愛美皇的個人專頁

天氣超級乾燥，整天喉龍唔舒服，Kamkam作怪。除了要避免食煎炸刺激食物，一心去雲吞麵店想選擇濕濕地既野食，粉的麵好似ok，但中醫建議咳要食飯，多款蔬菜都不合格，只能選菜心，唯有湯飯最適合，又夠飽。合時枝羊腩飯，更不容錯過，成碗羊腩，炆得剛好，不會過淋，份量十足，配料就少D，只得1件枝竹，1件筍，冬菇及馬蹄都冇，腐乳醬就調得好好味，唔怕過咸。呢間仲有特色枇杷炖梨，銀耳桃膠甜品，滋潤一下，簡直正到痺！…查看更多

一直以為10号風球無咩餐廳開，只有麥當當開門，總有一間在左緊，但好開心現在知道有多個選擇！真的要向富城的員工致敬，10号風球下讓我們能嘆到品質如常，質數甚高的一盅兩件，全部選的點心：山竹牛肉、鴛鴦包（叉燒包和黑芝麻包）、煎釀茄子、皮蛋咸排骨粥、鳳爪排骨飯、炸兩腸粉、蒸鯪魚球、灼生菜，樣樣都有，一點没欺場！令悶悶的星期天增添生氣，感覺良好。成個場雖然只有一半堂客，服務人手充足，一齊如常！不過門口外賣點心姐姐就話今早多左生意。…查看更多

太子的人特别喜愛食點心嗎？為何點心店咁密集呢？單是在大埔道太子段100米內，已開了第四間點心店。之前試過"新贊記"的其他分店，性價比極高位列我的「街坊點心榜」五名之內；"熱點"都唔錯，但貴少少；"满滿"就下次先試。「三哥點心」總括而言，質數唔錯，尤其是普洱茶，入口順和，飲後回甘；【鳳爪排骨飯】的排骨，極驚喜，非常新鮮；【蜂巢芋角】細細個，外皮鬆化，饀料足，但欠了少少兒時味道，不知是甚麽；【高湯小籠包】包皮夠薄，湯汁多少少就perfect；【霸王花湯】湯料不足，無味精；【沙律鮮蝦春卷】有創意，餡見到成隻蝦，但春卷有點唔夾，不及平時的沙律海鮮卷的皮。【三哥义燒包】包皮正宗，唔痴牙，义燒餡少左D👍👍👍【帶子鳳眼餃】最吸晴，酒店風格，以蝦餃来評，味道一流，但带子太細，與名稱不符！【山竹牛肉】不過不失，新鮮肉質唔红，肥瘦適中，牛肉部位GOOD，唔怕騷。午市/晚午套餐有例湯送，可加$10有菜，有鱔、蝦、咕嚕肉、蒸雞、牛仔骨、排骨、肉餅，好好選擇，下次再試。…查看更多

