CentralWorkingDog的個人專頁

公司新請左個fresh grad 既女孩子，第一日我請她食個welcome lunch，餐廳係女孩子揀的。她揀得真係好好，性價比超高❗️加分✅餐廳裝潢溫潤舒適，裝修用左木系元素。小店位置唔多，但坐得舒服，傾到計既 👍我一打開個menu ，心諗咁抵既😂 百幾蚊定食，包哂沙津，湯，醃菜。成個presentation 好好👍我地都忍唔住係咁打卡🤭 可能我做左成朝野太餓，就咁睇，已經令我好愉悅😂🌟炙燒牛肉丼套餐炙燒牛肉，肉質細嫩，以醬油香、7分熟火候呈現，入口即化。配上生蛋黃，牛肉味更加濃郁且層次豐富。因為可以自己揀分量，午餐不會過量又能滿足食肉慾望 👍👍👍🌟美國安格斯牛壽喜燒鍋喜燒鍋選用美國安格斯牛肉，牛肉軟嫩、油脂分布均勻，壽喜燒湯底好夾，口感平衡 😋 鍋內配有白菜、冬菇、金菇、大蔥，份量超夠，好啱最近食得少菜菜的我 🤣 還有一份生蛋，點蛋醬後牛既味道更柔滑👍👍👍餐廳來講：木系裝潢舒適，不花巧，氣氛溫暖❤️野食來講：牛肉品質高，炙燒丼入口即化、牛味濃、蛋香加分；壽喜燒鍋湯底不太甜、蔬菜新鮮、牛肉厚切軟嫩😋價錢來講：我地2 個人食，總數加埋一都係$304 👍👍👍CP 值高❗️…查看更多

Weekend 去咗中環一間極具人氣嘅燒肉店，一入到去超吸精，店員直接係你面前切新鮮嘅牛肉❗️🤩 佢哋嘅午市燒肉套餐真係好抵食 ❤️ 每份套餐可以揀兩款肉類，仲配有精緻前菜、暖笠笠石狩西京魚湯、清新野菜拼盤同日本飯，組合豐富又美味，完全超出預期，大滿足啊 ❗️❤️薄切鹽燒牛舌❤️日本和牛A4 赤身牛舌切得薄中帶彈性，鹽燒後香氣四溢，爽口得嚟帶少少嚼勁，令人一試難忘 🤩 個set 跟埋日本米，同埋蛋 😍 睇住啲牛舌同埋和牛燒到好香好香，加埋d 蛋汁，日本米，呢個組合真係冇得頂 👍👍❤️日本甲羅燒甲羅燒蟹膏鮮甜濃厚 😋 配上肉質柔嫩嘅燒肉，味道極具層次感；A4赤身和牛肉質細膩無比，脂肪分布恰到好處，口感軟嫩而不油膩 👍👍👍👍個餐包埋甜品，有得揀蜜瓜或者雪糕，豆腐味雪糕好出色，豆腐味超濃 👍🌟 店內氣氛舒適溫馨，店員服務細心貼心，非常值得推薦 ✅ 以中環地段嚟講，呢個價錢可以食到咁豐盛高質嘅燒肉套餐，真係唔好錯過 ❗️…查看更多

