SuklanWan的個人專頁

新蒲崗呢一間老字號，每次行過都聞到好香嘅滷水味，而且每次掛出嚟嘅燒味都好新鮮好靚，就買咗兩個飯同屋企人試吓，結果屋企人都大讚🐣秘製沙薑雞飯沙薑味突出，香味濃郁。雞肉嫩滑，完全吸收沙薑的精華，撈埋飯食，配上酸菜，更加開胃🪿招牌鵝三寶飯滷水係呢個飯靈魂！味道鹹香甘醇，鵝肉入味，鵝肝軟綿，有入口即溶嘅感覺，特別鍾意佢嘅鵝腸，處理得乾淨又爽口，咬落「索索聲」，彈牙到停唔到口🥬 油菜菜心翠綠爽甜，無苦澀味，淋上少少豉油，送飯最佳配搭下次有時間，一定會嚟試下堂食，慢慢嘆吓佢嘅燒味…查看更多

之前去過其他分店食，覺得味道好好，咁啱見到筲箕灣都有，就嚟試吓佢水準係咪一樣🌶️冬陰功湯 泰式風味極濃郁，辣辣哋好開胃，湯料十足！🔥泰式燒牛肉 牛肉咬落去超多肉汁，肉質嫩滑得嚟又彈牙，每一啖都係享受！🦀軟殼蟹蟹肉炒飯套餐 軟殼蟹炸到脆卜卜，炒飯炒得均勻又夠鑊氣，蟹味完全滲透入每粒飯！套餐包嘢飲，仲可以用優惠價加配小食，有四款選擇款款都咁吸引，我當然係全部叫齊！🤤🦐蝦餅 咁多款小食之中，我最鍾意呢個！每一啖都充滿蝦嘅鮮味，真係食到停唔到口！🌯春卷 熱辣辣上枱，外皮脆到不得了，正！🥥椰汁糕 口感超彈牙，椰子味濃郁到爆，食完仲想encore！🥭芒果糯米飯 芒果新鮮香甜，糯米飯煙靭有嚼勁，完全係泰國地道風味，一試難忘！🧋泰式奶茶 甜度同奶味平衡得啱啱好，入口順滑，奶香濃郁，係完美嘅一餐結尾！…查看更多

想試呢一間米線好耐，今次經過，就入嚟食吓🌟藤椒三仙米線 + 新鮮蝦滑最值得讚嘅係佢嘅湯底，藤椒嘅味道好濃郁，暖胃亦都好開胃，辣度有麻辣、中辣或小辣，自由選擇，而餸有鵪鶉蛋、肉絲、竹笙、木耳、午餐肉、蟲草花、豬肝、番茄、金針，好豐富，我仲加咗佢嘅蝦滑，蝦滑係師傅每日朝早手打製造，新鮮又彈牙🌟滋補黑豆牛花肉米線黑豆味好濃郁，而豆腐花都好滑，有一種入口即溶嘅感覺，牛肉都好嫩，值得一試🌟糍粑油條香港少有嘅一樣小食，一條小油條包住糍粑，一咬落去有兩種嘅口感，又彈牙又脆，好有層次，加上滿滿嘅芝麻，味道更加香⭐️生椰拿鐵 + 茉莉綠茶飲品特別推介生椰拿鐵，椰子味好濃郁…查看更多

屋企人想食蟹，係朋友介紹吓就帶咗黎呢間有40年歷史餐廳食大閘蟹套餐，依到大閘蟹每日人手鮮拆，而且環境又舒服，交通方便，好啱一家大細嚟⭐️清水大閘蟹大閘蟹勁多蟹膏，清水煮法仲成功保留咗蟹嘅鮮甜，原汁原味，正⭐️蟹粉魚翅魚翅軟滑入味，湯底濃郁鮮甜，配上蟹粉，味道融合得天衣無縫⭐️蟹粉小籠包一咬落去，湯汁即刻咇出黎，好juicy，而且皮薄餡靚，值得推薦⭐️蟹粉龍仔粢飯籠仔去整粢飯好有特色，加上蟹粉，蟹嘅味道完全融合咗喺飯入面⭐️清炒豆苗豆苗嫩滑，食材超級新鮮，清新唔油膩⭐️薑茶湯圓薑茶味道濃郁，湯圓仲好煙靭…查看更多

