baebulor_的個人專頁

呢日去咗尖沙咀The Grill Room慶祝生日🎂
餐廳環境高雅 好適合特別日子慶祝
我哋揀咗二人套餐 再升級部分菜式 前菜升級咗鵝肝焦糖燉蛋同牛肉他他配法式千層薯
燉蛋入口滑溜 焦糖香甜中帶鵝肝油香🥚 
牛肉他他 配上香脆千層薯 非常酥脆 法式風味十足😇
是日餐湯係蘑菇湯🥣
蘑菇香氣撲鼻 質地幼滑 
另外升級嘅香煎帶子配龍蝦湯
更為驚喜 帶子十分爽口 龍蝦湯鮮味濃郁😆主菜揀咗香煎黑鱈魚配鹹蛋紅花忌廉汁 🐟
鱈魚煎得恰到好處 外皮微脆 魚肉嫩滑 
鹹蛋紅花忌廉汁味道獨特 仲有香脆嘅粉團同三文魚籽😉

另一升級咗嘅炭燒10安士安格斯西冷牛扒 🥩
肉質鮮嫩多汁 炭香撲鼻 熟度控制得宜sauce就揀咗牛肉原汁 更提升牛香味
side揀咗脆新薯配香草檸檬忌廉汁 脆新薯外脆內軟 醬汁微酸開胃🍋
是日芝士蛋糕同提拉米蘇🍰
芝士蛋糕口感綿密 芝味濃郁但不膩 
提拉米蘇則層次分明 咖啡香與忌廉完美融合 為成餐飯劃上完美句號🌟

…查看更多

The Mochiffon Cake 4吋情迷可可🎂
主打麻糬戚風蛋糕 蛋糕每日新鮮製造 標榜低糖低油 食落真係冇負擔感👍🏻
外層係香濃可可忌廉 入口滑順 唔會太甜 啱晒鍾意朱古力但怕膩嘅人
戚風蛋糕部分鬆軟綿密 質感輕盈😆最驚喜有兩層夾層 係煙韌麻糬同可可脆脆 口感層次豐富
麻糬煙韌得嚟唔會黐牙 完美配合脆脆嘅微微咬感 
整體味道平衡 朱古力香氣濃郁🍫呢款情迷可可絕對係朱古力控嘅驚喜之選 生日慶祝啱晒！ 下次想試埋其他口味🫶🏻…查看更多

招牌二人套餐
🍗麻椒雞
餐轉麻椒雞 麻香撲鼻 雞件切得厚薄適中 肉質嫩滑🐓 
麻味滲入雞皮同雞肉 唔係死辣 係有層次嘅麻香 
食落口感爽滑又帶少少彈性 配埋蔥油同花椒油 惹味過癮🌶️
🥢 小食雙拼-海蜇 麻辣豬耳海蜇爽口彈牙 醋味清新 開胃一流 
麻辣豬耳切得薄身 食落似四川風味👍🏻
🥬 上湯娃娃菜配魚腐娃娃菜吸晒上湯精華 湯底清甜唔油膩 
魚腐有魚香 咬落去有彈性😆
🍲 住家靚湯靚湯係老火青紅蘿蔔湯 味道濃郁 飲落暖胃
隨餐配白飯或者米粉等
🥤 飲品非常特別柚子蜜水晶奇亞籽口感特別 啖啖都有粒粒奇亞籽 健康之選
鮮奶水晶華田  口感滑漏😉

…查看更多

人氣韓式餐廳裝修走簡約風 座位寬敞
全部食物係會直接一板上枱 有份儀式咁🤩試咗「媽媽套餐」三人份量 可以選擇嘅菜式好多 
小菜方面多達12款 包括泡菜 醃蘿蔔 芽菜 菠菜 蛋卷 明太子等等 口味正宗
感覺好似喺韓國媽媽屋企食飯咁豐富🏡
海鮮嫩豆腐火鍋湯底酸酸辣辣 充滿海鮮嘅香味🥘
海鮮用料相當豐富 有大隻爽口八爪魚 蟹 鮑魚 蝦 青口等🐙
而豆腐滑溜 仲有多款配菜 十分推介🫶🏻