放工好想食辣嘢，記得之前經過見到瘋狂小面嘅poster。今晚專登去咗士丹利街嘅瘋狂小面，叫左佢哋嘅酸辣粉套餐 🤭餐廳嘅格局非常之親民，自己一個人嚟可以，成班朋友一齊嚟都OK 👍 餐廳有set Menu 㗎，可以自己按照喜好配搭 💃我揀咗酸辣粉👍👍湯底酸爽帶麻辣，刺激味蕾但唔會令人頂唔順 🤭 粉條煙韌彈牙，吸滿酸辣湯汁，湯底有層次唔死咸，容易入口❗️真係好正❗️❤️套餐入面，可以自己揀多款小食同飲品🤭 我放工冇晒Energy 🥹 所以加咗好多款小食，真係令人好開心 💃🌟 蒸蛋細滑嫩口，中和咗酸辣味👍👍👍🌟 棒棒雞個味都幾濃，啲雞吸晒啲汁，好入味 🌟 滷水拼盤滷得入味，仲有好多款👍👍👍🌟 泡椒鳳爪，幾好食既🌟飲品方面，烏梅汁酸酸甜甜，解辣又提神🌟成都老冰粉凍甜清涼，食完酸辣嘢之後嚟一碗好過癮👍👍👍整體份量好夠，服務效率快，環境簡潔，價錢喺中環區嚟講好合理啊👍 推薦一試 🌟 …查看更多

Weekend 放假專登走入觀塘工廈，目標好明確既，想打卡人氣窩夫Cafe 🥰 餐廳藏身工廈之中，但人氣爆棚，週末絕對要book 定位❗️見到有walk in 既人，冇得食啊 😉裝修走工業風混合文青感，空間闊落，坐得舒服，啱晒同朋友吹水打卡。近門口位，有張大枱，原來可以成班人來👍 當日，有家長小朋友來開party 👍✨⭐️日式明太子大蝦意粉: 每一條意粉都掛滿濃稠creamy嘅醬，大蝦有6大隻，好足料。🌟意大利黑松露忌廉雜菌pizza : 黑松露粉絲必點！一上枱就已經聞到好香嘅松露味，絕對唔係「一陣風」。忌廉汁好濃滑，雜菌份量多，正！🌟檸檬蜜糖醋配鮮果沙律：生果好新鮮，仲要大大粒，檸檬蜜糖醋酸酸甜甜，非常開胃，感覺好健康清新👍👍👍🌟Honeycomb Latte (Iced):打卡必點！上面真係有一舊蜂巢糖，大大舊😍 甜度剛好，咖啡本身都香醇，好適合而家咁熱嘅天氣。🌟Affogato：簡單而美好嘅經典甜品。雲尼拿雪糕球質感滑溜，奶香濃郁。將濃縮咖啡淋上去，冷熱交融，咖啡嘅微苦完美中和雪糕嘅甜，大滿足！❤️壓軸登場：焦糖香蕉朱古力竹炭糯米窩夫 🥰 嚟呢度就係為咗佢 😂 竹炭糯米窩夫外層超級脆口，內裏煙煙韌韌，帶有微微嘅嚼勁，同一般窩夫好唔同，口感超正 😍 面頭嘅雲尼拿雪糕、焦糖香蕉同朱古力醬係邪惡嘅完美配搭 💢 香蕉面有一層脆脆嘅焦糖，配合冰凍雪糕同暖粒粒嘅窩夫，冷熱交融，口感豐富到不得了！雖然食完飽到上心口，但絕對值得 👍👍👍👍👍觀塘真係好多寶藏餐廳！呢間Cafe絕對係其中之一，無論係主食定甜品都有高水準表現，唔會得個「樣」。糯米窩夫嘅口感真係好好，會為咗佢再encore ❤️❤️…查看更多

