wy1123的個人專頁

約咗朋友收工去食嘢，喺觀塘見到鴻圖道呢間「一本食堂」無限時打邊爐好吸引🤩🍲 日式裝修又靚，環境好舒服😌🇯🇵我哋揀咗A餐，$298有花膠雞湯、刺身拼盤、肥牛山、海鮮拼盤、任食火鍋食物同飲品，真係好滿足🤰🏻😋我哋先飲碗花膠雞湯，飲落一啲都唔油膩。雞肉又嫩滑、花膠大大舊，彈牙之餘仲有豐富嘅膠質，飲完湯後仲可以落火煱料，令成碗湯味道更加豐富🍲 如果仲想食多啲雞件，可以喺自助區隨便拎！刺身拼盤有新鮮嘅三文魚、帶子同大蝦。每一片刺身都切得好厚，口感非常滑嫩，大蝦肉質鮮甜🍣🦐再來就係肥牛山，仲有一口牛呀！牛肉油花均勻，煮熟後索咗啲湯更加美味🥩海鮮拼盤有五款海鮮，包括蠔、鮑魚、鱔、大蝦同蜆。如果覺得唔夠喉，仲可以隨意攞大蝦同蜆！啲蠔大大隻又新鮮🦪 鮑魚同鱔肉都好彈牙、大蝦同蜆都好鮮味🦐自助放題區又係好吸引，有各款特色火鍋配料！我哋夾咗豚肉片、魚皮餃、牛丸、墨魚丸、冬菇、金菇、粟米、炸枝竹、響鈴、百葉結、蝦膠福袋。仲有其他配料、丸類、蔬菜、麵條、前菜、甜品、飲品、雪糕任君選擇🍡🥬🌽🍮🥤🍦…查看更多

我同朋友最近去咗屯門Go Go Mall地舖嘅「孖寶去骨海南雞」！我哋叫咗孖寶2人餐，只需158蚊，真係好抵食！餐單有半隻去骨海南雞，肉質滑嫩，配上油飯，薑蓉、酸辣醬同黑醬油三種醬料，令雞肉更加惹味！🐔✨ 2人餐仲有狀元燻蹄，去骨豬腳用滷水醃製，有肥美嘅豬手皮、肉質鮮嫩。涼拌拍青瓜就有少少辣，啱啱好清新又解膩！🥒 個餐仲有無味精靚湯，係一大碗南瓜粟米湯，既健康又鮮甜！🎃🌽 另外，我哋跟餐加6蚊叫咗杯凍檸茶，仲加10蚊叫咗支豆漿！🍋🥛另外，我哋仲叫咗兩樣小食，越式春卷酥脆，入面係齋菜，香口又健康！🫔 瑞士雞翼亦有五隻咁多！我哋仲叫咗份18蚊嘅細油菜，但份量超大碟，生菜沾啲蠔油，健康又美味！🥬…查看更多

位於宋皇台港鐵站附近嘅「蟹仙海鮮蒸氣火鍋餐廳」，絕對係海鮮愛好者嘅理想餐廳！我哋叫咗尊貴海鮮套餐，簡直係超豐盛嘅海鮮蒸氣火鍋！🍲首先，店員送上秘製原隻南非乾鮑，口感滑嫩，鮮味十足！跟住店員為我哋細心服務，逐一將海鮮放係蒸氣火鍋俾我哋食，而下層就係吸收哂海鮮精華嘅豬骨粥！黃金翡翠螺嘅螺肉彈牙，咬落去充滿鮮味！🐚 加拿大野生海虎蝦有蝦膏，肉質鮮甜🇨🇦 🦐 韓國釜山蠔亦相當出色，蠔味濃郁！🇰🇷🦪 至於蟹皇大元貝，扇貝肉質軟糯，配埋蟹皇更加帶出佢嘅鮮味！大西洋野生青口好有驚喜，海水味非常濃郁！仲有韓國釜山野生鰻魚，魚肉亦非常鮮甜。野生膏仔蟹嘅蟹膏實在勁多，蟹肉又好滋味無窮！🦀 澳洲青年龍蝦亦係超級正，勁大隻啖啖，肉質爽口超滿足！🦞食咗咁多海鮮，店員蒸啲有機蔬菜，食起嚟既健康又美味。🥬🌽店員仲煮埋海鮮粥，充滿海鮮精華的豬骨粥，裡面有芋頭粒、菜脯同䓤粒，實在暖心搭配！🍲最後，店員送上椰汁燉雪耳糖水，清爽可口！🥥 總之，「蟹仙海鮮蒸氣火鍋餐廳」海鮮新鮮，服務一流！😋👍🏻…查看更多