今日喺九龍城廣場入邊有一間味道好出色嘅小店，佢嘅墨西哥卷餅絕對係一個唔錯嘅選擇⭐️墨西哥雞肉牛肉卷餅 呢一個嘢食我俾佢滿分，卷餅切開咗一半，每邊個size有拳頭咁大，好足料，雞肉同牛肉嘅配搭，加上醬料，好惹味，而每個餐都會跟薯條或沙律同野飲，薯條熱辣辣脆卜卜，好好味⭐️ 香辣蕃茄肉丸烏冬 + 沙律烏冬上面加咗滿滿嘅芝士碎粒，喺熱力嘅溶化下，芝士味道融入晒碗麵入面，好香，蕃茄嘅味道都好濃郁，肉丸同烏冬都好彈牙，個餐跟嘢飲，而加$10就可以加沙律或薯條或雞翼，我哋揀咗沙律，沙律好新鮮⭐️ 凍樽仔檸檬茶 + 凍樽仔奶茶佢嘅樽仔系列，除咗味道好之外，個包裝都好適合打卡…查看更多

行行吓街肚餓，想搵小食食吓，聞到呢一間嘅嘢食好香，就買咗啲嚟食⭐️阿華田雞蛋仔雞蛋仔即叫即整，熱辣辣仲好脆，每一啖都有香濃嘅阿華田味⭐️秘製魚肉燒賣燒賣彈牙，魚肉味道都好重，加上醬油，味道特別正⭐️椒鹽燒賣 口感咬落去好爽，一啲都唔硬，做到外脆內軟，鹹鹹地嘅令到整體更加惹味⭐️草莓4.3特濃鮮奶草莓同鮮奶嘅味道好夾，4.3特濃牛乳令到特別香滑，草莓令到層次更加豐富⭐️濃香芋泥麻糬鮮奶特別鍾意佢嘅底部嘅麻糬，令到識落嘅感覺好得意，芋泥味都好香…查看更多

星期六放假，就嚟到呢一間充滿浪漫氣氛嘅餐廳食lunch，抖一抖，呢度環境好好，好relax，氣氛都一流⭐️Fried Bombay Duck with Salt and Pepper and Thai Chili Sauce份量唔少，而且炸到外脆內嫩，十分香口⭐️J.moon All Day Breakfast種類好豐富，包括酸面包、豬肉香腸、蘑菇、薯餅等等，特別一讚佢嘅炒蛋同烟熏三文鱼，蛋好滑，而三文魚好新鮮⭐️J.moon Pizza Pizza有好多配料，包括Onsen tamago, zucchini Parma ham, salami等等，最重要嘅佢係加咗芝士，做到有拉絲效果之餘，味道仲更加香，令到材料嘅味道完全融入咗喺Pizza入面⭐️The Twelve Zodiac Cocktails: SagittariusCocktail佢有一個12星座系列，而我就揀咗Sagittarius，主要成份係Vodka 加 fruit flvour，外型上有一種summer嘅感覺，令人覺得喺沙灘，而味道上都好清新，甘甘甜甜 ⭐️Signature Cocktails: J. Moon依杯Cocktails 同feel 好浪漫，職員會喺上面整一個大大嘅波，又令又特別，打卡必叫…查看更多

再黎九龍城搵食好野，而今次就黎依間環境勁chill 嘅餐廳，主打手工pizza，餐廳以黃色為主題，吸引眼球之餘，令視覺都好舒服，有種精神嘅感覺⭐️瑪格麗特PizzaPizza可以揀9吋同埋12吋，因為我只係兩個人食，所以就揀咗九吋，而依個pizza 的餡料有水牛莫薩里拉芝士、羅勒、蕃茄醬，芝士有拉絲嘅效果，蕃茄醬嘅份量亦都恰到好處，Pizza皮都好脆⭐️大蝦香蒜橄欖油扁意粉未試個味道，已經覺得個擺盤好靚，好有心機，而個味道都一樣唔差，蝦大大隻，肉質爽口，食材絕對新鮮，而蒜味令到整體好香，面條都好彈牙…查看更多