今年工作順利，我特登揀左間靚餐廳和戰友慶祝一下。Harlan’s 出名景靚，係尖沙咀坐擁無敵維港全海景的高級餐廳❤️ 夜幕低垂，維港的璀璨夜景好似一幅流動的畫咁，睇住咁靚既景，真係成個人都開心哂 😍餐廳入面，柔和的燈光、恰到好處的桌距，瞬間將人帶入一個優雅從容的美食空間 🤩 晚餐menu 有3/4/6 道菜既選擇，俾食客彈性選擇 🌟❤️餐前麵包： 餐前溫熱的麵包籃好有誠意，有唔同款式，外脆內軟的麵包配上高品質的牛油，恰到好處咁打開了味蕾。❤️北海道帶子他他配火龍果脆片、紅石榴蓉：靚到似藝術品的開場。新鮮甜美的北海道帶子切成細膩的他他，口感柔潤綿密。清爽、開胃，完美奠定了整套菜餚高級精緻的基調 👍❤️煙燻海鏊蝦，石榴巴馬火腿清湯蜆汁果凍：海鏊蝦肉質緊實彈牙，鮮味濃郁。「清湯果凍」，有石榴的果甜，不過我唔太好甜的湯，下次會留quota 揀其他菜式。❤️日本帝王蟹蛋泡沫配芝士脆片及海膽：好正❗️店員話這是餐廳最受歡迎的。真係啊❗️這是一道奢華的「鮮味炸彈」，（一）日本帝王蟹肉𢇁𢇁分明（二）蛋泡沫輕盈帶有蛋香（三）芝士脆片鹹香酥脆，（四）海膽甘醇濃郁將鮮味推至頂峰。四種不同質地與濃度的鮮味元素在口中交融，真係會令人回味無窮👍👍👍👍係值得encore 既菜色❗️🌟❤️黑松露北非小米配和牛牛舌及牛小排，鵝肝龍蝦汁：和牛牛舌燉煮得極其軟嫩，牛小排肉香濃郁。醬汁是靈魂所在，以鵝肝和龍蝦熬製，濃稠鮮美的醬汁將所有食材緊緊包裹。朋友食到讚不絕口👍👍👍❤️慢煮伊比利豬肋眼上蓋肉配柚子沙律、日本柑橘及杏桃果蓉：慢煮處理的肉，口感驚人地嫩滑。旁邊的柚子沙律和羅馬生菜，完美平衡了油脂👍👍❤️香檸檬芝士蛋糕配酸柑、楓糖漿，糖潰檸檬皮，碧根果曲奇：唔係傳統好厚重的芝士蛋糕，而是用精緻解構的方式呈現既。中間有輕盈順滑的香檸檬芝士慕斯，酸爽解膩。為這頓晚餐畫上了一個圓滿而幸福的句號。我地每人三道菜，每一道菜都在味道、口感和視覺上都係力求平衡與創新👍 從清鮮到濃厚，再以清新收尾，節奏掌控得恰到好處😋 再加埋無敵的海景，這頓晚餐絕對物有所值，好適合慶祝特別日子 🌟🌟…查看更多

放工好想食經典上海野，爬文見到這間米芝蓮餐廳，就去試下。店面唔算張揚，不過都多人幫襯👍餐廳用QR code 點單，不過都保留左傳統的menu 。套餐好多唔同配搭，散叫都唔貴，無論鐘意食咩，都會揾到啱自己既配搭 🤭🌟小籠包 - 功夫的極致❗️一籠4隻，端上時熱辣辣冒煙㗎，麵皮透著爆汁既肉粒，吹彈可破 🤭 一定要小心翼翼咁用筷子提起，大力d 都會爆ga 🤭 皮薄而韌，餡料紮實不膩，這道菜真係桌上亮點，展現了店家精湛的手藝。怪唔得係米芝蓮餐廳👍👍🌟生煎包 - 白胖的包子，底部煎得金黃酥脆，咬下去會發出令人愉悅的「咔嗞」聲 😋😋 吃的時候務必小心 ♨️ 否則爆出的肉汁絕對會讓人措手不及，但這也正是它的迷人之處。🌟 鍋貼 - 鍋貼煎得均勻焦脆 👍👍 麵皮口感較為紮實有嚼勁，內餡調味鹹香突出，菜肉比例恰到好處，吃起來更具飽足感。🌟酸辣湯 - 連續食了幾樣肉食點心後，來一碗酸辣湯真是絕配。這家的湯羹濃稠度適中，料給得大方，豆腐、木耳、肉絲、蛋花一樣不少。酸辣兩者平衡得極好，洗去了之前的油膩感 ❇️🌟 豆漿 - 樸實的豆漿永遠是這些中式點心的最佳配搭🤩 濃郁的豆香充滿天然韻味，微甜的版本能柔和食物的鹹味。它好似一位低調的配角，默默襯托，讓整餐體驗更加圓滿💃這間店確實掌握了上海點心的精髓，無論是獨自解饞還是與友共享，都是值得一再回訪的優質選擇。…查看更多

