為食鴨鴨的個人專頁

最近陳儀興喺啟德開咗分店，非常近我屋企～一家人都好耐冇食過潮州菜，一於去試吓！💛海馬友 $188講到潮州海鮮🐟蒸海馬友係其中一道有名菜式。師傅以傳統嘅潮式做法，蒸出嚟嘅魚肉，光鮮白淨，肉質會結實。入口嫩滑，唔會鬆散。因為魚油夠，所以味道特別鮮甜，有種獨特嘅甘香，完全唔腥👍🏻沾埋醬汁，更加鹹香惹味！💛汕頭咸菜生蠔煲 $198一上枱就聞到好開胃嘅咸菜酸香。湯色奶白金黃，入面有飽滿嘅生蠔同爽脆嘅咸菜。😮🦪生蠔勁大粒，肚仔脹卜卜！咬落去裡面依然好嫩滑，保留到蠔嘅鮮甜。咸菜鹹中帶酸，味道清爽。食完成個人暖笠笠，好舒服，係冬天嘅好選擇。💛五指毛桃啫雞（半隻） $168一揭開蓋就聞到好濃郁嘅五指毛桃香味🤤雞件斬到細細件，用瓦煲猛火啫到乾身，加埋薑同蒜頭一齊爆，好夠鑊氣！雞肉表皮焦香，肉質嫩滑。醬汁濃郁，用嚟送飯真係一流。💛滷水鵝件 $135首先聞到陣滷水香味，八角、花椒呢啲香料味好出，帶少少甜。鵝件連皮帶肉，滷得幾入味。鵝皮食落有彈性，唔會太軟或太韌，下面嘅脂肪層唔會太厚，所以唔會覺得膩。至於鵝肉肉質實淨，有咬口，唔會太嚡。…查看更多

瑜伽老C帶我去濕平，我帶返佢去食好西🙋🏻‍♀️尖東有間隱世嘅日本居酒屋，店舖裝修好有日本風味，可以揀吧枱，四人餐桌，或者多人聚餐榻榻米房間。我哋點咗幾款刺身、小食同埋熱食，味道都唔錯😋💛鱈魚白子(半份) $90口感好似奶油咁柔軟，香滑濃郁！白紙子有豐富嘅蛋白質同維他命滋補養顏，食多兩羹，要靚靚😂💛鮟鱇魚肝(半份) $90味道甘甜，每一啖都充滿魚香及油脂香氣，入口即溶！💛是日優惠薄切魚 $198師傅刀工了得🔪切到透亮薄片，深海池魚肉質緊實，質感清爽有彈性，味道甘香，點埋酸汁食唔錯！💛活石蠔（2隻） $90🦪入口爽脆，清爽鮮甜，唔會好膩，可以食多幾隻💛燒明太子芝士腐皮 $78好特別嘅小食，腐皮香脆，咬開入邊，腐皮包住芝士同埋明太子，芝士撈埋明太子拉絲，每啖超濃郁，非常香口！🫨🫨🫨💛清酒煮蜆 $108蜆肉新鮮，大大隻，師傅處理得好乾淨，內𥚃冇沙嘅。蜆肉脹卜卜，鮮甜多汁，帶有海水味。清酒突顯咗海鮮嘅鮮味，又保留到酒香，令到成個湯汁升級。💛田樂豆腐 $68第一次食呢個菜式，好特別！將味噌鋪喺木棉豆腐燒香，外層香脆，入面柔軟！入口鹹甜交織，慢慢食到豆香，好好食！💛燒西京銀鱈魚 $198好經典嘅日式料理銀鱈魚燒到表面有少少金黃焦香，睇落幾靚仔。食落第一啖，最明顯係嗰陣濃郁嘅味噌甜香，鹹鹹甜甜咁，好入味，完全唔會有魚腥味。肉質肥美嫩滑，魚油好豐富。每一啖都好滑溜，充滿魚油嘅甘香，整埋沙律醬一齊食，好夾！💛濃湯蝦烏冬 $148湯底係精華所在！一上枱就聞到好濃郁嘅蝦香。每一啖都有櫻花蝦鹹鮮味，味道濃厚。面頭鋪滿咗櫻花蝦乾，烘到脆脆地，增加咗唔同嘅口感。鮮蝦肉質爽口彈牙，唔錯！烏冬軟硬適中，，而且掛到湯汁，每一啖都食到濃湯嘅味道。…查看更多

