1437rita的個人專頁

朋友帶我來灣仔一間酒店內食商務午餐，仲要有房坐私人度十足，而且真係好好食，尤其個蓮藕鴨湯超濃郁又唔油膩，我絕對會為左呢碗湯再來。小食皮蛋超有驚喜，切到細細粒加上燒過嘅青椒粒，醬汁辣辣地，配埋脆餅一齊食，超級開胃又好味，係好味道食到停唔到口嗰隻！主菜就叫咗炒牛肉，配上大曬配菜，味道香辣用嚟送飯非常一流。另一個主菜我哋點咗琵琶豆腐鍋，豆腐好嫩滑，而且份量好多唔算好辣，食下豆腐感覺成餐飯都健康啲。最後食埋個炒青菜，同埋甜品，真係食得好滿足，估唔到五百幾蚊兩個人可以包房食中菜，坐得咁舒服，而且不論裝修同埋食物都係非常高質嘅一間餐廳，下次一定要試埋其他菜式。…查看更多

喺太子成日見到好多隱世小店，呢間小店雖然舖頭唔大，不過裝修好有日本風，最重要係有和牛壽喜燒，喺售未去到日本之前食返個壽喜燒回味吓，我哋點咗一人和牛壽喜燒，本身有野菜，但係可以加錢轉其他牛肉。店員首先用牛嘅脂肪喜獲再燒一燒大蔥，香味令到食慾大增，蝸牛油脂分泌非常平均，燒一燒鑽飾已經食得，入口即溶嘅感覺真係好幸福，而且份量都唔少，再配埋個烏冬，其實都好飽。不過我哋見到可以食燒龍蝦，估唔到上枱嘅時候見到係好大條嘅龍蝦味，用芝士燒到好香口，啖啖肉真係好惹味。…查看更多

九龍灣見到呢間食漢堡扒，難得唔係咁多人排隊一於去試吓。我就試咗原味，加芝士味，另外仲有期間限定青咖喱味。本身餐廳已經提供好多醬汁可以選擇，食原味漢堡就可以試吓醬汁嘅味道，不過本身漢堡扒已經好多肉汁，所以其實點醬汁嘅機會唔多，再加上新鮮雞蛋同埋壽喜燒汁撈飯一齊食，真係每食一口都非常滿足。另外就係我最最最鍾意嘅芝士味漢堡扒，本身有一塊芝士喺漢堡扒上邊，再加上店員新鮮刨大量芝士碎，這個過程已經非常治癒，加上芝士鹹鹹香香真係超級好食，每當食到漢堡扒鮮味同埋芝士融為一體，完全唔需要任何醬汁已經非常精彩，真係超級好食。最後試埋期間限定嘅青咖喱，但我個人就覺得唔夠辣，不過呢種味道好有泰國嘅感覺，總括嚟講三款都值得一試，不過不得不試就一定係芝士漢堡。太正啦！…查看更多

返工嘅時候間唔中都會去呢間Cafe度食lunch，原來呢度食dinner都好高質，最精彩係可以俾我飲返兩杯，放工後來個happy hour，近排真係好需要酒精，放鬆吓心情，叫咗杯Cocktail，賣相超級靚，味道酸酸甜甜，飲咗幾啖發覺都幾strong，但我鍾意，之後就點咗兩個主菜share食。咖啡味嘅牛扒會係野？牛扒生熟成度整得剛剛好，牛味濃郁，加埋淡淡嘅咖啡味原來係咁夾。另外蟹肉芝士意粉，真係超多蟹肉，配埋芝士，真係好香好好食，味道好濃郁，最鍾意係意粉軟硬度剛剛好，果然食物質素依然高。最後來過Tiramisu作為完結， Tiramisu好嫩滑，咖啡同酒香調配得剛剛好，入口好Creamy，喺中環價錢合理食到咁高質嘅西餐，真係幫我呢個忙碌嘅一周充一充電，非常滿足。…查看更多