Bookmark 左這間餐廳好耐，終於的起心肝去試下。餐廳係PMQ，好受外國人士歡迎 👍 餐廳位置坐得好舒服，唔迫，啱哂朋友傾吓偈 💃Menu 選擇好多，連smoothie 都有4 款 🤭🫶🏻 🌟 雞肉串燒：燒到恰到好處，外皮微焦，內裡鮮嫩多汁，配上特製嘅沙爹醬，好食既 😋🌟 冬陰功：口感酸辣，非常開胃 👍 香料味好夾，配料好多，滿滿泰國風味 💃🌟 鮮蝦金邊粉：好多粒蝦啊，足料到咁，讚👍好少見的mango and passionfruit smoothie ❤️ 百香果的味，同芒果係好夾的，成杯smoothie 好濃，好香，正既 🫶🏻❤️👍芒果糯米飯：高分的甜品，芒果甜同埋新鮮，糯米飯軟硬適中，yummy 💃…查看更多

黑雨過後，我去左揾住在啟德的朋友仔，去左airside 平台的墨西哥餐廳 💃💃雖然話係墨西哥菜，但係口味非常適合香港人 👍🌟芒果冰沙 (Mango Smoothie) 夏天飲凍飲是必須的 🤣 這杯芒果冰沙的口感順滑，果香濃郁，恰到好處的甜度讓人一口接一口 🌟松露蘑菇餃子 (Truffle Mushroom Ravioli)餃子的外皮好薄同埋有彈性，內餡的松露與蘑菇的搭配好夾，令每一啖都有松露香氣 👍👍🌟意式香腸披薩 (Pepperoni Pizza)超大塊❗️好吸睛❗️披薩的餅底酥脆，配上香腸的鹹香與融化的cheese ，完美的口感讓人欲罷不能，芝士仲要拉到絲ga ✨🤩🌟提拉米蘇 (Tiramisu)** 可能我太愛tiramisu 了，對tiramisu 要求太高了，這個甜品試一次好了，下次會把quota 留返俾mango smoothie 🤭整體來說，這餐幾好，最出色真係pizza，性價比都高，啱住附近的街坊來chill 下 💃💃 我地食到好晏，店員也沒有催，加分 👍👍👍…查看更多

Restaurant week 又返來，今次貪方便揀咗間係中環嘅黎巴嫩餐廳，之前都試過食lunch，今次係dinner。都知道餐廳係好靚嘅，入到去好似去咗阿拉丁嘅童話世界咁樣💃好彩我同朋友兩個人去，每樣嘢都可以叫多一款，開心share 🎉🍽Cold Mezze and Salad：我哋揀咗❤️Freekeh Salad：呢個前菜嘅沙律有好多配料，特別係石榴，令到成個沙律口感新鮮，非常開胃 ❤️Hummus Beiruti：呢款鷹嘴豆醬料口感細膩🍽Hot Mezze：❤️Kibbeh Halabiya：佢哋用咗獨特嘅香料醃製羊肉，係平時好難食到嘅味道，好值得試吓 👍👍👍❤️Grilled Halloumi：呢款芝士外皮微焦，配上特製嘅醬汁，味道獨特，放入口咬嘅時候，會感受到濃濃嘅芝士味 👍👍👍🍽Mains：❤️Kosa Bil Laban：羊肉比翠玉瓜突出，我諗翠玉瓜已經融入咗啲羊肉餡入面，配上特製嘅醬汁，正既 👍👍👍❤️Samak bil Salsa：如果要最簡單咁介紹呢個菜，就係蕃茄魚，簡單美味。🍽DESSERTS：❤️Atayef：呢款甜品口感細膩，甜度適中，係一個完美嘅結尾。❤️Baklava：我哋本身因為有開心果而叫這個甜品，不過太甜啦，似乎唔太啱香港人口味，還是上一款比較好。隔籬枱有人生日，餐廳會唱生日歌，氣氛幾好，呢間餐廳都唔錯，幾特別，未食過黎巴嫩菜嘅，可以試吓嘅 🫶🏻…查看更多