醬油蝦 🦐蝦肉爽口鮮甜 醬油味濃但唔會過鹹 生拌牛肉🥩味道有驚喜 牛肉切得幼細
配上青瓜 梨絲同生蛋黃 口感清爽 層次豐富

韓式豬蹄🐖 煙韌入味 啖啖骨膠原嘅感覺
配埋辣醬同生菜包住食 減低油膩感🥬

飲品就叫咗柚子梳打同韓國Cass啤酒 
柚子梳打酸酸甜甜 清新解膩 
Cass啤酒偏淡口 啱晒配較重口味嘅菜式🍻…查看更多

招牌罐罐米線 bulubulu滾住上枱 熱辣辣🔥
半罐湯底 半罐料 選材新鮮 營養豐富 份量十足
湯底選擇多 有麻辣 泡椒 三鮮 蕃茄等口味 
試左泡椒湯底 辣度可選擇 中辣唔算太嗆 非常過癮🥵
米線煙韌 自設廠房精心炮製！另外有鮮眉頭肉片 鵪鶉蛋 芽菜 海帶絲 蕃茄片等配料
採用香港獨家技術 重慶小面以糊辣殼炒辣椒乾🌶️老闆娘話夠辣先可講得上係重慶菜👍🏻
泡椒腰花麵🍜
泡椒湯底酸酸辣辣相當開胃
豬腰呢種配料比較少見 用料特別腰花處理得嫩滑 切得夠薄 口感有驚喜😆麵條煙韌 吸湯力不俗 加埋蔬菜 整體口感豐富…查看更多

呢間人氣壽喜燒門口掛住巨大化和牛模型牌匾 好有大阪街頭feel 配合柔和嘅燈光 坐低就好似置身關西小店 店員好細心介紹壽喜燒食法 唔怕煮燶😙180g日本黑毛和牛牛板腱壽喜燒套餐🥘牛板腱係和牛入面最罕有部位之一 一隻牛只得黃金1% 無論油花分佈定肉味濃度都good 肉質鮮嫩 肌理細緻 🥩配埋粒粒分明嘅日本米飯同生雞蛋 真係完美😍120g精品赤身壽喜燒🥘比較上油花少 厚肉啲 牛味都一樣咁出色 配搭烏冬煙韌吸汁🥩蔬菜方面有白菜、京葱、菇、豆腐、蒟蒻絲等 吸晒壽喜燒醬汁後特別甜🥬有兩款湯底提供 壽喜燒湯底鹹甜比例恰到好處 昆布湯底尾聲時加入令味道更平衡 有助解膩有兩款前菜之外 仲有非常煙韌既原味同抹茶蕨餅作結😋…查看更多

新加坡過江龍南雞專門店 未去過新加坡 鍾意食海南雞嘅小編嚟潮聖下 果然冇失望！🇸🇬
煲煲甄選2人套餐 豐足滿足
黃金雞脆骨🐓
作為前菜 黃金雞脆骨炸得金黃酥脆 
外層蛋黃香口唔油膩 內裡保留脆骨口感
令人一粒接一粒 食唔停口🤤

天天海南雞 (中份)🐓
招牌菜果然名不虛傳 雞皮薄 雞肉嫩滑多汁😋
配有三款醬汁 薑蓉 辣醬 甜豉油

豬肉肉骨茶🥘
肉骨茶香濃中帶胡椒 入口回甘
豬肋骨炆得入味 仲有豬肚 冬菇 豆腐卜 滷蛋等 暖胃又滋補🤩

豆漿海南雜菜煲🥬
以豆漿為湯底 味道清甜 
雜菜煲有蝦乾 娃娃菜 菇類 粉絲等 配搭更顯鮮味😉

配雞油飯 (2個)🍚

另外叫左份小食同飲品
咖央醬炸饅頭 (4個) 🍞
炸饅頭外脆內軟 奶香味濃 配上香甜咖央醬 甜而不膩

凍豆花恐龍美祿🥤
以滑溜豆花為底 加入美祿粉 入口冰涼又有層次感…查看更多

中環Stanley 11新開主打爐端燒嘅日式居酒屋🍶開放式爐端燒吧枱 日藉師傅即席燒烤 視覺味覺雙重享受🤩食左六款串燒 各有特式 值得一試😆🍢♪燒山藥魚肉餅串 口感彈牙 魚香滿滿♪厚炸豆腐 外皮酥脆 內裡滑嫩 豆腐吸滿高湯同醬油香♪長芋明太子 爽口長芋配搭明太子 咸淡剛好♪鰻魚串 醬汁同鰻魚嘅油脂香融合得恰到好處 ♪蘆筍豬腩肉卷 豬腩唔會太肥 包住爽脆蘆筍 鹹香中帶清新 完美平衡♪手打雞肉丸串 肉質扎實彈牙 醬汁微甜 撈埋生雞蛋 口感豐富

