rk19c2001的個人專頁

星期五晚飯分2輪…我明。準時到6:30坐低咗6:35至落單，但唔明點解可以6:40全部餸上齊🙁又係預製菜❓個女侍應仲催咗2次叫我哋快啲影相因為佢要剪隻龍蝦。唔通想我哋7:00交番張枱❓話咗佢一句叫佢等等先，跟住佢就成晚企喺度骨碟都唔換。直至個女經理叫佢，佢都只係放低3隻碟唔換就走開。我哋跨區過嚟食生日飯，但係佢哋似乎只做街坊生意。唔係唔想留港消費，有時真係幫唔落！…查看更多

我都知嚟呢度食冇服務質素可言但果個企喺煎豆腐附近嘅男員工真係好差👎🏼追佢煎豆腐時佢好晦氣答”要等㗎嘛”手寫單寫完一次又一次，一陣以為我冇俾錢就唔好啦！同個靚女事頭婆比差一大截…查看更多

我份人最鍾意同班朋友👫👫坐埋一齊飲飲食食，最近殺入屯門達仁坊，幫襯咗間食德國嘢嘅舖頭。佢哋雖然地方細細，但係好有❤️做，待應姐姐招呼又好，三五知己嘆住啤酒🍻真係嘗心樂事😘粟米脆片配以牛油果蓉及肉醬，香口惹味，送啤酒🍺一流😊意粉🍝汁夠creamy, 青口size唔细, 鮮甜可口😚燒骨好入味，份量ok，食到啜哂手指👆！主打德國腸同咸🐷手前者雖然只有2款特色腸，但絕對不是普通貨色😉咸豬手皮脆肉嫩，精髓係伴碟嘅酸菜，一試就停唔到口，實清哂😋…查看更多

朋友介紹去的，入到去好似去咗日本咁，星期四晩7：30已經坐滿人，有三五知己、二人情侶、甚至大顆兒十幾人的，不斷有客入來問有冇位。自己帶了清酒、梅酒去，叫了燒雞泡魚干、炸蝦頭，送酒最好。仲叫咗芒果沙律、葱花魚生(因為唔知係乜魚)、魚生船、海膽、燒帶子、燒雞翼、燒牛肋骨、燒三文魚頭、清湯煮花甲、烏冬、芝麻 / 紅荳雪糕。因為今晚食得好豪，所以冇叫壽司呀、拉麵呀，下次一定會試。:)靜中帶旺的驚喜小店。…查看更多