今日lunchtime 出咗尖東食鐵板燒。餐廳環境寬敞，每枱都可以望住師傅煮食，亦設有鐵板燒獨立房，夠晒私隱度。最特別係餐廳牆壁櫻花樹，可以喺iPad寫上許願祝福字句，投映到天燈上，超有儀式感。最近餐廳推出《螢火清酒祭多重優惠》，享有指定清酒免費任飲。💙商務精選午餐 (一人前) $540▫️拖羅刺身▫️沙律▫️南非鮑魚▫️清酒煮蜆▫️鵝肝多士▫️美國牛肉薄燒/厚燒/日本黑豚肉▫️櫻花蝦炒飯▫️漬物▫️吸物▫️甜品/咖啡⭐️拖羅刺身厚切拖羅~肉身佈滿油花，入口即溶! 好新鮮同甘香！⭐️南非鮑魚鮑魚超新鮮，大隻又厚身，質感扎實彈牙，唔會咬唔開。醬汁有黑松露及海苔汁，味道濃郁又清新!⭐️清酒煮蜆蜆肉肉質肥美，好鮮甜，清酒湯底，酒味香醇，帶有微辣，成個湯飲晒，好正！⭐️鵝肝多士鵝肝燒到表面焦香，外脆內軟，再淋上焦糖醬，入口入口即溶，濃厚又香，帶有香甜！伴以柚子啫喱解膩，絕對唔會影響食下一道菜嘅口感，非常細心呀🫶🏻⭐️美國牛肉薄燒/厚燒兩份牛肉都係五成熟，薄燒牛肉，包住香脆蒜粒同洋蔥粒，以芥末沙律醬調味，口感更加豐富。厚燒牛肉粒，肉味香濃帶肉汁，好juicy!配埋蒜片一齊食，出奇地夾！⭐️櫻花蝦炒飯蘭王蛋脆邊，蛋黃流心，融入炒飯當中。每一啖飯都充滿蛋香，米飯乾爽飽滿！配上香甜帶微咸嘅櫻花蝦，非常滋味～…查看更多

今晚去咗位於中環L Place 既六如中菜館，原來之前就係三小漁。佢哋嘅中式fusion菜式非常創新，有驚喜。餐廳環境都好舒適，係聚餐嘅好地方。💚百香冰心丹霞 $22爽甜爆汁嘅車厘茄，配上酸酸甜甜嘅百香果醬，好開胃！💚川香口水西瓜 $22創意爆燈！清甜多汁的西瓜，淋上麻辣口水醬汁，甜辣交織，仲有少少鹹香味，非常特別～💚竹炭黑金脆豆腐 $18竹炭外皮，香口薄脆，內裡豆腐嫩滑，豆味香濃。💚野生菌鵝掌煲 $188獅頭鵝掌，肉厚嫩滑，炆煮至腍滑入味，配上雲南野生菌，鮮香濃郁！腸粉墊底，索晒啲精華完全吸收秘製醬汁精華，一滴都唔好放過😛💚孜然羊排 $328外層薄脆，炸至金黃酥脆，內裡羊肉保持嫩滑多汁！孜然醃得入味，羊羶味輕盈不膩，惹味得嚟又唔會過火~💚茴香干煸爽肉白菜花 $128超有鑊氣嘅菜式，一上枱已經聞到好香。豬頸肉肉質爽口彈牙，好香口～椰菜花爽口，爽埋啲醬汁一齊食，正！💚椰香麻薯奶酪 $58用咗水晶球嚟放上甜品，好精緻，打卡一百分～麻薯煙韌軟滑，椰香濃郁，面層鋪滿新鮮芒果粒，香甜清爽，完美😍💚桂糖香芒爆珠涼粉 $48傳統糖水加入新意，以爽滑涼粉，搭配香甜芒果粒同爆珠，桂糖清香唔膩，好滿足！…查看更多