♪牛舌 燒到好香口 有嚼勁 配埋特製醬汁非常開胃♪蟹膏燴飯 蟹膏香氣撲鼻 米飯吸滿蟹膏精華 ♪喜知次魚(小) 店員特別推介嘅新鮮次魚 燒到金黃微脆 魚肉亦保持到鮮嫩 散發油脂香環境高雅  氣氛靜謐 幾啱放工後同朋友同事聚餐🥳
…查看更多

裝修簡約溫馨 食完飯人流不絕 座無虛席甜品非常有心思 擺盤打卡吸引🍮

阿華田脆脆海鹽奶蓋沾醬麻薯🍡
麻薯煙韌彈牙 薄薄一層黃豆粉 外層微暖
配搭海鹽奶蓋 口感綿密 鹹甜交融 
再配埋阿華田脆脆 味道特別 層次感豐富😇特濃朱古力冰🍧
店員嘅人氣推介 濃厚朱古力醬覆蓋細膩朱古力冰沙 入口即溶
朱古力唔會死甜 絕對係朱古力控嘅福音🍫 仲有一片焦糖香蕉斑斕湯圓🥣
湯底帶有淡雅椰香 有少少椰子肉 甜度剛好
湯圓圓潤飽滿 餡料係香甜椰絲 大粒軟糯又帶絲絲嚼感😆…查看更多

大板過江龍主打日式鐵板燒同御好燒🇯🇵
坐喺bar枱觀賞到日本籍師傅喺鐵板逐一烹調🧑🏻‍🍳
當晚亦有唔少日本人光顧 真係好似置身係日本咁
而整體食物水準非常高 每一道菜即叫即整 香氣撲鼻🤤蠔大阪燒
大阪燒係招牌之一 用咗六隻肥美廣島蠔 醬香十足 
大阪燒底部煎到微脆 入面椰菜爽口 口感豐富😙豪華炒麵
炒麵份量十足 用料毫不吝嗇 有蝦、章魚、豚肉同蛋絲配上甜甜地嘅醬汁
麵條炒得乾身 吸晒醬汁精華 每啖都好惹味😆牛舌
切得厚薄適中 口感彈牙 
配埋蔥花同柚子胡椒 味道清新又唔搶味 值得推薦😋免治雞肉燒
味道驚喜 免治雞肉混合咗紫蘇葉同少量味噌 
煎到外層焦香 咬落滿滿肉汁 撈勻生蛋 無論味道定口感都非常滿足🥰 明太子玉子燒
玉子燒煎得好靚 入口滑溜 明太子濃郁 唔會太膩🍳…查看更多

旺角T.O.P.日式放題燒肉最頂級嘅雨套餐 任食120分鐘 
平日原價$1108/人 現推廣半價優惠
就食到高質嘅日本A4和牛放題 仲有一塊大過塊面嘅A5和牛西冷😇一入座就送上頭盤 最吸睛就係塊A5和牛西冷 霜降紋理細緻 燒後油香四溢🤤

仲有A4和牛燒肉盛 五款部位齊齊上陣 😆
🥩牛肩 肉質柔嫩 咬一口肉汁爆發 牛香濃郁又彈牙 
🥩三角腩 油花肥美 油脂香氣充斥口腔 
🥩牛肩肉 肉味十足 口感紮實
🥩和尚頭 脂肪少但肉味濃
🥩後腿肉 瘦而不柴 啖啖牛香味韓風瓷壺醬油牛肋肉 用秘制醬油醃制 無蓋過香濃嘅牛味 肉質軟腍😋掃QRcode 仲有其他多款食物可以點
例如海鮮 野菜 天婦羅 小食 甜品等🍤海鮮選料新鮮
有生蠔 虎蝦 半殼扇貝 燒廣島蠔 清酒煮蜆等 選擇豐富🦪🦐天婦羅炸物 即點即炸 上枱熱辣辣🍤…查看更多

