littlegirlgoodfood的個人專頁

適逢特別日子，小女子同朋友去食放題自選黃金時段2小時(星期一至四)$298 今次嘅放題幾高質，食物種類眾多，刺身除咗一般常見嘅魚類之外，仲有松葉蟹腳同磯煮鮑魚，蟹腳夠大條又新鮮，鮑魚淋得嚟有口感熟食方面除咗一般款式，重點係佢竟然有蠔同蟶子！兩樣都大大隻，肉質好飽滿，蒜蓉味好香，小女子都忍唔住叫多幾次 另外佢竟然有原粒榴槤食，仲要係軟滑質地，好香不過係期間限定所以唔知做到幾時 出面嘅冷盤有青口同熟蝦，飲品有罐裝汽水等等，仲有解膩茶飲，而甜品更有Häagen-Dazs雪糕任食以呢個價錢有咁多海鮮選擇，又有高質雪糕，真係幾超值，加咗⭐️係小女子覺得好食嘅俾大家參考 刺身北極貝 帶子 赤貝 bb象拔 俄羅斯甜蝦 大赤蝦 花海蜇 磯煮鮑魚⭐️松葉蟹腳⭐️ 壽司蒜香牛油熟帶子壽司串燒鹽燒牛舌牛油燒翠玉瓜⭐️燒物 黃金醬焗扇貝 燒有機新鮮菠蘿⭐️ 炸物榴槤炸彈皇帝蟹棒天婦羅炸鮮奶一品料理川味蒸珍寶鮮蠔⭐️金銀蒜粉絲蒸蟶子皇⭐️黃金蝦煮物精緻鮑汁花膠盛宴期間限定榴槤王⭐️…查看更多

今次朋友帶小女子去深水埗食糖水，佢話之前食過呢間幾好食，所以就決定試吓佢酒釀桂花配芋圓地瓜圓小丸子(只限熱)酒釀嘅糖水唔係周圍都有，之前都食過酒釀小丸子呢類糖水，但通常都比較淡味，但係呢個有微微酒香之餘仲帶有淡淡嘅桂花香味而且有嫩滑嘅蛋花襯托，口感無咁單調。另外，佢嘅芋圓地瓜圓雖然唔太大粒，但係都算煙韌唔會因為熱食就太淋，不過小丸子相對上無咁有咬口，但整體上都算幾高質。小女子食飽個陣未夠10點，都已經有人排緊隊呢間糖水舖價錢唔貴，但質素份量幾好，即使唔係好近港鐵站，都咁多人排隊…查看更多

今日小女子同朋友去開深水埗，就決定去呢間裝修簡約，但有豐富全日早餐嘅cafeBuff全日早餐(楓糖窩夫/照燒雞扒/牛乳炒蛋/慕尼黑香腸/薯餅/新鮮沙律菜)全日早餐配搭豐富照燒雞扒非常嫩滑，醬汁味道特別，同雞扒味道非常夾，炒蛋嫩滑，薯餅香脆，沙律菜增添一份清新，窩夫外面微脆入面軟糯，甜甜的糖漿令成個早餐讓人感到更滿足芝心吉列豚肉厚吐司 伴薯條芝士有輕微拉絲，不過芝士味唔係特別濃，豚肉厚薄適中，厚切吐司烘過之後特別鬆軟，配上香脆外表嘅豚肉口感幾正薯條都係厚切，正常發揮鮮奶咖啡落單嘅時候先知可以揀fruity or nutty口味，小女子今次就揀咗nutty，入口之後發現豆味果然係幾香，而且唔會苦澀，口感順滑，而且拉花精緻，希望下次試埋果味重嘅咖啡豆呢間cafe環境幾闊落，附近尚算寧靜，好適合想享受獨處，又或者同朋友慢慢傾計嘅休閒一刻…查看更多

最近約咗朋友係中環食晚餐，食飽之後想去食糖水，就見到呢間有雪糕曲奇三文治，而且仲有做緊優惠，13週年，所以可以平$13，所以就決定試吓佢Ice Cream Sandwich$76 (原價$89)Cookies70% chocolate chips 70%朱古力碎Matcha Mochi 抹茶麻糬Ice cream70% dark chocolate曲奇好鬆化，抹茶味算濃，最有驚喜係中間有幾粒大大粒又厚身嘅麻糬，非常有咬口，口感好實在另外朱古力碎曲奇都有大塊朱古力粒，唔會太甜又有濃濃朱古力味，70%朱古力雪糕好綿滑，朱古力味好濃厚雖然價錢唔平，但雪糕曲奇三文治又真係幾正…查看更多