將軍澳近海邊商場有間隱世德國餐廳，經常有做啤酒優惠，真係啱晒我身邊嘅酒鬼街坊😂Lunch原來好抵食幾十蚊有卡邦尼碟意粉，意粉軟硬度啱啱好，醬汁濃郁。不過最驚喜竟然比我喺Menu上面見到有法式燒乳豬配埋鴨肉燴飯，都係二百幾蚊可以食到，比起出邊銅鑼灣尖沙咀食真係最少平一半，所以一於試吓。乳豬要烤嘅時間比較耐，等咗大約15-20分鐘左右，新鮮香脆嘅乳豬上碟，比起我以前食過乳豬呢度四嚿，仲要真係大嚿有厚肉，新鮮烤外皮超級香脆，配埋醬汁再加埋蘋果蓉，幾種味道衝擊味蕾，乳豬肉燒得剛好，好嫩肉滑有肉味，真係超級好味，最後嘅鴨肉燴飯亦都非常精彩，味道極之濃郁，份量十足，意大利飯軟硬度適中，食完真係有幸福嘅感覺，我絕對會為咗呢份乳豬夜晚再來飲飲食食。cheers!…查看更多

每次去親銅鑼灣都會去呢間韓國小店買幾樣小食返屋企，不得不推介呢度嘅鮮泡菜，係我喺香港食過最好食嘅泡菜，就香辣而且新鮮真係唔同啲，小朋友就最鍾意食醬油鵪鶉蛋，平時食鵪鶉蛋最多食四五隻，但用醬油醃到入晒未，小朋友係可以一餐食到八隻，仲要係我控制住先唔繼續食落去，證明真係幾惹味。另外呢度嘅韓式燒餅價錢唔貴，而且份量都幾多，海鮮入邊有蝦有魷魚增加口感，配埋辣醬一齊食非常開胃，另外韓式炒了年糕，喺舖頭入邊即刻食係最好味，不過小店舖位有限，拎咗返屋企之後我會煮返熱佢，有時撈個米粉或者公仔麵一齊食，超級精彩，小店唔係好起眼，不過入邊真係好似寶藏咁，連韓國靚牛肉同埋醬油蟹都有添。…查看更多

比呢間有Halloween 報置的cafe吸引左，價錢唔貴仲可以好好打卡呢間Cafe lunch嘅價錢都係百零蚊，我覺得必食佢嘅豬扒，有豬味之餘仲要一啲都唔硬，配埋自家醬汁，酸酸甜甜嘅開胃好好味。另外點咗碟香辣海鮮炒意粉，大蝦非常彈牙，以粉軟硬到剛剛好，最正係真係夠啦，食得好過癮，我哋坐喺度慢慢食飲埋杯咖啡坐坐吓不經不覺兩小時。最後見到隔籬枱食甜品，忍唔住再叫埋心太軟，朱古力味濃郁而且真係留心，唔會太甜，估唔到呢間小小嘅Cafe又主菜，飲品至到甜品都咁高質，下次要試埋其他食物。…查看更多

呢間海南雞飯拎咗米芝蓮嘅新加坡海南雞，見佢有午餐就一於試吓。餐廳就喺銅鑼灣登龍街地鋪，好容易搵到，見到餐牌午餐都係幾十蚊，最好係加少少錢可以叫一啲唔同嘅小食，可以試多啲唔同嘅嘢，我哋叫咗兩個海南雞飯，海南雞除左雞滑，最緊要就係個雞皮，雞皮做到爽彈先係正宗嘅海南雞，去埋醬汁同埋油飯一齊食，好滿足嘅感覺呢。另外小食我就叫咗蝦多士，多士超級彈牙，脆卜卜好好味，再叫咗椒鹽豆腐，外脆內滑，豆腐係超級滑。另外咕嚕肉係老人家首選，啖啖肉而且酸酸甜甜夠開胃，最正係連燉湯都有，飲得出冇味精，而且好清甜，估唔到飲品可以飲到呢度嘅招牌薏米水，好味之餘亦夠養生。…查看更多

同哥哥喺九龍灣補完習，經過呢間甜品店，間中都會買幾碗返去同屋企人開心share，呢碗香芒小宇宙一直都係細佬嘅最愛，佢好鍾意食芒果，入面仲要有小丸子，口感似珍珠細佬最愛，濃郁芒果果汁做底仲要真係有新鮮芒果肉，酸酸甜甜真係好好食。另外我真係好鍾意食呢間甜品店嘅芋圓，煙煙韌韌口感非常好，配埋仙草，真係正！我老公一個人食完夜晚飯都可以即刻食晒一碗。至於我自己就鐘意熱三色芋圓豆花，近排天氣開始凍，食返一碗熱嘅甜品成個人暖笠笠，豆腐花好滑再配埋我最鍾意嘅芋圓，食完真係好滿足。最後哥哥就最識食，芋泥豆腐花，芋泥超香超滑，雖然有啲飽肚不過豆腐花食到好香嘅豆味，加埋芋泥嘅香真係好夾，不得不提，呢間嘅甜品係超級大碗，每次就算我哋大人食完一碗都已經好飽，細佬更加要分兩日食，所以其實買幾碗share俾多啲人食，一碗甜品幾十蚊，但係咁多人食其實都幾優惠，我仲鍾意買埋佢呢度嘅樽裝豆乳，因為唔係好甜，但飲到好重豆香，今次買咗呢支木瓜雪耳雪梨豆乳，成個感覺好滋潤，朝頭早飲完呢支豆漿都飽晒。…查看更多

