Ella0101的個人專頁

同幾個朋友行完山係筲箕灣落車，著名東大街搵食，路過一間幾chill 泰國餐廳，門面裝修簡潔，帶出泰國風味，係外面望落寛落，毫不猶豫就選擇呢間餐廳。正值下午茶時段，有下午茶套餐：咖哩配蒜蓉包下午茶餐搽滿蒜蓉又脆口多士，點滿咖哩汁，令我最驚喜係咖哩汁唔辣，有椰奶香味，好特別，食起上來咸味適中。海南雞冬蔭功湯金邊粉下午茶餐冬蔭功湯底可以簡辣度，而我就簡左少辣，酸甜辣度豐富，海南雞份量正常。泰式醉貓炒金邊粉下午茶餐餐牌有一辣椒🌶️仔，的確對於食唔到辣既人就唔好簡，有好多濕辣椒仔同乾辣椒仔一齊炒，所以都辣。材料有碎肉，碎豆，香草。另外單叫左碟泰式生蝦刺生我覺得食親泰國餐廳一定要食泰式生蝦刺生蝦，一碟有8件，肉厚，彈牙，唔錯。每樣下午茶套餐加18-38蚊有款小食我地3個人就叫左春卷，芒果糯米飯，椰汁糕。芒果糯米飯以心形形狀上碟，一半是紫米，一半是普通糯米，椰奶另外自己點，暖暖地幾好食。…查看更多

去荃灣行街，行到咁上下肚餓，咁岩間泰國餐廳係前面，於是同朋友商量後決定去食！點左兩份午餐：冬蔭功湯金邊粉套餐（雞肉）冬蔭功湯底惹味，足料，酸辣味令人上癮，又多菇，金邊炒軟硬適中，充滿冬蔭功湯味道，雞肉嫩，又多馬沙文咖哩套餐（牛肉）我知呢樣泰國菜唔係度度有得食，係好食，充滿花生醬香味既湯底甜甜香濃，濃濃的汁撈係飯食，勁好食，汁浸過飯，大大啖食，好滿足。泰燒蠔每一隻蠔燒到岩岩好，口感嫩滑。醬汁調教恰當！甜品方面：椰汁糕，椰汁濃，帶帶淡淡班蘭香味，食完惹味既午餐，食返一客甜品…查看更多

第一次行雙子匯，於是入餐廳食野，整層都係日式餐廳，花多眼亂，於是簡食日本道地食物，大板燒。裝修十分日系，裝修置身如日本，我選擇坐bar 枱，望住廚師煮野食，而且廚師係日本人，感受到佢地個股對食物既執着，對食物既嚴謹水平，一邊睇住佢煮。我點左兩款午餐同埋一樣小食：大阪燒 配 南蠻炸雞大阪燒味道完全似係日本食個種味，材料又豐富，醬汁一點也不吝嗇。安格斯牛柳炒烏冬安格斯牛肉炒得很嫩，一啲都唔似牙，烏冬煙靭，唔會太晏，亦都唔會太腍。味道恰當。小食係日式章魚燒，放喺鐵板上放平燒，呢樣好特別，第一次食，同大阪燒味道差不多，只是多了章魚，可以值得一試…查看更多

一向喜歡吃魚既我，McDonald’s 終於有抵食巨型魚柳包食，魚柳質地明顯見到魚肌紋，口感仿似食緊新鮮魚肉，同一般魚柳包唔同！呢個價錢對得住！醬汁份量配合適量早餐幸福之選。…查看更多

朋友久違的放假，難得約到一齊食飯，放假去食日式料理⋯點左以下日式定食：西川特上十本壽司總共有十款，每件壽司飯細細件，方便入口墨魚🦑刺身上有雕花紋，被它雕刻吸引住我第一口食佢，意外地好滑，唔痴牙！其他壽司款式入口即溶。日式帆立貝海膽盛盒（期間限定）- 有黃金松葉蟹肉，三文魚籽，帆立貝，海膽，蛋糕🍰松葉蟹碎形式，最為欣賞是三文魚籽，大大粒晶凝通透，食落甜甜的東京富士山牛丼（期間限定）牛肉數量比較多，五成熟，配日本溫泉蛋，日本珍珠米…查看更多

灣仔行完電腦城，無意發現一間新穎麵包店，我被佢玻璃櫃的蛋糕及西餅吸引我眼球。我就入左去行，西餅曲奇類五花八門，款式新穎，又有三文治選擇，奶茶等等，蛋糕造型美觀。焦糖夏威夷果仁糖食唔停口開心果糯米糍餡有適中碎粒開心果，甜度恰當！抹茶脆脆糯米糍，內餡有很多粒朱古力脆脆！口感唔錯！脆卡卡可頌帶有點葱香味，脆口😍香葱芝士麻薯波波，每粒波波有軟硬適中的麻薯，芝士味濃！食左一粒已感到好飽薄荷朱古力忌廉脆脆包，薄荷味重！…查看更多

見天氣熱熱地，就好想食魚生飯，咁岩見到呢間丼燃堂，於是決定入去食。見到餐牌有3個手指公，九公丼，虎燃四皇丼，於是就簡呢兩款。果然不失我所望，九公丼魚生豐富份量多，有海膽/三文魚/三文魚籽/牡丹蝦/蟹肉/時令魚/帶子/拖羅蓉/壽司薑。魚生食落新鮮，呢個價錢值得，CP值高。另外虎燃四皇丼用料有左口魚邊/三文魚/蟹棒/赤蝦/蟹籽+芝士蟹籽醬，同樣地材料毫不吝嗇，食到飽飽！小食就簡左鵝肝多士，吉列蠔。鵝肝都做得出色，無腥味。吉列蠔就比較細粒，外脆內嫩。…查看更多

