lovelomong的个人专页

工作咁辛苦，梗係要食返餐Fine dining開心吓就決定去尖沙咀The One 19樓Halan’s Bar and Restaurant我地叫咗佢嘅Tasting Menu，任選三道菜都係$788 /人，唔算貴而呢度環境當然就一流啦，對正維港靚景， 180度海景，仲有落地大玻璃，無論係室內定室外都可以欣賞到香港嘅一流夜景而室內就更加比人一種高貴同安靜嘅感覺，彷彿進入咗另一空間，非常舒服講返食物，前菜：1️⃣北海道帶子他他配火龍果脆片、紅石榴蓉呢款北海道帶子他他入口滑溜舒服，都算新鮮加上酸酸甜甜嘅火龍果脆片，泰國紅石榴醬調味食落就覺得更多層次，Fresh感倍增2️⃣日本帝王蟹蛋泡沫配24個月法國康帝芝士脆片及海膽呢款一聽個名就知係正嘢啦！佢係大廚嘅得獎作品，⁠食材靚料，用帝王蟹肉打做泡沫口感食落似金華火腿，鹹鮮十足海膽用咗北海道海膽，仲有魚子醬同24個月芝士脆片將脆片駁落去混合泡沫一齊食，好有層次，Creamy得嚟亦好有儀式感3️⃣煙燻海蜇蝦石榴巴馬火腿清湯蜆汁凍湯質地睇落薄身，但入口有好濃郁嘅煙燻金華火腿味，又估佢唔到喎！海蜇蝦彈牙，蜆有刻意炙燒過，處理食材上都見得出好有心機而⁠配埋九層塔同脆米令味道變得更豐富主菜：4️⃣西班牙八爪魚配意式薯仔麵團西班牙八爪魚燒得幾香，食落好有膠質，好軟熟，外皮仍然好焦脆，係好特別嘅texture加上自家醃醍魚脆，酸甜又開胃主食有意大利Gnocchi配上辣肉腸甜椒汁，甜甜辣辣咁，又飽肚又好食5️⃣黑松露北非小米配和牛牛舌及牛小排首先呢款嘅汁料都好抌本，係用咗鵝肝龍蝦汁同雞皮脆片嚟調味而和牛牛舌烤肉，慢煮炮製，煮得非常軟熟，而且好入味牛小排質比較有咬口，同樣好食到牛肉嘅濃香黑松露北非小米索晒啲牛汁，好juicy甜品：6️⃣香檸檬芝士蛋糕配酸柑、楓糖漿，糖漬檸檬皮，碧根果曲奇呢款芝士蛋糕就超級refreshing檸檬同酸柑嘅配搭好突出到嗰種酸香同時用咗貴價嘅碧根果，更能帶出烘焙嘅香氣，整體配搭好好，仲配咗個小小嘅雪葩令人十分滿足…查看更多

