嫩，青口鮮甜，龍利柳大件冇骨入口即化。番茄醬汁充滿地中海風味，酸甜開胃調得啱啱好，同海鮮好夾。吐司吸滿醬汁之後依然保持到脆口，點埋醬汁食更加滋味。香煎雞扒全日早餐，雞扒火候掌握得好好，煎得外皮香脆，內裡嫩滑多汁。配菜有煎蛋、蘑菇同沙律菜等，炒蛋滑溜，蘑菇香濃，最特別係醋醃制啲蘿蔔，酸甜脆口好惹味。焦糖蘋果玉桂疏乎厘，好有節日氣氛嘅甜品。疏乎厘口感輕盈如雲入口即化，焦糖蘋果帶住玉桂嘅香氣甜而不膩，同疏乎厘嘅空氣感形成美妙對比。面頭焦糖微微脆口，入面濕潤鬆軟，每一啖都系幸福，玉桂同蘋果呢個經典配搭永遠唔會令人失望。…查看更多

今日返紅磡買嘢，睇到開咗內地網紅沙縣小吃，咁一定要試試啦。店鋪好大，晚市竟然全滿，睇落大部分都係學生同埋附近街坊，好旺下。餐牌提供好多嘢食，平平地只要30-40幾HKD，真係好抵食。可樂，食辣嘢一定要飲返隻汽水，可樂甜度啱啱好汽夠足，同辣嘢好夾。土豆絲，土豆絲切得好細，醋香同辣油比例完美，食落口感爽脆，酸中帶微辣好開胃，作為前菜真係一流。口水雞，分量都幾多下，雞肉嫩滑雞皮爽彈唔肥膩。麻辣汁係靈魂調得恰到好處，花椒香而不嗆，辣油香醇好濃厚。花旗參竹絲雞湯，燉湯落足料煲制，火候十足。一啖飲落參味回甘，完全冇苦澀。竹絲雞肉燉到離骨，湯色清潤見底。飲完成個身暖笠笠，感覺成個人都滋潤曬。酸辣汁拌餃，餃子皮薄餡靚，豬肉韭菜餡鮮味多汁。自家調嘅酸辣汁好出色，陳醋同辣椒油完美融合，酸得醒胃，辣得溫和。酸辣粉，分量超級大，配料仲要滿瀉TIM。除咗普通芽菜，榨菜等配料，還配有紅腸同腐竹。紅薯粉Q彈有嚼勁，掛汁能力一流。湯底酸辣平衡，肉碎同花生炸得香口。榨菜粒增加口感層次，嗦粉連湯一齊食特別滿足。…查看更多

今日行過煙廠街，睇到仁安大廈開咗間新鋪頭，咁試試。鋪頭以原木色為主，裝修得好溫馨。晚上提供數款臺灣嘢食，部分仲可以用優惠價加配飲品，好抵食。熱黑糖桂花，套餐加配，一攞到手就聞到淡淡桂花香。飲落去甜度啱啱好，黑糖味濃但唔會膩，仲有少少桂花瓣係裡面，冬天飲一流。凍冬瓜茶，哩間餐廳飲品都係自家制，凍冬瓜茶冰鎮之後更加清爽，飲落去甜度適中，仲有淡淡冬瓜香。煙熏去骨鳳爪，鳳爪去咗骨好方便食用。整體味道以鹹香為主，不過煙熏味都幾出，食落彈牙爽口，小食黎講唔錯。黑布臺灣腸（2條），香腸都好大一條。香腸煎得外皮微脆，入面肉汁保留得幾好。味道偏甜，係典型臺灣腸風格。香腸簡單煎熟已經好夠味，唔使額外點醬。麻辣鬼椒雞腿芝士蛋吐司，呢份吐司餡料好豐富，吐司烘得脆口，雞腿肉嫩滑，芝士同蛋增加咗口感。最特別係加咗鬼椒調味，食落各種味道融合一起好特別。秘制紅燒牛肉麵，湯底幾濃郁，飲得出係用心製作，鮮甜得來又帶少少藥膳味道。牛肉炆得軟淋，入味又唔韌。麵條彈牙，掛湯能力唔錯，全部食完好飽TIM。手工鮮奶蕨餅（黃豆粉配抹茶醬），手工鮮奶蕨餅口感軟糯，帶少少奶味清香。黃豆粉灑喺面，增加咗香味，抹茶醬甜中帶少少苦，平衡得幾好。最特別係搭配咗抹茶碎，瞬間口感好豐富。…查看更多