小女子今次係呢間連鎖甜品舖是新出嘅金枝玉糯同高人氣嘅開心果雪燕西米露金枝玉糯呢個新產品外貌好吸睛，有一小個完整臺農芒果放係上面好得意，芒果好甜，不過一開始好凍，有d難咬成碗芒果味好濃，配料都好豐富，芋圓相對一般嘅都比較大粒，而且非常煙靭，另外呢個甜品嘅另外一個特色就係有椰汁米麻糬，質感軟糯，淡淡嘅椰汁味加上香甜芒果感覺非常融洽開心果雪燕西米露呢碗嘅開心果味比想像中濃郁好多，加上有開心果碎，香脆得來又增添咗更豐富嘅口感，雪燕同西米露清清地同開心果味都算夾，而且同樣有大大粒芋圓，整體嚟講呢碗甜品都可以滿足鐘意開心果嘅你…查看更多

之前有留意過呢間有蕨餅賣，今次佢有做買一送一飲品，而且入面又有蕨餅，咁就要試吓啦天空焙茶蕨餅焙茶香味剛剛好，揀咗少甜，所以唔會蓋咗焙茶嘅味道蕨餅份量充足，但係比想像中淋身，不過都算有口感，有少少煙靭，上面嘅奶油慢慢為焙茶增添一點奶香味天空焙茶拿鐵蕨餅呢杯嘅焙茶味相對上無咁突出，但係同拿鐵混合一齊又幾夾，而且都唔算會太甜，但拿鐵味道可以更突出會更好，不過蕨餅份量一樣多，所以整體都幾好個人就比較喜歡純焙茶，茶味比較突出…查看更多

入西貢就緊係要湊吓熱鬧，食呢間希臘乳酪雪糕，今次配料揀咗芒果，檸檬蛋白脆同綠茶糯米糍希臘乳酪雪糕配料1. 芒果2. 檸檬蛋白脆3. 綠茶糯米糍醬汁熱情果汁芒果唔會酸，配上淡淡甜味嘅乳酪雪糕好夾，蛋白脆口感輕盈，帶有一點點嘅檸檬香味，同時又無海鹽焦糖脆脆咁甜，而綠茶糯米糍大大粒，煙靭有咬口，不過綠茶味唔算太濃，今次加熱情果汁做醬汁，佢嘅酸酸甜甜令整體味道更有層次不過呢間西貢分店成日都好多人，所以要食都要預咗要排一陣先有得食…查看更多

依家天氣咁熱，小女子都鐘意食冰凍嘅甜品今次就去試近來好多人討論南山邨嘅南山白汁冰白汁芒汁西米碗面舖滿芒果肉，芒果好甜，完全唔洗驚酸仲伴有好多西米，值得一提嘅係佢嘅西米幾大粒，而且口感軟糯，同平時食開嘅比較嚟講幾特別而個雲呢拿沙冰甜度適中，好清爽，好適合熱辣辣嘅夏天食不過小女子星期六夜晚去食都好多人排隊，所以要試嘅就要預返等候嘅時間啦…查看更多

之前係太子附近見過呢間餐廳，search之後發現評價都幾好，所以最近去到長沙灣見都有分店就決定試吓佢招牌海南雞飯個冬瓜湯幾清甜，而海南雞飯配有三種醬料，薑蓉，辣椒醬同特製醬油，佢個雞肉非常嫩滑，薄薄嘅雞皮唔會感覺太油，配上醬汁同油飯係完美嘅結合恐龍美綠(加$12)恐龍美綠都好濃厚，唔會太稀，仲有一把小傘做裝飾幾得意，用嚟打卡就一流新加坡白胡椒排骨茶配白飯油條(凍奶茶加$3)呢個係用瓦煲上嘅，連埋小小嘅蠟燭保温底座，可以保持住排骨茶嘅温度。味道方面，佢無好濃嘅藥材味，反而係白胡椒味比較突出，有一份辛辣同鮮香，唔太食辣嘅小女子一開始都覺得個辣味後勁好大不過排骨吸收咗白胡椒嘅香味之後整體變得恰度好處，唔會太辣之餘仲增添咗一種香味豆卜吸曬湯之後充滿白胡椒嘅味道，至於浸過排骨茶嘅油條，吸收曬白胡椒香氣更別有一番風味凍奶茶就係比較有東南亞風味嘅style，味道偏甜，茶香有少少香料嘅感覺呢間餐廳嘅座位寬敞，而且價錢同食物質素嚟講，性價比都高，想食東南亞野食呢間係一個幾好嘅選擇…查看更多

