以前係我食堂，無論係路德國舊店（樓下冰室）定大窩口都食過好多好多次，但真心食物質素有啲退步咗。1,明顯換咗第二種雞蛋，以前食厚蛋治係驚為天人咁好食，因為雞蛋好香又夠厚，宜家變咗只係普通蛋治，冇蛋味又薄咗。2,以前麻辣牛腩飯加炒底超好食（可能因為以前用嘅雞蛋好食）宜家變咗做白飯底，價錢冇變，已經唔會再食。3,麻辣蕃茄湯通粉，以前一路食開大辣，突然有一次叫大辣佢俾樽辣椒油叫我自己落？！請問嗰樽係麻辣辣椒油？4,佢啲瑞士雞翼/髀係好食，但近呢一兩年唔知做咩，成日都有啲唔入味，連顏色都未上到就出比人，攪到次次都要開盲盒咁，心很累，講真價錢唔算平，一個撈公仔麵餐$6x，都要俾返同樣嘅質素人先得，希望真係可以改善一下。…Read More
The above review is the personal opinion of a user which does not represent OpenRice's point of view.
Like
Dining Method
堂食
其實今年每次行過見到都冇咩生意，心諗市道真係差咗，廚房入面應該係老闆？啲面口差到…都明嘅，加上後面街開咗間D字頭嘅pizza,日日排哂隊，我希望老闆可以提升返食物質素好似啱啱開張嗰陣時咁，啲意粉可以多啲汁，個黑松露pizza俾我前年食味道明顯減淡咗40%，希望食得返開張時嘅味道
加油
咖喱法包好惹味，但今年去幾次都發覺，店面真係好舊，明顯唔夠清潔，周圍都痴立立好多塵，樓面永遠得靚女一個人，又落單又執枱又出餐又顧外賣，我試過幾次外賣返屋企，啲筷子都係發毛
行入少少比錢個位可以望到廚房嘅衛生程度更加惡劣，靚女一年365日都著住件超污糟嘅工衣，次次見到佢一腳踢做到一頭煙，啲碗堆埋一張枱又唔得閒執，真心希望店主可以翻新一下間鋪，同埋請多個人，改善一下衛生，你係難得喺呢兩條街，少數好食又用心嘅小店，唔想見到你沒落🥹
