MungMungMung的個人專頁

自疫情以來都無咩機會出黎食好西，難得而家開始放緩和，真係要出黎抖抖。最近有朋友相約我黎呢間新開居酒屋，聽講呢個集團有好多唔同分店，而且間間唔同名～今次呢間係專食炭火串燒的，咁啱呢幾日天氣轉涼，正呀～原來山林道好多小店，以前真係無咩留意。上到黎感覺好似去咗d高級商廈，拉門入去即聽到員工熱情的打招呼及安排入座。店面好有情調，我地安排坐bar枱位置，店內環境唔算好大，但唔會覺得好擠迫，客人熱鬧地圍坐bar枱傾計，等食中飲下啤酒，清酒，串燒師傅又會好熱情咁介紹食物，店員亦會介紹配食物的清酒。食物唔算好多款式，但頗多海鮮，師傅即叫即燒，食下飲下以為唔會飽，但慢慢嘆下傾下計，原來都食咗唔少野～其中我最欣賞佢嘅燒乳鴿肶，燒鮑魚同魷魚筒。聽講佢地仲有時令既秋刀魚同白子。可惜我係唔鐘意食濃味魚既～朋友都話好滿意佢地既串燒，仲請師傅飲咗2杯tim......員工無論廚師，還是侍應都好好傾，唔知仲以為我地成日黎......不過咁有heart嘅居酒屋真係值得做飯堂…查看更多

其實呢間一直想食好耐，因為未見過一塊既烏冬。咁啱搭巴士經過，看似那麼遠原來這麼近～晚上7點幾黎到都唔算好多人，店員那我到牆壁一邊的枱，自成一角都幾好。睇完menu,其實選擇唔算太多。就係冷沾，熱沾同湯烏冬。我比較鐘意食沾，但天氣凍凍地，所以要左1個雞肉熱沾烏冬。大概10分鐘就有得食。睇落份量唔算多，湯頭有點甜，湯係熱的，烏冬係凍的。口感都幾好，不過冷烏冬沾完湯會變冷啊～烏冬可以用筷子夾散，而且食完其實都飽。如果唔夠，可以叫份替玉。有機會試埋冷沾先。…查看更多

openrice外賣自取做緊優惠，一心想試下K11呢間漢堡。一早10點已經pre-order,時間定下午2點半取。中午見到已接單，2點25分見到顯示可取餐。黎到餐廳門口，無人主動理你，各外藉員工各有各忙。其後一個外藉員工叫我等等。之後先話我知而家開始做。，我唔明白點解明明顯示可取餐但根本未做。而且態度係你要就要唔要就算～一d歉意都無。其實如果唔係趕時間返工，根本唔需要預先order食物囉！再者，我想講如果員工唔熟openrice部機既操作，公司係咪應該培訓下員工。?就算有優惠，其實都賣緊100蚊一個漢堡包，點解員工態度可以比快餐員仲差。…查看更多

我同老公都係1月生日,所以再次出動搵好野食~朋友介紹有間新開食鐵板燒兼有好多清酒的餐廳，所以膽粗粗上去試試。冷靜:環境係典型中環Fine dining的餐廳。一入門口有一排排雪櫃放咗好多款清酒。餐牌唔係好多野食,只有2,3頁。熱情:員工,師傅們會親切為你介紹清酒,食物既食法,唔係單純只係上菜,服務。唎酒師介紹完點左一支易入口,清淡的有氣清酒。頭盤:吞拿魚腩多士,吞拿魚肥美鮮嫩水菜沙律:沙律菜+炸薯絲,看似簡單但配上特式醬汁開胃無比。辣味芝士枝豆:好有特色惹味:)刺身拼盤:擺盤精緻到好似一盤美麗的花卉咁:有2款白身魚+慢煮八爪魚主菜:香煎帶子配紅椒汁,大大隻刺身帶子煎到啱啱好,鮮味無比,配上紅椒汁非常夾羊扒配羊腸,當羊扒在鐵板上煎時,整間餐廳都散發住羊味,以為會好騷,食落卻只有羊肉的油香。慢煮油鴨肶: 鴨肶慢煮左,保留肉汁係𥚃面,外皮煎到香香脆脆紫蘇葉清酒煮蜆:蜆肉大大隻,唔係一般既細蜆,啖啖肉。食完飲埋個湯充滿紫蘇葉清香味海膽蟹肉炒飯:非常欣賞師傅炒飯既技巧,炒飯面仲加左炒滑蛋同大大份海膽。我成日以為食鐵板燒係唔飽的,但我真心錯了。呢一餐,真係飽左成晚。值得一讚的係餐廳無加一服務,係希望大家欣賞餐廳既食物,員工的服務可以將欣賞化做員工的獎賞。咁有品味的餐廳文化,你話點會唔係冷靜與熱情呢?唯一覺得不足係菜式好似暫時少左dd.......…查看更多