近日天氣凍凍地，好想食D熱笠笠嘢，哩間餐廳睇落唔錯，咁試試。餐廳裝修得好韓風，晚市近7成滿，都有唔少韓國客人，好有保證TIM。梨子果汁，梨子味幾突出，味道清甜自然，唔會好甜。飲落順喉，好滋潤，尤其食完濃味嘢之後飲一啖，感覺好舒服。可樂，食燒烤一定要叫隻汽水，可樂汽夠足，飲落幾解渴，同烤肉好夾。韓式前菜，一坐低會送上數款韓式前菜，泡菜辣度唔會太勁帶少少酸味，豆芽爽脆調味清淡，茄子煮得軟嫩，嗦曬啲醬汁幾惹味。豬肋骨，哩間餐廳燒烤盤幾得意，係隻烏龜。燒烤唔洗自己動手，全程有侍應幫手燒。侍應首先會倒落D芽菜，金菇等雜菜去燒制，之後再加入豬肋骨。豬肋骨預先用韓式醬汁醃制，聞落有陣甜滋滋嘅燒烤香味。食落豬肋骨肉質軟嫩唔UN，唔洗點醬已經好夠味。燒烤會搭配埋韓式大醬，蒜片，辣椒同生菜。用生菜包埋豬肋骨，再加埋泡菜同蒜片，美味翻倍，食到停唔落口。牛肉火鍋，呢個牛肉火鍋幾大煲，兩個人食絕對夠飽。湯底係用咗高湯做基調，味道幾清甜，再落入大量胡椒粉，用嚟襯托食材幾適合。火鍋配料真係勁豐富，牛肉片脂肪同肉比例適中，淥熟之後好嫩滑，唔會太韌。韓式年糕煙韌，吸咗湯汁之後幾好味。豆腐幾滑，薯粉Q彈，韓式韭菜餃皮薄餡多，韭菜味香濃，再搭配埋大量新鮮蔬菜，洋蔥清甜，白菜爽脆，金菇彈牙，食落真係好飽。…查看更多

宜家天氣凍凍地，想食又辣又熱嘅米線，睇到哩間店鋪唔錯，咁試試。晚市好full，睇落似附近街坊，好旺。美利奶茶王，睇牆上介紹，老闆親自去學沖奶茶，每杯奶茶都特選幾種茶葉沖制而成，比得過茶餐廳奶茶質素。呢杯奶茶確實唔錯，茶味幾濃郁，飲落順滑冇澀口。奶同茶嘅比例啱啱好，唔會太甜。凍檸檬茶，套餐加配，檸檬落得夠多，飲落有果香同微酸，同紅茶底幾夾。食辣嘢，真係要飲番杯清爽凍檸茶才得。烤臺式小香腸，小香腸烤得幾香口，外皮有少少脆，咬落去有肉汁。味道系典型嘅臺式甜味，唔會太鹹，小食黎講唔錯。雲香園米線，揀咗酸辣湯底，哩碗米線配料勁豐富，有雞翼，冬菇，雞絲，魚春捲等。湯底絕對係靈魂，每日落足料煲制，仲要熬煮6個鐘。湯底酸辣度啱啱好，飲落幾開胃。幾款配料各有特色，雞翼鹵得幾淋，冬菇同雞絲軟嫩，酸菜爽口，蔬菜新鮮鮮甜，米線索咗湯之後更好食。熱拌米線，配料加咗墨魚丸同肥牛。熱拌米線同湯米線又係唔同風味，撈汁酸辣惹味，再落入香菜榨菜肉碎等配料，米線爽口醬香濃郁。肥牛份量都幾多下，入口牛味十足，墨魚丸彈牙爽口，全碗食曬真係好飽。…查看更多