旅行結束返香港，把握放假嘅尾巴，黎北角三分熟鐵板燒。炭火料理，嘆番個味覺嚮宴先同老公午市黎到，一人嗌左個[媄]一人前，$5981️⃣先付一田園野菜沙律三色車厘茄柚子胡麻醬提升酸度，個醬汁真係勁香！2️⃣熱一水野茶碗蒸蟹肉魚翅茶碗蒸啖啖蟹肉鮮味，簡單海苔粉調出味道蛋味香濃，質感幼滑3️⃣荀一北海道帆立貝伴毛豆あん賣相吸引，香氣十足煎香外層，入面保留半生熟口感，火候恰到好處，入口即溶，好味👍🏻順帶要讚搭配的忌廉汁因為加左日本冬瓜莎莎，令帆立貝入口感覺更清爽4️⃣炭 一稻草鰹魚伴黑蒜油醋豆乳醬芝麻、香蔥、紫菜，黑醋味道滲入魚身，令魚味變得更突出油脂感重，留有餘香另外配搭豆乳醬，個人覺得食原味更好5️⃣辰一赤の匠板燒海虎蝦師傳將蝦切成三段，蝦身都幾厚身，好有口感，啖啖肉食得好滋味師傅好細心咁切開蝦頭，蝦頭膏混入蝦肉零舍濃郁💯虎蝦非常新鮮彈牙，地中海海鮮醬，好有層次既帶有濃烈香料味，又有檸檬嘅酸香，微微的辣，十分出色最後食埋海帶去油膩感6️⃣味一創味煎鮟鱇魚肝配焦糖蘋果鮟鱇魚肝煎到兩邊焦脆，食落味道似魚春或吞拿魚扒，肉質粉嫩，完全唔腥焦糖蘋果同埋山椒醬汁甜感皆重而且食完之後，口腔仲感覺到魚肝的漿口餘韻😆幾特別7️⃣主一蒜香薄燒和牛 & 京一野菜三品主食除咗牛肉之外仲可以選豚肉或地雞薄燒和牛我哋叫咗五成熟，剛剛好！配嘅黑松露黑醋醬真係超香口，蘸牛肉同蔬菜都好好食另外又有藤椒醬，增添中式嘅麻辣口感，鍾意食辣嘅朋友可以試吓燒野菜有日本南瓜、啡菇同翠玉瓜配埋茄子Mousse醬口感舒服8️⃣样一菊志炒飯鐵板燒炒飯炒到粒粒金香，伴有櫻花蝦嘅鹹香味，飽肚又好食附有紅酒蕎頭可以撈嚟食9️⃣吸物一高野吸物係暖肚又足料嘅味噌湯！🔟甘味一洋果子豆腐雪糕上仲有芋頭脆片口感多層次之餘為呢餐劃上完美句號…查看更多

嚟到半山區呢個咁靚咁Chill嘅地方，當然要搵啲特色嘢食吓啦行吓行吓就搵到呢間小小的印度餐廳，氣氛都幾唔錯好適合閒日下午嚟呢度慢食慢活，而且下午嘅嘢食都幾抵食啊！1️⃣Chicken Lunch Set (Butter Chicken) ($119)雞肉可選牛油或馬沙文咖喱，我哋選咗牛油雞，套餐先有一個前菜，係好原汁原味嘅洋蔥雜菜沙律，都幾新鮮另外又有一客炸雞小食，炸皮好香口，配上薄河酸辣醬就更加惹味！而牛油雞嘅醬汁濃稠得嚟又香口，食得出係用咗好多香料熬製，汁底唔辣，反而有陣甜甜嘅甘香，配上大大塊嘅雞件，真係幾滋味，隨餐可配飯或印度薄餅 (Naan)，我哋就叫咗蒜香薄餅，呢個真係要熱辣辣食，煎得好香，加上淡淡蒜香，配上咖喱認真無得輸跟餐送汔水，我哋就加配咗Masala Tea (+$20)，印度奶茶會多咗一股濃郁嘅香料味，我哋無落糖，就更飲到茶本身嘅濃香2️⃣Lamb Seekh Kebab ($158)另外，我哋又叫咗一客烤羊肉串，佢呢款羊肉串係將羊肉打碎製成，每啖都有好濃嘅羊肉味道，外皮亦烤到好香，配上炸雞嘅薄荷醬亦好好食伴碟嘅洋蔥加上檸檬汁，非常開胃3️⃣Peas Kebab ($98)我哋又叫咗一款炸物：係以扁豆為主嘅炸餅外皮炸得好脆，扁豆蓉加上類似薯仔嘅澱粉味道，令人十分滿足4️⃣Mango Daiquiri ($98)而餐廳最近做緊不同芒果美食，我哋就叫咗呢款芒果Cocktail呢款係用Mango puree, rum, lime, simple syrup, crushed Ice調製嘅，消暑一流Rum做基底，唔算太甜，而且有Mango & Lime混和嘅熱帶果汁香，都幾唔錯…查看更多

