ivytmc的個人專頁

同朋友去食飯，餐廳環境闊落，坐得十分舒適。菜單選擇尚算豐富，有頭盤、沙律、小食、意粉、飯、漢堡、主菜、甜品，另外餐廳係主打咖啡，有多款手沖咖啡及Mocktail選擇。一行6人叫了多個菜式。小食拼盤，佐酒一流。Burger係用竹炭麵包，好特別，肉都Juicy，十分足料，唔錯一共叫咗三個意粉share，我自己最鍾意三文魚牛油果意粉，另外兩個意粉都好食，不過份量細份咗少少豬肋骨，大份夾抵食燒春雞，幾香口羊架，燒得幾香，而且都算大份整體嚟講今次晚餐十分高質，野食大份抵食。價錢親民，可以再嚟!…查看更多

今日經過睇到觀塘有新開兩餸飯，買左一盒試下叫左個千層麵 豬腩肉同雞扒 免費送個湯雞扒好滑 豬腩肉夠稔千層麵都足料 有菠菜肉醬個湯係青紅蘿蔔湯 清清地幾滋潤 唔錯一共$45去嘅時候唔算好多人排隊，不過走果陣就開始多人，可能因為我早落到去。買飯盒流程尚算暢順，用咗大約3分鐘俾錢連揀餸。門口仲有個叔叔好細心叫你小心梯級估唔到間鋪仔細細，都有唔少野食可以選擇仲有其他中西式餸，另外可以加錢要飲品呢間鋪主打唔加味精同埋足料，食過一次暫時覺得係ok嘅，下次試埋中式餸以後lunch又多一個選擇…查看更多

去開中環做嘢，經過永吉街呢間小店，就入去試下。下晝兩點幾去到，唔算超多人，可能因為過咗繁忙時間。天氣太熱唔想食湯粉，於是叫咗個鵝肝三色扎肉法包，一上枱，勁大份，一個人完全食唔哂。法包有鵝肝醬，扎肉，越南叉燒，材料好豐富，可以話係真材實料。老闆娘話個包係佢家鄉特色，果然無介紹錯！講下店舖環境，鋪頭細細，有兩層，目測應該坐到30-40人。座位之間距離唔算遠，不過小店算係咁啦，整體坐得舒服。另外不得不提，一路食嘢期間見到唔少人嚟買外賣，相信鋪頭都儲落一班熟客仔…查看更多

好開心公司附近開左新咖啡店，今日long lunch一於同同事去試下。一入到餐廳，好大好寬敞，坐位唔算多，每張枱之間都有充裕空間，私隱度十足。餐廳播放住好禪嘅音樂，令人覺得好放鬆好舒服。講返野食，餐牌上面有好多得意名嘅野飲，我就叫左杯好玄嘅mocktail - 「一念一清靜」，即係熱情果薄荷烏龍。因為天氣都有少少熱，同事叫左杯士多啤梨沙冰。我地兩個女仔比較細食，所以叫左一個沙律同burger share食。有機三色藜麥牛油果野菜沙律 - 清新好味，色彩繽紛，而且好健康，岩哂OL。和風吉列豚肉漢堡配香草薯條 - 呢個漢堡有驚喜，塊豚肉大到飛哂出黎，大件夾抵食。薯條加左香草，睇得出大廚好有心思。餐廳宜家仲係試業中，聽經理講之後可能會出更加多野食同埋套餐，期待下次再幫襯。…查看更多

琴晚同同事去食飯 見好耐無食日本野就去Wanomi 又可以食串燒 又可以食飯 一定夠飽我地兩個人叫左地雞土鍋飯（二人前）其實都好大份叫個飯加少少串燒都已經好飽仲有個茶碗蒸 埋單都係每人百零蚊 大件夾抵食環境方面 餐廳位於商場2樓 地方闊落 裝修唔算好grand但十分舒服 配合輕快音樂令人覺得十分休閒餐廳員工十分友善 由打電話去訂枱已經感覺到員工細心 去到餐廳時見我朋友有少少凍 更加主動幫手斟暖水俾我朋友 十分抵讚 埋單前又主動問我地意見同埋有咩要改善會繼續幫襯…查看更多

同朋友報名參加飲茶點心製作班，整左最愛嘅流沙包「睇住流奶」，每人整3個，整完仲可以自己食返或者帶返屋企食。第一次親手整包，過程好好玩，點心師傅好詳細講解每個步驟，玩得好開心。公司有team building活動可以考慮下整點心呀講返個包，樣得意就唔再講，個流心餡真係好好好好好好味！好香咸蛋黃同牛油味又唔會太甜，自己一個可以食哂一籠都唔覺得滯。場地方面，餐廳好大好舒服，環境優雅。同屋企人或者朋友嚟食飯都好適合。員工都好有禮貌，斟茶遞水都快，而且好照顧每位整點心嘅學員。…查看更多