🌺花晨月夕 @kuno_hk 好耐冇去日本，好想食Omakase😣一於留港消費食好西，香港都有高質素嘅Omakase架嘛！今日係花晨月夕，享受咗一餐華麗豐盛又新鮮嘅廚師發辦。餐廳分為吧枱及日式趟門嘅房間，揀咗坐喺吧枱欣賞師傅嘅手藝。我哋點咗2款唔同嘅omakase。🌞Omakase Sun $1380先付、刺身三款、御料理、壽司九貫、吸い物、甜品🌝Omakase Moon $1580先付、刺身五款、御料理、壽司十貫、吸い物、甜品🩵先付海之幸胡麻醋啫喱酸酸甜甜，撈上爽彈八爪魚、新鮮沙白、鮮甜松葉蟹，仲有爽口日本海蜇，一齊食好開胃，用上綠葉作伴碟，好有意境🌿🩵刺身🔸真雕薄切配毛蟹及魚子醬🔸兵庫縣室津生蠔🌝🔸海膽桃太郎蕃茄🔸三文魚籽海膽杯🔸燒鰹魚🌝刺身五款都好正，當中有幾款特別吸引，師傅即席用氮氣整成一個亮麗泡泡，仙氣飄逸，打卡度100分！裏面嘅真雕包住鮮甜嘅毛蟹，以魚子醬提升，魚香飽滿豐富。生蠔入口奶滑濃郁，入口爽口，帶有海水味，以檸檬汁提鮮，正！海膽杯勁吸引，三文魚籽甜身爆汁，海膽濃郁，夾埋一齊超鮮味。 🩵御料理A4黑毛和牛配海膽，包住瑤柱及道明寺糯米，和牛勁香，入口即溶，糯米軟熟香口，吸賮牛油同肉汁。🩵 寿司🔸間八🔸北海道白象拔蚌🔸北海道大帆立貝🌝🔸伊佐木🔸靜岡縣白三文魚🔸銀鱈魚🔸鯖魚🔸金木雕🔸大拖羅🔸醬油漬赤身🔸霧多布馬糞海膽每一款壽司都超新鮮好食，有幾款我特別鍾意！大帆立貝，肉質厚身，入口爽口，超鮮甜。白三文魚係第一次食，顏色帶粉紅，入口輕盈，油膩感冇平時三文魚嗰種咁重，入口嫩滑柔順。赤身醬油漬鹹香，富有彈性，入口厚實，比較有質感，有甘香的餘韻。金木雕經過火炙，魚皮燒到焦香，魚油晒出嚟，入口充滿油香同鮮甜味！最後最吸睛梗係馬糞海膽啦，師傅將大大份量嘅海膽放喺我手上嘅紫菜上，灑上淡雪鹽同噴金粉，超夢幻，打卡是必須的！🩵 吸い物🔸蜆肉味噌湯蜆肉份量唔少，脹卜卜，湯汁唔會太鹹。🩵甜品🔸赤肉哈密瓜配黑糖波子提子提子超爽甜，哈密瓜香甜多汁…查看更多

觀塘工廈有一間高人氣嘅壽喜燒餐廳，久仰大名咗好耐，難得今日放假，即刻同爸爸去食晚餐🤘🏻我哋點咗壽喜燒套餐，包含前菜、茶碗蒸、宮崎縣A5和牛、蔬菜、湯及甜品等。壽喜燒以正宗關西風煮法，有專人幫忙煮食，熟度剛好，上碟仲擺得好靚添。😗🐄壽喜燒晚市套餐 $499 （每人）💚前菜🔸風乾和牛配哈密瓜🔸時令荔枝配甜蝦🔸青瓜柚子沙律🔸和牛漬物卷 風乾和牛質感扎實，牛味濃郁，配上清甜哈密瓜，好滋味。荔枝爆汁爽甜，配上新鮮甜蝦，估唔到呢個組合幾夾！和牛漬物卷外層系天婦羅，入口脆卜卜，又唔會掩蓋咗和牛嘅味道，仲有爆汁三文魚籽，幾得意😆💚茶碗蒸揭開碗蓋，深橙色嘅櫻花蝦同醬汁鋪滿表面，大大粒赤蝦刺身喺最頂，好爽甜！櫻花蝦咸鮮，撈埋蒸蛋一齊食，平衡整個味道。蒸蛋滑溜，每啖都食到先甜嘅蟹肉絲。💚日本和牛壽喜燒，附日本蛋、野菜拼盤及珍珠飯🔸A5和牛-西冷🔸A5和牛-肉眼🔸A5 和牛-沙巴當宮崎A5 霜降和牛，名不虛傳，雪花紋理分布得好靚！肉眼頂呱呱，超級油香，入口即化，肉質好嫩滑，沾上蛋汁食，滑溜到不得了！將黃牛嘅油脂，撈埋飯一齊食，非常滿足！西冷肌肉扎實，肉同油脂比例剛好，分布平均！沙巴當相對上肉質最豐富，油脂較少，牛肉味最濃郁！野菜吸曬精華牛肉平同壽喜醬汁嘅味道，每一啖皇帝菜同埋豆腐都充滿肉汁嘅香甜味，蓮藕爽口香甜，正！💚舞茸海鮮清湯食完主菜，飲一碗熱辣辣嘅湯真系好舒服！湯底好清香，一陣陣舞茸嘅草本味道，飲到干貝同埋蜆肉嘅鮮甜。💚甜點🔸海鹽焦糖布甸🍮布甸外型好靚，頂層鋪滿焦糖、海鹽同埋忌廉。布甸奶滑香濃，每一啖食到微微嘅焦糖烘烤嘅味道同咸香。🔸豆腐雪糕豆味香濃，又唔會太甜，頂層微微烤焦，入口焦香。…查看更多