好友生日,又係要出動食好西啦～網上見呢間餐廳情調唔錯,加上近我公司附近,即管試試佢~~訂了7點,6點半到餐廳,朋友又未到,但餐廳都俾我坐住等。等人最好就係叫返杯飲品啦～點左望落最安全的Mojito....嗯...味道一般啦～香檳的味道令我感覺唔到青檸同薄荷的清新。朋友黎到同我點左同一杯飲品,但佢果杯靚過我,有朵花花裝飾,感覺唔係同一個人沖的。前菜點左: 2件海膽多士,海膽份量好足,味道鮮甜,多士香脆。凱撒沙律,味道普通。白酒牛油藍青口,法國藍青口細嫩,蒜香撲鼻。無花果香煎鵝肝,煎無花果配左焦糖片,超好食,鵝肝反而變配角。主菜: 墨汁手打意粉配西班牙紅蝦。 手打意粉幼身似天使麵但有咬牙,紅蝦煎到啱啱熟,好香口。西班牙黑毛豬1件,份量好足,不過好似煎得有點熟,不過都唔會太鞋。:)最後我訂座時說明朋友生日希望餐廳幫忙寫字,朋友未到時我已order定一個心太軟。飯後準時送上。整體食物做得出色,服務也很貼心,雖然座位之間略微迫左d,不過香港地小,租貴。我都明白既~~最緊要朋友食得開心!!…查看更多

去台灣旅行一定會食鹽酥雞,貪其方便,香口又惹味,食完又唔會太飽。但喺香港比較難食得返台灣果d風味。某日經過呢間小店,(前身係賣炸雞肶的)抱住試一下的心態,竟然充滿驚喜❤今次試左鹽酥雞,$28有大概20粒。雞粒唔會好乾,店員會問你要唔要辣同蒜。我加左辣粉,另外蒜係會加新鮮蒜蓉。真係又香又惹味!仲要一d都唔貴!當然,唔好用台灣既價錢黎相比啦！另外,買左魯肉飯,相對黎講就失色少少。下次真係要試埋佢地既雞排。…查看更多

間中會食素的我有日發現了尖沙咀呢間素食西餐廳就約埋朋友試試佢~餐廳位於厚福街中間,外觀睇落似Cafe~~但只賣茶飲,沒有咖啡。夏日將至,熱到有點無胃口,於是點左份素煙肉三文治同荔枝西柚紅茶。三文治份量好足,仲有粗薯條伴碟。麵包食落似麥包,但烘完一d都唔會乾。配埋荔枝西柚紅茶,荔枝的香甜+西柚的爽酸。飯後我加左個蜜瓜冰。呢個冰簡直不得了,冰的口感食落細綿幼滑!!一d都唔似食緊冰,實在太神奇!加埋整個鋪滿蜜瓜,實在大滿足!!夏天消暑一流!…查看更多

呢間係公司附近的車仔麵,令我成日忍唔住食完再食~皆因愛吃辣的我俾佢的辣汁所吸引住~雖然經常要排隊同埋價錢其實都唔算平,不過位於尖沙咀區,其實都無辦法價錢比其他區會貴dd。其中最愛佢既豬紅,豬皮同支竹球。支竹球其他係用支竹整到一個卷咁既。食得辣既一定要加佢既辣汁,不過加完湯底會比較濃味。另外跟餐加$15,可以試埋佢既奶茶紅豆冰。茶味濃加紅豆軟硬適中。如果唔夠飽可以試埋佢地既厚多士,不過最好堂食,因為外賣拎仔會淋左d。…查看更多

經常行過呢間外面似舊式士多咁既泰國餐廳都無試過。今日返工前路過終於可以試一試。見到有海鮮麵,不過價錢$128。。。下午茶黎講奢侈喇~~最後點左冬陰功麵($58)。麵底有幾款選擇,我點左河粉。另外加了一個泰式鳳爪。呢度既河粉同泰國一樣係闊身的,可惜煮得有點淋。湯底好有泰國feel,甜+辣+花生碎。不過就唔有冬陰功味。泰式鳳爪好有驚喜。$36一份以為好細碟。黎到一睇份量都唔少啊！呢個份量出面起碼賣$60或以上。味道非常正宗。配料好新鮮,生洋蔥好鮮甜,個汁唔會太酸,鳳爪亦唔會太淡味!!!!!見到好多人點豬手同龍眼冰,可惜我已經好飽了。下次黎一定要再試!…查看更多