每次想食生煎包，一定會揀哩間鋪頭，味道真係一絕。店鋪唔大，每到飯點都full曬，想食就要等下啦。自家制豆漿，豆漿係每日新鮮磨制，豆味香濃得嚟唔會太甜，口感順滑無比，完全冇渣，搭配佢嘅生煎包，簡直係絕配。鮮蝦濃湯生煎包，呢款鮮蝦濃湯生煎包，真係皮薄餡多，一咬落去，外皮煎得金黃香脆，入面嘅鮮蝦餡料新鮮鮮甜，仲有濃郁嘅蝦湯湧出嚟，好味。瀨尿蝦生煎包，用瀨尿蝦肉同鮮肉做為餡料，再落入皮凍增加爆汁效果。瀨尿蝦本身肉質爽嫩，加上生煎包嘅肉汁混合，味道層次豐富，完全冇腥味。如果配埋一碟鎮江香醋，更加提升鮮味，絕對系必點之選。糖醋炸排骨，排骨炸得火候啱啱好，外脆內軟，咬落去排骨爽口彈牙。糖醋汁調得恰到好處，甜中帶酸，唔會蓋過排骨本身嘅肉香。最難得系炸粉唔厚，食到系真材實料嘅排骨。雞湯小餛飩，湯底用老雞熬制，金黃清澈，飲一啖就知冇加味精，鮮甜到不得了。餛飩皮薄如紙，入面嘅豬肉餡嫩滑入味，每粒都包得均勻，一啖一粒啱啱好。蔥油拌面，蔥油用新鮮蔥段慢火炸，再落少少豬油增添風味。撈勻後，每一條面條都掛滿油香。麵條彈牙有嚼勁，蔥油香氣十足，食落唔會膩。…查看更多

今日得閒同FD飲一杯，FD一直飲開哩間，話質素好高，咁試試。餐廳裝修得好型格，不過就唔算太大，得室內同室外幾張台，如果唔想等位，一早book定位啦。Fresh Green，呢杯飲品真係好靚，整體以綠色為主，再點綴埋青瓜同薄荷。飲落蘋果果汁嘅甜味恰到好處，再加埋薑汁汽水微微辛辣，層次感十足。微微帶出青瓜同薄荷味道，真係夏日首選。Air Force Red，杯嘢顏色粉粉嫩嫩，草莓同荔枝嘅香甜完美融合，再加入蘋果同薑汁汽水調味，飲落氣泡感十足好清爽。香炸雞鎚，火候控制得好好，外皮炸得金黃酥脆，入面嘅雞肉嫩滑多汁。雞鎚已經預先醃制過，食落恰到好處，唔洗點醬已經好夠味。意式火腿芝士拼盤，呢個拼盤配料好豐富，有兩款火腿片，醃制青瓜，橄欖，芝士等。火腿片咸香適中，油脂分佈均勻，入口即化。芝士味道濃郁又唔會太搶，配埋旁邊嘅醃制青瓜同橄欖，鹹酸交錯，層次感爆棚，用來送酒或者作為前菜都一流。加拿大有骨豬鞍扒，豬扒勁大一件，比巴掌仲大。煎得火候啱啱好，外焦裡嫩，肉質鬆軟又有嚼勁，食落肉香十足又好juice。仲搭配埋焗薯同蒜蓉青菜，焗薯軟糯香甜，蒜蓉青菜清爽解膩，全部食曬真係好飽。…查看更多

今日行過哩間鋪頭，睇落去唔錯，好有深夜小食堂feel，咁試試。餐廳唔算大，得7-8張台。燒烤種類豐富，海鮮肉類蔬菜好多可以揀。可樂，食串燒點少得可樂，可樂夠曬冰凍，氣泡十足，飲落去解膩又清爽。蒜蓉粉絲燒大蟶子皇，燒得火候啱啱好，蟶子肉嫩滑多汁，完全唔老。蒜蓉同粉絲嘅搭配簡直絕配，蒜香濃郁又唔會蓋過蟶子嘅鮮味。五花腩肉串，五花腩肉肥瘦均勻，燒到油脂半融，肥肉部分香而不膩，瘦肉嫩滑。再落咗少少孜然同辣椒粉，可以平衡咗豬肉油膩，又增添異域風味。娃娃菜，火候唔錯，娃娃菜保持爽脆口感，完全唔會過軟或過生。簡單用豉油同辣椒粉調味，娃娃菜食落更加鮮甜。燒免治雞肉棒, 免治雞肉棒燒得外脆內嫩，完全唔會乾柴。最驚喜系入面混咗啲雞軟骨，層次感爆棚。雞中翼，雞中翼燒得外皮脆得嚟帶啲甜味，咬落去肉質嫩滑，完全唔幹，調味簡單但夠曬經典。惹味臺灣腸, 臺灣腸肉質扎實又彈牙，調味帶啲甜香，好有臺灣風味。臺灣腸炭火燒過之後，表面微焦，香氣更加濃郁。牛肉串，牛肉串生熟度掌握得perfect，咬落去軟腍又多汁，完全唔會韌。炭火香氣滲入肉中，表面微焦，內裡粉嫩，突出牛肉原味。薄切牛舌，炭火逼出牛舌嘅油脂香，口感爽脆又帶啲彈牙。錫紙燒雜菇，雜菇種類豐富，金針菇、香菇、杏鮑菇樣樣有，口感層次十足。錫紙焗住燒，菇類嘅水分同鮮味完全鎖住，超級juicy。…查看更多