放工時，我的能量已經低到極點，好需要補充卡路里。約左係圖方返工既朋友仔，去✨嚐✨食中式小菜。❤️麻婆肉醬炆伊麵麻婆豆腐的變奏版，輕輕滲透出辣味同埋麻香，但又唔會過辣，連平時少食辣的朋友都食唔停 🤭 伊麵吸汁能力強，醬汁夠濃郁，肉碎增加左口感，overall 係高分的 🫶🏻❤️菠蘿咕嚕雞球好出色❗️經典粵式甜酸菜，雞球外脆內嫩，醬汁酸甜平衡，開胃不膩。食唔停口啊❗️❤️沙嗲牛肉金菇粉絲煲牛肉嫩滑，金菇和粉絲吸飽湯汁，非常入味，屬於下飯神器。餐廳加左菠蘿粒，令成個煲偏甜，可能係想解油膩吧。❤️ 青瓜蘆薈爽 & 夏日百香餐廳做緊優惠呀❗️青瓜的清香搭配蘆薈顆粒，口感爽脆，甜度適中，適合夏天解膩。百香果味濃郁，酸甜開胃。兩杯都好好飲🤩我地一行二人，食得好滿足 👍 下次會再叫菠蘿咕嚕雞球，同埋麻婆肉醬炆伊麵 😋 …查看更多

依間餐廳放左係我checklist 好耐，難得同朋友食生日飯，俾左個機會我book 來試下 🤭 我本身都做左少少功課，知道依度嘅Cocktail 好特別 💃 今次自己親身體驗，係超級正❗️一入到餐廳，個佈置靚到我朋友嘩左出來❗️餐廳有個小型live music 舞台，當晚仲有happy birthday 字句，令到朋友仔超開心啊 🥰餐廳有得scan QR code 睇menu 既，cocktail 選擇好多，我地心儀magic & alchemy collection 😍❤️Cocktail : 一千零一夜唔係講笑❗️好浪漫❗️依杯Cocktail令我地諗起童話故事，忍唔住幻想自己係阿拉丁嘅女主角 🤣 同埋佢唔係得個樣，味道都好好，酒精亦都唔會太濃👍👍👍❤️Cocktail : 命運之書當侍應俾我哋嘅時候，解釋咗我哋係要自己將唔同嘅材料，撈埋一齊，簡單啲嚟講，杯Cocktail係要自己溝出嚟嘅。成個過程，係好靚，因為Cocktail會變色，加咗乾冰之後，會噴煙 😍😍 而且製成品係好飲嘅，價錢又唔貴，真係大力推介 👍👍👍🌟香煎日本刺身帶子伴三文魚籽好足料，帶子厚肉，熟度啱啱好，加埋三文魚籽食，提升左口感 👍👍🌟Arcadia 雜錦烤肉拼盤朋友最近減少食碳水，所以我哋叫咗烤肉拼盤。大滿足，特別係腸仔，好juicy，中間有流心既芝士，好出色 👍🌟美式豬肋骨配香辣菠蘿莎材醬（半份）個醬汁好夾，菠蘿燒過，提升咗香味。Arcadia 係銅鑼灣核心地段，地理位置好，佈置好靚，好多打卡位，又有個舞台（聽講星期六有live Music）。最正係❗️cocktail 咁正，但都係 $168 😍 ❗️真係慶祝生日（氹女仔一流）嘅好地方 🤭…查看更多

