nananaangela的個人專頁

平時自己都有食開呢間嘅手撕雞，但佢哋最近出咗個新Menu 梗係要食吓啦麻辣滑雞米線 $68 雖然餐牌冇話可以選辣度，但係店員非常細心會問我哋大概食咩辣去調整！小編叫咗少少辣上枱成本米線仲出緊煙熱辣辣。雖然湯底望落去好辣但係食落大概譚仔食五小辣嘅人都應付到。麻辣嘅麻對小編嚟講亦都可以接受會食到微微冒汗，但係唔會辣到嘴唇都腫，湯頭都有微微質感，食雞都會有少少掛汁！雞份量應該都大概有10嚿算係幾多！非常推介！腐竹豬肚鮮香雞鍋米粉 $75腐竹口感好滑，吸收咗鮮雞湯底嘅香，雞肉嘅份量都幾多，而且豬肚好爽口 點咗米粉 將米粉加落去個煲度食 食完之後暖笠笠 啱晒依家凍凍地…查看更多

黑松露忌廉闊條麵配帶子 $158如果你係好鍾意食黑松露嘅話，好強烈建議你一定要食，闊條麵好均勻地沾滿黑松露忌廉醬，帶子煎香，仲食到帶子本身嘅甜味 食飽超滿足 法式紅酒燴牛面頰闊蛋麵$188一上碟牛面頰肉鋪滿晒成碟！超級多肉，亦都聞到微微嘅酒香！闊蛋麵質感比想像中粗糙，掛汁能力大好！！紅酒汁微微嘅酒香配搭濃郁嘅牛肉味非常開胃！牛肉軟腍基本上唔使點咬就可以吞落肚牛面頰肉入邊亦有少少類似牛筋嘅位置食落去會有少少咬口，豐富嘅膠原蛋白！精選韓國生蠔 半打$128是日精選係韓國蠔，呢度嘅是日精選生蠔不嬲都非常有性價比。今次嘅蠔口感味道同日之花有少少類似，海水味較重，大小中等口感幾爽！非常推薦是日餐湯 南瓜湯煙三文魚沙律🥗黑糖麵包- 暖暖哋表面微脆，加啲cream 好有層次芝士奶蓋蜜桃烏龍茶 跟餐配$22芝士奶蓋口感順滑帶點鹹香，同烏龍茶好夾…查看更多

#費事諗系列 揀咗2人套餐🤣兩至三人套餐A $198烤牛肉紫菜飯卷將烤牛肉、蛋皮、小黃瓜、青瓜絲🥒、紅蘿蔔、醃蘿蔔等嘅配料做簡單調味，再用紫菜捲起來。飯捲多種配料，口感豐富人蔘雞湯半隻以人參、雞肉為主要食材，搭配紅棗、薑片、枸杞、糯米等配料，經長時間燉煮而成嘅湯品燉到連啲雞骨都可以咬得碎😍加埋白飯溝落去，白飯吸收晒湯汁，暖胃又養生甜辣無骨炸雞炸雞同樣有驚喜 外帶大概15分鐘後食依然保持脆度，炸皮厚度適中唔算太厚，但係口感幾好，甜辣醬味道平衡唔會過甜，辣味又幾突出！同埋份量都幾多新鮮辣泡菜，每日醃製爽口啲原味辣泡菜，味道酸啲另外再買咗醃牛蒡$40口感爽脆…查看更多

朋友介紹話森禾佢哋嘅泡飯好出色，早前咁啱去元朗所以就食蠔仔肉碎泡飯 $50呢碗係由蠔仔、肉碎、飯同大地魚湯熬煮而成，風味鮮甜、香， 暖胃 又暖身重點係啲蠔仔清洗得好乾淨，數量又夠多，又大隻，配以芫荽，食落好香呢個泡飯好啱減肥人士食用，同時又可以補充豐富嘅蛋白質呢個價錢喺元朗食到咁高質嘅泡飯真係好抵食胡椒味菜豬肚雞湯飯 $80基本上秋天冬天就一定要食呢個，呢間第一次試味道都幾驚喜！佢嘅胡椒味唔算好重唔會太辣。湯亦都有非常多薑絲！所以亦非常驅寒！而佢湯頭雞湯嘅甜味非常突出！而且仲食到微微嘅酸菜味，味道層次相當豐富。雞件份量不少，而且肉質嫩滑好食！撈飯食非常飽肚滿足。…查看更多