係facebook見有人分享海鮮串燒放題,見幾吸引就約埋好友一齊試試佢。天公不造美,放假先黎落大雨。打電話即日預約左7點,見好似有窗邊位,訂座店員回覆係先到先得,無得預留。可能由於平日,同埋地點其實幾唔就腳。7點黎到都唔係太多客,只有1/3 客人。成功坐到窗邊位,枱面放著2個餐牌。除左主菜需向店員落單,其他一切自助。朋友主菜點左牛扒5成熟,我點左斧頭豬扒。另外加左2隻生蠔。牛扒成數算準,豬扒有點乾。以$30一隻生蠔黎講算幾大隻,有海水味亦係我鐘意的爽脆型生蠔,只係唔算太肥美。冷盤有多種沙律菜,南瓜湯,蒜蓉包。冷凍海鮮有蟹,蝦,螺,蜆,青口。D蟹係有膏的,不過補充時間都幾長。串燒方面需要去爐頭排隊,每人每次限取4串。4串當中只可要2串海鮮。燒蠔,蟶子等長期有,燒鮑魚就需時比較耐,等第一次話岩岩派曬。第二次出去企係度等左幾分鐘先等到。其他特色d海鮮一晚可能只得1次。閒日都咁,如果星期五六日黎都唔知有係燒海鮮。總括黎講食一次試下就算了。地點唔方便,食物供應又唔算多。如果每人$298+10% ,我可以去酒店加dd錢食好d,起碼唔洗食自助餐都限量供應咁款。:(…查看更多

相約好友假日聚餐,2個女人仔由午食到晚。晚上路過呢間充滿日本風的小店,我深深俾門口的外賣單上的海膽手卷吸引住,但由於有點飽,朋友同我都係行左陣街先再去。8點幾,店內仲有8成客人,可能由於店舖比較細。朋友比較細食,所以點左牛肉烏冬,本來想食海膽的,但睇睇下我就俾一個叫極上海鮮丼的刺身飯吸引住。另外加左一客小食炸餃子。朋友的烏冬看似有點像肥牛,不太吸引。我其實係唔食生的刺身,海膽除外。極上海鮮飯有一隻磯煮鮑魚,松葉蟹肉,蟹膏,熟的帆立貝。值得一提佢地的壽司飯係好似醬油咁既色,係因為佢地用左赤酢。食落飯唔會太酸,不過太多料,食果陣有d手忙腳亂咁。店內仲有多款清酒,下次可以約d鐘意飲酒既朋友一齊去。另外,因為餐廳收10點,老公收工趕唔到黎。唯有外賣左個鰻魚飯俾佢。…查看更多

每逢初一十五我都會茹素,於是今日拉埋老公一齊食素。剛巧家附近的素菜館休息,認真頭痛。Openrice睇左一陣搵到呢間都近屋企的餐廳。晚上9點到,客人唔算太多。打開餐牌其實有點似大xx素食。有壽司,小菜,又有西式意粉咁。最後點左2個手卷,南瓜蟹皇翅,總廚田園沙律,燒汁牛柳同什菜粉絲煲。加州手卷食落甜甜地又有d青椒味咁。苜芽手卷係無卷飯的,但有點點沙律醬。南瓜蟹皇翅好香椰奶味,但明顯見到一點點生粉攪唔渾咁,仲有點酸酸的?:(燒汁牛仔柳老公話d假肉有d騷味?但個汁幾惹味。什菜粉絲煲,開頭食好淡,食落d菇同菜的鮮味出曬黎。總廚田園沙律:紅蘋果加沙律菜加千島醬好開胃。埋單300幾。有加一又有茶錢咁。嗯…其實如果收人茶錢,點解唔俾一壺茶人?整體食物,服務都ok。下次初一十五可再黎。另外,如果餐廳可以唔好咁熱會好好多。食完真係流曬汗。…查看更多