經過華明村見到新點心鋪，決定試一試。麻辣春蛋燒賣，淨係賣相都已經好吸引，如果嫌唔夠辣仲可以自己加辣油，玩味十足。迷你松露花菇包，顧名思義，就係有松露味同花菇嘅蒸包，好香口。脆脆蝦雲吞，皮炸得金黃白脆，好食。飛機流沙包，放涼左先食都仲識流沙，咸蛋黃味好香，絕對會再食。懷舊馬拉糕，鬆軟得黎唔算太甜，都係值得再食。除左食物好食，店員亦好好服務，會主動拎BB櫈俾小朋友同埋主動添茶。…查看更多

已經第三次幫襯Wanomi 預先訂左位，去到餐廳基本上即刻有位同同事兩個人每人叫左一個午市定食百零蚊就有一大碗沙律＋主食＋前菜＋湯＋小食食量唔大的我覺得好大份呢  親子丼定食 - 蛋好滑，飯好香同事嘅牛肉烏冬，牛肉煮得剛好，烏冬彈牙臨走前經理仲話餐廳有外賣自取，同埋星期一至五夜晚有個二人套餐，搵日放工試下先。…查看更多

今日放左工同同事去happy hour去左中環南豐大廈呢間新開嘅居酒屋試下裝修都幾靚 有和風feel 播住音樂幾relaxing我地4個人叫左雞肉丸串燒超級好味經理話呢個雞肉丸串燒加左d雞軟骨，所以特別有咬口，燒到好香，喜歡的話可以點生雞蛋，我一個人食哂4串都得呀呢度有日本生啤，配埋串燒簡直係perfect evening然後我地決定係度食埋晚飯先走叫左個關東煮盛盒冬天食會好開心 暖胃之選另外我地叫左個土雞土鍋定食，個雞燒得好香十分惹味本身唔鐘意食飯嘅我都食左一碗最後我叫左個甜品，最中餅係由紅豆同蕃薯製成味道都可以，唔太甜下次要試下d set lunch同下午茶先…查看更多

是日到蘭桂坊食lunch，來到這家充滿美式風情的餐廳。餐廳設計簡約，以木造家具為主，中間放有木造高枱，別有一翻風味。Boomshack的午餐blackboard menu有青咖喱魚柳、黑椒炸雞和粟米雞塊，套餐可以配飯、意粉或薯菜，$68十分優惠。另外還有份量較多的lunch combo menu，今天不太餓，就沒有點了。點了青咖喱魚柳配扭扭薯條，如果可以配紅菜頭條就更好了，但紅菜頭條只限lunch combo menu款式，唯有下次再吃。套餐有餐湯、飲品和主菜，份量還可以。青咖喱不辣，咖喱味香濃，口感幼滑。魚柳有四塊，其實一個人吃完四塊魚柳已經飽了一大半。Lunch time來這裡跟同事吃一頓休閒午餐是很不錯的！…查看更多

太古廣場開了新的日本餐廳，作為日本餐粉絲，當然要去試試！新的日本餐廳在DIM SUM LIBRARY旁，門口的設計特別。餐廳第一部份為酒吧，帶點西式的感覺，來這裡happy hour應該很寫意吧。酒吧旁的壽司吧站著數位師傅，讓客人邊吃壽司，邊欣賞師傅門的精湛技術。主要的用餐部份設計簡約，牆壁掛滿日本藝術家的畫作，供客人購買。畫作定價數千元至數萬元港幣，算不上是「天價」，但算是對新晉藝術家的支持。櫻花煙三文魚配山葵忌廉 $108以酸忌廉、鹽和芥末製成的忌廉滑溜，塗上烘得香脆的麵包，可按個人口味加入青蔥，最後鋪上以櫻花木煙薰過的三文魚。這新穎的三文魚食法還真是未試過呢！本店雜錦魚生飯 $258共有9款刺身，飯以紅醋煮成，中間更夾著一層薄薄的紫菜針。這個盛載魚生飯的手工盒很美，為這道菜增添不少美感。鰻魚飯 $148到日本餐廳我必食鰻魚飯。HON10的鰻魚飯有好大好大好大塊鰻魚，一個字，滿分！價錢不算平宜，勝在地點方便。兩個人只吃了三道菜，聽說這裡有set lunch，下次再戰！…查看更多