小女子突然想食燒肉，又唔想食任食嘅太多，所以揀咗呢間餐廳，有得揀一人嘅燒肉set，而且剛好有個set有8款肉，可以滿足到咩都想試嘅吃貨LIKE ALL STAR 和牛套餐$128配和風湯同迷你沙律加白飯(份量可以自己揀)(牛五花，牛舌，日本產和牛肩胛肉，雞腿肉，豬五花腩，豬上肩，牛小排，牛板腱）呢個set主要係有多款唔同嘅肉類，不過除咗牛舌有5片，其他每款都係1片，和牛嘅油脂豐富，而且分布平均，真係有少少入口即溶嘅感覺另外比較有驚喜嘅係豬上肩，肉質好軟熟，唔會燒耐咗就變韌，其餘都正常質素，另外佢有8款調味料，而小女子覺得加原味BBQ醬或者蒜香醬油都好好味，加適量海藍同黑胡椒令牛肉嘅原味更加突出牛五花和豬五花腩套餐200g$78配和風湯同迷你沙律加白飯綠茶(跟餐加$15)呢個set得兩種肉類，但係按克數份量真係比較多，想食飽d嘅朋友建議揀呢種有重量標示嘅餐呢間燒肉都幾多選擇，而且價錢算大眾化，唔洗$100都可以食到，加上一個人都唔洗驚尷尬一個人又想食好d都可以考慮呢間…查看更多

小女子放假同屋企人去放鬆吓，呢間之前同朋友嚟過感覺幾舒適，所以專登揀返呢間All Day Breakfast 沙律菜、熱情果黑醋醬、薯蓉、烤蕃茄、芝士大啡菇、煙三文魚、煙肉、紐倫堡腸、時令水果、炒滑蛋、秘製焗豆、迷你牛角包全日早餐配搭豐富，熱情果黑醋醬沙律，酸酸甜甜好開胃，煙三文魚香得嚟有口感，提子新鮮，入口清甜爽脆多汁，令成個早餐增加咗一份fresh嘅感覺炒蛋嫩滑鬆軟，牛角包表面鬆化，內裏軟綿綿的，不過美中不足嘅係，當日嘅大啡菇竟然賣曬，所以先用炒雜菇代替Mocha (hot regular跟主食可以半價$26加)啡啡味唔會俾朱古力醬搶咗，絲絲甜味好易入口而且口感順滑，加上精緻嘅拉花，令人感到賞心悅目牛角包呢個大嘅牛角包表面無咁酥脆，但比全日早餐嘅迷你牛角包更多軟軟嘅質感呢間cafe環境舒適，又有bar枱個種高枱櫈選擇，而且唔會太嘈，好適合放假同親友聚會…查看更多

之前小女子同朋友嚟過食，發現佢嘅點心每樣都好大件又抵食，所以今次嚟多次食順便分享俾大家光記蝦餃皇唔好以為蝦餃一籠得兩粒份量小，但其實每隻都非常大粒係平時一般食開嘅double size ，入面包住滿滿嘅蝦仁，自然都有double口感同滿足感墨西哥叉燒包一樣係大大個，外面脆得嚟入面鬆軟，入面有熱辣辣嘅叉燒，食一至兩個真係會覺得飽飽的銀蘿脆皮腸呢樣真係唔係間間酒樓都有，而且好考功夫，佢即叫即製，所以新鮮嘅脆皮特別香脆入面滿滿嘅蘿蔔真係做到一絲絲而且好鮮甜，口感非常好，小女子寫食評嘅時候都好想再食多次雖然呢間舖頭地點唔太近地鐵站，但係食物質量幾好，性價比幾高，係想飲茶嘅時候一個幾好嘅選擇，但係舖頭座位唔多，如果想試嘅話，小女子就建議早少少嚟，因為佢開到六點咋…查看更多

