codifoodie's Profile

嘩，今次去到長沙灣又覓食啦，響長沙灣附近做完嘢，上網睇吓有咩推介網民就推介可以去食呢一間，位置比較偏僻都搵咗一段時間，去到門口個感覺就好似去咗Stranger Things入邊嘅奇異空間。入到去舖頭嘅裝潢呢就偏向復古日式風格，都幾啱打卡。今次呢我就嗌咗個二人套餐，配合呢個澳洲和牛M9西冷同埋美國頂級牛頸脊嘅壽喜燒，全程店員幫你去燒牛，個肉質呢紋理分明啦，雪花都分布得好平均，中用上日本嘅蘭王蛋。如果覺得套餐嘅肉唔夠都可以額外追加。…Read More

話說早排GD嚟咗香港開演唱會，本人就買唔到飛啦，有日上網搵飛嘅時候，突然喺社交平台度見到有間Cafe以佢做主題，為咗慰藉下去唔成佢演唱會，所以就去咗呢一間Cafe啦。Cafe位於長沙灣，響地鐵站行過嚟大概8分鐘左右。一到步舖頭有一隻好大隻嘅貓，放心係GD樣嘅貓嘅畫像，係由社交平台 整作，啱晒想打卡嘅你哋，舖頭播嘅歌全部都係G-Dragon嘅歌，另外都設有有啲周邊小物賣，啱晒粉絲去觀光🤣舖頭呢主要嘅食物都係以快餐為主，即係漢堡包薯條等等，我個人反而推薦佢哋嘅咖啡或者飲品，覺得比較特別。…Read More

雞蛋仔眾所周知係香港嘅一款傳統街頭小食，但你又估唔估到結合埋菠蘿包會係點樣？位於上環有間好特別售賣雞蛋仔嘅舖頭，佢將菠蘿包同埋雞蛋仔結合成為菠蘿雞蛋仔！佢所有嘅雞蛋仔都係即叫即整，即時落單都需要等大概五至10分鐘，即叫即整嘅好處就係雞蛋仔唔會預先製作好而會變腍，同樣地都唔會放咗好耐。所以整出嚟嘅口感同埋味道都相當不錯，今次我就特登去試咗佢個菠蘿雞蛋仔，估唔到用菠蘿包嘅頂加埋雞蛋仔嘅結合又幾啱喎！個頂會比較脆啲，感覺真係同食緊菠蘿包好似，以佢嘅雞蛋仔就外脆內軟，兩隻嘅結合口感一流，而佢嘅雞蛋仔就比較重奶味，正正就係我最鍾意食雞蛋仔嘅味道。只愛佢哋仲有一個自家製嘅紙袋去裝住雞蛋仔方便我哋去進食同埋帶走，個設計風格都比較港式。呢一間舖頭係一間慈善，佢嘅盈餘將會用作慈善用途。希望大家多多支持❤️…Read More

響呢個尖沙咀佐敦嘅中間有間前身係酒吧嘅餐廳，主力只係賣串燒。佢嘅串燒價錢大概係$10到$15 1串，我覺得完全係同區最抵食串燒之選！款式嚟講我覺得都比較多元化㗎，除咗平時普通嘢牛豬羊雞，仲有海鮮同埋古法窯雞，唔單止仲有甜品，檸檬茶同埋唔同嘅酒，啱晒充滿心思思嘅你哋😆🤣 如果太多選擇唔知點揀嘅話都可以嗌佢有一啲套餐，100-200就幫你揀好晒啦。今次我去到簡直係任嗌，凡係見到想食嘅都落order!! 嗌咗差唔多27串仲包埋啤酒野飲都只係$723，當中嗌咗冷汁撈生蠔汁燒完隻魷魚板炸芝士年糕蒜蓉燒生蠔黯然麻辣和牛面頰等等要帶推佢個黯然麻辣和牛面頰，鍾意食辣嘅你絕對唔可以錯過！佢個面頰肉其實比較爽口配埋麻辣汁，簡直一流！不得不提夜晚仲有live Band，會不定期邀請一啲樂隊過嚟表演，不過我去嗰日呢就冇啦，如果想聽吓live friend食串燒呢個都係一個幾好嘅地方。…Read More

深水埗係一個真係臥虎藏龍嘅地方！無論中西日韓，上至外星文下至地理通通都有！今次去嘅地方呢係位於城市大學。。。。動物醫療中心嘅對面嘅，門口睇落呢就冇咩特別嘅。入到去裝修呢就見又係啦，又唔同嘅板仔掛晒有咩嘢食，等大家可以揀牌啊！好啊好啊，講返嘢食！我就嗌咗佢嘅招牌豚骨拉麵，配料當然有齊紫菜，溏心蛋，筍乾等等，可配埋個餐，就有炸餃子同埋汽水。另外仲嗌咗佢個角切魚生丼，以$78嚟講嘅質素確實認真唔差!! 其實令我最驚喜竟然係佢嘅炸餃子啊，餃子係即叫即炸送到上嚟真係外脆內熱啊🥰 📣📣📣大家要記住呀，逢星期一舖頭係休息呀！千祈唔好摸錯門釘…Read More