每次FD來香港玩，如果想試試香港點心，一定會推薦哩間龍點心。店鋪不止裝修得好靚，仲把點心同創意玩得好好，每次FD食完都讚不絕口。冬陰功小籠包，呢款小籠包一籠四隻，皮薄得透晒光。一啖咬落去，酸辣嘅冬陰功湯即刻爆出，香茅同豬肉balance得好好，估唔到泰式同小籠包都好夾。金牌脆皮乳鴿王，乳鴿一切二，送上臺仲熱笠笠。乳鴿皮做到好脆似層紙，撕開鴿皮，裡面肉汁暴曬出來。食落鴿胸肉嫩滑唔柴，鴿皮薄如蟬翼，一隻完全唔夠喉。港原味2.0燒賣拼盤，用一個籠屜裝埋6只唔同味道嘅燒賣，啱曬每款都想試下啲FD。香辣雞軟骨燒賣香辣惹味，芫荽馬蹄燒賣爽口彈牙，最絕啲係蘇薑馬友鹹魚燒賣，入口真係好重鹹魚香味，估唔到燒賣都可以玩出更多花樣。三寶套餐，超級抵食嘅套餐組合，選擇仲好豐富。南北杏菜膽燉豬肺，燉湯清澈見底，飲落先系白菜膽嘅清甜，然後南北杏獨特嘅堅果幽香先至浮現。豬肺處理得極乾淨，咬落似海綿咁吸滿湯精華，無半點腥氣，飲完全身都暖咗。欖角醬蒸排骨，排骨揀咗一字排部位，肥瘦均勻，用欖角醬慢火蒸到排骨好入味。食落排骨肉質軟嫩，墊底嘅芋頭嗦曬肉汁同醬香，粉嫩軟糯。酸菜肉絲雞湯面，湯底用咗老火雞湯，再落入酸菜肉絲調味。飲落先系老火雞湯嘅醇厚，跟住酸菜嘅鹹酸慢慢滲出。麵條軟硬適中，掛湯力強，嗦一啖暖到入胃，令人食到停唔落口。宮廷桂花糕，個甜品好靚，晶瑩透亮好似玫瑰花。半透明嘅糕體睇到入面星星點點嘅金桂，未食已經聞到桂花蜜嘅清雅花香。入口清甜唔膩，玫瑰香濃又帶出淡淡金桂香味，超好食。抹茶豆腐布丁，又係一款創新甜品，日式抹茶撞中式豆腐竟然零違和。布丁質地幼滑入口即化，面頭抹茶入口甘醇同布丁好夾，作為收尾黎講好圓滿。…查看更多

好耐冇食韓式燒烤，睇到哩間餐廳幾抵食，咁試試。餐廳裝修得好韓風，晚市都提供套餐，最平288可以有埋烤肉同主食，唔錯。韓式前菜五款，一坐底就回送上五款韓式前菜，有辣白菜，涼拌菠菜等。其中醬醃魷魚爽口彈牙，辣白菜脆嫩得嚟唔會過鹹，酸蘿蔔清甜爽脆，全部都好好味。可樂同芬達，汽水搭配韓餐簡直一流，可樂氣足冰爽，芬達橙香突出，食濃味烤肉時飲一啖，瞬間沖刷油膩感。LA排骨，分量都幾大下，大大條排骨有3條。排骨用韓式辣醬醃制得超級入味，食落肉質彈牙又唔失嚼勁，啖啖肉香加咗少少甜辣風味，3件都唔夠食。醬醃薄切五花腩，五花腩片得厚薄均勻，已經預先用醬醃制。食落油脂香濃但完全唔膩。搭配新鮮生菜食更是一絕，菜葉清爽脆嫩，包裹住熱辣辣嘅五花腩，再加啲泡菜同醬汁，口感層次爆棚。辣牛肉湯，湯裡配料十足，有豆腐、蔬菜，牛肉，雞蛋等。湯底濃郁鮮辣，牛肉燉到極腍滑，一咬即化又保留肉香。成晚湯辣度溫和唔嗆喉，帶絲絲甜味同發酵豆香，用來拌飯食絕對一流。…查看更多