心血來潮，捉了老公來再試呢個品牌，都已經晚上8點了，營業至10點半，又在13樓，古古怪怪路徑才能上到去，攪錯，咁仲係咁多人排隊😤，等了半小時，等了8張枱才到我！不過，有景始終是有質數的重要參考指標💪🏻。本來等等下都想走，但看到裡面冰爽感覺，又俾個烤鴨套餐吸引，有烤鸭，又有酸菜魚，二人優先試食價$338，好正，唔知呢个優惠至幾時，點知一等就半個鐘！大盤酸菜魚 + 1 份豪華的北京烤鴨，另叫了1條手臂大既「香港頭條」，份量十足，兩個人真係要好大胃口才食得完。先試北京烤鴨，醬料非常特色，不是外面單純太甜的海鮮醬或舊式過咸及重豉味既磨豉醬，這個混醬既味道非常調和，濃稠適中，有香甜的海鮮醬味，又隱約有豉味。烤鴨好嫩口，皮脆少油脂，肉嫩有汁；味道不搶口，保持鴨的原有味道。配料少有心里美，桃紅色條，好靚，其他都切得十分整潔，細緻，乾爽，比外面的片皮鴨好得多。仲要讚烤鴨2點：1⃣餅皮份量恰到好處，夠飽，但又不會太多。😏哈哈，讓我地可食幾件淨肉，不浪費餅皮。2⃣另一個亮點係你估佢唔到既「椒鹽鴨架」，侍應拿著上枱，可笑的是，成碟「骨慘慘」、「無配菜，烏卒卒，清一色」我一副嫌棄的態度，問了幾次「我地無叫喎，是否我們的？」。原來烤鴨套餐包含的，然而吃著，竟然有超级驚喜，十分惹味，鴨既香酥味，無雪味，一D都唔木獨，好好味，平時唔會咁叫，不過我會為左佢，下次再吃呢个套餐。跟著到今晚的另一主角，酸菜魚都非常出色（我覺得13樓分店既，特别好味）。酸菜魚是窩盛上，下面有蠟燭去保溫，就算食完烤鴨，才食酸菜魚，酸菜魚都係咁暖咁出色。魚片厚薄適中，入口嫩滑，盡吸酸菜的酸滋味。第一次試食油條點魚湯，油條實在太大，成隻手臂咁，邪惡到暈😵‍💫，但又夾到暈😬！手打檸檬茶超爽，青BB既檸檬好香，好有個性的檸茶！好想、好想試彩虹冰粉，但實在是容不下了，味道如何？有待下回分解！…查看更多

疫情稍緩, 久違的噪抄, 久違了的大排檔風味, 只是晚上6時, 已經差不多坐滿, 還好有1張枱.  只見肥仔師傅一人主理, 我地係最遲來的一枱(後面仲不斷有人來), 雖然上菜等了差不多20分鐘, 但都是值得的. 2個人無叫很多菜, 只叫了豉椒鵝腸, 豉汁大鱔, 蜆介牛肉, 樣樣好入味, 無咩味精/佛手, 下次一定再來, 仲有好多好野未試, (飛天蝦麵, 羊腩煲, 干炒牛河......) 但要選一些少人時段.…查看更多

看似簡單，沒有花巧的裝盤，味道卻恰到味，這就是💈聲哥💈既功架💎。〈紅燒炆龍躉翅🐟〉，其貌不揚，但滑到無朋友👏👏👏; 另一懷舊菜〈家鄉釀鯪魚🐠〉本身夠晒味，來個葱花玻璃芡又何妨；〈瓦罉玖瑰豉油雞🐔〉好味到，有人連個汁都要打包！母后最怕拔絲芡, 呢個〈鳳梨咕嚕肉〉甜酸得怡正，合晒她心意，仲要encore多一碟！〈香芋南瓜煲〉，〈生炒糥米飯〉都不過不失。略嫌〈什菌海參豆腐煲〉及〈羊腩煲〉主料較少, 好快就搶購一空。總括所有菜式都輕怡適口,頗合嘴刁長輩既口味, 至少無收投訴。…查看更多

幾位長老, 以媽咪把口最醃尖, 出街食飯, 又要抵食(怕我地花費), 又要好味, 些少口渴, 就話有味精, 即時列入黑名單. 我估媽媽今晚都頗滿意, 食完只係投訴份量只夠一人一件, 佢最欣賞個黃金桶蠔想食多件都唔得, 但同時又計劃下次食咩, 要encore再嚟; 至於玊帝爸爸就鍾意黑椒豬肶煲, 送酒一流;壽星仔就LIKE爆個鴛鴦雞，好彩在活雞停售前, 一下子試到2款口味; 老爺原來第一次食黑松露, 配上佢至愛豆腐，尋到新味道，笑到見牙唔見眼; 老外妹夫，樣樣very 骨、骨、骨(very good)!似乎, 呢間懷舊菜館可以幫我一次過滿足屋企班大帝, 等我黎緊過節, 暫時不用為去邊度食傷腦筋!…查看更多