響尖沙咀有間每日只賣100碗,，賣哂就收鋪嘅拉麵鋪🍜 有7款招牌拉麵，然後可以再攞自己中意麵硬度同湯底味。今次我就擇咗其中2款，分別喺: 1️⃣特盛慢煮叉燒濃清湯拉麵($108) : 呢款個湯我擇咗醬油味! 滿滿叉燒又香又熱辣辣!!2️⃣白松露慢煮叉燒濃清湯拉麵($108): 呢款我就擇咗鹽味，白松露加埋鹽味好夾，仲令到個湯入味啲而小食方面，就嗌咗1️⃣香炸雞翼: 真係新鮮滾熱辣，外脆，咬落好脆，汁仲滿晒岀嚟2️⃣自家製魷魚豚肉餃子: 一定要配佢附送嘅汁，酸酸甜甜，好開胃富士柚子汽水同個番石榴汁鋪頭裝修以日式拉麵風格，想打造好似響日本打卡！另外，凡係幫襯舊$78就可以有1個印仔，集齊4個印仔，即可以換$38/以下小食。(當然詳情請以店舖公佈為準)…Read More

講到觀塘，不得不提下東廣場！東廣場連接與APM以及觀塘廣場！由地鐵站行過去都只不過需要5分鐘！入面包括咗唔同嘅菜式，今次嘅主角就正正位於東廣場！裝修被偏向日系文青，位置都幾闊落！我見佢就冇特別限制用餐時間，都係一個不錯嘅聚會地點! 而食物方面，今次嗌咗煙肉及意大利豬肉腸花椒忌廉汁扁意粉(HKD 118)同埋黑松露薯條(HKD 68)煙肉及意大利豬肉腸花椒忌廉汁便意粉呢就真係比較辣！而個花椒味都確實幾強！黑松露薯條炸得啱啱好！外脆內軟！仲要熱辣辣地上嘅！同行朋友得意係都嗌咗個甜品佢幫我慶生，店員亦都好sweet咁將背景音樂轉成Q版生日歌配合！ 最後最後本人覺得最得意最得意嘅場景就係嗰隻貓貓！…Read More

今次去咗灣仔一間主打韓式醬蟹嘅餐廳，專程試下佢哋嘅招牌菜——任食醬油蟹！醬油蟹（分男蟹同女蟹）男蟹同女蟹各叫咗一隻，女蟹膏黃特別多，入口鮮甜，醬油味唔會太鹹，反而帶少少甘香，啖啖肉都好滑溜。男蟹肉質結實啲，食落有咬口。配埋紫菜飯一齊食，真係會忍唔住一啖接一啖，完全明白點解咁多人鍾意食韓國醬蟹。韓式炸雞炸雞外皮超級脆，咬落去有「咔嚓」聲，雞肉唔會太乾，仲有肉汁。雖然份量唔算多，但勝在新鮮熱辣，配啲韓式辣醬會更加惹味。配菜同環境每人會有一碗紫菜飯同埋泡菜湯，紫菜飯香口，泡菜湯酸辣開胃。枱面有膠手套同垃圾桶，方便食蟹時唔怕整污糟雙手。店內燈光偏紅，氣氛幾有韓國街頭feel，服務員都幾有禮貌。總結醬油蟹鮮味突出，女蟹膏香濃，男蟹肉質彈牙，炸雞亦有水準。價錢係貴咗少少，但偶爾想食返餐高質韓式醬蟹，呢度都值得一試。建議兩至三個人share會更抵食，下次會想試埋其他小菜。…Read More

最近我去咗小魚兒餐廳，想同大家分享下我嘅用餐體驗。小魚兒嘅菜單主要係海鮮，選擇非常多，咩生魚片、炸魚、燒烤都有。佢哋特別強調食材嘅新鮮，每道菜都會標示來源，真係令人好放心。我今次嗌咗海鱸魚，黃金蒜香魚（不辣），海鱸魚肉質細膩，肉厚而富有彈性，味道鮮美，它的魚肉不油膩，蒜香味道啱晒唔食辣嘅朋友，總括來講，小魚兒真係一間值得試嘅海鮮餐廳，無論係食材嘅新鮮度定係料理嘅味道，都令我印象深刻。如果你鍾意海鮮，呢度絕對係個好去處！…Read More