今晚同朋友去咗中環食好omakase環境寬敞，三邊吧枱圍繞着師傅，可以清楚睇到整個煮食過程，一覽無遺。落地大玻璃睇到出面嘅景色，非常靚。我哋揀咗「omakase梅set」，有前菜、生蠔、刺身、壽司、熟食、湯同水果，食材新鮮好食，相當豐富，有幾款特別印象深刻！🌟岩手縣生蠔肉質肥大肉，入口爽口鮮甜，帶有濃郁海水味。北海道帆立貝海膽杯奢華亮麗，刺身一層疊一層。除咗帆立貝同海膽之外，入邊仲有三文魚子同拖羅蓉，連埋飯送入口，鮮香兼爆汁，好好食！🤩北海道海膽手卷，份量超多，顏色橙色，入口甜度超高，好似雪糕咁滑溜，鮮甜濃郁，非常豪華。最後好鍾意個土瓶湯，入邊有蝦肉，魷魚，魚片，香葉等材料，入口暖和，加少少檸檬汁入去，清新舒服。🌸梅 $1380💙先付（前菜三款）蒜油漬、龍蝦沙律 、螢光魷魚💙御造 （季節生蠔）岩手縣生蠔💙旬 （刺身四款）深海池魚、鰤魚、金木雕、大拖羅💙和の物北海道帆立貝海膽杯💙鮨 （壽司五款）赤蝦、北寄貝、赤貝、左口魚裙邊、北海道海膽手卷💙一品料理味噌鯖魚💙吸物土瓶海鮮湯💙甘味北海道蜜瓜…查看更多

今日放假，同媽咪行街同食Lunch午餐，路過見到呢間落地玻璃窗嘅餐廳幾靚，一於試吓！餐廳走摩洛哥黑白風格，分室內室外兩區，坐位寬敞舒適。最特別係用霓虹招牌、植物同水晶洞做裝飾，好有格調。🧡意式香蒜虎蝦墨魚麵 $78虎蝦大隻厚肉，爽彈鮮甜，煎得剛剛好，充滿蝦香！蒜蓉同橄欖油嘅香氣滲入蝦肉，好惹味～墨魚汁麵條煮得 al dente，彈牙唔會軟淋，每條都沾滿蒜香同墨魚汁嘅鮮味。🧡全日早餐 $148擺盤好靚，食材都幾豐富！有巴馬火腿、辣雞件、雞鎚、薯餅、炒蛋同沙律菜。每一款都有兩件，超飽肚！牛角包金黃酥脆，炒蛋嫩滑，巴馬火腿透薄油潤，將佢夾咗入牛角包一齊食，好滿足！炸雞件，炸皮薄脆，雞肉Juicy，沾上沙律醬，正到痹！雞鎚香口惹味。薯餅外脆內軟，薯香十足，配上茄醬，甜甜酸酸，好解膩。🧡柑橘檸檬百香果茶 $68入邊有百香果籽，新鮮檸檬片等生果浸泡喺熱茶入面，入口有百香果熱帶嘅甜香同埋檸檬香味，茶味適中，唔會太濃，入口暖和舒服。🧡鮮香芒果奶昔 $60打卡度100分！好靚，好精緻🤩入口香濃椰香芒果味，香甜帶微酸，沙冰奶昔打得奶滑同幼細，成個感覺充滿熱帶風情。…查看更多