觀塘做完野，等緊朋友期間，無意中行行下搵到呢個東廣場，呢個廣場入面有間望落去環境好舒服既café，就決定食呢間，文青得來又可以帶寵物來既餐廳。至於食物方面：前菜叫左水牛芝士無花果巴馬火腿沙律，軟殼蟹牛油果漢堡，煙三文魚賓尼迪蛋酸種麵包，香煎三文魚柳，一杯香濃朱古力開心果奶昔，紅菜頭檸檬果汁水牛芝士無花果巴馬火腿沙律，份量多，有多塊厚身水牛芝士，口感唔錯，無花果新鮮微甜，巴馬火腿大塊，配上黑醋汁，酸酸甜甜煙三文魚賓尼迪蛋酸種麵包賓尼蛋表面包了一層厚身芝士，切開蛋黃，流出橙黃色蛋黃，建議一啖過食蛋黃。軟殼蟹牛油果漢堡份量巨大，漢堡包夾着原隻軟殼蟹，且軟殼蟹剛炸，麵包有蛋香味，薯條粗大脆口，有濃濃薯仔味香煎三文魚柳三文魚外皮煎到脆卜卜，夠味，啖啖三文魚肉，熱呼呼，配菜除了沙律菜，仲有蘑菇好腍紅菜頭檸檬果汁新鮮自家制，紅菜頭加檸檬汁好夾，微甜香濃朱古力開心果奶昔唯一缺點是份量太少，要再點多一杯飲濃陏朱古力，開心果濃厚寵物友善餐廳鲜果拿破崙配吉士醬意大利芝士蛋糕…查看更多

到月尾，平平地食一餐，35蚊有兩餸飯，仲送埋自家制，標榜無落味精既木瓜豬肉花生湯。呢個價錢求飽肚，無其他野可挑剔，勝在夠晒平，一出地鐵站行兩分鐘就到！地點又方便！…查看更多

難得早起身，去食返個能量早餐，於是叫個包餐——芝士雞肉意式包加一杯奶茶。包入面有完整一塊芝士，呢樣對我來講幾重要。塊雞一般般，面包唔夠熱，奶茶一般般，只求飽肚，呢個價錢差不多…查看更多

凍冰冰最岩食火鍋，意想不到呢間有得打邊爐，最令我難忘係火鍋湯底好濃陏，我地個個飲清湯底，小食併盤頗多，價錢尚可接受，但服務態度就一般，叫侍應加湯底時，侍應太忙，睇到都扮睇唔到，呢方面要改善…查看更多

同屋企人來筲箕灣食晚飯，屋企人鐘情食活海鮮傳統居酒屋，於是發掘筲箕灣居酒屋，無意中發現到呢間有得食活海鮮刺身既居酒屋。活金頭鯛刺身一整條活魚刺身，即場係魚缸撈起即切刺身，味道好鮮甜，口感超彈牙，前所未食過既口感半打生蠔完全唔腥，好鮮甜，啖啖肉，有優惠做緊，平均一隻蠔$20刺身方面厚切，肉質鮮甜，特別係帶子，超甜吞拿魚大拖羅$68 兩件我個人認為係抵食必點各式各樣串燒鵝肝牛肉卷必點！有驚喜，鵝肝厚A4和牛肉眼蓋CP值高！明太子雞肉呢樣又係必點！雞蠔肉必點！豚肉茄子燒，燒到茄子甜味出色法式羊架，完全唔覺得腥，骨肉易分離鹽燒海蝦，新鮮彈牙！第一刀即係梅頭豬肉，不過不失紫蘇梅醬雞肉，開胃，味蕾享受啤酒係三得利有埋黑啤，值得飲！另外仲點左一支720毫升獺祭清酒，大約$300多，價錢合理，清甜，送刺身一流！…查看更多

同男朋友行完圍方，走到小路搵食，意外見到一間貓貓甜品店，有隻黑貓叫旺店長，係面口迎接客人，我地於是毫不猶豫地進店品賞甜品。點左：每日限定椰皇燉蛋白（凍）椰皇表面有一層簿簿焦糖，兩粒藍莓點聚，第一啖蛋白配焦糖食，奶香特別濃，微甜，蛋白結實，連埋椰皇肉一起食口感多變化，CP值高即製榴撻酥皮卷伴榴槤雪糕呢樣好巧功夫，將一層簿簿酥皮包榴連肉，蛋糕，皮面淋上朱古力醬，一切香噴噴榴連味飄香，配上甜度適中雪糕，一口接一口食完製作需時係值得即製菠蘿酥皮拿破崙（每日限定）好好彩早左來食，當日仲有少量供應，酥皮拿破崙，極之脆，每咬一口「索索」聲，又香牛油味，酥皮之間有微甜吉士醬，配上新鮮菠蘿，既清新又可口芒果三重奏濃厚芒果汁，有芒果肉，爆汁丸，芒果雪糕下面係大大件芒果布甸，芒果布甸係整個甜品既靈魂…查看更多

星期六，日搵食下午只係得少量餐廳有做下午茶，今日咁岩放假想食下午茶，想食肉，又想食蛋白質，又有澱粉質，又有菜食，加杯熱飲平平地食返餐。大家樂符合我既條件，簡左油髀+公司三文治餐，我最欣賞大家樂間間沖既奶茶保持味道…查看更多

呢排喜歡去食元氣下午茶，最抵食只需50元內下年茶，就有小食我通常簡章魚燒，主菜5款壽司，有軍艦，灼燒三文魚腩壽司，三文魚壽司，北寄貝壽司，甜蝦壽司+蒸蛋。最近新品壽司有鱈魚壽司，肉質彈牙，鮮甜味濃…查看更多