由韓國大廚主理嘅韓式餐廳 主打健康養生 無味精無防腐劑😇
裝修佈置風格時尚 有打卡嘅韓文同飛天豬霓虹燈牌 一路食一路loop住kpop mv☺️

蔘雞湯🐓 $168
湯底鮮甜 雞入面釀咗人蔘 松子仁 大棗 板栗 及糯米等 
雞肉非常嫩滑 完美配搭軟綿嘅糯米 口感豐富又滋補 飲落暖胃😆 

炒豬肉石鍋芝士拌飯🥣 $138
秘製辣醬 濃郁惹味 豬肉肥瘦剛好
而芝士份量多 拉絲效果一流🧀
另有多款配料 如紫菜 脆肉瓜 紅蘿蔔絲等
飯底係用紅米飯 相當健康👍🏻餃子王🥟 $18/1
每隻餃子用一個蒸籠仔上 賣相得意
餃子大大隻 皮薄餡多 肉汁飽滿泡菜餃子王🥟 $18/1
多一份韓式風味 泡菜微辣開胃 與豬肉同粉絲餡完美融合 
…查看更多

今次同媽咪慶祝生日食極尚大瀛喜放題🎂自助吧同落單有多款刺身 壽司 燒物 前菜 甜品 水果等仲有凍蝦 凍青口 中式熟食燉湯 一定有我地都啱食嘅野😆性價比高 食回本冇難道 整體感覺好滿足👍🏻刺身非常多選擇🍣 三文魚 藍鰭吞拿魚油脂豐富 入口即溶 啖啖鮮味蟹腳 鮑魚 象拔蚌 北寄貝爽口彈牙 珍寶赤海蝦晶瑩剔透擺盤方面都好有心思 假花襯托 俘虜長輩嘅心🤣仲有壽司一口份量剛好 海膽手卷甘香濃郁 鵝肝多士厚鵝肝入口即溶 配搭香脆多士層次豐富燒物出色 蒲燒鰻魚口感鬆軟 醬汁鹹甜適中燒珍寶蠔 重蒜香口 比想像中大隻🦪香羶羊架唔會韌 嫩滑比目魚點埋沙律醬 食到停唔到😼仲有多款天婦羅炸得薄脆唔油膩🍤 飲品選擇豐富🥤除咗汽水 果汁 仲有自家製冷泡茶 梅酒等任飲 配刺身或燒物都好夾😉甜品🍰就有芝士布甸 朱古力布朗尼 大福 北海道牛奶卷等亦有Häagen-Dazs雪糕任食🍨仲有自助雪糕機 自選配料…查看更多

晚飯時間餐廳座無虛席 非常熱鬧 呢度嘅菜色選擇都幾多👍🏻河內牛肉沙律🥗香嫩牛肉切片 加埋清新又爽脆嘅紅蘿蔔絲同洋蔥絲等 再配上酸酸辣辣嘅醬汁 份量大方越式豬頸肉撈檬 加炸春卷(兩件)🍜香口豬頸肉燒得外脆內嫩 搭配冰涼檬粉 炸春卷 炸得外酥內香 用料十足 幾款都係以開胃醬汁做配搭🤤越式咖哩雞扒飯🥘有別於一般咖哩 越式咖哩香料較濃郁 味道特別雞扒大大件又煎得焦香惹味 配白飯一流😉法式牛油雞翼🐓一上枱就聞到香味 濃香牛油混合蒜香 炸皮薄脆 雞翼金黃香口 雞肉保留到嫩滑多汁😙椰汁紅豆冰🫘紅豆煮得好腍 配上香滑椰汁 甜甜地又唔太膩椰汁冰🧉椰香味重 十分透心涼 消暑之選…查看更多

太子人氣手工餃子店 🥟 新鋪裝修舒服有超過20多種手工餃子選擇 包括傳統口味同創新口味 餃子控必試🥸煎韭菜鮮肉餃🐖外皮香脆 內餡韭菜同鮮肉搭配得恰到好處 加配邪惡金沙 鹹香味道層次昇華 微微粒粒口感😇煎芝士粟米鮮肉餃🌽芝士濃郁加上香甜粟米 招牌果然好邪惡 停唔到口😆
雙拼湯餃 加上海粗麵🍜香菇鮮肉餃 香菇鮮甜 口感紮實 大有驚喜 值得推薦👍🏻而麻辣白菜鮮肉餃帶微辣刺激感🌶️招牌椰子海帶鮮雞豬骨濃湯底 味道相當清甜 會忍唔住飲哂😋鍾意食辣都可以轉酸辣湯底除咗餃子仲有多款小食豆漿涼拌海蜇爽口有嚼勁 非常開胃🤤
…查看更多