呢間喺長沙灣嘅餐廳，以田園風裝飾，影相非常打卡able。餐廳周圍擺滿乾花、乾草同梳化，無論室內定室外，都有餐桌同打卡位置，幾舒服。我哋食咗兩個lunch set，食物同飲品都唔錯。午餐配有是日餐湯：蘑菇忌廉湯同自家製酸種包，餐飲可以揀是日水果茶或其他特飲，所有飲品半價。💚香辣蒜片辣肉腸墨魚仔意大利麵 $88辣肉腸鹹香~墨魚仔鮮甜, size都唔細，爽口！意粉質感有咬口，撈勻蒜片、辣椒和橄欖油調製醬汁，濃香微辣融入意粉，每啖都香口惹味。💚越式烤美國特級豬梅扒 $128外層焦香，切開入面顏色粉嫩，肉汁飽滿，肉質感都唔錯，越式醃料都好入味，醬汁有蒜香同香茅清新味道，酸甜開胃，伴碟有薯蓉。💚Shizuka Hotjicha Latte焙茶茶香濃郁，牛奶比例適中，飲落去舒服，唔會覺得厚重。💚Passion Fruit Lime Mint Soda酸酸甜甜，薄荷葉加埋梳打水，飲落去超清爽，食完辣嘢飲一啖，立即解辣解膩，好爽！…查看更多

豐窩嘅雞煲好出名，想食好耐喇～除咗招牌嘅麻辣雞煲外，佢哋仲有滋補螺片花膠雞煲、花雕藥膳雞煲同埋滋潤椰子雞煲。今日約咗朋友，一於去試吓！🤤🩵滋潤椰子雞煲(半隻) $198一打開煲蓋，就聞到濃濃嘅椰子清香，湯底奶白色，睇落好滋潤！湯底真材實料，有新鮮嘅椰子肉，椰青水，紅棗，杞子同竹笙。煲入面有嫩滑雞件、椰子肉同紅棗，成個配搭好養生！襯未放雞件入去，忍唔住飲咗幾啖湯，好清甜！椰子水＋椰肉嘅天然甜味好出！雞肉肉質嫩滑，點上薑蓉柑桔醬汁，酸酸甜甜好特別。竹笙吸晒椰子湯精華同雞油嘅味道，好正！😋🩵手工四寶丸 $89四寶包括有蝦丸、墨魚丸、黑墨丸及鯪魚丸，每粒都圓碌碌、脹卜卜。手工蝦丸鮮甜，咬落去超彈牙，食到一粒粒蝦
肉碎，真材實料。墨魚丸香口濃郁，口感爽脆彈牙，中間仲有少少墨魚粒增加層次。黑墨丸用咗墨魚汁整，味道比普通墨魚丸更濃厚，帶微微海水鹹香。鯪魚丸都唔錯，有陳皮同胡椒粉嘅味道，食落唔腥。🩵極品本地手切牛頸脊 $238牛肉紋理好靚，脂肪同肉嘅分佈平均，色澤鮮紅帶少少油花。輕輕淥8-10秒，粉紅色就食得，鮮嫩到不得了！嫩中帶爽，入口牛油油香，肉味濃郁到爆燈！👍🏻👍🏻👍🏻🩵貴花蚌 $125蚌肉橙紅色，色澤光亮，睇得出好新鮮。入口爽脆 ，超鮮甜～完全冇腥味！🩵手工即炸魚皮 $54從來未見過咁大塊炸魚皮，有啲驚喜！魚皮金黃酥脆，超香口！輕輕點湯，外層索唒椰子湯，內裡仲脆，雙重口感～浸得多湯汁，都唔會淋唒！咬落去好似薯片咁脆口！🩵龍鳳檸樂 $34🩵藍妹啤酒（大罐） $30🩵醬油費 每位$8…查看更多

估唔到坑口條村入邊有一間cafe，幾高質！餐廳雖小，五臟俱全，環境舒適，店員又好親切。食物款式好多，睇落都唔錯。💛義式生牛肉他他配鵪鶉蛋多士 $138生牛肉他他質感柔軟嫩滑，融入鵪鶉蛋同洋蔥粒等配料，鵪鶉蛋汁比普通雞蛋更濃郁，鎖入生牛肉肉粒，每一口都充滿蛋香，洋蔥粒嘅味道，口感鬆軟又有洋蔥粒嘅爽脆，加埋醬汁同埋多士一齊食，非常豐富。💛新鮮紐西蘭活青口白酒汁煮忌廉汁500g $268青口隻隻都大隻飽滿！忌廉汁嘅顏色奶白帶少少金黃，睇落好creamy，仲有啲香草碎同蒜片喺面頭，賣相好吸引。青口鮮甜，肉質爽彈唔會韌，一啲沙都冇！白酒忌廉汁好濃郁，白酒嘅香氣好出，但唔會苦澀，忌廉嘅奶香同蒜蓉、洋蔥好夾，唔會太膩。最正係用包點汁食，吸晒啲精華。💛XO醬香蒜大蝦蝦干扁意粉 $178一上枱就聞到超香嘅蒜片同XO醬味，意粉金黃色，乾身唔會油淋淋，每條都掛滿咗XO醬同蒜香，微辣惹味！仲有幾隻爽口彈牙嘅大蝦鋪喺面！入口少少辣，唔會太刺激，但係好開胃，食到停唔到口！
…查看更多