成日聽人講觀塘有好多好嘢食，今日經過觀塘廣場，就嚟試吓雲南米線⭐️生滾牛肉米線 （牛舌拼牛白肉）有5款湯底可以揀，分別係牛骨湯、四川麻辣湯、雲南酸辣、雲南香草酸湯同胡椒豬骨湯，係職員介紹下，揀左牛骨湯，因為話係用牛骨煲左好多個鐘，黎到果然冇失望，湯好入味，牛味濃郁，而且仲好甜，而且牛都好新鮮⭐️生滾吊龍牛肉河粉 +鮮牛丸依個特別要讚嘅係佢個牛味同口感，口感好滑，生滾的煮法更拎到熟嘅情度恰到好處，而且牛味都好濃郁最後飲品叫咗凍檸樂同荔枝茉莉花茶，同埋發現佢有個好抵食嘅下午茶餐，只係30幾蚊，下次會再嚟試…查看更多

個friend話係時候獎勵自己，佢就帶咗我嚟呢一間試下，因為佢話平平哋3百幾蚊就可以試到有一級商務食府質素嘅lunch，最後果然冇令人失望，環境舒適，嘢食質素都好好⭐️餐前小食：紅薯片脆卜卜，好豐富嘅薯味⭐️涼拌黑木耳中間放咗一朵花，成個感覺即刻好靚，加埋蒜蓉，感覺好清爽，Fresh⭐️蓮藕老鴨湯湯好清甜，蓮藕好大嚿，真材實料，而且仲有支蠟燭長期暖住，將最好味嘅一刻呈現出嚟⭐️陽雀湖辣椒小炒肉辣辣地好開胃，而且肉質好嫩滑⭐️砂鍋虎皮豆腐豆腐外脆內滑，而且仲吸收晒醬汁嘅精華，好惹味⭐️清炒時蔬：娃娃菜食材新鮮，味道鮮甜⭐️小米青稞餅煙煙韌韌，仲好彈牙，口感上滿分⭐️是日糖水：銀耳蓮子羹甜味恰到好處，口感好滑，冰冰涼涼，食落去有種好舒服嘅感覺…查看更多

今日放假，Lunch決定一於食好啲，嚟咗呢一間充滿特色嘅火鍋店佢以宮廷為主題，無論裝修、嘢食、定係整體嘅氣氛，都帶嚟一個沉浸式嘅體驗，而且每個人都可以因應應自己喜好選擇，享受高質打邊爐，我哋都叫咗午市套餐⭐️一人火鍋套餐：御✨順治特色卜卜蜆鍋鍋入面至少有差唔多20隻蜆，令到海鮮嘅味道好濃郁✨A.5黑毛和牛有入口即溶嘅感覺，食完仲想繼續食✨紫皇蟹粉豚肉餃兩粒皮薄餡靚，餃子包到脹卜卜✨手打黑松露惹菌鮮蝦丸兩粒手打嘅丸果然唔同啲，超級彈牙，黑松露味道都好香✨唐生菜生菜好新鮮✨百花廠豆腐食嗰陣豆腐吸收晒湯嘅精華，正✨日本廣島蠔蠔大大隻，而且仲一啲都唔腥✨出前一丁✨忌廉———————————⭐️一人火鍋套餐：瓏✨光緒瑤柱冬瓜濃湯鍋湯入面仲有帶子，配上冬瓜，特別清甜✨和牛芝士一口餃子兩粒呢款餃子喺出面未見過，入邊係放咗和牛同埋芝士，兩者都好夾✨手打黃金流心鮮蝦丸兩粒蝦味都好香，有一種好滑嘅感覺✨本地手切牛肉《細） 牛味濃郁，脂肪分布好均勻✨日本蟹柳味道好鮮甜✨正宗日本稻庭鳥冬正宗日本烏冬果然唔同啲，食落好彈牙✨唐生菜✨風琴豆腐✨竹蔗茅根整體嚟講，呢一間火鍋店嘅體驗好好，每樣嘢食都好精緻，材料仲好新鮮，佢仲有宮廷服飾俾人着去打卡，好玩又好食…查看更多