宜家麵屋神匠同4位超強動漫人物做緊聯動，帶來4款優惠活動, 來店打卡消費後有機會贏到雙人日本來回機票，有得食又有得玩真係好心動，快D來打卡。餐廳裝修得好和風，晚市好多嘢揀，仲提供數款套餐，唔錯。可樂同忌廉，套餐加配，飲落氣泡夠曬勁，同拉麵好夾。日式南蠻炸雞，雞肉炸到外皮金黃，內裡雞肉嫩滑juicy，完全唔乾柴。雞肉預先醃制過，唔洗點醬已經好夠味。再點埋日式沙律醬，味道層次好豐富。溏心蛋（1隻），溏心蛋流心效果完美，蛋白嫩滑唔實，滷得入味又唔咸，仲有淡淡酒香吊味。蛋黃金黃濃鬱，入口即化，一隻完全唔夠食。極上蟹白湯拉麵，拉麵湯底最重要，哩間鋪頭用足料煲制，湯底奶白濃稠，食落蝦味鮮味層次感爆棚。拉麵配料都好豐富，有蟹肉，叉燒，筍片等，蟹肉新鮮鮮甜，叉燒薄切入口即化。再搭配埋麵條，每一啖都食曬精華。神匠番茄蝦湯沾面，用咗大量蝦幹熬制湯底，再用番茄調味，湯底濃郁得來又帶出番茄香味。麵條似烏冬多D，比普通拉麵要粗少少。哩種麵條掛湯能力一流，蘸湯後每條都包滿濃汁，食落煙韌有咬口，唔錯。搭配嘅炙燒豚角炭香濃郁，筍乾脆甜爽口，全部食曬好飽TIM。…查看更多

每次行過哩間鋪頭，都係大排長龍，今日早少少收工，一定要試試。餐廳裝修得好型格，係工業風嗰款，唔夠7點已經基本full曬。熱柚子蜜，柚子蜜品質唔錯，柚子嘅清香同蜂蜜嘅甜度平衡得啱啱好，唔會太膩又唔會太澀，飲落去好清爽。粉紅青檸蘇打，呢杯嘢飲真係好靚，顏色粉嫩嫩，飲落去青檸嘅酸爽同蘇打水嘅氣泡感結合得好好，夠曬清爽。泰式YUM粟米蝦沙律，沙律嘅配料豐富，粟米爽甜，蝦肉彈牙，加埋洋蔥同泰式酸辣汁調味，食落好惹味。泰式手打蝦餅，蝦餅即叫即炸，送上來仲熱笠笠。蝦餅外皮炸到金黃酥脆，入面彈牙爽口。再點埋嗰款泰式甜辣醬，酸酸甜甜，同蝦餅嘅鮮味超夾。招牌燒牛肩胛肉，牛肩胛肉燒得啱啱好，大概燒到5成熟。表面微焦，肉質嫩滑多汁，牛味濃郁又帶住淡淡嘅炭燒香氣。如果系牛肉控，呢個招牌燒牛肩胛肉絕對唔可以錯過。泰式幹炒闊河（豬），呢碟泰式幹炒闊河真系鑊氣十足，河粉炒得夠幹身，唔會油膩，食落去香口又夠味。豬肉片嫩滑，加埋啲菜心，胡蘿蔔同蛋，口感豐富，全部食曬好飽TIM。…查看更多