最近見到推出咗Crêpe Delicious新推出咗All You Can Eat 2.0套餐，六款頭盤都可以任食，而主菜加入咗新嘅菜式，意粉、肉類、可麗餅都有得揀。飲品同甜品都係任飲，幾抵！😌🔷六款任食頭盤蒜蓉焗青口、吉列炸蝦、凱撒沙律配煙三文魚香脆魷魚圈、脆炸洋蔥圈、蜜糖雞翼每款頭盤都唔錯，當中最鍾意食凱撒沙律配煙三文魚、蜜糖雞翼同埋香脆魷魚圈。沙律菜新鮮爽甜，醬汁適中，配搭麵包糠、煙肉及芝士碎，幾開胃。蜜糖雞翼，入口有甜甜地，有肉汁，唔會燒到好乾。魷魚圈入口香脆，咬落柔軟彈牙。🔷主菜♦️辣味烤焗雞肉可麗餅呢個唔係普通甜嘅可麗餅，係走濃味路線嘅！辣辣哋嘅雞肉＋超濃芝士＋軟韌餅皮，成個配搭好夾！鍾意芝士拉絲同香辣口味嘅，一定要試下，夠晒過癮！😲♦️香烤西冷牛扒（80Z）配薯條牛扒叫咗五成熟，燒得好靚仔，入口焦香，顏色粉嫩，一切開已經有肉汁，食落香濃牛肉味。薯條啱啱炸到金黃色，點上肉汁蕃茄汁一齊食🫶🏻🔷飲品水果冰茶洋甘菊熱茶🔷意式雪糕士多啤梨: 酸酸甜甜，幾解膩綠茶: 唔係好甜，濃郁嘅茶味，帶微甘苦…查看更多

超正分享！🤩🤩🤩今日好姊妹帶我去食「鮨央泰」嘅 omakase，係江戶前風格，我期待咗好耐㗎喇！果然係東京米芝蓮一星嘅餐廳，真係名不虛傳！每道菜都好驚喜👍🏻食材超新鮮，擺盤精緻，煮法又特別！好多款式我以前從來未食過，大開眼界！最令我印象深刻就係「北海道八爪魚」，八爪魚鬚勁大條！一上枱真係「嘩！」一聲😲！醬汁超入味，食落鹹鹹甜甜，肉質彈牙~爽滑到不得了~另一道「酒盜鰹魚腸」，呢個真係好有驚喜！😌一入口，啲油脂甘香湧出嚟，魚肉嫩滑，跟住慢慢滲出魚腸嗰種超濃郁嘅香味。師傅用炭燒過，辟咗啲腥味，嗰陣甘香喺個口度停留咗勁耐，好正！整體所有食材質素高，新鮮度滿分！餐廳環境坐得好舒服，師傅好細心，每道菜都會介紹，成個體驗真係好完美🫶🏻👑皇SUMERAGI Omakase $1780⭐️先付 三點🔹沖繩水雲醋、甘露煮里芋、蟹肉忌廉蛋捲🔹北海道軟煮水八爪魚配芥末及柚子胡椒🔹稻草煙燻BB吞拿魚⭐️刺身兩點🔹深海池魚🔹北海道帆立貝⭐️燒物🔹酒盜鰹魚腸⭐️壽司八貫🔹鹿兒島 白魷魚🔹大分縣佐賀關池魚🔹北海道黑北寄貝🔹熊本縣車海老🔹14日熟成大拖羅🔹10日熟成赤身醬油漬🔹汁煮海鰻🔹北海道馬糞海膽⭐️玉子燒⭐️赤麵豉湯⭐️靜岡蜜瓜…查看更多