平時都好少去間呢區，但係有次見到呢間細細間嘅cafe，價錢唔貴就試下，點知發現性價比好高！食咗幾次都忍唔住要share下比大家全日早餐(炒蛋，麵包，沙律，大啡菇，蜜瓜，煙三文魚，雞扒) $92佢份量好足，雞扒有兩小塊，麵包好軟熟，配埋牛油好正，炒蛋份量正常而且又滑，仲有多汁嘅大啡菇同整到花花外型嘅煙三文魚，比較特別係有蜜瓜，唔係間間cafe嘅all day breakfast都會有，食過幾次都覺得甜得嚟好清爽，係一個幾正嘅配搭牛奶咖啡 (特別注意！set lunch價錢已包)單價$38Weekend去cafe食all day breakfast會包埋杯咖啡真係好少有，而且仲有靚靚拉花，整體體驗良好雖然要自己去買同攞野食，但cafe唔太大間還可以，而且以呢個價錢可以嘆到全日早餐包埋杯咖啡真係性價比極高，至於舖頭地點都好近石門站，好方便，如果假期去食就要早d啦，lunchtime 都多人排隊…查看更多

之前同朋友去元朗想揾間cafe坐下傾計，之前經過見到呢間環境幾好就決定試試Light Breakfast(鮮莓乳酪，芝麻豆腐，熱情果 焦糖香蕉，大啡茹，牛角包窩夫，明治牛乳炒蛋，沙律，串茄)呢個breakfast嘅combination好豐富，個乳酪好足料，有提子乾，士多啤梨，奇異果，脆脆，所以口感幾好佢亦配有好多生果，焦糖香蕉表面嘅焦糖脆卜卜另外覺得個牛角包窩夫幾正，真係做到外脆內軟，就咁食都好味其他都正常水準Sourdough Toast(牛油果醬，水牛芝士，車厘茄，酸種吐司)個多士邊邊好脆，中間口感軟糯，同其他配料好夾兩杯咖啡拉花都好靚Latte呢杯就揀咗nutty味嘅豆，咖啡味好香，唔會太苦澀Mocha整體嚟講唔會太甜，平衡到咖啡同朱古力香味，如果怕咖啡太苦嘅朋友都可以揀呢款感覺呢間cafe採光幾好，感覺幾休閒，而且位置都容易揾到，野食方面質素都幾好，出面仲有d戶外位置，想同朋友休息傾計都係一個幾好嘅選擇…查看更多

有次同朋友去黃埔睇戲，就醒起順便可以食呢間長期都要排隊嘅車仔麵，去到舖頭出面雖然排咗1個鐘，但係又點會難到為食小女子今次叫咗兩個三餸車仔麵金錢牛肚$17豬紅$12蘿蔔$12油麵$13(加香辣菜甫，牛腩汁)牛肚每舊係幼幼哋，而且係煮到好軟，所以一d都唔會韌，豬紅口感爽滑，蘿蔔充滿水份，又唔會有渣，好清甜，油麵都有口感，軟硬適中南乳豬手$16五香牛根$17辣味魷魚$17幼麵$13(加香辣菜甫，牛腩汁)南乳豬手幾大舊，而且好淋，好易咬開，五香牛根每舊都好淋好入味，完全唔洗擔心會太硬，每條大小適中，份量都唔少，辣味魷魚就係分開上嘅，但係佢個辣味真係幾辣不過魷魚都幾爽口，如果食得辣係會幾正，幼麵有咬口，正常發揮，佢個湯有蔥同牛腩汁，所以都好香好濃味凍檸茶(加$9)招牌蜜汁叉燒串$34呢個都係嚟呢到食車仔麵嘅重要原因佢係即叫即整，所以熱辣辣，而且保留到肉汁之餘外面仲有少少焦香，加上蜜糖真係好正，平時都無特別鐘意食叉燒嘅小女子都覺得好好味總括而言，呢間車仔麵幾高質，足料而且每款食材質素都幾好，又有叉燒呢個高質小食所以都好值得一試，不過真係長期都要排隊，要試就要預d時間排隊啦…查看更多