FD來香港旅遊，想試下香港茶餐廳，哩間餐廳好就腳，咁試試。餐廳裝修得唔錯，原來仲有2樓，晚市都可以安排卡位，坐得好闊落。凍奶茶同凍檸茶，都係跟餐搭配，凍奶茶茶底濃鬱唔會太澀，奶香同茶味平衡得啱啱好。凍檸茶茶底清香，檸檬新鮮，飲落去好清爽，又帶出淡淡嘅果香。中湯同西湯，中湯湯底清甜，火候十足，飲得出係用心熬製，冇味精，飲完唔會口渴。西湯，今日係羅宋湯，湯底口感細滑，飲落去酸甜清爽，層次豐富。秘制肉骨茶配白飯，排骨煮得啱啱好，肉質軟嫩，一咬就脫骨，仲吸滿咗湯汁嘅精華，超級入味。湯底藥材味香濃，但唔會太苦，飲落去好順口，仲帶少少甜味，好滋補。XO醬茄子排骨煲，茄子煮得軟爛入味，吸曬XO醬嘅香辣精華，食落好惹味。排骨嫩滑，醬香味濃，同茄子嘅味道好夾。煲仔可以keep到溫度，食幾耐仲係熱嘅。荷葉金銀蒜鮮魷帶子籠仔飯，鮮魷同帶子都好新鮮，彈牙得嚟又唔會韌，蒜蓉嘅味道更加提升咗海鮮嘅鮮味。飯粒吸滿咗荷葉同蒜蓉嘅香味，口感軟糯，仲有少少焦香，好正。整體份量十足，食完之後好滿足。…查看更多

每次行過哩間茶餐廳，都睇到排長龍，今日收工早少少，有位即刻試試。餐廳裝修得好古香古色，好似入到港劇啲茶餐廳。Menu好多嘢揀，加少少錢仲可以包埋飲品，抵食。凍檸檬茶，套餐加配，茶底應該用咗錫蘭茶地，夠曬濃濃。飲品飲落唔會好甜， 茶底帶有回甘又有好重嘅檸檬香味。雜果賓治，傳統嘅港式飲品。飲品顏色繽紛，有數款唔同味道嘅啫喱，再搭配埋七喜，飲落酸甜清爽，氣泡濃郁。巴拿馬火腿凱撒沙律，巴拿馬火腿入口鹹香帶少少煙熏味，同新鮮爽脆嘅羅馬生菜好夾。沙律醬調得啱啱好，唔會太膩，仲灑滿咗芝士碎同麵包粒，增添口感。香煎沙朗肉燥飯，沙朗牛扒煎得啱啱好，肉質嫩滑唔韌。肉燥飯嘅肉燥肥瘦比例唔錯，醬汁鹹香味十足，用來撈飯一流。仲會搭配埋青瓜，酸菜同流心蛋，全部食曬TIM。招牌微辣肥牛拼鮮蝦，肥牛片薄切入口軟嫩，鮮蝦新鮮爽口彈牙。湯底似酸菜魚多D，微辣醬汁好惹味。配料仲搭配埋娃娃菜，娃娃菜吸曬啲汁好入味，食落更加清甜。…查看更多

睇OP介紹哩間餐廳嘅大廚好勁，話係迪拜皇宮廚師開店，咁試試。餐廳唔算好大，不過裝修得好溫馨。晚市坐到8成滿，睇落好多熟客同印度人，唔想排隊就提早book定位啦。印度小食，一坐低就送上一籃薄餅加薄荷醬，薄餅香辣脆口，點埋薄荷醬食到停唔落口。Iced Latte，揀咗偏苦果款咖啡豆，咖啡同奶比例balance得幾好，入口順滑得嚟又保留到咖啡嘅濃香。甜度啱啱好，飲落唔會好甜，仲有淡淡堅果同朱古力餘韻。烤雞（半隻），雞肉用印度醬料醃制得好入味，外皮烤到金黃香脆，帶住淡淡香料氣息。入面肉質嫩滑唔嚡口，點埋薄荷醬或者檸檬汁，味道層次更加豐富。搭配嘅沙律菜新鮮爽口，同烤雞好夾。大蒜奶油印度烤餅, 大蒜奶油烤餅送上枱仲熱辣辣。餅皮烤到微微焦脆，內裡軟熟有嚼勁，牛油同蒜蓉嘅組合香濃惹味，單食已經好正，點咖喱或者羊肉醬汁更加昇華味道。昌帕蘭肉，呢道北印度特色菜真係好特別。羊肉大大一件，燉到極致軟腍。蒜香同辣椒嘅辛鮮完美融入肉中，味道濃鬱得嚟唔會過鹹，用烤餅蘸埋啖濃稠醬汁，真係好好味。鍾意試地道風味嘅話，呢道菜必點。巧克力熔岩蛋糕，甜品即叫即整，外層蛋糕鬆軟，一切開濃郁嘅朱古力漿緩緩流出。朱古力味道醇厚唔會太甜，中間流心部分帶微微甘苦，平衡得恰到好處。配埋上面嘅曲奇雪糕，冷熱交融，為呢餐畫上完美句號。…查看更多