玲瓏浮凸花膠雞湯鍋（半隻） $328呢個基本上係店舖嘅招牌湯底，雞滑湯甜。湯底嚟到一滾起即刻飲返碗暖身又開胃！雞基本上差唔多熟，水滾大概等2分鐘就可以食！大滾友牛肉拼盤（細） $428如果唔想諗食咩肉好叫呢個雜錦拼盤都冇死，份量適合二至三人食，小編兩個人都差啲食唔晒！小編特別鍾意佢嘅金錢𦟌，因為好少地方會食到牛肉味濃，而且非常有咬口！手打蟹子鮮蝦丸 四粒 $72 呢個鮮蝦丸真係非常推介，超級足料，蝦同蝦滑都超級實淨彈牙加埋少少蟹籽多咗層口感！好似食緊加強版蝦餃咁！大滾友餃子拼盤（八粒） $138有以下四款丸1.櫻花蝦豬肉丸：豬肉鮮美、櫻花蝦香脆同Q彈口感2.手打鮮牛丸：彈牙爽口的口感與濃郁的牛肉鮮味3.手打鵝肝墨汁墨魚丸：有獨特嘅墨魚香味同鵝肝味，口感爽彈 Q感十足4.手打蟹子鮮蝦丸：蝦肉鮮甜同蟹子鹹鮮手打的質地讓蝦滑更加緊實美濃水蓮 $78呢一款係比較粗身啲嘅，口感爽脆、清甜且富含水分珊瑚蚌 $138係比較爽脆、彈牙，帶有天然的海水鮮味，並且口感獨特桶蠔 $218口感肥美滑溜，帶有鮮味，並且煮耐了都不會縮水凍 自家製足料竹蔗茅根 $78味道清甜 打邊爐喝 太爽了…查看更多

平時食厭晒啲大集團整嘅pizza，今次可以試吓屯門西鐵站附近 嘅Pizza小店🍕👫2人餐ComBo For 2 $217普通批1個 ，任何味道嘅pizza都可以揀兩個人食呢個size啱啱好，揀咗🌍環遊世界 AROUND THE WORLD👻主要嘅食材有紫洋蔥、青椒、野菌、菠蘿、辣肉腸、雞肉同埋佢哋自家製番茄醬汁，呢個相當罕有🐔招牌炸雞2件要咗一件原味、一件蒜香奶油雞件都幾大塊，炸皮酥脆，調味亦恰到好處意粉，焗飯同小食只可揀1款揀咗香草白汁大蝦意粉🍝大蝦相當彈牙，有口感 同白汁好夾，白汁味道唔會太鹹，食完唔口渴 汽水，餐湯同 輕盈沙律可以揀2客樣，要咗餐湯同 沙律…查看更多

yoho呢間 石磨樂豆 Jollibean 食過好多次，放lunch出嚟食飯都會買杯野飲咖央醬面煎糕串 加$10茶記菠蘿皮係一個行走嘅串串迷你菠蘿包，入面多咗一層咖央醬外脆內軟嘅糕點, 一串食勁方便,係掃街之選9 °招牌微甜豆乳另外呢杯係佢哋招牌嘅微甜豆漿，有500毫升咁多，如果唔想飲凍亦都可以揀熱飲以上係套餐價$42另外鍾意食芒果嘅朋友仔，呢個係新品推介-香芒系列清爽鮮甜 香芒小宇宙 $49碗嘅面頭裝滿晒粒粒小丸子，口感煙靭，搭配芒果同埋西米露，勁有層次味道啱啱好三色芋圓豆腐花 $34入邊有芒果、芋圓、紫芋圓、豆腐花。無論口感味道都非常豐富。小編鍾意食紫芋圓，因為係紫心番薯味，味道會更加甜！但係配料之間又唔會互相搶味同時好突出！ 好立克豆乳 $27以前成日覺得好立克係好甜，但今日比我一個新嘅印象 原來好立克都可以做到唔甜㗎🤣好立克主要要補充多種維生素同埋礦物質而豆漿就可以補充蛋白質絕對係健康之選…查看更多

聽日同另一半去天水圍做嘢，做完嘢之後就喺呢邊搵嘢食， OpenRice度搵到呢間新開嘅西餐廳，所以決定嚟呢間食，喺濕地公園附近，流浮山消防局斜對面，想睇單價可以再睇餐牌店員見我地2個人好惆悵咁諗緊食咩好，就主動推介我哋食二人套餐 $298我哋揀咗餐湯，餐湯有2客，係雜菜湯水牛城雞翼4隻雞翼炸得好香脆，面頭淋上混合咗白醋嘅辣椒醬，酸甜且有辣度，好惹味而辣度係後勁慢慢build up🤤煙熏燒烤醬燒西班牙黑毛豬肋骨一個出色嘅黑毛豬肋骨，秘訣在於烤焗過程中加入醬汁，將濃厚醬汁焗乾，鎖係肋骨之上，而呢個正正做到🤤豬肋骨保留到原有肉汁，做到唔乾，十分加分墨汁海鮮意粉味道微微鹹鮮，同平時唔同嘅係用咗闊條麵掛汁能力會比較好。二配料有蜆、大蝦同埋帶子。小編就比較鍾意食大蝦。因為佢個大蝦爽口彈牙冇雪藏味！口感超好！帶子都好食，不過夾埋麥汁味道就冇咁突出！跟set提拉米蘇咖啡有可可粉同手指餅，估唔到凍飲都咁濃郁曲奇沙冰…查看更多