SUN HARU 係我最近發現一間位於佐敦港鐵站附近嘅韓式餐廳，真係好正！店內裝潢簡單舒適，最重要係價錢親民，食完唔使加一，食物又大大碟😊🇰🇷我哋叫咗烤牛肉石鍋拌飯（$62），牛肉嫩滑，配埋翠肉瓜、蘿蔔絲、韓國紫菜等配菜，一啲都唔油膩！紫菜明太子韓國特色蛋卷（$88）亦好出色，蛋卷好多層軟腍腍，明太子嘅香味非常濃郁，配埋三文魚籽同韓國紫菜，味道同賣相真係好有驚喜！🍳微辣海鮮泡菜芝士拉麵（$68），拉麵辣味適中，夾埋魷魚、蜆同蝦一齊食好食呀🦑🦐🍜最後，我哋叫咗無骨炸雞加韓國粉絲同紫菜包飯便當（$70），炸雞外脆內嫩、點埋沙律醬好食。炒粉絲超多份量，又唔乾身。紫菜包飯亦好正，有青瓜、醃黃瓜等配料。三寶夾埋好豐富🍗🍙我哋仲跟餐加咗$8就有特色飲品，分別係藍莓乳酸梳打、士多啤梨梳打，兩款飲品都好清新，特別適合韓式料理！🫐🍓…查看更多

我同朋友最近去咗位於中環大館附近嘅泰式餐廳「泰排檔」，呢間米芝蓮推薦嘅排隊紅店真係唔可以錯過！原來餐廳嘅概念係同泰國Thong Smith一樣，提供各種地道嘅泰國街頭美食，佢哋有九成嘅食材係直接從泰國入口，保證新鮮又正宗！🇹🇭我哋叫咗蟹肉炒飯，啖啖都有蟹肉，配上蛋絲、蔥粒同黑胡椒，味道濃郁，炒飯底一啲都唔乾身🦀我哋仲叫咗一碟燒豬頸肉，肉質嫩滑，烤得一啲都唔燶唔un，仲要有好多塊，加埋秘製醬汁非常好味！🥩另外，我哋仲叫咗飛天通菜，連埋豆瓣醬、炸蒜、蒜頭同辣椒，食落去口感爽脆，十分開胃。我叫咗微辣嘅辣度，啱哂唔食得辣嘅我！🥬😜甜品方面，我哋飲咗熱情果芒果冰沙，用熱情果同芒果果肉新鮮製成，味道甜而不膩，簡直係夏天嘅必飲！🍹仲有西瓜冰沙，見到店員捧住西瓜攞去榨汁機，實在太吸引，清涼解渴。🍉…查看更多

我同朋友最近去大埔搵食，最近食咗「一鳴丼食堂」，位於大埔墟站附近村南道，環境設計得好有日式風情，令人一入去就感受到居酒屋嘅氛圍。我哋叫咗兩個刺身丼定食，真係食得好滿足！🍣我哋叫咗明太子醬燒鮭魚丼定食。三文魚肉質嫩滑，加上明太子醬，味道豐富又好食！🍣 搭配青檸汁🍋‍🟩、青瓜同蔥粒，將三文魚更加提鮮！另外，我哋叫咗角切魚生丼定食，入面嘅魚生同配料有三文魚、油甘魚、帶子、生蝦、鯛魚、三文魚籽、玉子同青瓜，魚生全部都非常新鮮，點埋豉油同wasabi一齊撈飯食。🍣🦐🐟🥒而兩個定食仲有前菜中華沙律、餐湯麵豉湯，同埋甜品日式蕨餅，真係好滿足！前菜沙律口清新可口，湯底濃郁，蕨餅更加係香滑可口，完美結束一餐。🥗…查看更多