依間餐廳，已經放左係我的wish list 好耐。難得今日約左同事，就把握機會去AOAO 💃 萬年大廈係中環中心地段，位置100分 👍👍上到14 樓，好驚喜啊，餐廳門口係藝術風 ❤️餐廳地方超級大，仲有室外位置，一大班人開party又得，2 個人撐枱腳都啱既 🌟來之前都做左功課 🍻❤️ Akagai 赤貝刺身配嫩蘆筍尖新鮮赤貝肉質爽脆鮮甜，搭配嫩綠蘆筍尖，入口清甜，層次豐富 🫶🏻❤️Celtuce Salad 萵筍絲沙律 萵筍絲清脆爽口，拌入白蘿蔔泥，再點綴三文魚籽，清新又醒神。 ❤️Caramelised Pumpkin 焦糖烤南瓜 南瓜烤至外緣微焦，裹上焦糖醬，撒上香脆杏仁片與肉桂粉，甜中帶脆，暖心又滿足 🫶🏻❤️ Wagyu Katsu Sandi 和牛吉列三明治 👍👍👍厚切A4和牛炸至外酥內嫩，肉汁豐盈，夾入竹炭麵包，搭配蘑菇汁，邪惡又過癮❗️打卡一流❗️仲好好味啊❗️❤️ Tonkatsu 炸豬扒經典的美味，外脆內juicy，夾埋個汁食，忍唔住係咁食😋❤️ Matcha Cheesecake 抹茶芝士蛋糕 濃郁芝士蛋糕融入京都抹茶，口感綿密細滑，尾韻帶抹茶微苦，茶香回甘🫶🏻❤️ Mini Melon Daifuku 迷你蜜瓜大福 軟糯麻糬外皮包裹清甜蜜瓜果肉，一口咬下，爆汁香甜，完美收結 🫶🏻難得放工去食野，我哋再叫埋Cocktail 一路撐枱腳，一路飲，兩杯都好好味 👍👍 買單既時候，隔籬枱有人慶祝生日，店員超級好服務，唱生日歌勁有氣氛，但係又令人唔會尷尬 👍👍❤️ 下次有朋友生日可以嚟呢度慶祝 🌟…查看更多

放工想飲返杯sangria，知道中環新開左間西班牙菜餐廳，就來試下新野 💃 店唔大，橙色的招牌，係吸引到眼球既。餐牌簡單易明，選擇唔算多，都係西班牙特色的菜 🌟🍹西班牙海膽薯仔蛋餅新鮮的海膽、黑魚子和西班牙薯仔蛋餅，夾埋一起，令口感豐富 ✨ 蛋餅的外皮金黃酥脆，內裡則軟滑綿密，海膽的鮮味與黑魚子的鹹香相得益彰，為整道菜增添了層次感。薯仔蛋餅的基底則提供了良好的平衡，不會過於搶風頭 😋🍹巴斯克葱油雞結合了香葱和雞肉的美味菜肴，雞肉經過精心醃製，外皮脆口，內裡鮮嫩多汁，搭配香葱的香氣，連平時好挑剔嘅朋友都讚好 🤭🍹西班牙蒜油紅蝦西班牙蒜油紅蝦一定係經典的西班牙小吃，次次去食西班牙嘢都會叫呢個🤭 呢間餐廳用左蒜油煮，值得一提嘅係：廚師處理紅蝦好好，係半熟嘅狀態。保留返蝦嘅口感，令蝦肉鮮嫩多汁，恰到好處地突顯了食材的本身。🍹Sangria今日係為左Sangria 而來的，Cruce 的sangria 果味比較重，口感清新，果香四溢，酒精味道不會過於強烈。水果的甜味與酒的酸味相得益彰，飲完成個人開心晒 🤭最後叫咗個甜品，就結束咗開心既一晚啦。見到佢下晝lunch Menu有this this 西班牙飯，下次再嚟試吓 🤭…查看更多