每次黎食都係食藥膳湯😝#藥膳農場醉雞新竹米粉 $68可以揀多芫茜，實在係芫荽愛好者福音，紅棗味勁香甜，配埋藥膳味道即刻覺得個人暖笠笠超級滋補，雞肉好嫩滑 又大件，性價比幾高重點係食過幾次水準都冇跌walk ，一直keep住都係咁多人食，午市好晚市又好 鍾意食新竹米粉 口感好細滑，同湯好夾每次食啲湯都會俾我飲晒，超滿足#柑桔檸檬特飲Order咗少冰少甜，酸酸甜甜，超級解油膩感台灣鹽酥雞 $30鹽酥雞炸到超香脆，入面都仲係嫩滑嘅唔會鞋出面鹹香有少少胡椒粉味，簡單調味已經好好食…查看更多

胡椒豬骨湯米線配 蘿蔔+豬潤黎到呢度小編都會想食胡椒湯！唔洗特別加錢又非常好飲！同埋依家開始入冬，不時黎飲下暖身都非常好！一如既往，湯頭非常重嘅胡椒味！胡椒控最愛！所以小編都一定要配埋蘿蔔吸下汁！佢地嘅蘿蔔處理好好唔會有渣同埋汁水飽滿，記住唔好咁快就食，一定要比佢吸下汁先！豬潤爽口彈牙唔會有味！都係水準之上！所以小編真係好中意黎呢度食！酸辣炸醬撈紅薯細粉，少少辣，味道適合平時吃10小辣的朋友加了3個配菜：螺旋藻：口感似海帶，但係比海帶再柔軟啲，有豐富嘅蛋白質，另外女士食嘅話可以抗氧化㗎QQ鱆魚餅；口感幾爽口彈牙，口感都似食魚蛋雞絲：睇得出真係用手撕出嚟，唔係用刀切🤓餐配 惹味豬頸肉（四川麻辣）$18豬頸肉小編除左梅子粉係最推薦之外，中意食辣嘅人都要試埋呢個四川麻辣！辣味會將油膩感減低同時辣度油香並存！好好食！套餐加配雞扒 $22 好juicy 唔柴 必飲推介🧃檸檬桂花蜂蜜金橘乳酸…查看更多

早幾日係天水圍新北江搵野食，最鍾意捐窿捐La搵餐廳食，搵到呢間上海野，睇佢餐牌d野食都好抵食花雕雞酸辣湯麵$57宜家天氣好熱 個人食野都冇咩胃口，所以叫咗呢樣開下胃，味道很夠酸，辣度都係剛剛好，味道balance，另外都有d材料係入面，冬菇，木耳絲，紅蘿蔔，肉碎等等上海小籠包 $34/4隻小籠包就真係超水準，用皮薄餡靚嚟形容都唔過分！入邊嘅湯亦都唔算油膩。食多一兩隻都可以！價錢亦都係坊間水平。非常經濟實惠。手拍小黃瓜 $21 口感爽脆 微微的醋酸香味 仲有濃郁的蒜香味 紅油韭菜水餃 $33 因為水餃皮比雲吞皮厚，冇想像中嘅辣！比起抄手，份量會比較滿足，同埋韭菜味都幾濃郁！小編都幾鍾意呢個配搭！口水雞翼 $39/4件呢個口水汁應該係今日食嘅最辣！雞翼幾大隻！切開比較入味，同事食起嚟亦都好方便！…查看更多

