Hiuyanovo的個人專頁

好耐都未食過一啲咁有誠意嘅餐廳，無論係味道、態度、服務，我覺得都係非常之優秀，尤其係個價錢更加係非常之親民。本身以為佢淨係食麵嘅，點知佢個餐牌上面好多都係推介有蛋嘅飯，就叫咗一個豬頸肉飯，啲豬頸肉有冇誠意真係一食就知，肥瘦係有晒分布，唔會話乾柴柴咁樣，個蛋就唔使講啦係日本靚蛋，佢追加嘅小食或者飲品都係可以無限追加，我今次點嘅就全部都覺得好好食！強烈推介！今次路過揀呢間餐廳真係非常之驚喜，雖然我唔係住呢度附近，但係我覺得特登嚟食都絕對係抵…查看更多

成間舖頭得個男經理定店長係服務態度好好，當初都係覺得呢間舖頭嘅服務態度幾好所以先一直吸引我去食，但係其他員工嘅服務態度完全同佢舖頭嘅價錢唔成正比，茶餐廳咁嘅服務，有啲甚至更差，以前同店長反映過，但唔覺得有改善，都係留返俾鍾意茶餐廳服務嘅人食啦…查看更多

落單次次都錯，堂食都算可以即時叫佢做返好，外賣真係返到屋企次次都錯，又黑口黑面，真係好多時已經唔係要求你有啲咩禮貌，基本待客嘅態度都要有啩？呢啲仗着自己做得耐做所謂街坊生意就可以Hea做👍…查看更多

由細個成日食，到而家唔係約咗人對方話想食都唔會去，本身唔去係因為態度差，啲阿姐成日以為自己做得耐，同佢講完落單可以一句聲都唔出，唔知佢落咗單未，特別係成日以為自己可以話晒事嗰個阿姐，唔講以為佢係老闆娘，真係得佢老細喺度嘅時候佢個出品先會好㗎咋，如果佢個老闆又唔係間舖呢就全部都係亂嚟，其他人都唔係好好多，10次落單八次都錯，外賣係次次都錯，錯咗一句唔好意思都冇，淨係係咁話唔關佢事話佢自己係寫啱嘅係廚房錯，作為客人我理得你邊個錯啊，錯就錯㗎啦，其中一個阿姐仲好鍾意屈返人哋轉頭係話個客嗌錯，有一次嗌嘢飲佢落錯單，我明知佢容易落錯單，我仲強調咗兩次我係飲乜嘢啦最後都係嚟錯，然後個阿姐想屈我係我嗌錯啦，之後我企硬我死都唔會要嗰杯嘢同埋堅持係冇嗌錯，跟住喺度講埋啲晦氣說話咩唉咁我飲埋佢啦，真係好癲到最近有次真係迫於無奈要食嘅時候發覺真係難食咗好多啲嘢又縮晒水，真係抵你兩個鋪位變返一個鋪位…查看更多

一入座想叫野食，完全無人過來，要直接大嗌野食比企收銀既員工聽，前題係店面只得兩三枱客人，當時員工亦有兩、三位，完全唔係繁忙時間。後來食完又快速收起碗碟抹枱，做法完全係暗示你食完好走啦，同樣前題係店面仲有幾枱空枱。簡直係愈做愈差！…查看更多

食物質素一般，種類不算多，尤其某些員工態度特別有問題！原本叫一牛一豬組合，最初只來了豬肉，詢問員工下話等多陣就有，結果豬肉食完，牛肉都未出現過，最後我問左兩個員工再等一等先有，結果佢比左總共6碟豬牛，反問點解咁多，佢好差態度話你追多左囉！…查看更多