今日我同朋友去咗位於大圍站附近村南道嘅「河內越式料理」，我哋叫咗一個優惠2人套餐，可以叫兩碗湯粉或者撈檬、2選1特色小食、一碟菜同兩杯飲品。我哋就叫咗一碗雞絲湯粉，湯底鮮甜，雞絲嫩滑！🍜另一碗係香茅雞翼撈檬，雞翼外脆內嫩，撈檬撈埋生菜、青瓜絲等配料一齊食，炎炎夏日食啱哂！😋 🍗🥬🥒 小食我哋叫咗安南鮮蝦紙米卷，蝦肉新鮮，配搭上清脆嘅生菜，每一啖都好爽口！🍤🥬 菜就係田園灼時蔬，成果生菜球上，食落去好健康。🥬飲品方面，我哋叫咗椰果椰汁西米露，椰汁香濃，西米軟滑！🥥 越南滴漏咖啡香濃幼滑，帀杯飲品都大大杯！🇻🇳☕️最後，我哋特別加咗個酥香軟殼蟹，兩隻蟹金黃酥脆，蟹肉鮮甜，真係好正！🦀️ 🦀️…查看更多

我同朋友最近去咗一間位於大埔大明里港式西餐廳「茶舍」，食物質素真係有驚喜！🍽️ 我哋叫咗兩個薈萃晚餐，首先上嚟嘅係廚師餐湯：松露蘑菇忌廉湯，香濃滑口，食到松露香氣！🍄🥣餐前小食係泰式魚餅，配紅菜頭絲同青瓜，搭配泰式酸辣醬，味道清新！🐟🫜 🥒我哋叫嘅第一個主菜係蜜餞鴨胸配黑醋紅茄天使麵，鴨胸煮得啱啱好，大大塊又入味，天使麵沾滿蕃茄汁，加埋火箭菜好好食。🦆🍅🍝至於第二個主菜，西班牙南瓜帶子雞粒燴飯，帶子同雞肉嫩滑，南瓜香脆，真係好有口感！再加上雞髀菇同鮮冬菇好足料🎃🍗 🍚跟餐加$15仲可以有星級特飲，我哋揀咗凍仙草斑蘭奶茶，飲落去透心涼！🧋另外，紫薯椰乳特調都好特別，甜度適中！🍠🥛🥥最後，跟餐加$16升級甜品，香蕉芝士蛋糕，口感滑順，香蕉味濃郁！🍌🍰…查看更多

今次我哋去咗位於荃新天地一期地下中庭的西餐廳「Lizto」，真係一個好靚嘅地方！環境舒適，感覺好chill，適合同朋友聚餐或者約會。🍽️我哋叫咗兩個晚餐，首先上咗餐湯：甘荀南瓜忌廉湯。呢款湯好滑順，味道濃郁，啖啖都食到南瓜嘅甜味同甘荀嘅香味！🥕🎃第一個晚餐嘅小食我哋叫咗煎赤身吞拿魚配牛油果沙律，煎赤身吞拿魚魚肉新鮮，兩邊用咗香草微煎，味道獨特。搭配清新嘅牛油果同沙律菜，健康又好味。🥑🥬 主菜我哋叫咗雜菌松露忌廉汁意粉，松露香味四溢，扁意粉韌度煮得啱啱好又入味，連埋磨菇一齊食好正呀！🍝第二個晚餐嘅小食我哋叫咗炸薯條，味道香脆，配合乳酪醬同調味醬更添風味。🍟 最令人期待嘅係傳統卡邦尼意粉，煙肉香脆可口，啖啖油香好惹味！🥓…查看更多