嚟到西灣河碼頭，梗係要搵間chill vibes嘅餐廳食飯就赫然見到呢間Salted Pig，覺得幾有氣氛，就一於試吓一坐低呢度啲Staff就好熱情咁招呼我哋，值得一讚1️⃣ BBQ Ribs ($288)到今日最期待嘅煮食豬肋骨，一上碟就覺得非常驚喜，因為豬肋骨嘅份量真係好多，粗略估計都足足有十支骨，而且真係好厚肉，呢款豬肋骨嘅肉唔係入口即溶嗰款，有啲咬口，加上好濃郁嘅美式BBQ醬風味，又飽肚又香口半碟嘅薯菜都份量十足，除咗有滿滿墊底嘅薯條之外，仲有好好食嘅沙律椰菜絲，我哋兩個人食到捧住個肚走！超級滿足！2️⃣ Prawn Salad ($168)呢款大蝦沙律有芒果、牛油果等配菜，加埋酸辣汁，味道十分過癮，沙律菜一啲都唔馬虎，有唔同種類嘅蔬菜，食落輕盈又健康，大蝦作為主角當然都好好食，蝦身十分滑溜，啖啖肉，非常滿足3️⃣ Salted Pig Tea ($88)•Sour Apple呢款飲品雖然叫做Tea，但其實係混合咗幾種唔同酒嘅Cocktail酒香濃郁，加上我哋叫咗酸蘋果口味，又再增添咗一啲清新嘅果香，用嚟伴菜真係一流！…查看更多

位於尖沙咀金巴利道盡頭的這間小店，為我們帶來正宗九州爐端燒體驗。食材新鮮，由九州及北海道地區直送。師傅同樣來自九州，以地道手法烹調，食物充滿驚喜， 同大家happy share 👼1️⃣ 前菜 築前煮 $48 配料豐富，包括冬菇、蓮藕、雞肉和蒟蒻等，每一口都吸滿鰹魚湯的精華，溫潤甜香，索汁入味，好令人滿足。 明太子薯仔沙律 $48 薯仔切片帶爽脆口感，配上鹹香明太子和帶點酸甜的椒麻油，味道清新開胃。雞肉丸大根煮 $68 雞肉丸手工細緻，辣汁提升香氣。煮得腍滑的大根吸收了湯汁的濃郁，是好舒服的一道菜。 辛子蓮根 $58 粉嫩的蓮藕夾着黃芥末餡。芥末超攻鼻， 辣到標眼水。香港人未必食得慣，但店員話係日本 人日常食法， 幾過癮 2️⃣ 海鮮 福岡志賀島蠑螺壺燒 $156/2 ($78@) 蠑螺新鮮現燒，肉質爽彈，鹹鮮味突出。 博多平和蒲燒季節性丸天魚餅 $98 魚餅充滿膠質，口感細膩。用七味粉蛋黃醬提升濃郁度，或者配上薑蓉蘿蔔蓉提鮮，兩種吃法各有特色。 3️⃣ 豬 万能蔥卷（月見酢汁） $128 北海道豚腩肉包裹蔥卷，豬肉肉汁充滿口腔，蔥香脆多汁，配搭完美。蘸上生雞蛋的日式醬汁更添濃郁，好治癒！ 4️⃣ 牛 宮崎和牛肚蜂巢炙燒 $198 呢味真係非常之特別！ 宮崎和牛肚真係第一次食。本身我唔係好食內臟， 但呢款又牛肚味得嚟一啲都唔臭。蜂巢外層烤得焦香脆口，內層柔韌富嚼勁，醬汁點綴更添風味，做到有嚼口而不韌。好有趣！5️⃣ 野菜 新瀉燒厚油豆腐卜 $78 燒厚油豆腐膨脹成千層外脆內嫩，配上薑泥或喼汁，酸味平衡得宜，好好食！ 高知土佐甘長唐辛子 $38 青椒燒到焦香，越吃辣味越滲出，細心品嘗之餘需要小心辣度喔～ 燒北海道薯仔 $55 只能夠話北海道薯仔嘅質感同味道都係世一，不能不嗌！！！ 薯仔以牛油調味，外層燒得香脆，甜味天然突出，令媽子誤以為自己食緊番薯。燒博多長茄子 $88 另一推介~茄子鮮嫩多汁，燒得剛剛好，盡顯師傅的功力。即使平時對茄子興趣不大，這款也令我喜出望外。 6️⃣ 飯團 明太子紫蘇燒飯團 $44 紫蘇的清香和明太子的鹹香交融，醬汁偏濃郁，會重口味啲。 瑪格麗塔燒飯團 $44 芝士配番茄乾的組合，是非常有趣的fusion飯團，味道獨特。 7️⃣ 甜品 和風雪糕批 $48 呢款唔同係傳說中嘅fusion菜？成片燒芝士即席炙燒，用料好慷慨；加上蕃茄乾，幾有趣嘅風味天神布甸 $48 布甸幼滑綿密，鍾意焦糖同雲呢拿籽淡淡嘅香氣，是幸福完食的代表。 8️⃣ 飲品 熱培茶／熱綠茶 $38 最後嗌返兩壺茶燒下滯，可以 請店員加上 refill。飲啖茶，嘆吓甜品9️⃣ 總結 嗌咗咁多道菜，連埋加一都只需$1,453，以正宗日本材料、專業師傅技術和居酒屋氛圍來講，性價比高！無論是地道味道還是用心烹調，每一道菜都散發着誠意，值得一試 …查看更多