人氣oppa主理嘅韓國菜😍 係由頭到尾都係全手工整面，亦都係全手工整餃子，真一手一腳搞，唔係預製菜嚟㗎！今次呢就嗌咗1份『酸泡茱脊骨馬鈴薯湯』 （2-3人份量價值$388)，同埋泡菜煎餅🫓 不得不提個泡菜湯喺完全估唔到個味道會喺咁，酸酸甜甜，入面呢有個豬骨肉，舊骨好香，肉呢就係偏腍嘅。而且呢個份量已經係絕對夠三個人一齊食啊！而泡菜煎餅喺一流，個皮亦都唔會太厚！除此之外，舖頭個環境就直程好似去咗韓國咁樣樣，有韓國嘅小食堂feel …Read More

今次再返M Square，真係好開心！食物質素依然咁高，真係好滿意。餐牌都有啲新嘢，我哋今次點咗幾樣食物：- **Waffle Benedict**：華夫餅好鬆化，加上水波蛋，味道超正，醬汁仲令整體更好味！- **Pulled Pork Lasagna**：拉絲豬肉同意粉搭配，口感層次好豐富，真係好味。- **Black Truffle Cheese Chips**：黑松露芝士薯片，香濃到一口接一口，根本停唔到。- **Vanilla Milkshakes**：香草奶昔滑順可口，甜得啱啱好，真係解渴又滿足。- **Kale Salad**：健康啲羽衣甘藍沙律，清新爽口，醬汁都好好味。- **Passion Fruit & Calamansi**：呢個飲品酸酸甜甜，特別解暑，真係好推介！- **薄荷朱古力打卡特飲**:呢個飲品啱晒打卡，又集齊晒所有邪惡元素，但真係好好飲！總括來講，M Square依然係一個好地方，無論食物質素定環境，都好值得一試！期待下次再嚟！…Read More

今日同朋友去咗荔枝角D2度食嘢，諗住食得健康啲，於是就揀咗呢間嚟食啦。舖頭係喺D2第一期，基本上一入到去商場入邊右手邊就係啦!! 款式嚟講呢我覺得都唔少嘅至少有10到18款，自己都可以再配搭。我今次就揀咗個三文魚Pickabowl，好可惜今次冇晒沙律，所以我最尾就局住揀咗糙米飯同白飯，大概係$98，個人覺得都幾對得住呢個價錢，三文魚呢都係偏大舊，但係我就覺得好多人同埋個醬汁味道唔係好濃。舖頭個格局呢都比較裝修簡單嘅，但係坐落呢就一啲都唔會好侷促同埋好迫。亦都有免費嘅自助水提供。…Read More

有時經過開駱駝漆都會見到有呢一間排長隊嘅舖頭，今日就同同事過咗嚟試試。因為呢我哋兩位都想食得比較健康啲，於是呢就嗌咗佢哋嘅沙律。價錢大概$78左右。我哋兩個分別嗌咗三文魚沙律同埋呢個雞肉沙律。作為一個減脂餐，我覺得佢好好係醬料分開咗另外一個兜上！ 等我哋自己可以自助選擇！個人覺得個份量都偏多同偏大，會有一層滿滿嘅菜鋪底，加上有半個嘅牛油果。除此之外，店舖裝修都比較簡約，水泥風格，草嘅位置好闊落，都幾啱星期一返工，中途過嚟休息吓。…Read More

Frites is a fantastic Belgian restaurant that specializes in traditional Belgian cuisine, as well as some international dishes. I tired the below mentioned cuisines: - **Steak Frites:** Classic Belgian-style steak frites, featuring a tender grilled steak cooked to a perfect medium rare, served with crispy hand-cut french fries- **Mushroom Risotto:** A rich and creamy mushroom risotto, made with a variety of locally sourced seasonal mushrooms- **Seafood Linguine:** A delectable seafood linguine dish, featuring a medley of fresh mussels, shrimp, and calamari in a white wine and garlic sauceOverall, Frities is a must-visit for anyone seeking an authentic and elevated dining experience, whether you're in the mood for classic Belgian fare or something more international. I highly recommend it to anyone looking for a delicious and memorable meal.…Read More

呢排想食得健康啲，呢間舖頭呢就開響公司附近嘅，於是就同同事一齊去試吓啦！首先講吓個優惠先，如果你係首次用佢哋自家嘅Apps去落單嘅話呢，有HKD 80-15嘅discount!! 之後呢都可以透過佢個Apps落單去到舖頭嘅時候呢就可以有得拎啦！個人覺得就好啱我呢啲辦公室同事，講求效率，又可以健康！今次呢我就嗌咗個沙律，額外再加配咗個雞胸肉，配菜方面呢我就揀咗紅菜頭同埋豆，你當三個配菜加兩個主食嘅話呢就係$65左右，而個雞胸肉一定要額外加多$15嘅，如果你仲想飲多啲健康嘅飲品呢就可以再加錢去嗌。我覺得佢個飯盒份量係非常之重量級，同事笑言話可以兩個人share添！…Read More