小朋友放學兩個好似餓鬼上身咁，但呢間甜品舖最好就係有甜品下午茶，可以食甜品加幾蚊有埋飲品，仲可以加埋小食、炸燒賣魚蛋配埋酸辣醬特別惹味，估唔到鹽酥雞同埋蜜糖雞翼都一樣咁好食，難怪見到好多中學生都係呢度食下午茶。我自己就叫咗綠茶麻糬窩夫，新鮮做起外脆內軟，麻糬有拉絲嘅感覺，配埋紅豆同埋煉奶一齊食，份量十足，而且非常好食。小朋友俾心太軟吸引，濃濃嘅朱古力一切開入邊朱古力醬就流出嚟、唔太甜先好味。另外叫咗芋泥椰皇燉蛋白，估唔到咁好食，好香嘅椰青味配埋芋泥好香好滑，再加埋芋圓有好多口感，冬天食感覺零舍滋潤，所以真係唔可以睇小小店，好多都係臥虎藏龍，店舖雖然細，但係食物質素好高值得支持。…查看更多

最近天氣開始轉涼，已經心郁郁想食火鍋，咁啱早2日係旺角，就見到近期內地同本港都大熱嘅即開椰子湯底雞煲，立即就入去試吓。餐廳鄰近旺角地鐵站，環境舒適寬敞，完全冇壓迫感；木系風格嘅裝修，用餐氣氛一流，適合一家大細、朋友聚餐。未正式叫野食，就先叫咗一杯百香果香橙水，份量都幾驚人，味道亦相當好，真材實料，有滿滿嘅百香果同新鮮橙汁，解渴一流。當日選擇原味招牌椰子雞湯底，原來採用泰國椰青椰子水做湯底，職員即開鮮椰子倒入鍋中，隨即閒到清香椰子味。及後職員非常熱心，幫忙將文昌雞放入鍋中，利用計時器協助灼熟雞肉。職員先奉上一碗椰子清雞湯，湯底鮮甜美味，一啲都唔油膩，令人想追住飲；雞肉鮮嫩清爽，大人細路都啱食。及後職員再幫忙將竹笙放入椰子雞湯入面，竹笙吸曬椰子雞湯精華，鮮味可口，真係令人食完一片又一片。食火鍋又點可以唔食牛肉呢？當日叫咗特級肥牛，將牛肉放入椰子雞湯中簡單灼熟，牛肉吸曬椰子雞湯嘅鮮甜味，都唔洗特別加醬油，已經一片接一片咁食；湯底加咗牛肉味，味道更為升華，又忍唔住飲多幾啖。而家都市人都追求天然無添加、養生滋補食材，泰國鮮椰青椰子水雞湯，仲唔係「靚雞煲靚湯、營養又健康」。…查看更多

沿住海旁行到去酒店附近見到呢間餐廳，樓底好高地方好大，價錢亦都合理，所以我哋就入咗去醫肚，小朋友最鍾意就係食炸雞翼啦，即叫即炸配埋芥末蜜糖醬甜甜地辣辣地，非常開胃。另外叫咗個千層麵，佢比起其他餐廳千層麵特別，因為係用豬肉絲造成，配埋酸椰菜，味道有多種層次，配埋大量芝士，好好味，仲點咗慢煮雞肉漢堡，漢堡份量好大，雞肉亦都好多，要讚一讚餐廳好細心，知道我哋share食，問我哋切四份定兩份，切開食又真係容易好多。食漢堡可以揀配薯條定沙律，小朋友當然係揀薯條亦都即炸，非常香脆。最後見到呢度有幾款甜品選擇，小朋友話好想食窩夫，窩夫配上士多啤梨同埋吉士醬，份量亦都好大份，好好味，唔止小朋友，大人都食得非常滿足。不過餐廳最好係有唔少娛樂設施俾大人同細路玩，大人就可以玩桌球，同埋舊式遊戲機，小朋友可以玩足球機，仲有藍球架俾小朋友食飯之後郁動吓娛樂吓，喺呢間餐廳絕對係有得食又有得玩，開開心心就過咗一個下晝。…查看更多