老婆生日，梗係要大肆慶祝吓約咗佢去ICC頂樓食大餐，喺lift度已經好興奮入到餐廳見到個景真係嘩咗一聲個景靚到好唔真實，原來維港真係咁靚！而今日我哋嗌咗個Odyssee Experience Set Dinner ($980/ person)呢個價錢，呢個景都真係好抵一開始嘅餐包可以揀其中兩款配咗兩款牛油，一款係原味，另一款會有少少嘅辣肉腸味道，都幾特別，仲有一人一嚿嘅脆皮芝士粒，芝士味好香濃然後仲有餐前小食，左邊係莓味嘅蛋白餅，中間係牛肉他他，右手邊係芝士脆餅三款小食都睇得又好食正式到前菜，前菜係客Burrata芝士，有淡淡嘅芝士香加埋無花果肉同埋無花果嘅醬汁做調味甜甜酸酸咁，就更加開胃仲灑上一啲榛果，令味道更有層次榛果又甜甜地，同無花果醬都配合之後就有兩個湯第一款係法式洋蔥湯，侍應捧咗個虹吸壺過嚟煮滾啲湯，又幾有儀式感喎湯入邊有煮到腍晒嘅洋蔥，食落鬆化又濃郁加埋麵包脆脆同Bayonne Ham，成個配搭又幾好喎另外仲有一塊好香濃芝士味嘅脆片，味道好豐富另一款湯係Brittany 藍龍蝦湯（+$128）龍蝦肉好大塊，食落好新鮮有咬口，用咗啲洋蔥、芹菜做配菜，提升鮮甜度湯底係有用檸檬嚟調味，應該係想用酸味再吊出多啲龍蝦嘅鮮香跟住係我好期待嘅煎魚呢一條係馬友Threadfin，魚皮煎得好香脆，啲肉質都好滑嫩，其上有西蘭花同蜆做配料配上好鮮香嘅海鮮湯汁，就更加帶出魚肉嘅鮮甜嚟到主菜，先有一客海鮮飯Seafood Risotto，有蜆同八爪魚做配菜，飯底忌廉味道好濃郁，八爪魚煎得好香，啖啖肉，肉質厚嫩，非常好食另外加咗一客牛柳（+$180）就係US prime，牛味濃郁就不在話下煎得香嘅同時，又可以保持到啲肉質係非常軟腍，都幾考功夫如果有多啲配菜可以夾吓，可能會更好牛柳配有一客牛尾，煮到好腍加埋牛尾嘅汁水，食落係覺得好香濃又易入口，令人非常滿足最後，有一客疏乎厘甜品擺盤非常別緻，仲有張說明書教你點樣品嚐，好有心思疏乎厘同雪葩都係士多啤梨口味，疏乎厘熱辣辣，配上雪葩有種冰火交融嘅感覺，啱晒鍾意食甜嘢嘅朋友最後仲有幾款主廚預備嘅甜品作結，真係好滿足呀🤗…查看更多

