msnbbb的個人專頁

個日行到附近想醫個肚，見到有間西餐廳冇乜人又唔想食隔離堆連鎖餐廳，咁就諗住試下啦。午餐都唔算多野簡就試個$128牛扒心諗差極有個普，同埋見佢裝修都企企理理應該唔會太差掛。結果一試菜塊牛扒真係超難食，勁鞋勁多根又難切，出面是但一間快餐店塊牛都好過佢！都唔知係味第一次煮野食！我食左三分一就食唔落！都唔講佢五成熟整到似9成咁熟！本身都唔打算哂時間上黎負評但真係食得一肚火，唯一讚得落係環境算靜唔多人囉！唔會有下次…查看更多

今日下晝見肚餓想食個下午茶，見依間甜品店好似幾多野食就入去坐下啦。點知一入到去原來間野咩都有 舖仔細細五臟俱全！連意粉同漢堡都有，本身冇咩期望但見堆食物相幾令就叫左個漢堡薯條同埋三文魚厚多士，嘩！一試不得了，完全喜出望外，值回票價，兩樣印係超水準發揮！而且兩樣夾埋都係一百二十蚊內！話哂係甜品店，見咁好食就叫多個桂圓杞子燉桃膠，當然都係相當足料，份量十足，絕對對得住佢地甜品店招牌，下次一定要再encore!!!…查看更多

星期日12點幾走黎食，見咁多好評諗住唔差，點知中伏....一入去已覺得地板唔乾淨，勁痴立立咁，不過算，野食好就可以接受...但除左刺身之外，其他野食等勁耐都未黎，又漏單嚴重，人手明顯不足，要催單幾次先上，搞到完全冇心機食仲有明明話係松葉蟹棒，原來只不過係買番黎既蟹柳，唔係咁都拎出黎生食刺身除左三文魚外都好麻麻，帶子唔鮮仲有陣腥味，經過今次決定以後唔食兆萬放題，又唔係特別平，加埋一都差不多兩舊水，有大把好選擇…查看更多

早幾日行經黃大仙,見到間burger king原本冇諗住食,因為覺得佢應該同M記差唔多,點知好過佢多多聲入到去叫左3號餐d薯條真係好味,夠大條同夠脆,質感同口感都幾好不過我中意d洋蔥圈多d個包幾大個,個新地就同M記冇咩分別值得一提係服務態度,入面有個叫Mickey既女仔真係好好服務態度我留意左佢一陣,發現佢真係唔蛇王好似有個婆婆行入間鋪,佢就好欣然咁走上前問佢想食咩仲幫佢買埋同拎埋d,認真唔話得另外,有個媽咪帶個細路黎,個細路坐左第2度佢都話番比佢阿媽知今時今日有d咁既店員真係少之有少雖然4十幾蚊但係好過m記幾百倍…查看更多