好耐之前喺其他分店都有食過，估唔到依家開喺屋企附近，做gym嘅朋友仔食呢間都幾好，健康又飽肚，味道唔會太鹹幾推介，係真正家的味道招牌二人套餐 $145入面有半隻招牌手撕雞，仲可以揀兩款小食招牌手撕雞手撕雞份量都幾多，芝麻滿滿地撒係面，雞肉口感幾滑，有些少鹽調味，另外附上蔥油 香味再升級小食雙拼鳳爪可以揀辣或者唔辣，鳳爪口感爽彈，味道唔會過鹹，勁似我媽咪整嘅口味，另外佢係斬開兩件，所以都比較容易入口唔會食得太辛苦麻辣豬耳份量多 豬耳爽 涼拌夏天一流不過小編唔算食得好辣 佢嘅辣度大概係五小辣左右，大家可以參考一下上湯魚腐娃娃菜娃娃菜好鮮甜，魚腐吸收咗上湯同娃娃菜嘅甜味同鮮味仲有兩碗住家靚湯紅蘿蔔粟米豬骨，個人覺得出街食，最緊要就係一碗靚湯，因為真係唔係度度都有。小編覺得呢度最大嘅優勢就係不論食物定係湯品都非常住家！…查看更多

最近係元朗搵朋友，係openrrice見到呢間新開嘅Cafe 就同朋友講不如試吓呢間，呢間仲要係小店，朋友話星期六日既日子都好多人排隊，平日黎食會好d唔洗等咁耐😆我哋一人叫全日早餐，一人叫意粉超級全日早餐 $138Super All Day Breakfast有超多野食😍明治牛乳炒蛋、煙三文魚、水果、煙肉、牛油啡菇、日式豬肉腸、三角薯餅、茄汁焗豆、蒜香多士辣肉醬蝦仁意粉 $88味道比見到嘅更好食 ，小編最中意食佢嘅蝦，好大隻好彈牙，食落有蝦味，本身蝦嘅質素都好好！意粉嘅配料豐富亦非常有層次感有蕃茄、洋蔥、肉醬黑椒等等辣椒粉嘅調味唔太重，簡單令到蝦非常有鮮味！口味微辣亦非常有食慾梅子可樂 $35話就話梅子可樂，但係其實入邊仲有青檸所以入口除咗有梅子味之外，仲有少少清爽類似檸樂口味！凍桂花拿鐵 $48面頭有撒桂花，唔單止係視覺效果，飲個陣要攪拌均勻就會飲到桂花味☺️…查看更多

好耐之前都幫襯過佢哋，今次見到又有新嘢推出胡椒豬肚雞腳湯米粉$56佢嘅胡椒豬肚幾抵讚，會加少少紅蘿蔔。對於如果怕胡椒味太重覺得辣嘅各位，可以試下搞碎撈湯一齊飲，會多左種清甜減輕辛辣味道，非常有特色！雞腳非常香胡椒香味，但唔會淋曬仲有口感！另色豬肚份量都算多！食落亦都唔會覺得靭。天氣凍嘅時候飲番碗胡椒湯一流！酥炸雞扒 魯肉飯 $65雞扒超級大塊，炸粉上得啱啱好 唔好太厚，最緊要係夠juicy同滑，雞扒下面仲有d滷肉 ，大大碗 好滿足呢個係餐廳嘅招牌，雞扒炸皮好薄外皮調味適中香脆。雞扒嫩滑！滷肉有肥有瘦油香十足，非常下飯！飯嘅份量亦都非常多，成年人，絕對夠飽！食左幾塊雞扒先見到仲有半隻糖心蛋，可見份量真係超級多又好味！推介！熱冬瓜 $5冬天一定要飲返杯 甜度剛剛好芋泥肉鬆蛋餅 $45終於食到呢款人氣蛋餅了，蛋餅皮薄 內餡好多 原隻蛋、肉鬆同加咗小量蠔油調味 酥炸杏鮑菇 $35熱辣辣 勁脆的口感…查看更多

佢哋最吸引我嘅地方就係佢哋會有四個自家製嘅醬，有薑蓉 沙薑 百搭同埋泰式醬，所有醬點咩材料都好好食泰式豬頸肉拼海南雞飯 $63佢嘅泰式豬頸肉分量非常多，外皮烤得焦香豬頸肉保持有水份配埋砂薑醬百搭醬真係冇得輸！海南雞飯，一如以往保持水準，皮爽肉嫩完全零死角！不過小編食呢一間嘅海南雞都係鍾意配百搭醬！重口味人士😂！台式肉燥拼醬油雞飯$58 反而小編食醬油雞就鍾意配蔥油，因為佢嘅醬油雞真係夠晒味，蔥油撈飯就真係一流。佢嘅肉燥會有少少肥肉，食落口口感幾好幾Juicy！泰式煎肉餅 $48/ 5件泰式煎肉餅外層煎得超香脆，我個人最鍾意嘅食法就係點百搭醬，另外肉餅嘅厚度都都算幾厚，超有口感 完全唔乾新鮮沙薑豬手粒 $50份豬手粒嘅豬皮，超級爽脆 沙薑味都醃得好入味 完全冇雪藏味…查看更多