「人生有限杯」串燒店進駐尖沙咀，主打$10起親民價串燒，即叫即燒保持水準，CP值極高！新店設餐桌及吧枱座位，推薦坐吧枱近距離欣賞師傅手藝。🩶鹽燒西班牙五花腩 $10肥瘦均勻嘅厚切五花腩，外層焦香，入口肉汁豐富 ，油脂甘香！🩶黑松露燒雞肝 $15外表微焦，咬落流心，軟滑爆漿。以黑松露調味，減低內臟嘅羶味。🩶味噌松板豬 $15以味噌醬醃製，肉邊燒至焦脆，咬落彈牙帶嚼勁，醬汁惹味，好想encore！🩶椒鹽雞軟骨 $15燒到金黃色，入口鹹香，入口香脆有咬口🩶鹽燒鮮雞腎 $20燒到啱啱好，唔乾身，爽口唔會好韌。🩶免治雞肉棒配日本蛋 $28每一啖食落都有軟骨碎，口感脆卜卜，沾滿濃郁醬油同日本蛋黃，好濃郁同滋味🩶鹽燒牛舌芯 $28厚切牛舌芯燒至微焦，外脆，入面就爽口彈牙，以鹽吊出牛舌獨有嘅奶脂油香。🩶鹽燒鮮雞頸肉 $28皮嫩肉厚，啖啖肉，嫩滑又Juicy🩶鹽燒和牛牛小排 $48鹽燒帶出牛脂甘香，外層焦香，內裡肉質有彈性，入口牛肉味香濃。🩶蒜蓉燒蠔（兩隻） $48蠔肉飽滿脹卜卜，一咬爆出海水鮮味，用上蔥同蒜香調味，特別惹味～🩶蒜蓉菜脯燒元貝（兩隻）$48兩隻元貝都厚內，面層鋪滿黃金蒜蓉及鹹香菜脯碎，底層粉絲吸唒貝汁精華！入口有蒜香，咬到脆口菜脯。元貝肉鮮甜彈牙無腥味，一次過放晒入口，鹹中帶微辣，越食越開胃！🩶山椒鰻魚汁燒白鱔 $48白鱔肉質嫩滑爆油，有膠質好滑溜。山椒鰻魚汁香甜提鮮，中和油膩感 。🩶白酒忌廉煮蜆 $68份量好足，蜆都大粒同埋新鮮，蜆肉肉厚多汁。醬汁用白酒同忌廉加埋洋蔥煮成，奶香濃郁，每一啖都有酒香同蜆嘅鮮味，醬汁濃郁到想舔碟！🩶港式蜜糖多士夾雪糕 $48超邪惡！必點嘅甜品！多士烘到金黃焦脆，表面蜜糖脆殼甜蜜香脆，夾住冰凍雲呢拿雪糕，又脆又軟，香甜奶滑，好好味。🩶手打檸檬茶 $28🩶百香果檸檬茶 $28酸爽透心，甜度精準，食住串燒配檸檬茶，減低油膩感。…查看更多