銅鑼灣希慎越嚟越多野食，b2層仲有間坐得舒又高質的日本餐廳。見到餐廳有個推廣，星期一至四18:00後惠顧二人優越套餐，額外送「吞拿魚中腩刺身2件」，我哋就決定去試一試。入到餐廳座位都好闊落，坐得好舒服，點咗一個魚生飯（海膽吞拿魚蓉三文魚子）同埋一個斧飯（厚切牛脷），呢間餐廳原來係日本米料理專門店，嚴選特A級頂尖日本米種及新鮮空運高級食材，難怪佢啲米飯真係特別好味。魚生飯最緊要係刺身夠新鮮，海膽好香濃，配埋吞拿魚蓉係絕配，最配上醬油漬三文魚子，非常好食。斧飯地方可以食到，厚切牛舌好有口感，飯入邊加咗好多雜菌菇，會食一啖飯都特別香濃。另外點咗一碟大大碟嘅軟殼蟹蟹籽沙律，超大隻軟殼蟹好香脆，蟹籽沙律，最緊要夠多沙律醬，超級好食。最後甜品點左24漬半熟法式吐司，係香港極罕有嘅日式做法，厚切麵包用日本赤卵蛋漿浸泡24小時，吐司外層香脆，內裡好似玉子布甸咁鬆軟，淋上蜜糖配埋豆腐雪糕，多重口味衝擊我味蕾，真係好好味。兩個人食咗咁多嘢，埋單都係七百幾蚊，喺銅鑼灣嚟講價錢都算非常大眾化，原來加入會員仲可以儲分換折扣及現金劵，我梗係唔會錯過呢個優惠啦…查看更多

尖沙咀好多餐廳可以打邊爐，不過網上見到呢間餐廳裝修好靚好有特色，一於去試吓。最鍾意呢度係一人一爐，乾淨又衛生，我就叫咗個養生湯，朋友叫咗個花膠雞湯，兩個湯都好香好濃郁，可以先飲兩碗先用嚟打邊爐，花膠雞湯嗰條花膠，有成隻手掌咁大，真係超級足料。因為朋友唔食牛嘅關係，所以今日我哋主打食海鮮，啱啱呢度有二人海鮮拼盤，只係$488有海蝦，筆記背，台山蠔，蟶子，最精彩係有兩隻琵琶蝦，都幾抵食，原來呢間餐廳老闆係做海鮮批發，難怪啲海鮮咁新鮮，見到隻蝦仲係生勾勾，扎扎跳滾熟之後真係零舍彈牙，海鮮每次唔會需要滾好耐，全部都好鮮甜，但我最鍾意都係琵琶蝦，好大隻超級鮮甜又多肉，非常好食。呢度仲有爆檸檸檬茶，見到一塊塊檸檬先覺得呢啲先係香港特色檸檬茶，另外仲點咗啲小食，炸蝦丸同埋椒鹽魷魚，全部新鮮炸起，香脆好味。正！…查看更多

以前夜晚食過呢間意大利餐廳，上網見到原來知道佢有做brunch，所以一於同婆婆嚟試吓，前菜有好多超新鮮沙律，煙三文魚凍蝦都係正常發揮，不過最有驚喜係Parma Ham，煙肉好香配埋甜甜嘅蜜瓜真係非常好食，我地係食完一嚿又一嚿，一碟又一碟，最正係可以試到呢間餐廳最出名嘅pizza，仲要任食，意大利餐廳Pizza真係特別好食，呢度嘅Pizza出名非常香脆，前菜雖然選擇唔多，不過每一樣嘢都好好食，高質先係最重要。食完前菜我哋就來點主菜，意大利餐一定要食意大利粉，所以我哋Main course就叫咗個手工意粉，同埋慢煮燒雞。手工意粉真係口感零舍好味，羅勒醬汁好特別又唔溜，另外主菜燒雞外皮燒到卜卜脆，入邊肉質依然軟滑，黑松露薯蓉真係食過返尋味，超級好食，食brunch最好就係慢慢食，餐廳望住維港景，唔經唔覺三個幾鐘真係好快過，食完主菜仲有甜品，一定要食Tiramisu，最後嘆埋杯咖啡，今日真係非常滿足下次有機會一定要試埋其他主菜。…查看更多