今日入完坪洲玩，出返嚟中環嚟到呢間素食界天花板TreeHouse，食個豐富健康晚餐TreeHouse提倡純素飲食，同埋低碳可持續飲食文化，非常值得支持。雖然係素食店，但餐牌同食物種類嘅款式、質素同味道都出名有保證，難怪佢咁多捧場客餐單有成36款配料、9個自選醬汁😱問一問AI，總共有58,905個組合～云云選擇當中，我哋嗌咗：Willow柳樹沙律碗 $88超級特別，滿滿嘅中東風情，亦唔係一般素食店做到😍包含炸鷹嘴豆波波、烤香蒜鷹嘴豆蓉、香烤甜椒、酸瓜同埋中東芝麻醬。每款食材獨立黎講都好好食，配埋一齊簡直係一流的風味🤩佢仲可以揀half-half，即係一半沙律菜，一半係四重混合穀物碗，即係糙米+紅米+三色藜麥+小米。沙律菜超新鮮，有大量羽衣甘藍。糙米組合嘅米香係歐陸expectation嘅好味，唔應該錯過😂揀一半一半真係剛剛好👍🏻另一個就嗌咗素漢堡，店員推介最受歡迎嘅係呢款：Forest森林漢堡 $118除左配搭漢堡必食組合生菜、蕃茄片、紫洋蔥，仲有香烤甜椒同埋茄子沾醬。素漢堡扒超級特別，係烤蘑菇紅菜頭，Juicy、新鮮得黎，視覺上都好似食緊牛肉咁。而最令人驚艷嘅，係佢個茄子沾醬，讓漢堡帶有更濃郁嘅煙燻香氣，而且令醬料質感更加濃郁😍終於明點解係熱門之選！我哋仲升級咗2個套餐（加$50），一個揀咗炸番薯條&雜菜沙律 + 飲品炸番薯條超大兜，好似啪左成個紫薯入口咁。純素香蒜奶油醬同佢真係絕配😋值得嗌嚟試吓另一個係是日例湯加飲品（+$50) 今日例湯係椰菜花湯，都好大兜， Creamy，椰菜花味都好突出，上面仲有兩塊酸種薄餅脆片，少少辣粉調味，同個湯好夾兩款Combo份量咁多只係加$50 ，如果有人一齊share食，都係必叫之選飲品：香茅薄荷檸檬汁檸檬味好出，蔗糖甜味天然，酸酸甜甜好開胃最後所有嘢飲嘢食到太高質，飽都想食晒佢。素食都可以做到咁多花款、咁特別、咁高質，而且所有食材都係自家製，用心製作💯I can do it all day🫶🏻…查看更多

今日嚟到紅磡區內名氣小店：日嚐慢煮生活，食個精緻的日式家常便飯餐。知道呢間都係人氣小店，店內設最低消費每位一個套餐。所有主菜同小碟都可以隨意配搭同價錢選購，啱晒我呢啲有選擇困難症嘅人。慢煮美國封門柳（限量發售）配柚子赤味噌  $118一直好鍾意食封門柳，牛肉味好濃郁，呢個價錢有咁多塊牛肉，實在值回票價用慢煮手法去烹調，牛肉軟腍適中，十分推介加上赤味噌嘅鹹味，更能吊出食材嘅鮮香稻庭烏冬（藥膳濃湯）烏冬份量都足夠，我哋非常鍾意佢嘅藥膳湯底感覺健康之餘，又有風味青蘋果紫薯球 大大個紫薯球睇落都好吸引紫薯好幼滑，加上一塊塊嘅青蘋果口感更有層次日式大根大根好入味，配烏冬一流慢煮黑毛豬配肉桂蘋果蓉 $98呢款黑毛豬份量都真係幾多慢煮豬扒粉嫩保有唔少肉汁食得出係幾靚嘅豬扒我覺得配埋蘋果蓉嘅香甜會更好食越光米飯醬油蛋 $8本身越光米已經係粒粒分明，格外香口加上醬油蛋就更加之不得了醬油嘅鹹香加上無盡嘅蛋汁真係超正酸忌廉煙肉薯仔沙律（內含蔥＆生洋蔥） $8呢款沙律都好有心思，勁足料又有酸忌廉，又有洋蔥等等開胃之餘，口感亦好豐富話梅漬番茄 $3蕃茄好香甜，加埋話梅漬更能帶出酸甜香味醒胃好食，加幾蚊有得食實在太抵零系可樂 $6食咗咁多嘢，梗係要飲罐可樂gur gur 佢黃金菠菜 $8食啲菜落肚更滿足呢款撈埋蛋一齊食都幾特別…查看更多