最近發現佐敦有一間好正嘅餐廳「樂 鐵板燒」，上個禮拜同朋友試咗，真係充滿驚喜。一推開大門，即刻好似時光倒流，全場掛滿張國榮經典海報！連牆身都貼住佢嘅黑膠唱片封面，仲有玻璃櫃展示收藏品！樂師傅一邊煮食，餐廳一邊播放住張國榮嘅經典金曲，非常有氣氛。🌸十八層海膽杯 A5和牛廚師發辦 $1680🌸火焰海膽甲羅燒原隻鴛鴦海膽活龍蝦廚師發辦 $1680⭐️季節前菜前菜組合一份四款，夠曬心思。磯煮鮑魚軟嫩入味，醬油甜香滲透，咬落彈牙得嚟唔會韌。北海道白粟米爆汁清甜，咬落脆嫩無渣～大根柚子漬，醃得爽脆醒胃，柚子清香，微酸好開胃。薯仔沙律綿密 creamy，口感豐富，有日式家常風味。⭐️季節沙律：青森縣王林蘋果蟹籽沙律師傅將蘋果挖空，造成一個蘋果盒。將蘋果果肉，撈入沙律醬同蟹籽，然後放返入蘋果盒入邊，非常有創意。蘋果爽脆香甜又多汁，配上爆汁蟹籽鹹鮮同酸甜嘅沙律醬，帶來一種小清新感覺。⭐️十八層海膽杯 呢杯嘢真係必試👍🏻必打卡✅一啖食勻北海道紫海膽、松葉蟹肉、拖羅蓉、三文魚子同花膠，一層疊一層，超奢華，超級靚！頂層嘅白飯魚脆片焦香脆口，點埋creamy又鮮甜嘅海膽，一啖就已經鮮到彈起！之後嘅步驟一定要撈勻！用匙羹由頂挖到底，撈勻曬18層食材，啖啖都食到海膽同魚生鮮甜，仲有蟹肉嘅絲絲口感同魚子嘅爆珠感，好豐富，好滿足！⭐️ 活龍蝦兩食（海膽醬芝士焗、海膽牛油蝦膏煮）龍蝦大隻到不得了，師傅用咗兩種煮法，都一樣咁高質，超邪惡！🔸海膽醬芝士焗龍蝦芝士加海膽醬嘅組合真係無得輸，濃郁到爆🫨一啖咬落去，龍蝦肉超彈牙，啖啖肉，好惹味！🔸 海膽牛油蝦膏煮龍蝦龍蝦肉煮得啱啱好，唔會過老，保持鮮甜，配埋個汁真係無敵！最驚喜係個竹炭烏冬！吸曬海膽牛油汁，每條烏冬都掛滿濃郁蝦膏香，仲有微微海膽甜味，好好食！⭐️ 北海道帆立貝原始燒師傅用火槍即場燒到成個貝殼噴火，我哋即刻拎手機影低，視覺味覺雙重享受🔥 燒嘅過程，牛油香氣即時爆發，清酒蒸發剩低甜味，同牛油完美融合，帆立貝表面焦香，咬開鮮嫩柔軟，帶有淡淡酒香，仲有蟹肉同三文魚子做內餡，每啖都有驚喜。 最後用匙羹連汁潷埋嚟飲，超鮮甜！每一啖湯汁都係精華所在！⭐️北海道赤海膽刺身呢款「浜中小川赤海膽」好食到震🫨🫨🫨師傅請我哋握緊拳頭，將份量超多嘅海膽放喺我手背上面，然後一啖啪左佢！人生第一次咁樣食法！一放入口，雪糕咁嘅質地，即刻化開，甜度爆燈，仲帶微微海水鹹香，完全冇苦澀味，係入口即溶嘅海膽天花板！幸福感100☺️💕💕💕⭐️火焰海膽甲羅燒呢個唔係普通甲羅燒，係一道會著火嘅奢華藝術品！師傅即場點燃閃火紙，成個蟹殼被火焰包圍，滿滿儀式感❤️‍🔥海膽融化係蟹膏入面 ，濃郁幼滑。松葉蟹肉入口鮮甜，黑魚籽鹹香，口感好豐富。將所有一齊撈埋，放上黑松露薯片，香脆又香濃，非常惹味。^_^⭐️ 五式燒野菜車釐茄表面微焦，一咬開酸甜汁液爆發。蘆筍係嫩芯部位，爽脆無渣，帶炭燒味。茄子配上焦糖醬汁，香甜綿密又細緻。南瓜厚片慢烤，入口鬆軟。甜薯棉花糖，好鍾意呢個整法，棉花糖烤到拉絲，黏住蜜糖甜薯，冷熱交融甜蜜蜜。⭐️ 荔枝豚肉卷師傅將厚切豚肉捲住原粒荔枝燒，表面再鋪滿蜜糖味爆珠，一啖咬落去就爆汁＋爆珠，交織甜鹹雙重口感。焦香豚肉，帶微微焦脆邊。荔枝清甜及蜜糖爆珠完美中和油膩 。⭐️香煎鵝肝配山芋餅鵝肝煎到脆皮，油脂香超濃郁，咬開入面似雪糕咁滑，山芋餅煙煙韌韌 ，配埋藍莓珠夾埋一齊食，成個口感酸酸甜甜，好清新又解膩。⭐️黯然銷魂飯 A5和牛叉燒，配上流心蘭王蛋同椰菜花飯，超級好味！呢個絕對唔係普通叉燒飯，師傅用上A5和牛整成叉燒，外表焦香，肉質柔嫩，充滿油香。蘭王流心蛋同椰菜花炒飯，一啖食落去，蛋漿撈埋「飯」，和牛油脂香爆出嚟，真係邪惡到極點！⭐️特色紙包花膠蜆湯呢個紙包湯真係不得了！有花膠、蜆、冬菇，鮮甜到癲，原汁原味，冇加味精！花膠厚身又滑，蜆肉飽滿冇沙，冬菇爽口大大隻，飽到上心口都堅持要飲！飲完成個人暖笠笠～⭐️自家製甜品：海膽雪糕第一次食海膽雪糕，估唔到係咁夾，超有創意！海膽直接放喺雪糕上面，仲要加埋爆炸糖，食落去首先係海膽嘅鮮甜，鹹甜交織嘅感覺好新奇，加埋爆炸糖噼啪響嘅口感，玩味十足！…查看更多