臨近媽媽生日,因為佢鐘意食泰國菜,又係黃珍珍fans,所以提早幾日訂座。由於往年有不愉快經驗(座位安排不合,加上職員態度欠佳),但媽媽一心只鐘情呢間餐廳,唯有捨面陪君。當日安排2樓卡位,幸好有電梯,因為兩老行動不便。卡位闊落,夠8-10人坐,方便我們呢d大隻人士。一坐低,經理就熱情地介紹可以下載佢地電話app的會員,以及講解返訂座可以主動要求坐樓上卡位。由於我家人一半鐘意食海鮮,一半又唔食辣,所以點菜真係有點頭痛。最後我地點左無骨鳳爪,小食拼盤,1打串燒,冬陰功湯(中)明爐烏頭,咖哩蟹,5個豬仔包,馬拉盞炒通菜,辣椒羔炒蟶子,原個菠蘿炒飯,香葉炒豬肉碎。無骨鳯爪: 一直係我同媽媽最愛,以前食真係一邊辣到流淚一邊食,但唔知點解今次食一d都唔辣。咖哩蟹: 圖片果然只供參考。圖片幾大隻,以為好多肉,食落又唔算多肉。咖哩汁又係一d都唔辣,另加左5個豬仔法包點黎食。d包好鬆軟。:)冬陰功湯: 得個咸字,都算足料。馬拉盞炒通菜: 通菜嫩口,無渣。其他菜式普普通通,不過不失。飯後餐廳主動送左甜品拼盤俾我地。整體我覺得而家的黃珍珍同以前的味道真的差好遠,坦白講如果唔係坐得比其他餐廳舒服,我係唔會選擇呢度。…查看更多

放假又再次出動搵野食。好耐無去銅鑼灣行街,咁啱路過接到張傳單~噫~~~炸雞啊～於是同老公上去試試佢。地點其實有點唔就腳,唔怪得要派傳單啊！位置係一棟好似商業大廈的地方。等超耐~~有心有力的朋友仔可以行下樓梯運動先~上去到可能啱啱到午飯時間,唔係太多客人。環境都算舒適,可惜玻璃之外只有樓境。睇睇餐牌,唔見有Lunch set?o只係見到個2人餐同散叫既Menu。2人餐的炸雞可以選2或3種口味,2種口味就有10件,如果3種就得9件。心多既我就點左3種口味。另外有頭盤同一個小食加2杯飲品。炸雞我點左蜜糖芥辣味,辣味同咸蛋黃味。蜜蜂芥辣甜甜地,好開胃:辣味只係普通辣(對我黎講):咸蛋黃味好香口,但略嫌有口油膩:3款炸雞都好香脆,肉質一d都唔會乾。頭盤點左凱撒沙律,正好cover返炸雞的熱氣:小食點左牛油焗什菌。牛油味超香:飲品我地點左1杯果味啤酒,同柚子Soda:整體上菜快,環境清靜,食物份量足。2人餐一d都唔會唔飽P…查看更多

剛去完旅行,趁還有一天假期。一於放縱多1日搵d好野食下。朋友介紹中環有間食牛扒唔錯,於是帶埋老公一齊試試佢。地點唔難搵就係蘭桂芳附近,藝穗會對面。店舖睇落唔算大,但又唔會令人覺得好擠迫。侍應安排我們上2樓。安排我們坐下後,便友善地向我們推介佢地食物。見到有炸吉列牛扒覺得幾得意,另外見到有一款限量的頂級板腱牛扒。老公再點了一份德國腸拼盤。食牛扒又點少得配酒呢～點套餐可加$58配澳洲shiraz紅酒或美國Ariel無酒精紅酒??第一次見無酒精紅酒,侍應話飲落飲梅味咁,我點左1杯俾唔飲酒既老公。另外,我自己點左1支手工啤酒。等左10分鐘都唔洗,食物就陸續黎到。先上既就係吉列炸牛扒餐。吉列牛扒跟一個爐上旁邊配沙律,麻醬豆腐,一碗充滿味素的白飯,好日式的感覺。侍應告知等爐上的牛油溶化大概1分鐘。吉列牛扒黎到大概4成熟,放上微熱爐上只需燒10多秒就食得,雖然係炸過又再燒但咬落一點都唔乾,配上碟邊的炸蒜片一齊食,簡直香!軟!鬆!!!成個set配上味素白飯真係既西式又充滿日本風味。到老公的頂級板腱牛扒黎到真係嘩一聲。大大件,一切開正如我們點的剛好5成熟。由於我唔食太生的牛扒,老公切開放係我既爐上幫我燒一燒。Wow...真係充滿濃濃的牛味,而且咬落有咬口肉質又唔會鞋(就算俾我燒熟左)。至於德國腸拼盤都唔差ga!有4款腸,點埋茄汁,芥辣一齊食,再配上手工啤~~簡單係一流的享受。雖然係午餐,但我地都食得好飽。以700幾蚊黎講,真係算物超所值!雖然以午餐黎講算貴左d.…查看更多