嚟到中環，想品嚐吓異國風情，就上樓嚟咗呢間黎巴嫩餐廳一試餐牌好多選擇，最近仲做緊個餐廳節優惠，都幾抵食1️⃣Hummus with Lamb食中東菜一定要食鷹嘴豆泥，調味偏重，加埋包去食就啱啱好豆泥撈咗橄欖油同香料，其上嘅羊肉煎得好香，配上鷹嘴豆同松子仁，非常惹味！豆泥份量都好充足，認真抵食2️⃣Falafel法拉費呢款特色小食即係油炸鷹嘴豆餅豆餅上面鋪滿芝麻煎得外脆內軟，餡料方面仲加咗好多香料同雜菜，非常香口而配備嘅芝麻醬味道唔會太重，更能吊出芝麻嘅香氣3️⃣Halloumi and Figs哈羅米芝士一直係我哋嘅最愛本身芝士有淡淡嘅鹹香，加上脆皮酒更增添口感而無花果醬嘅酸甜就更加同芝士嘅鹹香配搭得天衣無縫，調味好好4️⃣Mix Grill Meat (Small)呢款綜合烤肉一上盤已十分驚艷，真係去咗中東食緊嘅皇室饗宴咁烤肉共有兩支羊架、兩條羊肉棒、四塊牛肉同四塊雞肉我哋好鍾意中東菜嘅烤羊肉，無論羊架定羊肉棒都好好食羊架嘅肉烤得剛好，粉嫩嘅肉身加上濃重嘅香料調味，十分出色5️⃣Smoothie (Mix berries)Smoothie本身有乳酪、牛奶同蜜糖，甜感充足，加上雜莓嘅鮮香，飲落好refreshing！…查看更多

都市人生活忙碌，如果可以忙裏偷閑都幾好適逢假日經過紅磡，就試吓呢一間茶閒裡嘆吓茶呢度係用中式木系裝修，一入到舖頭已經覺得舒服，好適合嗌一壺茶慢慢品嚐我哋就嗌咗兩客午餐試吓新品：拌麵 - 碧絲朱櫻拌烏冬套餐 $85呢款烏冬食材豐富，大大碗一上枱就令人覺得食指大動烏冬有咬口，又有唔少蝦肉提升鮮味而家上青瓜絲、蘿蔔等等，又令整個菜式更加輕盈清新，十分適合追求飲食健康嘅朋友烏冬本身配上甜甜酸酸嘅蛋黃沙律醬，令整個烏冬更加之開胃好食呢款烏冬配上汁燒雞腿肉，雞腿肉易入口加埋醬汁就定味道又豐富又更有層次［跟餐］顏如玉- 養顏茶（熱）+$20養顏茶有好香嘅玫瑰茶葉味飲落十分滋補鰻魚菜飯套餐 $95呢款鰻魚菜飯幾有驚喜，本身菜飯已經比較健康，冇咁Heavy加上有原條鰻魚，醬汁充足，非常好食鰻魚肉質較為厚實，啖啖肉，非常正！隨餐配沙律，有菜有果肉， 十分開胃健康［跟餐］絕色（冰） $25糯香普洱鮮奶茶普洱味道唔算太濃，奶香沁人脾胃加上淡淡糯米香，滿滿芳甜甘香…查看更多