我對泰國菜的印象, 酸, 辣, 濃, 惹味, 重口味, 不過食完都幾口渴, 朋友點醒我: 「味精絕對唔係強國人的專利!」心存好奇, 想試試無味精的泰菜究竟行嗎?一到餐廳, 牆上角落冇泰王相、泰女木雕、金佛像、大象等……..的裝飾, 格調清雅舒適〪餐廳在試業中, 場內設有一個型仔燒烤Bar, 據說食材將可以即選即燒, 仿芭提雅海邊BBQ感覺, 9月先至開波, 十分期待〪 冬蔭功 (酸辣香茅大蝦濃湯)$98 椰子雞湯$78 泰式蝦清湯$88   泰式生蝦刺身$128 三色沙律 (鮮蝦柚子沙律, 燒牛肉沙律, 酸辣鳳爪)$128  沙嗲串燒$72 泰燒遙特色炸魚 $188   粉絲生焗肉蟹 $288 芒果糯米飯 $58 總括而言, 打從第一個湯開始, 已見廚師用心配搭不同香料及調味, 帶出食材的真本味之餘, 令每個餸有著獨特的個性, 絕對係星級水準。唯獨是今晚肚仔quota已滿, 其他好野下次再會…………查看更多

回味著 "o了" "o能"既味道, 都係 "o了" "o能"既味道"o了" "o能"這2個字!真出奇, 只有約10多張檯, 2間貴賓房既小店, 沒有大酒樓的遼闊, 但大不失酒樓裝潢, 竟都擁有麻雀雖少, 五臟俱全的鮮魚缸, 林林種種既生猛河鮮: 水庫大頭魚, 林哥魚, 珍珠鰂, 大頭啜魚, 鯇魚, 桂花魚, 花錦鱔, 風鱔, 黃鱔...........更有悟州野生水魚.....等.今晚好凍, 難得可以歎個早既晚飯, 第一次嚟試, 就先選呢3個"o了" "o能"菜: 豉酒碌鵝, 濃湯大四喜, "o了" "o能"三太公: 豉酒碌鵝: 鵝夠入味, 又唔會過份諗, 口感彈牙, 唔知係咪真係碌同炆既分別呢! 呢款鵝種髻係軟軟既,似肥膏咁. 亞媽話個有假既鵝, 個髻係硬gar bo!呢個菜最"正"既莫過於墊底既芋頭, 香濃諗滑, 暖胃滋味. 只係略兼碌鵝時火不夠大, 鵝皮的焦香味不足,總括嚟講, 不過不失啦! 愛美皇后: ★★★★☆嘴刁食神: ★★★☆☆ 濃湯大四喜: 問過待應甚麼係大四喜, 佢淨係話4種菜. 結果有4款蔬菜, 3款鮮菇, 2款魚球, 用料頗豐富, 湯鮮甜有驚喜. 正合皇后健康口味, 清而不寡, 食得爽呀!愛美皇后: ★★★★★嘴刁食神: ★★★☆☆ "o了" "o能"三太公:藕餅, 鯪魚球, 釀尖椒, 有齊愛美皇后同嘴刁食神既心水配搭, 啱啱好.蜆芥中見到粒粒蜆及子薑, 唔似"行"貨.愛美皇后: ★★★★☆嘴刁食神: ★★★★★送既糖水: 南瓜西米用料用心, 唔甜唔漏, 真係估佢唔到, 嘴刁食神俾佢滿分!愛美皇后: ★★★☆☆嘴刁食神: ★★★★★其他仲有好多好野, 留番D"o了" "o能"菜(銅盆焗污漕雞, 脆皮梅子鱔柳, 黑虎掌胡椒豬肚雞煲, 冰鎮涼瓜片, 水庫大頭魚)下次再試啦! hehe.....嘴叼食神都頗滿意, 之後又多個選擇了, 仲話期望再多D"o了" "o能"菜式, 例如: 水蛇粥, 巴魚火鍋......等!!…查看更多