wkw19890731的個人專頁

今日馬鞍山做野，本來想去街市食飯，突然見到有驚喜，燉湯專門店真係未去過,怕吾飽加十蚊配個菜飯.約八粒龍眼肉,石合五條,花旗蔘片少許,麥冬幾粒，雞肉少少多細骨部位，真正藥材苦味,冇味精，雞皮做雞油,湯色較清。…查看更多

隔左一日再去買個辣烤豬肉飯盒,以為肯定係細細盒好似香港某日式超市既便當咁既份量,結果係令我有驚喜，睇落係比較貼近南韓人烤豬肉食店既格局,每樣餐前小菜都有一樣,烤豬肉唔少野,如果係我呢個男仔20歲果陣一定食得晒,但宜家33歲腸胃唔多好就未必食得晒，個份量多到要同我媽媽share。烤豬肉:唔算辣,果種味道叫泡菜掩既香辣,有些少類似花生油/麻油,加上豬肉既油脂。跟少少紅蘿蔔絲,洋蔥配菜:泡菜,黑豆,芽菜,菠菜,薯粉絲,兩塊玉子煎蛋…查看更多

燒牛肉紫菜包飯最近食太多濃味食物搞到想食返少少清新或蔬菜,最後揀左開業幾年但係一次都冇幫襯過既樂富街市韓式紫菜包飯,佢係好似壽司手捲做法咁捲埋一條紫菜捲,然後切開十件,長度約20CM,起初以為唔夠飽,但食到幾件之後完全冇呢個問題,用料係豆泡腐皮,生菜,酸黃瓜.煎蛋黃類似玉子壽司,紅蘿蔔絲,燒牛肉,青瓜,少少中華沙律,蟹柳。食落你會覺得勁似小朋友教煮野食整手捲壽司果種感覺，唔會話有咩味,最多就係靠牛肉既汁味,黃瓜既醋酸味,總之就係俾人一種清淡既感覺。…查看更多

本身我個人幾鍾意中藥既食療或飲中藥，聽完朋友話自己會嫌貴加食善存果D維他命冇用，點解唔去一間叫醉藥雞既鋪頭食佢個招牌砂鍋雞68蚊果個呢?心諗我冇錢去咩，要係真材實料先滿足到我，趁呢日係附近做完野就走左去食。12點未到未開門係附近行左一個圈，然後開門只有三四個客，大把吉位，店員指派我同另一位男食客坐左係角落兩個單人位。未上檯已經聞到隔離食客既香味，心諗應該唔係伏掛，之後上左檯，先飲湯加食件雞同睇下有咩配料，有幾件雞大約6-8件既白切雞冇雞翼，多數都係雞胸大件骨冇咩細骨，唔會食食下要不停吐骨，一大口啖啖肉。佢個湯係用雞皮既油,雞湯似係超市十幾蚊一大盒果種湯，一大浸酒味同酸味，而且碗底有好多細糯米粒，即係超市買到既"酒釀"，類似X佳買到既"佬米酒"用玻璃瓶裝住既38蚊裡面有幾湯匙，加上廚用黃酒，與花雕酒類似，都係廉價黃酒，對於我自己有飲開啤酒，有時飲少少花雕酒既人來講，個酒味加酸味比較好味開胃。不過飲湯飲到一半，我就開始覺得冇咩特別，只係得浸酸味，而且愈來愈口乾<<<點解呢?我先聲明係飲唔出有味精，但係好明顯有落好多雞粉，因為我次次食完有落雞粉既野果種口乾竟然係呢個時候出現，為左飲真D個味，所以先飲到見底，如果唔係真係想唔飲落去。配料:2-4件新鮮准山，4-8片雲耳,4-6粒紅棗呢一次我係叫左白飯如你地所見，配料得好少，有少少唔點題同中藥有關，我屋企自己保老火湯都會落好多藥材，例如蓮子,意米,龍眼肉,紅棗,黨蔘,各種豆等等，咁個配料得新鮮准山同紅棗比較似藥材,咁意思即係你個湯係用好多藥材去熬?咁點解唔可以俾D藥材渣人地食呢?而且湯個味道唔似有用好多藥材熬,只係得個酸味勁重唔知想要掩飾D咩野，食到一半心入面感覺好似俾人呃左既感覺，覺得完全唔值68蚊囉，又要話係招牌菜。不過如果論味道好壞，我係覺得好食既，如果想要覺得佢有落好多藥材俾你真係你諗多左。作為一個好味小菜價錢來計68蚊係值，但作為藥膳就唔值。…查看更多