難得今日放半晝，想過一個悠閒下午。特登過海嚟大坑做吓文青~行到蓮花宮見到呢間Ask for Alonzo 意大利餐廳😀Tasting Menu $288一位，有齊Starter，Main，Desert同餐飲，都幾抵玩附送餐包：就算餐包都幾有心機，有堅果同果乾兩款口味。餐包軟嫩微溫，可以醮自家製黑松露醬前菜一：白酒炒蜆 （+$48）炒蜆配咗白酒高湯，同埋意大利香草包。個湯加咗檸檬同辣椒，好香，蒜味重，好開胃😊香草包都好香脆，索埋嗰個汁一流前菜二：羅馬肉丸（ + $38 ）總共有三粒，面頭淋上蕃茄醬同巴馬臣芝士，幾有風味主食一：意式烤乳豬 （ + $58 ）上碟好靚仔，烤得好香脆；豬肉嘅底味調得好好，而且肥瘦均勻，充滿豬油香。值得一讚蘑菇醬好濃郁，酒味出眾。連墊底嘅薯蓉都加左香蔥，增加層次😍成碟餸做得好有心機，推薦！主食二：大蝦蘆荀意大利燉飯（ + $28 ）呢個主菜又係幾有驚喜😳！以為只係簡單醬料調味，點知個龍蝦忌廉醬Creamy得黎，入面仲加咗辣汁，提鮮之餘超級惹味！意大利飯煮法好正宗，放心仲有少少硬淨，好有口感。辣汁提鮮之後，隻蝦食落都份外香口彈牙。配料蕃茄、蘆筍進一步提升每啖的質感，有啲料到💯😂甜品一：招牌提拉米蘇Tiramisu芝士味香濃，濕潤，充滿走向，手指餅索滿咖啡汁液🥰啖啖食唔停甜品二：芝士蛋糕質感較鬆軟，芝士味唔算太濃，作為餐後甜品幾合適，配士多啤梨醬，感覺輕盈又滋味實在太開心😆另外加咗兩杯餐飲！Campari Spritz ($88) Spritz帶有清香嘅橘味，用利口酒做基底，唔會太甜☺感覺番返去當年威尼斯度蜜月海邊談心嘅時候🍹Latte ($38)咖啡都唔錯，估唔到佢仲有個小拉花。下午茶嘆返杯啡都幾Chill！整理成餐飯都好有驚喜，係幾正宗的意大利餐廳👍🏻我同老公都覺得好滿意，推介俾大家…查看更多

呢間泰國餐廳喺鬧市中心，位置方便裝修好企理，而且冷氣好足夠，最啱天時暑熱嘅時候過嚟泰式炸蝦餅 $68我哋先叫咗一客蝦餅，炸得金黃鬆脆而且蝦肉部份都好飽滿每食一舊都覺得好滿足通菜炒泰式脆腩肉$98鍾意呢款脆腩肉係炒菜，感覺會冇咁膩而脆腩肉炸得好香口，切得細細舊，食落非常過癮，辣辣地嘅泰式香料亦都好惹味香葉肉碎煎蛋飯（牛）小辣$88叫咗小辣，已經足夠惹味牛肉碎用咗唔同嘅香葉去炒，好有泰式風味！而流心煎蛋鋪喺飯上面，賣相已經100分，蛋汁撈埋落啲飯度更加美味Happy Thai 排骨船麵 配金邊粉 $88呢個賣相真係好浮誇！第一次見要用個架嚟撐住嘅船麵船麵湯底極濃郁，有啲似肉骨茶嘅湯汁排骨份量都多，亦都炆得好腍，金邊粉吸收晒啲肉汁精華，格外好食而麵上亦有好多配料，味道層次更加豐富泰式奶茶 少冰、少甜 $28嚟泰式餐廳當然要飲一杯泰式奶茶叫咗少甜少冰，甜度適中，解暑一流椰青 $38另外又點少得椰青呢？大大個椰青鮮甜多汁，即刻好似去咗泰國咁…查看更多

好耐之前嚟過新蒲崗廣場2樓嘅好運燒烤，印象中平價得來環境幾好，今日二訪食吓平價泰國菜。呢度喺2樓自成一角，除咗擺滿泰國布飾幾有泰國風情之外，細心留意吓啲Figure擺設都好得意😂唔起眼但幾好坐，同Fd嗌啲串燒小酌聚下一流白鱔串 $24幾好食同抵食，食到燒得香脆嘅魚皮，都算鮮香雞全翼 $20 雞肉燒得仲好滑亂，火候唔錯，肉質Juicy，推介泰式燒牛肉 $78 估唔到牛嘅份量真係咁多！成塊薄牛扒香煎😆做到焦香效果，個人鍾意牛肉串燒嘅質地多啲泰式叉燒（例牌） $88叉燒已經切好一嚿嚿，份量都幾多，有成24舊咁多，好抵食。味道上，叉燒用蜜汁調味，有啲似中式，再加少少酸汁提鮮；另外胡椒味會偏重，調味相對冇中式咁濃郁泰式串燒飯 $68 已配太陽蛋，豬、牛、雞串燒各一串。賣相唔錯，個人而言最鍾意雞肉串燒，肉汁相對彈牙泰式奶綠 $20食濃味的泰國野，當然要配返一杯經典嘅泰式奶綠爽吓啦😌…查看更多

