Alvin9's Profile

首先要讚一讚味道，我與仔仔叫了兩份午餐，我們都很喜歡他的蘑菇湯。意粉的醬汁十分出色，意粉比較粗身，但是不會硬，比較有咬口。仔仔一路食一路讚。午餐仲會包一杯果汁，價錢都只係$60～70 ，CP值相當高。到離開的時候，仔仔一時大意，留低咗副眼鏡，竟然到第二天才發覺。我打電話去查問嘅時候，店員十分友善，立即幫我問吓其他同事有冇執到。放工後我立即去餐廳攞返，當然我都借呢個機會再試吓佢其他嘢食好味道的不單是食物，還有人情味！…Read More

第一次去這裡食飯，雖然地點方便，但係真係唔值得試。性價比低，食物質素又唔係高。最差嘅係服務，叫咗個炒飯，吹左兩次，足足等左八個字。其他嘢食都凍哂，出到嚟一次過出三碟，好明顯係等夠數先至炒。你等你事，話知你。茶又吾加，九流服務！至於食物，除了炒飯，我叫左個蝦醬海山骨丶碧綠 炒花枝象拔蚌，一個字＂油＂。再加上嗰個海山骨，成舊都係炸粉，咬落去都唔知自己食緊啲乜嘢野。最後，埋單連張單都打錯。簡直可以用一無是處去形容呢一間酒樓嘅水準。…Read More

見到排長龍，咪即管去試吓。點知完全出乎意料之外，想象吾到咁差！一睇餐牌，吾算貴，但亦吾係便宜。我同老婆2人，點左個卡邦尼年榚，一個韓式辣麵。另外，問左侍應一個叫韓國檸七嘅飲品，佢話試吓啦，都幾特别。點知，上菜時，嚇左我一驚！韓式辣麵，就大家既集體回憶~~辛辣麵！我保證！係大家熟悉慨 “農心辛辣麵“，上面加d泡菜碎。另外，幾特別嘅 韓國檸七，就係油店熱賣，平均3蚊鑵嘅樂天汽水！卡邦尼年榚咪係有d煙肉碎嘅芝士醬撈 韓國年榚，吾見得驚喜。我忍吾住，"吓"左一聲，旁邊食客對住我苦笑左一下……就係咁，一個家庭feel嘅宵夜~~ 辛辣麵加汽水，就成為我嘅午餐。三樣野大概200蚊。如果要我教小朋友何謂“荒謬“，帶佢黎食飯，吾洗教都明白啦！…Read More