約左 elements 返工既banker 朋友仔happy friday ，係elements 平台層揀選咗依間印度菜餐廳。餐廳門口，有人現場唱歌，live music 真係好有feel 既🎺 好多上面返工嘅人，放工都會happy hour，飲返幾杯減吓壓🥁今次我哋要醫下肚，食返個滿足嘅晚餐。所以，我哋坐喺上層，上層係典型餐廳嘅格局，同下面好chill 嘅風格截然不同 ✨最typical 既印度菜，Menu上都有晒 🌟 ❤️前菜 Arancini Tikka Chaat 飯球薯餅雜燴香脆薯餅釀流心芝士，配鷹嘴豆咖粗、酸子。外層酥脆，內餡是好香的芝士，加埋配菜，口感多元，好match 好好食🤩❤️Tenderloin Skewers 印度香料牛柳串牛柳以芥末油、薑蒜及印度香料秘製醃料醃製，炭火烤香，肉質柔嫩多汁。鐘意食牛既人要點依個啦😋❤️Chicken Tikka Masala 印度烤雞咖喱炭烤雞腿肉配秘製奶油番茄咖喱，醬汁完美平衡酸甜與辛辣，暗藏配料香氣 🥳❤️Butter Naan，Plain Naan 薄餅，窯烤膨脹如枕頭般蓬鬆，撕開時蒸氣帶出麵粉甜香，趁熱食，加埋咖喱，超級出色 👍🍹 Mango Lassi 係印度菜必配嘅飲品，濃稠度剛好，優格的酸與煉乳甜度比例好perfect 👍👍🍹Pink Paradise 友人需要酒精飲品，話這杯既味道不過不失，還是建議大家叫最傳統嘅飲品mango lassi 吧 🤭🍮 壓軸甜點：Sticky Toffee Pudding 棗蓉蛋糕淋拖肥醬，配雲呢拿雪糕🍦混血甜點驚艷全場❗️黑棗蛋糕體濕潤綿密，淋上太妃醬，溫潤甜度中帶棗蓉香味。食完令人有幸福嘅感覺 ❤️…查看更多

放工時間夜晚8點幾，朋友帶路來左這間Ciclo。餐廳近Times Square，地理上係方便既 🫶🏻加左分 ❤️入到去，昏暗的燈光加埋低調的工業風裝潢，營造出令人放鬆的微醺氛圍。我見到既食客，都係撐枱腳傾計的朋友們，大家都有叫cocktail ，這間餐廳似乎非常適合閠蜜談心，或者情侶來拍下拖 🥳女友人今日唔飲得酒精類，我地就淺嘗主菜。聽講好多人鐘意係openrice 睇餐廳menu，好吧，我影埋cocktail menu 🤭❤️Crispy Beef Short Rib當這道菜上桌時，視覺係有被征服——深褐色肉塊上面鋪左nuts。原來，所講的crispy 係指上面既nuts 有脆脆的口感🤭 Short ribs 纖維早已鬆解，肉質如絲綢般在舌尖化開。薯蓉，食得出加左好多牛油，因為好香好香。不過，肉汁同薯蓉，唔係太夾，分開來食好d 😅❤️Drunken Crab Pasta主廚巧妙咁將醉蟹概念放係意粉度，新鮮蟹肉以紹興酒醃漬後輕煎，既保留鮮甜又注入酒香餘韻。粗管麵煮得al dente，咬下時能感受到麵芯的微弱抵抗，完美承載濃稠醬汁。最驚艷係，個意粉一上枱，已經聞到紹興酒嘅味道。係可以encore 的主菜 👍👍👍👍依間餐廳食物份量唔多，勝在夠氣氛，俾人摸下杯底傾下計。放工happy hour / 拍拖 / 三五知己過嚟chill 下，都幾適合嘅 🌟…查看更多