去到沙田新城市就食吓呢間一早排曬長龍嘅肉肉大米簡直係「食肉獸」嘅天堂！我哋叫咗一客1️⃣三件漢堡扒套餐（原味一件+芝士兩件）($140)呢度所有漢堡都有專人即時煎比你，本身塊扒已有六至八成熟塊鐵板就喺你面前，可以按自己嘅喜好調整熟成度而且仲有無限西蘭花任添，侍應都好細心成日問我我哋使唔使再加！每個套餐都有一碗湯同一碗飯，都係可以再加嘅，個湯真係有啲蜆仔喺入邊，都幾足料㗎！而呢度嘅漢堡扒當然係牛味十足，而且煎到好香，真係外脆內軟芝士漢堡就更加邪惡，侍應會喺車打芝士上在即時磨多啲芝士碎真係又睇得又食得！2️⃣三件漢堡扒套餐（青咖喱一件（微辣）+原味兩件）($125)另外一款套餐，就試咗佢哋新嘅青咖喱，我都係第一次試用青咖喱煮漢堡扒，個配搭都幾得意，雖然係微辣，但係我覺得都可以接受，青咖喱有啲甜甜地又澀澀哋嘅香味，加埋唔少嘅香草都幾好食，漢堡扒上仲配咗一塊菠蘿，食落就格外清新成個套餐真係食到非常飽啊，好抵食！…查看更多

喺巧明街嘅呢一間人氣餐廳聽人食得多，今次終於有機會去試吓一到去又真係別有洞天，地方好大，裝修都好有感覺，好適合一班人嚟食飯傾偈【新品】和風蜜糖柚子醋大蝦西柚海帶芽沙律 $98呢款沙律真係幾抵食，首先有超多嘅大蝦，Size都好足，而蜜糖柚子醋維沙律菜添上更多嘅酸香，食落十分新鮮美味而佢啲配料都好特別，又平時唔係咁常見嘅海帶芽，又有西柚增添風味，成個沙律非常開胃美國1855 安格斯肉眼 $2985成熟呢度嘅牛扒真係招牌菜，首先牛扒放喺蠟燭鐵架上，保持溫度之餘又有氣派而我哋都好鍾意佢呢塊肉眼扒，肥瘦十分均勻就算係牛扒邊都唔會覺得韌，見進工架肉眼扒配有蘑菇汁或薄荷芥辣醬，蘑菇汁會更接近經典口味，薄荷醬就俾人一種更清新惹味嘅感覺【新品】日式焗三文魚配古斯米 $218呢款三文魚真係大推，因為係焗三文魚嘅關係，好保持到肉質嘅鮮嫩，同時間魚香淡淡滲出，真係令人食指大動而日式煮法會加入燒酒、味醂等等，就更加有特色魚底有古斯米墊住，好香嘅穀物味道，又吸晒啲魚汁，令人食唔停口【新品】玄米茶忌廉配愛媛縣柚子啫喱＆新鮮蓮霧梳乎厘班戟 $128 (+$18) Häagen-Dazs Chocolate最後甜品都叫咗一款梳乎厘，呢間餐廳就係做甜品起家，所以都十分有信心梳乎厘有兩大塊，真係整得好好，口感可以用綿密嚟形容，加埋玄米茶忌廉醬，入口舒服又香甜，真係好正！半碟嘅柚子啫喱同埋新鮮蓮霧都好有特色，啫喱嘅味道會略酸咗啲，但加埋蓮霧同梳乎厘一齊食就啱啱好更加誇張嘅就係跟甜品加$18就可以食到一個Häagen-Dazs雪糕，我哋就揀咗最鍾意食嘅朱古力味，真係冇得輸雜莓乳酪碎冰 $48最後就嗌咗一杯碎冰，雜莓嘅味道好香加埋乳酪，又飽肚又好飲唔怪得在場個個都有嗌！而且呢一個價錢有咁大杯真係好抵！…查看更多