今日我同朋友去觀塘駱駝漆大廈第三座行下，發現到「Day One Cafe」呢間西餐廳，見佢嘅午餐餐牌有唔同健康嘅選擇，例如低糖、生酮、全素咁，就俾佢吸引左我哋入去食下。😋我哋叫咗煙三文魚牛油果沙律配檸檬柚子醬，沙律裡面有羽衣甘藍、生菜同埋蕃茄仔，味道清新，特別係搭配個檸檬柚子醬，酸酸甜甜，真係好開胃！🥑🥬🍅 🥗另外，我哋仲叫咗一碟招牌蒜香橄欖油煙鴨胸翠玉瓜麵，唔好睇少呢碗麵，麵條係由翠玉瓜切絲而製成，口感非常特別，微辣香口，鴨胸肉質嫩滑，配上蒜香橄欖油好惹味呀！🍝🦆我哋升級做套餐就可以包埋餐湯同飲品，餐湯係南瓜湯，入口香滑🎃朋友叫咗杯冷萃咖啡，原來佢係用冰水低溫浸泡12小時，可以降低咗咖啡酸度同苦澀味，令咖啡更加純淨清新，真係好適合夏天飲！❄️🥃我就叫咗杯熱朱古力，舖滿可可粉，甜而不膩，暖心又暖胃！❤️ 🍫☕️…查看更多

約咗朋友去屯門時代廣場行街，見到牛摩「卜卜蜆x特色牛肉火鍋」做優惠就嗌呢款做晚餐🍲 鴛鴦湯底一邊係浸滿卜卜蜆嘅昆布湯，另一邊我哋加$18揀咗博多美人骨膠原啫喱雞白湯、舊骨膠原啫喱係牛摩公仔，睇住佢溶好得意😊呢個放題打邊爐真係好抵食，可以任食超過30款美食，卜卜蜆新鮮又爽口。肉類我哋點咗阿吉豚梅肉、精選牛肩、星級牛肌腹、牛舌、羊肉卷，全部都肉質鮮嫩🥩 火鍋配料我哋仲叫咗帆立貝、蟹籽墨魚滑、芝士牛肉貢丸、鴨血、鱔片，全部都好好食😋 特別一讚係佢哋嘅炸物，我哋點咗炸蟹鉗、雞皮餃子、洋蔥圈、炸雞塊、脆皮香蕉、日式章魚燒，又多款、全部都係新鮮炸起好香口🦀🧄🥟🍌🐙 自助放題區又係好吸引，有各款特色火鍋配料、蔬菜、麵飯。芝士丸、甜不辣片、麻吉燒、響鈴等食材都好正，蔬菜有生菜、油麥菜、羽衣甘藍等又健康🥬 最正係雪糕機🍧 有白桃烏龍加牛奶味扭紋雪糕，仲可以自己加唔同嘅脆脆，好好食🍑🥛特別值得一讚呢度裝修好玩味、又有日本同屯門主題，屯門牛嚟到一定好有共鳴🤭…查看更多

今日我同朋友去咗位於佐敦逸東酒店嘅「永年士多」，一間好出名嘅港式車仔麵餐廳。因為我哋無食午餐，所以肚子好肚餓，叫咗好多嘢食！🍜首先，我哋叫咗牛筋腩蝦籽撈麵套餐，湯底我揀咗多豬腸汁，真係好香！麵配上菜心，餸就加咗魚皮餃。撈麵食落去口感層次十足，牛筋腩又嫩滑，真係好滿足呀！😋接住嚟，我哋叫咗至尊麵套餐，靚餸有豬手、豬腸、豬紅、豬皮、魚蛋、蘿蔔、雞翼，仲有配菜心，麵底我揀咗油麵，湯底揀咗微咖喱辣，真係好有味道！🔥小食方面，我哋叫咗淨酸齋、鹵水雞翼、蠔油生菜。酸齋食完好開胃、鹵水雞翼肉質嫩滑。🍗 我哋仲叫咗班蘭咖央加鮮油，食落唔漏、味道都好正！🧈飲品方面，佢哋嘅特色飲品只要加$6就可以選擇，抹茶紅豆冰同凍樽仔烏龍茶都好清新！🍵…查看更多