I came to this Korean restaurant for dinner with friends. Overall, the food was excellent. It has authentic Korean flavors with a wide variety of unique specialties that made me feel like I was in Korea. The real stars were the Korean chicken dishes! Here’s what I ordered:⭐️Korean AppetizersJust like traditional Korean restaurants, a selection of Korean side dishes including Kimchi, bean sprouts, etc. will be served first. They are tangy and spic which is appetizing.⭐️Egg RollThe egg has an incredibly silky texture. With added ingredients like cheese inside, it offers a distinctive flavor different from others. Worth a try!⭐️Corn ChickenIt comes in original or sweet-spicy flavor. We can choose one or mix both. I went for the mixed version! The chicken is generously smothered in rich melted cheese, an absolute must-try for cheese lovers. The corn pairing works perfectly too, cutting through the heaviness of the cheese. Between the two flavors, I prefer sweet-spicy. It delivers richer, more complex layers of taste.⭐️Baby KFCThis Korean-style fried chicken features an ultra-crispy exterior while keeping the meat incredibly tender and juicy inside.⭐️Seafood Tofu SoupServed with rice, this soup arrives piping hot at your table. Packed with clams, it’s brimming with sweet, fragrant seafood essence which is truly delightful!…查看更多

今日去旺角行街，嚟到旺角點少得搵吓小食，見到呢一間雞蛋仔好多款式，而且款式從好特別，咁就嚟試吓，叫完小食再加嘢飲，仲可以減$5⭐️Oreo金沙醬格仔餅朱古力味非常濃郁，格仔餅厚度適中，口感一流，而且中間仲有大量Oreo，加上大量嘅醬，好食到停唔到⭐️ 伯爵茶麻糬雞蛋仔佢呢款雞蛋仔有別於一般嘅，雞蛋仔外皮脆卜卜，而內裏嘅麻糬又令到佢煙煙韌韌，一啖咬落去有兩種嘅質感，而且佢伯爵茶嘅味道都好出，有一種好清新嘅感覺⭐️鳳梨椰果鳳梨味道香甜，加上粒粒椰果，令到整體嘅層次好豐富最後發覺原來佢有另外兩款雞蛋仔同格仔餅都好特別，分別係章魚燒雞蛋仔同開心果醬格仔餅，雖然今次冇叫到，但下次我會再嚟食…查看更多

又到打邊爐時間，今次就嚟到荃灣到試下，因為佢有19款火鍋湯底，而且有烤魚或者雞煲任揀，可以兩個鐘任食打邊爐，感覺好抵食，所以就選擇咗呢間⭐️前菜抵食雞煲同打邊爐之前呢個等待時間，佢仲有前菜可以攞嚟食，例如炸餃子，青瓜等等，可以邊食邊等⭐️麻辣雞煲佢可以揀唔同辣度，適合我呢啲想食麻辣，但係又唔想食太辣嘅人，而雞煲味道都好濃郁，仲好入味⭐️打邊爐食完雞煲之後可以轉打邊爐，呢度嘅配菜選擇好多，以肉類黎講，已經有牛板鍵、肥牛、黑毛豬、手切牛等等，每一樣都好新鮮，我特別鐘意佢個牛板鍵，口感一流除左肉外，佢仲有丸類、菜類同海鮮類，海鮮有蜆、蝦等等，最值得一提嘅，佢有個雪糕櫃，有7種味道，而且係任食唔嬲，特別鍾意芋頭同曲奇味野飲方面，就最鍾意佢呢個香水檸檬茶，冇咩苦澀味，而且好香甜…查看更多

好耐冇食過韓國嘢，咁我哋就嚟咗九龍城呢間試下，呢度選擇都豐富，樣樣嘢食都充滿韓國特色⭐️小食一坐低就送上三樣小食，有泡菜、芽菜同埋蘿蔔，可以食住慢慢揀，好貼心⭐️冷拌麵口感冰涼，夏天食落去好舒服，佢甜甜地辣辣地嘅感覺非常開胃，面嘅質感仲好彈牙，完全吸收曬醬汁嘅味道，佢另外提供芥辣同蜜糖醬，味道仲可以自己再調配⭐️豬肉泡菜湯飯食韓國野點少得湯飯，佢呢個泡菜湯飯味道好濃，而且配菜仲好好多，送到上枱嗰陣，湯仲喺到滾緊⭐️無骨炸雞炸雞口感嫩滑，而且外皮仲卜卜脆，最重要佢係冇骨，食落超級方便⭐️餐飲只要跟餐，飲品都係半價，好抵…查看更多