第一次食Owens, 印象好好😌我哋叫咗個二人餐，$408加一，有南瓜湯🎃、蒜蓉同芝士焗蠔🦪🧀🧄、濃蝦汁虎蝦意粉🦐、美國安格斯肉眼牛扒🥩、兩份牛角窩夫配雪糕🧇🍦同飲品，真係好豐富😋嘢食好好食，意粉醬汁食落好濃郁🦐牛扒易咬，配埋薯仔、蕃茄仔同西蘭花、洋蔥汁同芥末醬好食🥔🍅🥦🥩蒜蓉同芝士焗蠔熱辣辣，食落又唔漏🦪🧀🧄特別一讚店員嘅服務，當我哋啲碟有好多醬汁，或者食完焗蠔，都會幫我哋換碟，仲成日幫我哋斟水，好貼心👍🏻…查看更多

我同朋友最近去咗沙田新城市行街，去咗三期「Here Thai Market」食泰國菜，品牌係由兩位泰國米芝蓮名廚房四手聯合打造，見平日晚巿都咁多人一於入去試吓🇹🇭侍應一開始會遞上茶壺同茶杯，等你嘆杯麥茶先☕️🫖我哋叫咗幾樣嘢食，首先叫咗個冷盤泰式生蝦，蝦肉新鮮，點埋中間嘅酸辣醬，真係好開胃，天氣咁熱食個冷盤啱哂！🦐主菜我哋叫咗牛肉、牛丸、燉牛腱肉同燉牛筋船麵，呢碗河粉真係好足料！牛肉肉質嫩滑、牛丸爽口彈牙。牛腱肉燉得好夠火喉，口感滑溜、牛筋又軟又入味！🍜另一樣好有驚喜嘅小食係椰奶蟹棗，暖暖嘅蟹肉鮮嫩，點埋凍凍嘅香濃椰奶，冰火交融，咬落去仲有少少脆口感，真係一流！🦀飲品我哋仲叫咗杯芒果冰沙，超大杯，仲有個竹籃仔方便拎起杯凍飲。夏天飲一杯冰冰涼涼嘅飲品，芒果味濃郁，口感順滑🥭…查看更多

今次午餐我同朋友去咗「水門雞飯」呢間泰式餐廳，餐廳位於觀塘港鐵站，商場裕民坊地舖，真係好方便！🇹🇭🍜小食方面，我哋叫咗一碟泰式生蝦，總共有五隻生蝦，蝦肉好新鮮、啖啖肉，擺盤又靚！伴隨住泰式酸辣汁，再加上苦瓜片、蒜片同紅椒片，口感層次豐富，味道真係一流！🦐🌶️小食我哋仲叫咗一碟香辣鳳爪沙律，配搭芹菜、生洋蔥同埋芫茜，清新又開胃，辣度啱啱好，無骨啖啖肉、都好過癮！🥗兩碟小食都係冷盤，炎炎夏日食完真係透心涼！🧊🧊😋😋主菜方面，我哋叫咗一碟泰式炒鳳尾蝦金邊粉，熱辣辣嘅酸甜金邊粉，加上鮮甜嘅蝦肉，搭配埋櫻花蝦、炒蛋、芽菜、蔥段同青檸汁簡直恰到好處！🍋‍🟩🍤 飲品我哋叫咗杯菠蘿冰，清涼消暑，菠蘿味濃郁，仲有塊鮮甜菠蘿食，真係好正！🍍…查看更多